|
دعواتكم لزميلنا المفكر د.الباقر العفيف بالشفاء العاجل
|
|
 Re: عـــــيد ميلاد ســـــــعيد ياعمورىابنى ! (Re: سمندلاوى)
|
سلامات
وعوافي
الي :-
عمري بكري احمد المصطفى
ها انت قد اكملت السنة السادسة ووهبت حديقة صديقي سمندلاوي ابتسامة اخرى من ازاهير عمرك ..
قضيتها ووالديك يراقبونك بدمهم وروحهم ..
يرسمون امالا عريضة لك ولاخوتك ..
ها انت قد اضات اكوانهم ببريق ايامك ..
اشعلت في عروقهم فرحة انك "ابنهم الذي يكبر مع الايام" كفرحة بدأت صغيرة ثم استحالت الكون كله افراحا..
ما عليك يا عمر الا ان تكون كما تمنوا لك ..
ما عليك يا عمر الا ان تهبهم حدقات العيون ..
ما عليك يا عمر الا النجاح تلو النجاح لتغسل عنهم كدر الغربة ووعثائها..
ما عليك يا عمر الا ان تزرع في حياتهم كل يوم وردة فواحة العبير ..
ما عليك يا عمر الا ان تسابق الزمن لتكونهم ويكونوك ..
ما عليك الا ان تكون بارا بهما رؤوفا بين اخوتك وقرنائك واندادك ..
كن سودانيا خالصا طيبا خلوقا مهذبا مثابرا ومكافحا ..
وعوض عن والديك الشقاء الذي اقترفوهوا في سبيل حياة كريمة لك ولكل الاسرة ..
قطعوا الفيافي وضجت بهم الموانيء والبلاد الباردة لا ليستمتعوا بالعيش بل لتستمتع انت واخوتك برغد العيش ..
ازرع يا عمر هذه الدنيا ابتساما وحبور ..
واجعلني اهز يد والدك مهنئا "بانه نعم الابن عمر" ..
لك المحبة يا سمندلاوي وكل عام وعمر بالف خير..
تحياتي لامه الرؤوم ولاخوته ولكل اهله ..
معزاتي الشديدة
| |
 
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: fadlabi)
|
مبروك لعموري يا سمندلاوي
وكلعام وهو وانتو كلكم بخير.
عارف اول يوم انتبه للصورة في بروفايلك انها تركيب
وضحكته وقربت اقول لك لكن الضان الحمراء ما عندكم
كان عايز تعرف باقي النكته تلقى دكين
متجدع في بوست سارة الخواض الواشيه,تحياتي.
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: fadlabi)
|
اوووه عمك ابوعمة وجلابية بيضا ومكوية..
شكرا على العيدية وطبعا دا عيد الرجال
زى ماشايف فى الصور.. الجكس الشايفو دا
ظبعا اخواتو الاتنين اخلاص وهالة.. اما الجوز
التانى..واحدة الشاشته بتاعتو.. والتانية
اختها.. هالة يوم عشرة واحد ومدينة من هسى
معــــــــــــــــــــــــــــزومـــــــة
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: سمندلاوى)
|
الف مبروك وعقبال مية سنه...
لو لسه ما اشتريت ليهو كمنجه,دى احسن فرصه ويلا خليهو يشد حيلو ....وهمتك معاهو.....
علمو الحقيبه لانو الهب هوب ح يعرفوا براهو...
علمو الدوبيت لانوالراب ح يعرفو براهو....
حسسوبالتم تم والدليب والكرن والبايو,لانو الميتال والهارد روك برضو ح يعرفهم براهو...
الف مبروك مره تانيه وعقبال ما تشوف عيالو وعيال عيالو
يابكور
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: محمد مكى محمد)
|
الزول الفنان شديد محمد مكى , تعرف هو على اى حال
نط من الكمنجة ووقع فى الدرمز وشكلو كدا حايكون
فقرى عدييل كدا فيهو, باقى التالانتز التانية وحاتك اتقنها
وبالذات الراب (البلدى)حقيقة هم العمر دا زي العجينة
تشكلهم لاى قالب تشوفو مناسب ليهم بس المسالة عايزة
متابعة دقيقة......
سعيد لمرورك ووصيتك على العين والراس لانها فى محلها..
تشكر للتهنئة والمباركات... دم بخير!
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: سمندلاوى)
|
كل سنة وأنت سعيد يا عمر
كل سنة وأنت شمعة منيرة في حياة أخينا بكري والسيدة حرمه
يآآآآآآه يا بكري
لكم أشتاق لذات يوم ألتقيك وألتقي صحاب ذلك الزمن الجميل
نستصحب أشواقنا
أنصافنا الحلوة
ثمراتنا
لنحكي لهم
أن هنا درسنا
وأن هنا لعبنا
وأن هناك تشنكل فلان في ذاك المطب المحرج أو الطريف
لك وللسيدة حرمكم وباقي الأنجال أمانينا العذبة
| |
|
|
|
|
|
|
|
|
 Re: عـــــيد ميلاد ســـــــعيد ياعمورىابنى ! (Re: عاطف عمر)
|
اسم عمر دا ظرف ورنــان يا بكــور ..
طبعا عارف ليــه .. مش كدا..؟
كنت مع ازهري قبل يومين معانا بي جاي في الرياض .. ورجعنا الأيام الجميلة .. وملاذ الكنت بشيله وعمرهـ قبلما يتم السنة قال لي ماشاء الله حسع في الجامعة ..
حسع عموري دا نلاقيهو ليك كيف ..؟
..
الله يخيهو يا بكري ويخلي ليك امو واخوانو .. ويخليكم لي بعض.
واتمنى اشوفكم وربنا يجمع الشمل ..
وكل سنــة وهو بالف خير ..
طبعا من ناحية كمنجتو معاهو دي يا بكور ما عايزه ليها اتنين تلاتة.
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: tmbis)
|
علاء الدين ازيك ومشتاغوون ليك ولابونا ابوالزهور
كيف عمر بقى تالت العمرين(براك عارف) طبعا كانت
فى فكرة حج وكدا لكن اخوك طبعا اول فشة ماعارف انو
الاجراءات بتبدا فى اواخر رمضان واوائل العيد, اخوك يابلد
مشى يسأل هسى فى اليومين الفاتن ديل, عليك امان الله لقيت
ليك الناس استلموا التذاكر.. غايتو ربنا يسهل وبعد دا
لو عندكم طريقة زيارة سرييعة كدا, ممكن الواحد يحصل!
تشكر الغالى تمبس على التهنئة لازم توافونا باخبار المريض..
وكيف العملية وهسى حالتو كيف?
تحياتى وحبى!
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: عاطف عمر)
|
عاطف ياصديق الروح وبلدياتى المفخرة, اشتاقك الان اكثر
وانت ترجع بى الى زمن طالما ذكرناه تملكتنى نكهة خاصة
المذاق , ارجعتنى صديقى الي ايامنا فى بداياتها ايام
الدراسة والتحصيل والاجتهاد, تذكرت زملائي الميامين
زملائي الذين افتخر وافاخر بهم, فى مخيلتى عمر حسن وعثمان
وعمر غلام وعاطف والحاج وراق وعبدالوهاب ابوعضل وثابت ,رشيد خرسانى.. زملاء
كما الدرر اشتاقهم وعند ذكراهم تاخذ ابتسامة عذبة طريقها الى
حتى لو كانت لحظتها حرجة.. هم الان اعلام بارزة فى خارطة الوطن
نباهى بهم فى كل محفل .. تحياتى واشواقى لهم جميعا
عزيزى تجدنى اسف لعدم شكرى وامتنانى لك للتهنئة والتبريكات
لابنك عمر متمنيا ان يصيبه بعض رزاز والدكم طيب الله ثراه لينجب
لنا عاطفا تيمنا بك..
احييك يابلد مع فائق حبى وتحاياي لاسرتك الجميلة!
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: Raja)
|
بكور الغالى
لك العتبى حتى ترضى على تقصيرى فى حقك.
لقد ترهلت شماعة المشغولية من كثر ما علًٍَُِّق بها
ولا عذر يكفى لتبرير جفاء الاحبة وانقطاع الوصل.
التحية لك وأنت تضىء شموع العمر لعمر, والامانى
لعمر بطول العمر وبركته.
عسى الله أن يغمر بيتكم بمهلة الدنيا ويعمر قلوبكم
بالرضا.
تحياتى
أخوك عاصم الطيب
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: سمندلاوى)
|
بكري الجميل وصديقي الصغير عمر
جئتكما أتلفح رسالة شاعري نزار إلى إستاذه!
لا تؤاخذني إذا وصلت متأخراً ، لأن الكتابة إليك
رحمة وسلام. واللعب بالحرف ، بالفاصلة السكرى
يحتاج إلى حد أدنى من السكون!
عـُمرْ ..
أو لا تدري حبي لهذا الإسم!
من فرط حبي له ، حملته منذ صغري ملازماً لإسمي حتى
كَبُرَ معي فصرتُ نكرةً من دونه!
حملته عقوداً من الزمان دون كللٍ ولا ملل ، فغمرني
بشرف حَمْلِهِ كقلادة رفيعة تُزينني بكل حب ووفاء
وتحميني من غرور نفسي وشرورها!
أعلم يا صديقي الصغير أنك تحمل إسماً تنوء الرجال
عن حمله فحافظ عليه لأنه وفيٌ جداً وسيرد لك الجميل
ويحفظك ويحافظ عليك!
كل عام وأنت عـُمر ، حامل أسمك ورافع راس أبيك وأهلك
| |
|
|
|
|
|
|
|
|
|
Re: عـــــيد ميلاد ســـــــعيد ياعمورىابنى ! (Re: omar altom)
|
Quote: وسط شلة من اصدقائه, احتفالنا كان هذا المساء بالعيد السادس
لابنى عمر.. كل سنة وانت طيب وعقبال الشمعة المية ! |
الاخ العزيز جدا بكرى
سلامات يا ود اهلى
ما شاء الله وعينا بارده على عمورى
الف تهنئه ليه وليك وامه واخوانه
عقبال الشمعه المية يا عمورى العسل
ربى يخليك وتبقى دخرى لوالديك
كل سنه وانتو طيبين
وربى يجعل ايامكم كلها اعياد ان شاء الله
تحياتى لك وللاسرة
اسماء الجنيد/ مسقط
| |
|
|
|
|
|
|
| |
سمندلاوى
سلمى الشيخ سلامة
ودرملية
fadlabi
Tragie Mustafa
ماجدة عوض خوجلى
zumrawi
محمد مكى محمد
رقم صفر
ALGARADABI
شهاب الفاتح عثمان
عبد المنعم سيد احمد
معتصم دفع الله
نادر السوداني
عاطف عمر
tmbis
خدر
Kostawi
Raja
انعام حيمورة
Elmosley
إسماعيل التاج
Amir Omer
awad okasha
salma subhi
عصام علي أحمد
omar altom
فيس بوك
تويتر
انستقرام
يوتيوب
بنتيريست