|
أوضاع غريبه : (1) العشق بين الفراش والنار
|
نعم هناك عشق بينهما..وهما لا يضطران إلى إخفائه لأي سبب من الأسباب...بل إن الفراشات في حضرة اللهب تصير إلى فرس جامحه بجناحين...فرس مزهر رقيق وجامح بجناحين...ألا يبدو ذلك ايضا وضعا مشتقا غريبا آخر!!!!! الفراش يعشق النار...ويرقص حوله .... كما تعشق الأنثى في طور الفراش النار أيضا....نارها (تبدو واضحة للعيان) ربما في ذلك الطور بالتحديد تجن الإناث...وتجن الفراشات معا.... تجنان (بضم التاء) حين يدفعهما الوهج إلى الانجذاب...وحين تدعوهما الهالة إلى إقالة العقل....وتنصيب القلب... ربما!!!!! الغريب..أنهن أي (الإناث والفراشات) تبدوان أكثر توهجا وجمالا قبل اللحظة الأخيرة للاحتراق...وتبدوان أكثر قوة... ومن النار توقد الشموع....والشمع كذلك يحترق ويعشق اللهب ...أنه يعبر عن وجوده...ودوره في هذه الحياة.. أصبحن إذن ...فراشة وامرأة وشمعة.... يااااااه ...كم تصطلي تاء التأنيث تلك.....
أرجو أن لا يفكر مذكر سالم في الإتيان بدلو من الماء!!!!!!! __________________[
|
|
|
|
|
|
|
|
Re: أوضاع غريبه : (1) العشق بين الفراش والنار (Re: سناء عبد السيد)
|
يا رفقة أب تفة المقصود ده أنا، فما تشتغلي بيهم، وأخوك بيقدّر عليهم، أفراداً وجماعات، براً وبحراً وجواً، كما قال البندر.. نوبي، وقمر، كاروشة، سناء، وود الخليفة.. إعتبرو رفقة شقيقتكم، وإياكم وما بين القوسين.. ___ همسة: يا رفقة يا شقيقتي، تتذكري سكين الضراع، الخليتها مخزونة تحت مِرق الراكوبة؟ جبت لي واحد جديدة لنج، وكمان USB، وهسي مربوطة في صفحة الكيبورد، تبقبق، أصلها ما بتشبّع من الشحن، وإنتي عارفة شقيقك دمو حار، اها النصيحة بالمهلة، أوعِك يغشوك، والناس دي من زمان بفتشو لي كراعي الموجعاني، اها جيتِك دي خدرّت كراعي، البقول ليك: السلام عليكم، تردي في سِرِك، والما بيقول أصلك ما تهببيهو ليهو، ولو رد السلام ما فرض، كان قلت ليك ما تردي..
| |
|
|
|
|
|
|
Re: أوضاع غريبه : (1) العشق بين الفراش والنار (Re: فيصل نوبي)
|
Quote: الغريب..أنهن أي (الإناث والفراشات) تبدوان أكثر توهجا وجمالا قبل اللحظة الأخيرة للاحتراق...وتبدوان أكثر قوة... |
رفقة ،، أنا لا يهمنى موقف الفراشات كثيراَ ،، ولكن ما ذكرتيه عن الإناث حقيقة ،، إلا تلك التى وضعت تحتها خطاَ ،، أعتقد بأن الجملة السليمة هى : وتبدوان أكثر ضعفا.
والله أعلم
ماهر
| |
|
|
|
|
|
|
Re: أوضاع غريبه : (1) العشق بين الفراش والنار (Re: Mahir Mohammed Salih)
|
Quote: اها جيتِك دي خدرّت كراعي، البقول ليك: السلام عليكم، تردي في سِرِك، والما بيقول أصلك ما تهببيهو ليهو، ولو رد السلام ما فرض، كان قلت ليك ما تردي.. |
مُمكِن أقول حاجة! أصلو مرات النِقه لِانِقه مُحتاجة ...
معقول حتِلتزِمي بِكلام ود طَيفور الفوق ده ... ما معقول مُش كِده؟ أنا برضو قُلت كِده ... على ضوء ذلِك ... كيف حالِك؟
| |
|
|
|
|
|
|
Re: أوضاع غريبه : (1) العشق بين الفراش والنار (Re: Yassir Tayfour)
|
اهلين يا ود امي كيفك
السكين بتذكرها زييييين يا ياسر... بس كم مرة قلت ليك السكين ماتختها جنب الUSB تتذكر اخر مرة قشطنا السكين في الكمبيوتر والusb علقتو في ذراعك
ماحنكررها تاني
لكن ولايهمك ماتشيل همي اصلو
انت قايل انا ماقلت ليهم ميجي مذكر سالم بجاي ليه؟؟؟؟
لانو اكتشفت اصلا انو مافي مذكر سالم زاتو (لم يسلم أيا منهم من جريمة اضرام النار على تاء التأنيث كل من مر بهذا البوست ..كان له سوابق من ذلك النوع وما تحذيري ذاك ..الا محاولة لكشف السالم منهم..وبالتأكيد لم يسلم أحد...زي (لم ينجح احدمش)
الله يسلم كراعك من الخدر لكن ماتشيل هم ابدا زيما قلت ليك يا ود امي
اختك يا ياسر :)
| |
|
|
|
|
|
|
|