|
دعواتكم لزميلنا المفكر د.الباقر العفيف بالشفاء العاجل
|
|
 Re: حنان النيل...نعم انت الرحيق لنا!!! هل من عودة تانى؟؟؟ (Re: 3mk-Tango)
|
حنان النيل او حنان صلاح الدين
يا سمندلاوى د صوت زى دهب ما بصدا
اخر مرة قابلتهاالسنه الفاتت سالتها عن رجوعاللغنا
هزت راسا
وعرفت انها مستحيل تانى ترجع للغنا
اقول ليك سر
مشيت نيالا لعدد من الايام
كنت بنزل السوق لزوم الشغل عشان اعرف الاسعار والحياة ماشة كيف
عارف لقيت كل الاكشاك البتبيع اشرطةعلى راس قوائمها
ـ حنان النيل
ـ مصطفى سيد احمد
ـ محمود عبد العزيز
ـ عبد الرحيم ارقى
شفت كيف ؟
سالتهم ليه كده ؟
قالوا ديل اكتر اشرطة بتباع
وبرضو حنان ما دايرة ترجع
| |
 
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: سلمى الشيخ سلامة)
|
سلومة البت الفنانة الراقية,والله كلامك القلتيهو دا
هو المعذبنى وماقادر اقتنع بانو حنونة ماعايزة تغنى
تانى فى الدنيا دى,استغرب ربط الالتزام الدينى لدرجة
اى شئ حرام(اقصد الفن بصورة عامة) طيب ما اهو هسى
قاعدين نمزك ونطرب وفى نفس الوكت اهو برضو بنحاول
نلتزم فى صلواتنا وتراتيلنا وما بنعمل حاجة كعبة
تمس شعائرنا الدينية,,,لا لا لا ,,اتمنى من الله ان يكون
عزوفها عن الفن حاجة تانية خالص ,,اتمنى ان اجد طريقة
توصلنى بيها عشان اقدر اتناقش معاها وكدا.
شكرا ياصديقتى على الطلة الزاهية
ياواردى هذا البوست,,,,,ناشدوا معى!!!!
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: سمندلاوى)
|
سمندلاااااااااوي
مساء الخير او نهارك سعيد
اول مرة - بعد ما سمعت حنان النيل - اعرف انو الغنا ممكن يتسمع بالقلب.... واول مرة اعرف انو الصوت ممكن يخش مع الاكسجين والهواء بالرئتين او ممكن تسمع بي مسامات جلدك....حنان النيل لما تغني.......كل اعضاء جسمك بتسمع معاك..وبالذات الاصابع.......وحتي لو ما عندك اضان......برضو بتسمع!!!!!!
لها الف سلام ومحبة واحترام كبييييير بدون تحديداي كميات .
علييييييك الله يا سمندلاوي لو عندك اي غنية من الشريط العملتوه مع حنان وفيهو:
عيونك كانو في عيوني
و
انا السودان جمال اشراق وعيدية
نزلهم لينا هناده ياخ
او وريني درب الشريط ده وين...... والله انا مستعد ادفع- بالتي هي احسن- ما تبقي من عمري والم فيهو.
محبتي بلا حدود ولا تاريخ.
عمر - بوسطن
| |
|
|
|
|
|
|
|
|
 Re: حنان النيل...نعم انت الرحيق لنا!!! هل من عودة تانى؟؟؟ (Re: omar altom)
|
Quote: رمضانك كريم وكل سنة وانت طيبة
نشتاقك ونشتاق الى صوتك الدافئ فى
هذا الزمان الاغبر!!!!!! |
.. بكـــور
يا للايام الجميلة ..
تعرف يا بكري ..؟ اصعب حاجة لما تسرح في ذكرى .. وتكون الخلفيه فيها حنان النيل ..
مرة اشتريت شريط الفرح المهاجر .. بعد غياب شديد مني .. استمعت ليهو،، وطبعا زي ما عارف جاب كل الحاجات القديمة .. وكومــه لي .. رفعت السماعة بتاعت التلفون .. وقلت اتصل على صاحبك علشان ادخلو الفورمه بي حنان النيل .. وكنت مفتكر انو بيكون ليهو فترة ما سمعه .. فتحت ليهو الفرح المهاجر .. علشان يسمعه ..
قام قال لي تتخيل الشريط دا عندي في العربية .. وما قاعد يطلع من المسجل..
وبي كدا اتأكدت انو لسه الدنيا بخير ..
اصعب خبر مر علي وعلي ناس كتيرين جدا .. أنو حنان تبطل تغني ..
دي اصعب حاجة حصلت .. وما بتتعالج بسهولة ..
اشتاق معاك لصوت حنان النيل الدافئ جدا ..
وشوق ( مهــاجر ) ليك إنت برضو .. ولي كل الحلوين البتشوقنا ليهم حنان النيل .. بي صوته.
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: omar altom)
|
Quote: نزلهم لينا هناده ياخ
او وريني درب الشريط ده وين...... والله انا مستعد ادفع- بالتي هي احسن- ما تبقي من عمري والم فيهو.
|
يا عمر .. والله انا كان ما عملت الحاجة دي أكون مقصر معاك عديل كدا ..
حاليا ما عندي شريط حنان النيل دا .. والغريبة امس كنت في سوق الكاسيت .. لو كان الرد بتاعك دا قريتو امس كان اشتريت الشريط وجبتو معاي
على العموم:
انا القدامك دا .. والله بكري دا من سنة 2004 في البورد دا بقول ليهو يا بكري نزل لي من الشغل بتاع الامارات .. لحدي الآن والله راجيهو ..
التسجيل دا بالذات ما متوفر .. لو بتتذكر فيهو اغنية من التراث البحريني اسمها ( شويخ من أرض مكناس ) .. مش كدا..؟
انت ممكن تدفع باللتي هي احسن .. لكن انا ادفع عمري كلو واشوف الشريط دا ..
خليني افتش في اليوتيوب ياااارب اللقاها ..
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: tmbis)
|
تمبس الفنان
ازيك ياخ ورمضان كريم
| Quote: يا عمر .. والله انا كان ما عملت الحاجة دي أكون مقصر معاك عديل كدا |
والله اصلك ما بتقصر يا مان....ياها المحرية فيك
تتزكر الشريط ده يا تمبس كان رهيب كيف.....الله يرحم ايام زمان!!!!
انا راجيك يازول ......
| Quote: والله بكري دا من سنة 2004 في البورد دا بقول ليهو يا بكري نزل لي من الشغل بتاع الامارات .. لحدي الآن والله راجيهو |
بكري ده الفيهو اتعرفت ياتمبس....قاعد يحندك فينا ساااااااي
كل سنة وانتو طيبين
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: omar altom)
|
| Quote: تتزكر الشريط ده يا تمبس كان رهيب كيف.....الله يرحم ايام زمان!!!! |
والله يا عمر الشريط دا بالذات بتذكر ليك كل التفاصيلالفيهو .. ابتدا من البوستــر يتاعو الوكت داك .. كان حدث والمجموعة كانت بربطة المعلم شباب نضر جدا ومزيكاتيه بيضربو المزيكا زي ما جابه الخواجه في النوته .. كنت ملصق صورة البوستر في الدولاب والشريط بتذكر اشتريتو من سعد قشرة في استديو اسمو يــامن في نص السوق .. كان معلق السوند سيستم في راس الاستديو طبعا كنت عامل ليهو منخوليه في دماغو .. اسمع الشريط عندو بالساوند سستم حاجة ما تخلص ارجع البيت الشريط صوتو ما يعجبني من التسجيل لانو كان مسجل بي طريقة عشوائية وزي مسروق من الحفلة يعني ما شريط ماستر ..كنت بشيل الشريط .. من بحري مجرد ما اوصل البيت اسمع منو حبه .. اقوم ارجعو ليهو من المورده اركب مواصلتين 
الحاجة الغايظاني لحدي الآن .. إنو بعدما الشباب ديل رجعو من الرحلة دي وكان معاهم حيدر بورتسودان .. عملو معاهم لقاء في المطار وعرضو مقاطع من الحفلة دي في التلفزيون السوداني تسجيل استديو لكن .. ما الحفل حي .. وللاسف الشديد من الوكت داك . لحدي الآن تاني ما جابو خبر عنها .. وكالعادة ما معروف طيرو الحاجات دي وين ..
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: tmbis)
|
| Quote: الحاجة الغايظاني لحدي الآن .. إنو بعدما الشباب ديل رجعو من الرحلة دي وكان معاهم حيدر بورتسودان .. عملو معاهم لقاء في المطار وعرضو مقاطع من الحفلة دي في التلفزيون السوداني تسجيل استديو لكن .. ما الحفل حي .. وللاسف الشديد من الوكت داك . لحدي الآن تاني ما جابو خبر عنها .. وكالعادة ما معروف طيرو الحاجات دي وين .. |
تمبز وعمر ,,,,غالى والطلب رخيص,انا باكر القريبة دى
ح اشترى تى فى كارد عشان اوصل الفديو وانزل ليكم التسجيل
كااامل والكمال لله....اها مبسوطين,ح تكون هدية عيد كاااربة
كل سنة وانتو احلى وانضر!
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: tmbis)
|
تمبس
| Quote: اقوم ارجعو ليهو من المورده اركب مواصلتين |
قبضتك!!!
انت من النوع البيركب الحافلة ويقعد مع السواق في الكرسي القدام ويدخل الشريط جوة المسجل ويقعد يغني مع الفنان...... من الشهداء لي سعد قشرة وبالعكس بدون ما تدفع للكمساري... وكل مرة تطلع راسك بالشباك وتسلم علي كوم بتاع شباب بتعرفهم ...كورنجية ...ولا اولاد دفعة ولا اولاد خالات......يا حليل السودان يا تمبس!!!!!!.......المهم يا صاحب...الشريط ده بالذات عندي معاه ذكريات عميييييقة...ايام اتعلمنا الحب والغرام في بنات الحلة......لما يكونوا ماشات علي درس العصر.....
تصدق يا تمبس انا اشتريت الشريط ده من نفس المحل في سعد قشرة!!!! ده اسمهو شنو؟؟؟ توارد شرايط
اعمل المستحيل يا مان عشان تلقي لينا البتاع ده.......
ورااااااااجنك يا سمندلاوييييييي
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: omar altom)
|
| Quote: الحاجة الغايظاني لحدي الآن .. إنو بعدما الشباب ديل رجعو من الرحلة دي وكان معاهم حيدر بورتسودان .. عملو معاهم لقاء في المطار وعرضو مقاطع من الحفلة دي في التلفزيون السوداني تسجيل استديو لكن .. ما الحفل حي .. وللاسف الشديد من الوكت داك . لحدي الآن تاني ما جابو خبر عنها .. وكالعادة ما معروف طيرو الحاجات دي وين .. |
تمبز وعمر ,,,,غالى والطلب رخيص,انا باكر القريبة دى
ح اشترى تى فى كارد عشان اوصل الفديو وانزل ليكم التسجيل
كااامل والكمال لله....اها مبسوطين,ح تكون هدية عيد كاااربة
كل سنة وانتو احلى وانضر!
| |
|
|
|
|
|
|
|
|
 Re: حنان النيل...نعم انت الرحيق لنا!!! هل من عودة تانى؟؟؟ (Re: سمندلاوى)
|
سلام سمندلاوي ..
وكل سنة وأنت طيب ..
ياخي حنان النيل دي كوم تاني ..
الواحد كل ما يسمع أغنياته يتحسر ويقول يا ريت ترجع تغني تاني ..
معاك نناشد ونطلب عودتها ..
يا تامبا غنت السحارة ما ملانه أغنيات لحنان النيل ..
فتش في السي دي بتلقى الفرح المهاجر وأغنيات كتيرة عندك ..
ويا عمر التوم طلبك محول لي تامبا ..
تحياتي للجميع ..
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: سمندلاوى)
|
إزيك يا بكرى
وأيامك أعياد دائما إن شاء الله
إنت والوليدات
تعرف
نحن طوالى حظنا ما حلو فى الحاجات الحلوة
دائما بتنتهى سريع
حنان ياها النيل ذاتو
فرحنا والله يا سمندل قلنا خلاص اتعدل كتف الغناء
وممكن مع صوت وطعم حنان تسمع ليك شغل
يكفيك باقى عمرك ويديك مؤونة سنين عددا من وقود الروح
خليط ومزيج قوى جدا من الصوت السماوى والحضور الفيروزى وريحة ماجدة الرومى العالية
وبمناسبة العلو
حنان دى نجمة عالية جدا وراسها داقى فى السماء التاسعة
والغريبة كلما النجمة بعدت، نورها بخف تدريجيا
لكن حنان النجمة أبعد من الشمس ورغما عن البعد حنان أقوى منها
أسرار الله يديها السعادة والعافية
خففت كتير من شوقنا الفادح للأصوات العالية والغناء التريان الملون بالعطر، عطر الكلام والمزيكا الجد جد
شكرا ليك يا فنان
خليتنا نفرح ونحتفى بى نيل الصوت وكوثر المعنى
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: أبوذر بابكر)
|
ابوذر كل سنة وانت بالف خير وصحة
نثر لم ولن استطع مجاراته
اديك طولة
العمر
تعرف
نحن طوالى حظنا ما حلو فى الحاجات الحلوة
دائما بتنتهى سريع
حنان ياها النيل ذاتو
فرحنا والله يا سمندل قلنا خلاص اتعدل كتف الغناء
وممكن مع صوت وطعم حنان تسمع ليك شغل
يكفيك باقى عمرك ويديك مؤونة سنين عددا من وقود الروح
خليط ومزيج قوى جدا من الصوت السماوى والحضور الفيروزى وريحة ماجدة الرومى العالية
وبمناسبة العلو
حنان دى نجمة عالية جدا وراسها داقى فى السماء التاسعة
والغريبة كلما النجمة بعدت، نورها بخف تدريجيا
لكن حنان النجمة أبعد من الشمس ورغما عن البعد حنان أقوى منها
أسرار الله يديها السعادة والعافية
خففت كتير من شوقنا الفادح للأصوات العالية والغناء التريان الملون بالعطر، عطر الكلام والمزيكا الجد جد
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: سمندلاوى)
|
الأخ الصديق بكري
كل عام وأنت وأسرتك بألف خير وهناء
وقد تداعى أهل الموسيقى والمغنى وقالوا في الأستاذة الفنانة حنان النيل ما هي أهل له ، فالمرؤ يخشى أن يبدو كلامه ( مشاتراً ) أوبلغتكم ( نغمة نشاز ) . لكنني من مقاعد المستمعين أو المتفرجين كنت دائم الإنجذاب لهذا الصوت الملائكي ، يجذبني كمية الشجن الممتلئ بها ... ربما ، الحنية التي تفيض منه... ربما ،السهولة واليسر التي تؤدي بها... ربما، إختيارها الموفق لما تؤديه من ألحان تناسب طبقات صوتها لذلك فلا نراها تتشنج في أداء ... ربما .أم هو مزيج من كل ذلك ؟؟؟ هذا ما أرجحه .
يآآآآآه لا أستطيع وصف كيف حلقت بنا في سماوات الوجد الصوفي وهي تنشد رائعة المتيم الكبير برعي اليمن برواية الشيخ السماني أحمد عالم
يا راحلين إلى منى بقيادي ....... هيجتموا يوم الرحيل فؤادي
سرتم وسار دليلكم يا وحشتي ........ وأنا المتيم فد نحرت فؤادي
لبسوا ثياب البيض شارات الرضى ..... وأنا لأجلهم قد لبست سواد
أرجو أن تعود لتعطر حيواتنا
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: عاطف عمر)
|
Quote: يآآآآآه لا أستطيع وصف كيف حلقت بنا في سماوات الوجد الصوفي وهي تنشد رائعة المتيم الكبير برعي اليمن برواية الشيخ السماني أحمد عالم
يا راحلين إلى منى بقيادي ....... هيجتموا يوم الرحيل فؤادي
سرتم وسار دليلكم يا وحشتي ........ وأنا المتيم فد نحرت فؤادي
لبسوا ثياب البيض شارات الرضى ..... وأنا لأجلهم قد لبست سواد
|
حبيبنا وغالينا عاطف بلدياتى المفخرة,كلامك كلام زولا خابر الاستماع
ومجيد له والاقتباس بعاليه ماهوالا دليل واثبات لامكانية صوت حنان فى
قوته ومرونته فى ان واحد واقول ليك انا حبيت صوتها لاول مرة عندما استمعت لها فى احدىالمدائح النبوية ,
نتمنى عزفها عن الامتناع لتحلق بنا فى كل
ضروب الغناء والشجو فهى قادرة على ذلك.
شكرى الكثيف لانارتك الثرة مع خالص تبريكاتى لك ولاسرتك بالعيد السعيد.
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: سعد الطيب)
|
اووه ابوالسعود ,ياللفرحة وعيدك مبارك انت والعيال
وامهم,انت عارف انا بحبك قدر شنو وعارف انو قمارى
هى مفضلتى دائما طبعا بعدما وضعت فيها لمساتك التى
لامست احساسى وكانت اجمل اغنية اعزفها واستمتع بيها
بمصاحبة حنان,وهى كالعادة تجلت فى ادائها لها.
انا عارف جهودكم المضنية لمحاولة اقناعها بالرجوع
بس قلنا عسى ولعل واتمنى انها تكون عرفت مناداتنا
لها هنا .........!!!!!! تحياتى وحبى!
| |
|
|
|
|
|
|
|
|
 Re: حنان النيل...نعم انت الرحيق لنا!!! هل من عودة تانى؟؟؟ (Re: Sudnawi)
|
| Quote: قصاد تسجيل لايف للسمندل في قاعة البغدادي- كلية الطب سنة شخته! زمن لابامباوالزهور بسمت ليناو عثمان النو لسه مع السمندل. |
يا خــالد.. كل سنة وإنت طيب ..
أنــا بقترح إنو نفتح فيك ( بــلاغ ) .. لو ما نزلته الشغل دا ..
أقول ليك حاجة:؟
بكري سمندلاوي زاتو معاك .. حتى بكري ابوبكر زاتو ..
إنتو قصدكم يعني تتلاعبو بي مشاعرنا واللا شنـو ..؟  ..
نزلو الحاجات دي ياخ .. الدنيا عيد ..
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: tmbis)
|
علاءالدين الود الذواقة والفنان بجد,عيدك سعيد وانشاءالله دائمااعياد فى حياتك متمنين لك ان تتحقق الامنيات واديك بت الحلال على شرط تكون فنانة...... !
اما فيما يخص الاعمال ,زى ماعارفنى انا ساعى للحصول على كرت التلفزيون عشان اوصلو فى الكمبيوتر لتوصيل جهاز الفيديو لنقل كل الاعمال للهاردديسك عشان اقدر ارفعها على السيرفر,5 مقطوعات للسمندل واخرى لحنان النيل واخرى حيدربورتسودان,يعنى شريط الفيديوكلو ياباشا, بس انت كيف تقدر تلووك الصبر
| |
|
|
|
|
|
|
|
|
|
Re: حنان النيل...نعم انت الرحيق لنا!!! هل من عودة تانى؟؟؟ (Re: Sudnawi)
|
Quote: تسجيل لايف للسمندل في قاعة البغدادي- كلية الطب سنة شخته! زمن لابامباوالزهور بسمت ليناو عثمان النو لسه مع السمندل.
|
Sudnawi
عيدك سعيد والقابلة نتقابل فى كونسيرت فى صالة الشارقة
قول امين,واضح انك كنت متابع كل خطوات الجمال والمزازيك
بهناك ياريت يعود الماضى مزين برجوع حنان.
تشكر على الذكرى الطاعمة.
| |
|
|
|
|
|
|
| |
سمندلاوى
Elmosley
هاشم أحمد خلف الله
سلمى الشيخ سلامة
omar altom
tmbis
Samer Osman
معتز جعفر الحسن
عزيز
معتصم دفع الله
أبوذر بابكر
عاطف عمر
Alsa7afa_30
samual hassan
فيس بوك
تويتر
انستقرام
يوتيوب
بنتيريست