|
|
 منى خوجلي : السماء تمطر رجّالة ...
|
كانت تتابع البورد باستكانة وخبطات العمال في الطابق العلوى حيث المطبخ تقطع لحظات الانتباه.
فجأة ... طاخ طيخ طاخ
غبار وحجار وخشب
انهار السقف
خرج رجل من وسط الغبار ينفض ملابسه ويعتذر....
الله سلم
فقد كانت في طرف الغرفة والانهيار كان في الوسط.
حمدالله على السلامة يا منى ماتشوفي شر
|
|
 
|
|
|
|
|
|
|
 Re: منى خوجلي : السماء تمطر رجّالة ... (Re: كمال ادريس)
|
الف حمد على السلامة يامنى
وتسلمى من كل شر ايتها الرائعة
لازم مطبخ منى خوجلى يصان كل فترة
لانو نارو موقدة دائما لاكرام الضيوف
العزيز / كمال ادريس
والله مشتاقين ، سعدت جدا بمعرفتك
افتقدكم كثيرا
لك ولمنى الود والتقدير
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: محمد المرتضى حامد)
|
الحمدلله من قبل ومن بعد،
الحمدلله يا منى.
الحمدلله حمدا كبيرا..
فعلا كل وضع ممكن يتغير في أقل من ثانية..وبدون مانعرف كيف!
بس بيني وبينك الحاجة بعد داك بقي شكلها مضحك جدا..
يعني كيف يعني السقف يتقد وينزل منه راجل؟؟
ومن غير براشوت وكمان في غرفتي؟؟
أنا قعدت كده ساعتين خايفة أكلم ماما بالحصل..علشان ماتتهجم..
لكن التلفون رن ولقيت ماما عرفت..
ولدهشتي التانية بعد الدهشة الأولي من الوقعة.. لقيتها بتتصل وهي ميتة علي روحها من الضحك!
قلت ليها طيب مش كنتي تمثلي علي بنتك شوية وتأجلي الضحك..
وحياتك لا اشتغلت بي..قعدت تضحك زيادة..
فما كان مني الا أن اضحك..وحقيقي هي قصة تضحك في نهايتها..
......
......
الليلة يا مرتضي..كنت هاموت من غير ماأشوفكم يا حبايبي
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: د.نجاة محمود)
|
سلامتك يا مني من الهجمة
اتخيلتا المنظر والله
ربنا سلم ولطف
مودتي
____________________________
وهي دحين هجمة نصاح يا نجاة أختي؟؟
دي هجمة راحت مني..
لتصيبني بعدها الدهشة!
راجل وقع من سقف غرفتي..بالله ده مش ينفع اسم فيلم؟؟
وكمان شنو..تصدقي الجماعة بس زحيت ليهم من السرير..في ثانية شالوا البطانية والكوفيرتا
وجروا بره ينفضوهم..مديحة اختي قالت لي تم إخفاء آثار الجريمة بسرعة::D D
وكمان بسرعة رؤساهم كل واحد بكاميرته قعد يصور أثر الحادث..ما فضل الا التلفزيون وباقي الميديا
طيب مش أنا برضه من آثار الحادث..ليه ما صوروني؟؟
حقارين موش؟
الحمدلله يصيبنا فقط ما كتبه الله لنا..
تسلمي يا نجاة..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: اشرف عبدالودود)
|
Quote: الف سلامة ليك
منى خوجلى |
الله يسلمك وينجيك من كل شر ياأشرف أخوي..
أختك الليلة كانت هاتروح فيها..
عارف..روحة نوع لا من شاف ولا من دري..
سكته قلبيه من الخوف وخلاص!
وبعدين بكرة الناس بقي تفتي..
قالوا حرامي نط عليها..
لا لا قالوا بس واحد عنصري قتلها..
و...
و...
شكرا يا اشرف..
| |
|
|
|
|
|
|
|
|
 Re: منى خوجلي : السماء تمطر رجّالة ... (Re: Ahmed al Qurashi)
|
Quote: الف حمد على السلامة يامنى
وتسلمى من كل شر ايتها الرائعة
لازم مطبخ منى خوجلى يصان كل فترة
لانو نارو موقدة دائما لاكرام الضيوف |
يا حليلك يا أحمد..ليك وحشة كبيرة..
ربنا يجمعنا تاني قريب ونقعد نسمعك وحكيك الجميل..
الحمدلله الهجمة الليلة كانت كبيرة بس مافي اضرار..
Quote: أما أنا..
فحالي كيف أوصفه؟؟ |
اوصفه قدر ما اقدر والموقف وصفه أكبر مما اقدر..
خرجت عيوني من محاجرها وزاغت نظراتها بعد ثواني من التصلب..
سمعت دقات عاليه كانها ساعة الحائط وقد نزلت مع زائر السقف ..الا انها ويا للهول كانت ضربات قلبي..
ماتت ساقاي في مكانهما تحت الغطاء والضربات القلبية تتزايد..
كيف خرج صوتي في تلك الصرخة؟؟
فتجربتي مع الخوف هي ضياع صوتي!!
زاد التراب واختفت الساق الهابطة من السقف تماما بينما كان صاحبها يصارع لإخراج القدم الأخري..
في تلك اللحظة.. تقافزت بسرعة اقدام بعض العمال علي السلم بعد صرختي!
كيف انت؟؟ هل اصبتي بضرر؟؟
كنت من الخوف قد قغزت ووقفت علي باب الغرفه..
نعم لم أخطيء فيما رايت اول وهلة مع الغبار..
انها ساق رجل ببوت اسود قوي يغطي رقبة القدم..
ظهر السقف كأن قنبلة أو صاروخ قد اصابه..دايرة ذات جوانب غير متساوية في حافتها..
السقف وقع؟؟
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: كمال ادريس)
|
Quote: فجأة ... طاخ طيخ طاخ
غبار وحجار وخشب |
وفجأة مع الطيخ والطاخ..
والغبار وقطع الخشب..
والصوت المدوي للإنهيار
طهرت ساق متدلية وفي قدمها بوت لو وصلت لبطني حيث تقبع مستكينة
لفقعتها دون رحمة ولقطعت أحشائي وإمكن معاها كمان أوصالي!
أما أنا..
فحالي كيف أوصفه؟؟
| |
|
|
|
|
|
|
|
|
 Re: منى خوجلي : السماء تمطر رجّالة ... (Re: الرفاعي عبدالعاطي حجر)
|
سلامات يا منى
وانشاءالله تمطر المرة الجاية
حلول لمشكلاتنا كلها في ذاك
الوطن الذي توقفت عن سماءه المطر
لك السلامة الف والمحبة والتقدير
يا بتنا .
والله يالرفاعي الجماعة العمال من البلغار واليوغسلاف خافوا خوفة!
ولما جه رئيس الموقع وكورك في الزول وقال ليه المفروض تعمل حسابك وما تتزحلق بين الخشب..انا زعلت..
وقمت بكريقتنا ديك قلت ليه..
ياخ الحوادث بتحصل ودي حاجة غصب عنه..ماتشاكله..(قلت ليه كده بالانجليزي..تصدق؟!)
مديحة قالت لي انتي هاتقعدي هبلة كده لغاية متين..
مش كنتي تخليك منهارة حتي حين آخر؟؟
طبعا تقصد التعويض:D :D
.......
........
شكرا يا رفاعي..ربنا زي ما بيمطر لينا رجال من سقف بيتنا..
يمطر لينا خير في السودان..
مافي شي بعيد علي ربنا..
ولا علي العمال الشغالين في بيتي:D :D
تحياتي..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: عماد الدين عبدالله)
|
الف حمدا لله على السلامة
وما تشوفي شر ان شاء الله
تحياتي واحترامي
الله يسلمك يا عماد الدين..
عايزين نعمل كده كرامة اسفيرية..ايه رأيك؟؟
اسه الناس ديل عملوا حركات زي حركات الحاوي!
مش السقف اتقد من نصه؟؟
والله انتهو من تغييره في ساعات!
بسرعة جو نقلوا العفش..وواحد قلع السقف الباقي..وخليتهم بيشتغلوا..
قلت يطهر علي بكون مشردة من غرفتي كام يوم..
وحياتك كم ساعة بس وكل شيء رجع زي ماكان..تبقي اللون فقط!
أسه انا أثبت الجريمة دي كيف؟؟
ايدينهم مسكونه خلي بالك..
شكرا يا عمده..ربنا يحميك ويغطيك من أي شر..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: محمد عبد الماجد الصايم)
|
ألف سلامة يا ملكة
ما تشوفي شـــر إن شاء الله
ود الصايم سمعنا بالحيطة الوقعت علي الناس..
بالسايفون المنهار ومرات والعياذ بالله راحوا فيه ناس..
وسمعنا بالسقف البينزل مطرة..
لكن سقف يمطر رجال؟؟
دي معجزة والله!
طيب دي اوصه 4 في 4 نزل فيها راجل من أعلي..
لو كنت في الحوش يعني كان نزل كام راجل؟؟
الدنيا دي فيها حاجات غريبة!
شكرا ياود الصايم وربنا يسلمك ويسلمنا
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: كمال سالم)
|
لا حولة خلعة السواد .. الله نجاك ..
يعني هسى البوست طار علي (مطبخ مني خوجلي بعد النجاح الكبير الذي حققه مطبخ ماما جارة)
عنوان طويل يشبه عناوين نادية عثمان (هههه)
الف الف سلامة والله ..
| Quote: ( النيه زاملة سيدها ) |
صاح كلامك يا كمال واها يا منال وانعام عرفتوا النية زاملة سيدا بتعمل شنو ؟
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: حنين للبلد)
|
| Quote: الف حمدالله على السلامة يامني... |
تسلمي يا حنين..
أختك كل يوم قاعده تفكر في سيناريوهات..
لكن سيناريو المقلب بتاعك اليوم داك رهيب..والله ضحكت فيه ضحك!
يسلمك ويحفظ ليك ولدك وأهللك..ولو حصل يوم بقي عندك شغل في البيت أرحلي لغاية مالشغل يحصل..وصية واحدة عانت
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: ابو جهينة)
|
Quote: الف حمدا لله على السلامة
وما تشوفي شر ان شاء الله
تحياتي واحترامي |
عادي جدا الناس تموت يا أبو جهينة بسقوف وقعت عليها بسبب زلزال..اعاصير وأمطار..أو تهدم بسبب القدم زي مافي الاحياء القديمة..
لكن بسبب هبوط بني آدم من سقف غرفتها..فلي السبق!
وما تنسي..هبوط بسبب زلة قدم وهو كما تعلم ليس تماما كالهبوط الاضطراري الذي قد يصاحبه يعض حرص!
الحمدلله الذي قدر ولطف..بيكون كاتب إنه مني دي لسه شوية عليها..موش؟؟
لك التقدير والمودة..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: الفاتح الجنيد)
|
الزمن ده ما بتعرف البلاوى تجيك من وين سبحان الله
ياستى ألف حمد لله على سلامة الروح
قدر ولطف
أيوة والله يالفاتح أخوي!
الراجل الحقار ده كان عايز يقتلني بعفصة من رجله!
والله الحياة دي فعلا بقت مرعبة..تمشي في الشارع تتلفت شمال ويمين خايف من العربات والمواتر والمجانين..
تركب الاندرجراوند تخاف من الحرامية والارهابيين..تركب البصات تفتش المقاعد من الابر والبلاوي..
تقعد في بيتك تخاف من البنايين!
ربنا يستر عليك وعلينا كلنا!
شكرا أخوي
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: GamarBoBa)
|
Quote: الف سلامة يا مني
ربنا يحفظ الجميع |
اللهم آمين يا قمر بوبا..
منظر كان مريع بجد..بس أختك كانت شاطرة وقوية..صرخت ورجفت واصابني شلل مؤقت..بس بعد كده بقيت عال العال..
اضحك بدون سبب
تفتكر محتاجة لدكتور؟؟
يحفظك الله من بلاوي الدنيا..قول آمين..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: تراث)
|
| Quote: والله مطبخكم بالغ يامني.. حمد الله على السلامة... الكلام ده حصل في ياتو بلد ؟ |
تصدق وتآمن بالله لو قلت ليك في بريطانيا العظمي؟؟
أيوة والله وفي قلب لندن كمان!
قدر والله..في زول بيقدر ينجو من القدر؟؟
الراجل الوقعت رجله ده من دول اوروبا الشرقيه..
الانجليزي رئيسه نزل فيه لوم وكلام سخن..
انا زعلت لكن قلت..يللا يا بت سيبك..اتنين شقر (بضم الشين) وقعوا في بعض!
علي فكرة دي تاني مرة ارد ليك ماعارفه ما لقيته ليه..
الخوف اكون رديت ليك في بوست تاني!
وكمان بالإمارة قلت ليك اليوم داك شوفتك في المسنجر ناديتك ولما ما جيت تركت ليك سلام ولأماني والعيال..
اهو بسلم عليكم تاني..ربنا يحفظك ويحفظهم..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: يوسف محمد يوسف)
|
درة المنبر .. منى بت خوجلى
الف حمدلله على سلامتك .. ما تشوفى شر
كمال ادريس
تحياتى يا رجل .. جدة بلاك بدون سقف !!
رسل لينا شوية ضباب .
ومن ليس له سقف يحميه فهو ضائع قطعا!
علق علي الجملة أعلاه..طبعا دي أسئلة الامتحانات في المدرسة..
مازالت معجزة السقف وزائره وضحيته تحتل جزء مهم في يوميات مراقب البناء..نائبه وباقي العمال!
لا أدري مالذي حدث للعامل "ابو زلة" ما شايفاه ولا ما متذكره شكله ماعارفه..
تفتكر يكونوا رفدوه؟؟
أمس واحد كان بيدهن البوهية في المطبخ..بعد ما مشي المشرف جه يراجع شغله..لقاه سايب كم نقطة من البوهيه علي البوتاجاز والارض..
طوالي اتصل بيه قدامي وأداه درس وتحذير..
تكون ياربي دي حركات منهم خايفين اقول مقاصدني علشان انا سودا؟؟
شكرا أخي يوسف محمد يوسف علي سؤالك وتمنياتك الطيبه لي..
تدوم الزمالة والاخوة بينا بإذن الله..
علي فكرة..
كمال دخل الضباب وضاع فيه!
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: محمد فضل الله المكى)
|
سلامات الملكة منى
والجاتك في سقفك سامحتك
السماء تُمطِر جِزماً
السما تمطر جزما..ولو كنا من اصحاب الفيل لظنناها حجارة من سجيل في شكل جزم!
يا صديقي الفاضل..تلك كانت نهارية شهدت لها مجموعات عمالية من لندن بالتفرد..
مازالوا يأتون ومعهم دليل نسائي تحدثهم بصوت موسيقي لا يشبه الحادثة التي تحكي عنها ولا الاحذية..
تشير لي كأنني معجزة وتقول..
هذه هي السيده صاحبة الحادثه..يتبادلون بعض التعليقات وأنا معهم ثم الضحكات والانصراف!
شكرا صديقي الاديب..والتحايا لساكنة قلبك وقلبي ناجية..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: ضياء الدين ميرغني)
|
والله يا منى شر البلية ما يضحك لكن ما قدرت امنع نفسى من الضحك
المهم يا زولة يا رايعة سلامتك الف سلامة
ربنا قدر ولطف ومشتاقين زمن طويل ما اتداخلنا
ضياء
والله يا ضياء ليك حق تضحك..
خالتي اتصلت بعد مالخبر انتشر كالنار في الهشيم..وياعيني كانت مهيأة نفسها تبكي وامكن تلطم في التلفون..
لقتني بضحك ..غلبها تسكت من الضحك هي كمان!
عندنا زمان قريبتنا ربنا يرحمها لو عايشة ولا انتقلت..كان عندها قدرة علي تأليف الكذب وتصديقه..
تقعد تحكي وتمثل وبعدين لما تحكي تلقي نفسك مشدوه ماقادر تصدق..كنا بناديها باسم بتها.."ام سوسو"ونستني زيارتها بشوق شديد
ولما تجينا بتقعد معانا بالاسبوع وأكتر..
المهم من حكاويها الكتيرة..قالت هي مره راجعة من مصر بالباخره ومعاها عيالها..حصل ليها حادث..
المهم في الحادث واحدة من عيونها وقعت..ايوة وقعت زي اي حاجة ما بتقع مننا
كانت بتحكي بطريقه مثيرة وجاده جدا..واحنا ميتين علي روحنا من الضحك..
المهم واصلت وقالت..
بصيت فجأة لقيت عيني وقعت مني علي الأرض..إترعبت ومن الخوف لقيت نفسي بمد ايدي وبسرعة بسرعة رفعتها وهي سخنة ورجعتها في مكانها..والحمد لله أهي دلوفتي زي الفل!
أنا كمان قمت من الخلعة بسرعة بسرعة من شلل الخوف والخلعة زي الفل!
تسلم يا ضيا..كيف أسرتك؟؟
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: حمزه بابكر الكوبي)
|
الف سلامة ليك اختنا منى خوجلى والحمدالله ربنا ستر
ايوه والله يا حمزه..قدر ولطف..
ولدك بقي كيف يا حمزه؟؟
بعدين وريني..عندكم برضه في بلجيكا السقوف زي سقوفنا؟؟
اسه انا مفكرة اخت سرير ودولاب واكون اسرة في الفراغ بين ارضية المطبخ في الطابق العلوي..وسقف غرفتي في الطابق الأرضي..
تفتكر ممكن؟؟
تسلم أخوي
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: محمد على طه الملك)
|
حمد لله على سلامتك يا منى..
وشكرا ياقريبي على إطلاعنا..
يا منى الهجمة دي فيها قروش..
أوعك تعملي فيها سودانية وتقعدي تكشكري..
أسكت يا محمد علي..
مش طلعت سودانية فعلا؟؟
قال شنو مستميته في الدفاع عن الراجل ورجله الهابطه بعد انزلاق مفاجيء من السقف..
ذكرتني مره زمان في 1993 تقريبا..اشتريت علبة فول من الدكان ولما فتحتها لقيتها مصدية وسودا..جارتي قالت
لي امشي وريها لسيد الدكان..أنا فهمت امشي اوريها ليه علشان يلمها من الرف ومايبيعها..صاحب الدكان الهندي قال لي
انا بلمها..لكن لازم تتصلي بالممول وتكلميه علشان انا ذاتي اقدر أثبت ..لانها ممكن تكون علبة واحده..
وحياتك اتصلت بيهم..جوني في البيت وقعدوا يعتذروا ويكتبوا في ورق ..وبعد يومين جاتني عربيه مليانه مواد تموينية..
الجماعة قالوا يعوضوني فاكرني شاطرة وبفهم وممكن أشتكيهم..
اها سودانيتي بقي وين؟؟
زعلت وكشرت وشي وقلت ليهم تدوني تعويض؟؟
انا برضه بتاعة تعويض؟؟
انا لو عايزه تعويض كنت اشتكيتكم!
النحس نحس با محمد علي..مافي فايده كان مرقنا بره ولا قعدنا هناك!
تحياتي لك ولصاحبة النفس في ساندوتش ملاح..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: انعام عبد الحفيظ)
|
الف سلامة وربنا لطف
الكرامة لما تجي السودان
عايزين تستهبلوني يا نعومتي..موش؟؟
الكرامة تكونو منتظرين سمؤال يجي من الحج وتعملوها لي معاه..صح؟؟
علي كل حال انا ما برضي بكرامة غير تضبحوا لي جاموسة..ايوه لازم تكون جاموسة ولي في ذلك اسباب احكيها ليك لما أصلكم..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: تراث)
|
Quote: والله مطبخكم بالغ يامني.. حمد الله على السلامة... الكلام ده
حصل في ياتو بلد ؟ |
تصدق وتآمن بالله؟؟
حصل في انجلترا العظمي..وكنت هاموت في برج مشيد حتي يزداد ايماني ويقيني
خسارة قبل 5 سنوات تقريبا لغيت التأمين الصحي..كنت مخلوعة و"للخلع" حق في القانون..كان زماني أسة أرفل في راحة وملابس من استرليني
الله يخرب عقلي يا شيخ..حظي نيلة حتي في المصايب!
اليوم داك لاقيتك بالصدفه في المسنجر..ناديتك مارديت..خليت ليك رساله انت وأماني..لقيتها؟؟
سمح مارديت مالك؟؟
شكرا يا عثمان ويسلمك وأماني والاولاد من أي شر..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: انعام حيمورة)
|
لا حولة خلعة السواد .. الله نجاك ..
يعني هسى البوست طار علي (مطبخ مني خوجلي بعد النجاح الكبير الذي حققه مطبخ ماما جارة)
عنوان طويل يشبه عناوين نادية عثمان (هههه)
الف الف سلامة والله ..
ضاع عليك البوست يا نعومي..يا خسارة!
اتضلت الصباح يوم الحادث بآية علشان احكي ليها..
طبعا من بدا الشغل في البيت بقوا ما بيجوا علشان خايفين علي العيال من الحوادث الممكن تحصل..
المهم 9 صباحا ما ردت..
اتصلت 10 ماردت..
اتغظت منها جدا ولما اتصلت هي بعد داك..طوالي قعدت اكورك فيها..كواريك من نوع..
انتي وعبد الرحيم ما بتردا علي التلفونات ليه؟
طيب فايدة سكنك جنبي شنو مادام ما بتردي علي التلفون..مش امكن حاصلة علي مصيبة؟؟
وهي تسمع في كواريكي وتقول لي ببرود الانجليز داك..
ماما كالم داون في شنو؟؟
من الغيظ ابيت اوريها!
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: كمال سالم)
|
( النيه زاملة سيدها )
دائما أصحاب النوايا الطيبه ينجيهم
الله من المصائب والمخاطر .
ألف سلامه يامنى سائلا الله أن يحفظك دوما ,,
شكرا ياسمى كمال إدريس مع التحايا ,,
الحمدلله يا كمال..
انت قدرت تتخيل المنظر؟؟
غايتو لو زمان زول حكي لي حكاية زي دي..كنت اقول كذاب وبيبالغ!
راجل يهبط للغرفه من سقفها؟؟
طيب ماله الباب..ماكان يجي بالباب اسهل!
انت عارف الراجل ما كان رابط رباط حذائه البوت؟؟
الرباط دخل في عيني..ينفع أرفع قضية؟؟
والله يا كمال لما شوفت مداخلتك فكرت طوالي في ايام الدوحة الجميله..وقلت الحمدلله الحياة حلوة بأخواني
وربنا يجمعنا تاني في الخرطوم ولا هنا لندن في مكان محمي من زوار السقوف في عز النهار..
تسلم يا كمال..سلم علي الجماعة....
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: مجدي عبدالرحيم فضل)
|
| Quote: مني خوجلي سلامتك وقدر ولطف |
يا مجدي ربنا ستر..
اسة جزمة البنايين دي كان نزلت براها علي بطني وبدون ما تكون قدم لابساها..ماكان قتلتني؟؟
أسه كان تكونوا زعلانين خياني وتقولوا..
الله يرحمها..لا ايدها لا كراعها..لكن كراع الراجل كتلتها!
الله يخلي ليك قصي وأخوه وأمه..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Amany Elamin)
|
ألف سلامه ليك ياملكه ..
ماتشوفي شر انشاءالله ..
عارفه يا أمنية أحسن حاجة تتعلميها في الدنيا في وقت البلاوي الزي دي شنو؟؟
تتضحكي بس!
لازم تسخري من المواقف الماعاجباك وتضحكي عليها..والا تكوني محصورة وواقعة تحت أثرها طوالي!
بعد عملة الراجل المهببة دي..أنا طبعا رحلت الغرفة التانية..وبعدين فجأة كده لقيت نفسي بعاين للسقف..
علشان توقع ماعنده معني تغلب علي تفكيري.. لزائر سقف!
بعدين طردت الفكرة من راسي بعد ماقلبتها كويس وضحكت..وعلشان اعمل فيها البت شاطرة وماخايفة..رجعت غرفتي وكانو خلاص غيروا
سقفها وفرشوا السرير..
طبعا لو استسلمت للخوف ماكان رجعت ليها..بس ده برضه بصراحة ما منع الكوابيس أثناء النوم!
شكرا ياحبيبتي علي المؤازرة والدعوات الطيبة..
علي فكرة..مصر غلبت الجزائر..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Haitham Labib)
|
الف مليون سلامة ....
شكرا يا هيثم..
أنا لغاية اسة ماقادرة استوعب الموقف..
لكن كانت فرصة كويسة الزول يشوف سقوفاتهم دي عاملنها كيف..
بعد ما رجليني استعدلت ..وخطواتها بقت ما مارتجفة..
وبعد قلبي استقر من الدق الشديد وركزت نظرات العيون علي أهدافها...
يللا مسكت في درابزين السلم والجماعة بي وراي..
تتذكر زفة العروسة مش بتكون ماشية وفي مجموعة وراها ماسكين ليها الطرحة؟؟
اها الجماعة ديل ما كانوا لاقيين طرحة..لكن كانوا خايفين أقع فموا بي وراي!
أرضية المطبخ مافيها اسمنت زي عندنا في بنيانا في السودان..
مراين ..يعني أعمدة خشب ضخمة مثبتة بالعرض .. وبيناتها فجوات..وبعدين مواسير وأنابيب افتكر حقت الموية..
وبعدين فجوة تحتهم بمساحة السقف..حتي يجي سقف الغرفة بتاعتي..وده طبعا كان بيسبب اصوات مزعجة لما الزول يمشي عليه
وده أحد اسباب محاولة الاصلاح..
طبعا سقف الغرفه بقي من خشب خفيف زي الورق..يعني ما متين شدبد..
المهم هم كانوا عايزين يربطوا الخشب اكتر ويحاولوا يسدوا الفجوات بدون ما يصلوا للمواسير..
الزول رجله انزلقت وكان ماكان!
شكرا ليك كتير وربنا يبعد الشر عن طريقك وطريق كل من تحب..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Mohammed Haroun)
|
ألف سلامات يا الخوجلية ... شيء لا يصدق .... لكن كلو وارد.
نحياتي
أيوه والله يا محمد..كلمة كله وارد دي احنا مرات بنقولها بحكم العادة..
لكن ما كتير بنقيف عندها وقفة حقيقية..
الحمدلله جات سليمة ومافي ضرر حصل..
تسلم يا ود هارون أخوي..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: هاشم محمد الحسن عبدالله)
|
تسلمى من كل شر ، وسلامات ياأبنة الرجال القامة الهامقة منى خوجلى ، تحياتى .
الله يسلمك انت كمان من الدنيا وبلاويه..
ويبعد عنك شر أهل "البوت" لو كانوا عندنا هناك ولا عندنا هنا!
والله لخبطونا في الدنيا دي..أسه إحنا هنا ولا هناك؟؟
عارف بالليل نمت وكل أحلامي غبار بعد انهيار..
حقو أمشي طبيب نفسي لو اتكررت الاحلام دي..موش؟؟
شكرا لك ولدعواتك الحلوه وكلامك اللطيف..
مودتي وتحياتي..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: سمية الحسن طلحة)
|
ألف سلامة يامنى
الجاتك فى خلعتك سامحتك ....
بابكر التوم ازيك..
الخلعه دي والله ممكن امسك فيها لسنوات قادمة..
وكل ما تحصل لي حاجة .أمرض مثلا ..اقول ليهم انتو السبب..خلعتوني زمان!
شكرا يا بابكر والحمدلله الجات علي كده..
علي فكرة السقف نشف خلاص وبكره جايين يجيروه..
ولا من شاف ولا من دري!
تسلم يا بابكر..سلم علي الحاجة والاسرة..
| |
|
|
|
|
|
|
|
|
 Re: منى خوجلي : السماء تمطر رجّالة ... (Re: اميمة مصطفى سند)
|
ألف حمداً لله على سلامتك يا منى .. والله أسأل أن يحفظك دائماً من كل مكروه وسوء أنت وجميع من حولك ومن تحبين .. وإن شاء الله ما تشوفي شر أبداً يا زوله معطونه بالمحنه والحب ... وربنا قدر ولطف .. فله الحمد والمنّه ...
شكراً جزيلاً أستاذ كمال
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: ALZOLZATOO)
|
.
.
بنت العم الغالية منى
الف حمد الله على السلامة
دي رحمة المولى جل وعلا ثم بركات والدنا الخليفة .
ربنا بيحفظ الأبناء بصلاح الآباء .
تعرفي يامنى القصة دي ذكرتني موقف مع الوالد ربنا يطول عمره: أول ما اتعلمت السواقة في البلد العايشين فيها الوالد قاعد شهر كل يوم يوصي فيني خلي بالك حتى لو انت بتعرف تسوق في ناس مابتعرف تسوق لازم تعاين قدامك ويمينك وشمالك ووراك بعدين مرة كده سكت وقال لي في نص الوصية اليومية : في البلد دي عاين فوقك زاتو عشان ماتجي عربية طايرة تقع فوقك من زي الكبري القدامنا ده :)
مرة تانية حمد الله على السلامة وربنا يحفظكم بجاه من بيته في طيبة حرم (صلى الله عليه وآله وسلم)
خالص المحبة والتقدير
.
.
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: ALazhary2)
|
معقولة بس؟؟؟
يعنى الواحدة تقعد فى نص بيتهالازم تخت الطرحة و لا التوب جنبها،
عشان فى أى لحظة راجل ممكن ينزل من السما؟؟؟؟
لكن بينى و بينك يا منى،
بعد ما الخلعة تزول الموقف مضحك جدا،،،
غايتو قدر و لطف،،،
و عقبال المرة الجاية تقع ليكى مليون جنيه إسترلينى،
بس خليها المرة دى فى الباك يارد،
ما ضرورى فى نص البيت،،،،
لووووول،،،
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: ياسر بيناوي)
|
يا سـلام يا ملكة
شفتي الحظوظ دي كيف
السماء عندك تمطر ذهباً وفضـة
وأكيد الزول دا محظوظ, وراح يحكي الوقعة (الحلوة) دي لأصحابه
حمدا لله على السلامة, قلناها وجهاً لوجه - هذه المرة-
ورجعنا نحمل معنا الاشواق
أحمد الشايقي
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: احمد محمد بشير)
|
الملكة منى
مساء الخير
حمد ألف على سلامتك ، وربنا قدر ولطف
العمل الطيب والنية الطيبة دائما درقة
تسلمي من كل شر يا ستنا
بالمناسبة دي عازمنك عمرة " ما عزومة مراكبية طبعاً" حددي وادي إنتر، نحن جاهزين
ودي المقيم لآل خوجلي
وسلام عزيزنا كمال
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Ishraga Mustafa)
|
Quote: ولدك بقي كيف يا حمزه؟؟
بعدين وريني..عندكم برضه في بلجيكا السقوف زي سقوفنا؟؟ |
مني حمدالله سلامه مره تانيه وكيف الاولاد ؟؟
ولدي تمام الحمدالله بقي يلعب كوره هسع
الخواجات ديل يامني كلهم عيونهم خدر وبيوتهم ام سقوف حمر ديل (الحال من بعضه )
تحياتي مجددا
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: معاوية المدير)
|
Quote: أديها صنّة شوية يا منى،
مش متفقين نتقابل في السودان.
يديك العافية، والف بعد الشر عيك.
الف حمداً لله على
ســـــــــــــلامتكـ |
واحد فينا خان الاتفاق يا معاوية..
ياربي ده انت ولا أنت؟؟
انا غايتو وصلت السودان وفي خرطومنا العظيمة اقامتي..
رحلة تخفف هجمة الهبوط المفاجيء!
تحياتي وخلي بالك من نفسك مع التلج المابيرحم..
اسه انا لو كنت هناك كنت اقع كل يوم!!
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Hadeer Alzain)
|
الف سلامة ليك
منى خوجلى
تسلم يا خالد انت واولادك وامهم..
كل سنة الواحد في العيد بيخلق ليه برنامج تغيير..
اهو جات من ربنا والتصليح عمل براهو التغيير..
أما ان سألت عن حالنا وحال "الخلعة"
فنحن لا بأس..
الركب ثابته والحول في العيون راح واستقر القلب وحناياه علي الامان:D :D
عيد مبارك عليكم..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Hadeer Alzain)
|
ألف حمدالله على السلامة يا منويه
وما تشوفي شر أبدآ يا غالية
عيد سعيد عليك وعلينا يا هدير..
اسم هدير ده اسم حلو وشاعري شديد علي الرغم من انه برضه فيه القوة..
زي هدير الاصوات الغاضبة..
المهم الشغل في البيت حده الليلة..يعني نظام معيدين وكده..
المراجعات بدت ليها يومين..
قلت ليهم المكان المغيرينه في السقف ده شغله ما نضيف..
لانه عامل برواز حول المكان..
الحمدلله صلحوه وأنا ذاتي اسه مالاقية سبب أتلكك بيه عليهم:D :D
كل سنة وانتي حلوه ودنيتك أحلي..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: ASHRAF MUSTAFA)
|
لالالالالالالالالالالالالالالالالالالالا حولة
كفارة يا مني
ولندن كلها سلامتك
ما تستاهلي يا ملكة
وانشاء الله وقعت عدوكي
الف الف الف حمدا لله علي السلامة
وشر البلية ما يضحك
وينك يا اشرف ماظاهر لا في التلفون ولا مع الضيوف..
لو ماظهورك في النت كنت ظنيت الظنون..
ربنا يسلمك ويسلم ولدك وأمه..
وبإذن الله التصليحات تنتهي ونتقابل كلنا من جديد..
الوالد كيف صحته؟؟
سلامي للوالده وهبة..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: مريم عبد الله)
|
منويه سلامتك من الخلعة يا ست الناس
ومبروك المطبخ والتصليحات
مريوم..التصليح كان هاياخدني مع المطبخ القديم!
انا لسه مانسيت عشرتي مع مطبخي الاول..جات علي الهجمة..
كنت هانسي بسببها العشرة مع نفسي ذاتها!
شكرا يا حبيبتي علي تطييب الخاطر..
| |
|
|
|
|
|
|
|
|
|
Re: منى خوجلي : السماء تمطر رجّالة ... (Re: Muna Khugali)
|
منى
سجمنا الحيطة وقعت فيك ولا الزول ولا شنو الحصل ؟
الف سلامة يا العديلة
وتبرى
وتستبرى
عارفة النحكى ليك قصتى مع عم السر قدور
يوم ماشه من جريدة الاتحادى لجريدةالخرطوم فى القاهرة
قوم ياعم الراجل السايق اللورى اطقشنى فى ضهرى
وقعت متل هناك
هو الخوفةالوقعتنى
المهم اتنفضت وقمت مشيت على الجريدة
وبالصدفة لقيت طبيب جا زيارة للجريدة
قال لى مافى كسور مافى عوجة تب
اها جا عم السر قدور
لقانى ملانةتراب سالنى مالك يا بت الشيخ ؟
قلت ليهو صدمنى لورى ياعم السر وقربت ابكى
قام طوالى قال لى
ـ اها اللورى كيف هسى ؟
من دربى داك كتبت مقالى الاسبوعى "حديد لاقى حديد "
تسلمى يا السمحة
| |
|
|
|
|
|
|
| |
كمال ادريس
Ahmed al Qurashi
اشرف عبدالودود
محمد المرتضى حامد
Muna Khugali
إخلاص محمد أحمد
عماد الدين عبدالله
الرفاعي عبدالعاطي حجر
هاشم محمد الحسن عبدالله
محمد عبد الماجد الصايم
Mohammed Haroun
مجدي عبدالرحيم فضل
كمال سالم
انعام حيمورة
ابو جهينة
تراث
GamarBoBa
الفاتح الجنيد
انعام عبد الحفيظ
محمد على طه الملك
حمزه بابكر الكوبي
ضياء الدين ميرغني
طارق جبريل
محمد فضل الله المكى
saadeldin abdelrahman
يوسف محمد يوسف
بابكر التوم
doma
مريم عبد الله
Faisal Al Zubeir
ASHRAF MUSTAFA
Hadeer Alzain
الطيب شيقوق
خالد العبيد
معاوية المدير
إدريس محمد إبراهيم
ALZOLZATOO
ALazhary2
Rashid Elhag
رغيم عثمان رغيم الحسن
ياسر بيناوي
أحمد الشايقي
احمد محمد بشير
سيف بخيت موسي
معتصم دفع الله
Aymen Tabir
Ishraga Mustafa
أحمد عثمان عمر
فيس بوك
تويتر
انستقرام
يوتيوب
بنتيريست