اخر بوست ...... اول حب
هو شنو الشغلة الناس كلها مدورة حبكانة الا انا اها يا ودجبرين حر بنبرك وتعالي جاي وعليك ياخدر تعال ونزل لنا غنيوة من زوقك وتعالوا هنا حـــــــــــــــــــــــب وبس
Re: اخر بوست ...... اول حب (Re: سارة علي )
Quote: انحنا ديلاك ما قدرنا علي الحمي بتاعتهم تقوم تمسكك انتا؟؟؟
الحمي دي انا متين فكتني ياسارة لكن نصيحتك ما بناباها اها دمسناهو كان الكباسير خلوه يغتس looooooool خالص الود
Re: اخر بوست ...... اول حب (Re: سارة علي )
Quote: الود الذي اعرف؟ ولا الذي لا اعرف؟
والليييييييييييييييييييييلا خالص ودي مختلفة ياسارة يعني خالص الود التي دي اللت طيابه بس (وجه خاشي في حته ضيقة خلاس )
Re: اخر بوست ...... اول حب (Re: ياسر بيناوي )
Quote: يعني خالص الود التي دي اللت طيابه بس
تجر واطى ؟؟؟؟ اثبت يا راجل البنية جرستك و لا شنو ؟؟ قسم بالله سارة دى تجرجرك الا نلقى التهنئة فى ترويسة المنبر ... ارعى بى قيدك يا ياسر اخوى ( وش عاجباهو الجرسة )
Re: اخر بوست ...... اول حب (Re: ياسر بيناوي )
ياسر بيناوي مساء الخير الله يهنيك كان بتحب ( تلفون الماذون هو 09876543321)وو والصفاح بي 50 جنيه ويقويك ربنا كان مشكوكش( تلفون الفكي الكارب وبالمناسبه معاه وداعيه 1234567890 ) وعرق المحبه بي 50 جنيه في الحالتين في امجاد باجرها مخصوص ليك ولي المشوار المفروض نمشيه تماشيا مع حاله اخر حب دي كان داير تسوقنا العقد توب اهو في كتفي ازعرت لامن نصل بيت العورس ان شاء الله يكون في اخر الدنيا وكان - الشكيه لي اب يدن قويه - مشكوكش باشمر معاك للفكي في نهايه الامبدات او نهايات الحاج يوسفيات بعد ما الظلط يخلص انا ح اديك الاغنيه دي وانت فسرها على حسب المووود
Re: اخر بوست ...... اول حب (Re: مريم عبد الله )
Quote: ويقويك ربنا كان مشكوكش( تلفون الفكي الكارب وبالمناسبه معاه وداعيه 1234567890 ) وعرق المحبه بي 50 جنيه
تعرفي يا مريم المصيبة انو انا لا هذا ولا ذاك انا نفسي واحدة ترضي تحبني وبعدين لو شوكشتني ما مشكلة وبالجد انا شاكر جدا علي الاغنية خالص الحاجات ديك يجازيكي ياسارة هههههههههههههههههههههه
Re: اخر بوست ...... اول حب (Re: ياسر بيناوي )
ياسر ياولدى والله بقينا جد شايلين الهم... يوم نقوم نلقى البورد زاتو مسكتو الحمى وهو زات نفسو كاتب ليه بوست حب لمنبر تانى ... ورحل بعادى وخلانا احنا قاعدين فى السهله بدون منبر ...غايتو بس ماعندنا غير نقول ربنا يدكم الفى مرادكم وتبطولو الجرسه الكتيرة دى .. تسلم يارب زمان انا كنت طلبت منك ترسل لى من البلح الشايلو ده ماجانى ولا حتى اعتذرت لى ...
Re: اخر بوست ...... اول حب (Re: ماجدة عوض خوجلى )
Quote: زمان انا كنت طلبت منك ترسل لى من البلح الشايلو ده ماجانى ولا حتى اعتذرت لى ...
استاذة ماجدة والله بالجد ليكي العتبي معقولة انا متلوم قدر كدة عموما ياستي حقك علي وبلحك يصلك علي داير المليم خالص الود
Re: اخر بوست ...... اول حب (Re: ياسر بيناوي )
Quote: هو شنو الشغلة الناس كلها مدورة حبكانة الا انا
يا بينـــــــــــــــــــــاوى تحياتى ..الحنك شنو الناس شغالة بـ أخر بوست ..أول حب وبعدين انت جادى فى كلامك الفوق داك ...!!!!! انت فى الخرطوم ولا الشمالية ؟ كل الود محمد كابيلا