|
ايد على ايد ... تجدع بعيييييييييييد ....
|
فاطمه ...
البت السودانيه الجميله .. في ريعان شبابها .. اختلج نبض قلبها .. تعثرت دقات شرايينها .. واعتل صمام القلب ..
تحتاج هذه المقبله على الحياه الى عمليه استبدال للصمام الميترالي .. ولكن يدها مغلوله .. قاتل الله الفقر .. والعوز .. والحوجه .. تحتاج الى جراحه قلب مفتوح لاستبدال الصمام الميترالي ..
|
|
|
|
|
|
|
|
Re: ايد على ايد ... تجدع بعيييييييييييد .... (Re: haroon diyab)
|
Quote: البوست ده اتغير ولا انا غلطان.....؟ عملت اكتر من مداخلتين ومالاقيهم وايضا الاخ صحافة 30 المشكلة شنو.....؟ |
هرون يا جميل
البوست سحبوهو بالخطأ واتكرم بكوري ورجعو تاني لكن للاسف شال المداخلات حقت الصباح
عموما عشان فاطمة كله يهون,, وايد علي ايد
| |
|
|
|
|
|
|
Re: ايد على ايد ... تجدع بعيييييييييييد .... (Re: داليا الكباشى)
|
فوق من اجل الانسانيه فاطمه دى يا شباب جاءت لدكتورة داليا كمريضه فقط فى وحدة القلب بمستشفى الشغب حيث تعمل الدكتورة تقرر لها عمليه مستعجله ،اصبحت فاطمه تتجنب الحضور للمستشفى وتتعذر باعذار واهيه لانها لا تملك مصاريف العلاج ولكنها لاتسال الناس الحافا فكانت تحكى اسباب لاعلاقة لها بالامر ولكن بعد مطارده من دكتورة داليا اعترفت فاطمه ان سبب عدم حضورها هو ضيق سعة اليد.. سعت اليكم داليا لانكم رحيمين ولو تبرع كل منكم بما تجود به ظروفه لتم جمع مبلغ العمليه لانه غير باهظ تماما عليكم، ولكن على فاطمة وحدها يدخل فى باب المستحيلات .. الاهم العمليه بعد غدا الثلاثاء ويجب ان يورد المبلع اليوم الاثنين ارجوا ان لانخذل شبابها ونسال الله ان يجعل ذلك فى ميزان حينات داليا والله لايضيع جزاء من احسن عملا،،،
| |
|
|
|
|
|
|
Re: ايد على ايد ... تجدع بعيييييييييييد .... (Re: naeem ali)
|
Quote: فوق من اجل الانسانيه فاطمه دى يا شباب جاءت لدكتورة داليا كمريضه فقط فى وحدة القلب بمستشفى الشغب حيث تعمل الدكتورة تقرر لها عمليه مستعجله ،اصبحت فاطمه تتجنب الحضور للمستشفى وتتعذر باعذار واهيه لانها لا تملك مصاريف العلاج ولكنها لاتسال الناس الحافا فكانت تحكى اسباب لاعلاقة لها بالامر ولكن بعد مطارده من دكتورة داليا اعترفت فاطمه ان سبب عدم حضورها هو ضيق سعة اليد.. سعت اليكم داليا لانكم رحيمين ولو تبرع كل منكم بما تجود به ظروفه لتم جمع مبلغ العمليه لانه غير باهظ تماما عليكم، ولكن على فاطمة وحدها يدخل فى باب المستحيلات .. الاهم العمليه بعد غدا الثلاثاء ويجب ان يورد المبلع اليوم الاثنين ارجوا ان لانخذل شبابها ونسال الله ان يجعل ذلك فى ميزان حينات داليا والله لايضيع جزاء من احسن عملا،،، |
| |
|
|
|
|
|
|
Re: ايد على ايد ... تجدع بعيييييييييييد .... (Re: داليا الكباشى)
|
Quote: فاطمه ...
البت السودانيه الجميله .. في ريعان شبابها .. اختلج نبض قلبها .. تعثرت دقات شرايينها .. واعتل صمام القلب ..
تحتاج هذه المقبله على الحياه الى عمليه استبدال للصمام الميترالي ..
ولكن يدها مغلوله .. قاتل الله الفقر .. والعوز .. والحوجه ..
تحتاج الى جراحه قلب مفتوح لاستبدال الصمام الميترالي .. |
نسأل الله أن يكتب لها الشفاء ويديم عليها الصحة والعافية
| |
|
|
|
|
|
|
Re: ايد على ايد ... تجدع بعيييييييييييد .... (Re: haroon diyab)
|
Quote: اصبحنا واصبح الملك لله
يوم جديد وصباح جديد
بحق من رفع السماوات بلا عمد
ادعو معي ان يكلل عملية فاطمة
بالنجاح ....آميييييييييييييين
متابعة ....ودعوات
شكرا.....دكتورة داليا
شكرا....دكتور مجدي
شكرا....بورداب الزمن الجميل
وليبقي عاليا. |
وتقولى لِى منو
الِى بورداب الزمن الجميل
،
أنحنَا السَّاسْ ونَحنا الرَّاسْ ونحن الدّنيا جبناهَا وبَنيناها.. بِويت ..فى بِويتْ
وأسْعل جدى ترهاقَا وخلى الفَاقة .. والقَاقا
تقول لِى شنو وتقول لِى منو ،
تَالا أبوى .. بعنخى لَزَمْ وتَالا اللُمْ..أَبوىْ أوْلبَابْ وأمى مهيرة بتْ عبودْ وأخويا المهدى ..سيد السيفْ والخلى النصارى تقيفْ هناك ..فى القيفْ ،
تقول لِى شنو وتقول لِى منو ،
ونحن الشينْ ونحن الزينْ ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ تقول لِى شنو وتقول لِى منو ،
ونحن الصّافى والوَافى ، ونحن الشّافى والكافِى ، ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور
تقول لِى شنو وتقول لِى منو ، ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ،
تقولى لِى شنو وتقولى لِى منو ،
ونحن عُزَازْ ونحن حَرَازْ ونحن هَشَابْ ونحن قُمُوحْ ونحن تُمُورْ ونحن عُيُوشْ ونحن النيلْ وَكضَاب – يا زويل – منْ قالْ إنّك .. تانى لينا متيلْ ، تقولى لِى شنو وتقولى لِى منو ،
ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ،
تقول لِى شنو وتقول لِى منو ،
ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ،
تقول لِى شنو وتقول لِى منو ،
ونحن الحِنه والجرتقْ ونحن الزفه والسيره ، ونحن ..أبشرى والشبال ، ونحن السَىْ ونحن الوَىْ ونحن الرقبه .. والتُمْ تُمْ ونحن اللَمْ .. يكون فى الدنيا ..متلنا ..لمْ
تقولى لِى شنو وتقول لِى منو ،
ونحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين تعال يا زول ، وإن كست الكعب والشين أرح .. يا زول
تقولى لى شنو وتقول لى منو ،
ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ،
ونحن فَزَعْ ونحن وجَعْ ونحن اليُمه ..واليَابَا ونحن أريتو بالتَابَه ، ونحن – يمين – إذا حَرّتْ ، نخلى الواطه ..رُقَابه ،
تقولى لِى شنو وتقولى لِى منو ،
ونحن زَغَاوه والعطرونْ ونحن الدُونَا ..مافيشُ دونُ ونحن وِلاد مَلك خِرتيتْ وسَابَ الجرْ وحجَر السِكه ، والتاكا ، وسيّدنا الفى الجبل ..دَاكَا ونحن – يمين – نضِمنا كُتُرْ وشيَتنا كُتُرْ وأسعَل ناس كَرن والطُورْ ، وأسعَل كَررى .. والعَتْمُورْ وأسعل – يا جنَاَ – الخرتُومْ ، وشوف كيفن زعلنا كُتُرْ ، وشوف كيفن فرحنا كُتُرْ ، أنحنا الـ للرجال خُوسَه ، ونحن –يمين – جِنَات موسى ،
تقولى لِى شنو وتقول لِى منو ،
ونحن الدوكه والضُلاله ، والدونكه ، ونحن الدانقه ، والراكوبه ، والواطه ، ونحن الفَكَه والشِبكَه ونحن الحجزه .. والعكَه ، ونحن الجُودْ ، ونحن أسودْ ، ونحن النَانْ ، حديثنا إذا أرِدتو رُطَانْ وحين دايرين ..نسوى بَيَانْ ،
تقول لِى شنو وتقول لِى منو ،
ونحن الخَلوهَ والدايره ، ونحن تَكيه العايره ، ونحن الضُّلْ ، ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ، وتقولِى منو ،
أقيف لِسَعْ وأقيف وأسمعْ ، ونحن صديرى منضوم ويلْ ونحن القَرمصيص ..بلحيلْ ، ونحن التوبْ ونحن الووبْ وناس حبوبْ وناس حَرّمْ ونحن إذا رأينا كبيرْ نقيف طولنا ..ونقولْ لُه ..حَبَابْ ونديه البُكَان ..ترحابْ ونحن. اليَانَا ديل .. يا زولْ وتسعلنى .. وتقول لِى منو وتقولِى شنو ،
أقيف لسعْ وأقيف .. وأسمعْ ونحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه
تقول لِى شنو وتقول لِى منو ،
وأما عجيبْ وأما غريبْ ، وأقيف لسعْ وأقيف .. وأسمعْ ،
أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو
| |
|
|
|
|
|
|
|