|
|
 من منا لم يكتوي بنيران هذة الدكتاتورية( تجربة شخصية)
|
في ديسمبر 1991 ذهبت للقاهرة انا وابنتي وعمرها ثمانية عشر شهرا وامي حيث انجبت ابنتي الصغري علي امل اللحاق بزوجي في الولايات الامريكية .وبالفعل حضر زوجي واستخرج لنا فيزة الدخول للولايات المتحدة, وعليه سافرت أمي للسودان وذهب زوجي في مهمة عمل في سوريا علي أمل الرجوع لمرافقتنا لامريكا, في هذا الوقت ذهبت للسفارة السودانية لاستخراج شهادة توكيل لشقيقي الاكبر وقد كان وقتها عقيدا بسلاح الطيران, دفعت رسوم الشهادة وطلب مني جوازي ,علي وعد بالاستلام بعد يومين
|
|
 
|
|
|
|
|
|
|
|
Re: من منا لم يكتوي بنيران هذة الدكتاتورية( تجربة شخصية) (Re: إخلاص محمد أحمد)
|
وفعلا ذهبت وابنتاي بعد يومين للاستلام فاذا بي اتلقي الصفعة الكبري انو جوازي رجع السودان لاسباب سياسية ودون مذيد من التوضيح نصحني ذلك الضابط بالرجوع للسودان لاستلامه, فقلت انا ماراجعة السودان انا من القاهرة ماشة امريكا وجوازي فيهو تاشيرة بتقول كدا المهم بعد ملاوة شديدة جدا حولوني لمقابلة الملحق العسكري وبعدها بدت رحلة العذاب النفسي الرهيب
| |
|
|
|
|
|
|
|
|
|
Re: من منا لم يكتوي بنيران هذة الدكتاتورية( تجربة شخصية) (Re: إخلاص محمد أحمد)
|
ومع السيد الملحق سمعت العجب ,وفي هذا الوقت رجع زوجي من مهمته وانتظر تاني اسبوعين فلما يائس من استلامي للجواز ,رجع الي عملة تاركا المحاولات من قبل اقربائ لاسترجاعه وعلي امل ان يقوم بحل المشكلة من امريكا ,المهم سعادة الملحلق كان ببساطة بياقيضنى بجواز زوجي لو انا سلمتو جواز زوجي حا يرجع حقي فقلت ليهو زوجي رجع امريكا بجوازو وحتي لو كان موجود انا حااعمل شنو هو حا يرضي يديني جوازو (قلت احسن امثل غبية حسب وصية ناس السودان لغاية ما يقدرو يرجعوه لي)
وفعلا بعد شهرين ونصف من العذاب ولمن زهجو مني و الملحق ذاتو رفض مقابلتي وبقيت اجي من الصباح لغاية مواعيد قفل السفارة واقيف ببناتي الصغار دون أن تهتز ليهم شعرة للمرأة والطفلتين في الغربة ومحاولة امتهان كرامتهم..
اخيرا استطاعت الوساطات ارجاع جوازي وانتهت رحلة عذاب لن انساها ما حييت
| |
|
|
|
|
|
|
| |
إخلاص محمد أحمد
إسماعيل وراق
جمال السنوسي
حواء سليمان ابراهيم
فيس بوك
تويتر
انستقرام
يوتيوب
بنتيريست