|
|
 هاك اضحك ..متعة المتعة .. انا حضرت كورة المريخ والهلال من مدرجات الهلال .. عالم دايش بشكل
|
لم يسبق لي في حياتي أن شاهدت مريخ هلال من المدرجات ، ودوماً ما أشاهدها من حول
الملعب حسب طبيعة عملي ..
اليوم جارنا هلالابي عزمني أخش معاه ، وفعلاً ذهبنا ، وقد كان خائفاً علي خاصة والجبيرة
مازالت بيدي ، فقلت لا تخف سأحضرها وعاااااااااااااااادي في نصكم ..
وقد كان ..
والله ديل أوسخ جمهور علي وجه الارض ، شتايم مقذعة لأكرم والغريبة نفس الشتايم
وجههوها للعيبتهم خاصة كاريكا ..
واحد جمبي أقسم بالله أنه الهلال لن يحرز هدف في أكرم ، وقال ليهم أكرم في
نحن ما بنجيب قون ..
والله حركات أكرم طلعت روحهم أفقدتهم صوابهم والله لمن حنيت عليهم
والظريف لمن واحد يجدع كلهم يكوركوا لأ لأ لأ .. بكره مزمل يقول غلبناهم وجدعونا
واحد قال ليهم عمره وحياته الهلال غير المرمطه سوا لينا شنو ؟؟؟
سيدا ده كابتن 13 سنة عمل شنو غير كاس الممتاز ؟؟؟
والله العظيم أنا استمتعت متعة المتعة ..
واحد قال ليهم ماتغشو نفسكم المريخ نقاطه فقدها في الولايات وتعادل معاكم في استادكم
وهسع ح يغلبكم خلونا من الاوهامات دي ..
وقالت كده البنية دورت ، الفاظ يعف اللسان حتي عن تخيلها .. هل تتصورا
واحد قال ليهم هسع الفلاتي المعفن ده (قاصد كليتشي ) ح يجيب قون فينا
والله بعد كلامو بدقيقة ونص كلتشي مسمرهم ..
ماعندهم صبر ماعندهم أخلاق هل تتخيلوا انهم مرقوا من نص الشوط التاني ؟؟
والغريبة كلهم كانوا بتكلموا عن مزمل وعموده ليوم باكر ، والله كان هاميهم أكتر
من الغلب بصوره غريبة خلاس
والله كانت أجمل لحظاتي وأنا استمع للعويل والنواح ..
وربنا مرقني
|
|
 
|
|
|
|
|
| |
احمد الدسكو
احمد محمد بشير
فيس بوك
تويتر
انستقرام
يوتيوب
بنتيريست