الفنانه ندى القلعه تتأهب لاخراج السودان من محنته

Quote: [حيطتكم القصيرة الفنانيين والفنانات من حقها تجيب المريخ لي ولدها مش ام وتاني الولد الدخلو في الموضوع شنو عشان تسخر منو انو اسبعين كتيرها عليهو ربنا يديك العافية خلي البوست ده يغطس رجاء

Quote: لا معليش شكلك انت المافهمت الموضوع انا ضد الرقابة تماما لا الرقابة المعدلة ولا الموظفة ولا المؤدلجة ومع الحرية المطلقة انا طلبت منك طلب اخوي رجــاء ومافي حد بصادر رايك لكن انت خلطت بين الخاص والعام ما هو دخل ولدها وائل في الموضوع ؟؟ البوست خلي مرفوع وجاييك وهي بقت على ندى القلعة !!!

Quote: صاحب البوست بختك ادرعت في السني يحلك الله والله يا اخوي السني ده بعد سماحتو دي قطيم قطامة علا يوريك فنون وفي حدود الاحترام والادب الله يعينك عاد

Quote: والوطن يتمزق الى اشلاء وويلات الحرب فى غربه وجنوبه وشرقه وعذابات الشعب امتدت بامتداد المليون ميل والسودان يتأهب لاستقبال العام الجديد والذى يمكن ان نطلق عليه عام الرماده، فقيام الانتخابات يشوبه الغموض وقانون الاستفتاء لم يتفق عليه وقانون الامن الوطنى فى مهب الريح، والموسم الزراعى مهدد، والرزيقات قاعدين على الهبشه ومزيدا من الضغوط الامريكيه مؤخرا والجنوب يستعد للانفصال ودارفور تحتضن ملايين المشردين المرعوبين الباحثين عن حياة كريمه ... اراهن بروحى ان هذه الايام والايام القادمه هى اسؤ ايام مرت على هذه البلاد وستمر عبر تاريخه الطويل

Quote: ااخي / مدثر تجدنى اشاركك هذا الهم الكبير وأستشعر كل ماكتبته مع اقتراب العام المقبل حقيقة الوضع مخيف ولايبشر بخير لااعتقد ندى القلعة ولا حتى سياسيينا الحاليين من مختلف مضاربهم قادرين على اخراجنا من هذا النفق وعنق الزجاجة

(عدل بواسطة محمد سنى دفع الله on 10-31-2009, 11:17 AM)

Quote: [اول بعتذر وبشدة عن عدم سلامي ليك تقبل عذري وتحية واحتراما تاني اما بخصوص الديمووووقراطية يا احوي انا مع الحرية الجد الديمو دي مافيها ديكوو يعني ديكتاتورية مدنية ثالثا عمري ما دخلت لي زول من برج عاجي ولا درج فوقاني معذرة لو شعرت انت بهذهالنظرة .. اتا الزعلتي نعتك لي ولي قريبي انو ديناصورات قسما انا بحب التاريخ جنس جب لكن ما بكره الا الديناصورات في الحيوان وفي البشر اجي اطلع دينا صور لو طلعتني دينا صلاح مالو اما بخصوص كسير التلج انا دهلت بوستك ده وفي صديق بحبك غي الله كسر ليك تلج وقال لي اي بوست لي مدثر فرجاج ما يفوتك ،، ده الدخلني وانا ما طلبت منك غير رجاء لانو حسيت فعلا انت كما قيل عنك واكثر من نفس الموضوع الذي اتهمتني باني ما فهمتو كل كلامي انو طلع الولد من الحكاية اما باقي الموضوع اتفق فيهو معاك تماما حكاية دخوي لانو فيهو اسم ـ ندى القلعة تحيل ما في لائحة الفنانات المفشلات عندي خالص والله ؟؟؟ وبعتذر لك بشدة لكل ما شعرت به والمسامح كريم وجاييك للبوبار والمحنة العايشنها عشان البوست يمشي لي هدفو وجاييك بالمهلة وانا مطالعة الخلا سبتها زمان وهو في سخلا هسي مودتي

Quote: مدثر قرجاج . تحيات عايز اسالك سؤال بخليني ابكي وابكي لمن العبرة تكتلني من الغيظ - اكدا - الضغط الحاصل في المليون ميل المدور هل لو جاءت حكومه جديده وديمقراطيه و نزيه حتكون احسن من السبقوها كلهم ؟؟ وكلهم دي ( تعني الحكومات المرة علي السودان من قبل ما نشوف السودان نحنا زاتنا ) منتظر الاجابه : !!!

Quote: مدثر...سلامات ... ايه علاقة ندي القلعة بمشاكل السودان ؟!! وايه علاقة دراسة ابنها بذلك ؟!! من حقها ان تفرح لنجاح ابنها بالطريقة التي تراها، فهذا حق مشروع ليس للدولة شأن فيه ..الا اذا كان هذا الاحتفال على نفقة الدولة فحينها يحق لك انتقادها .. نتمني لالابنها النجاح كطفل سوداني يرجي منه .. ودي ،،

Quote: والوطن يتمزق الى اشلاء وويلات الحرب فى غربه وجنوبه وشرقه وعذابات الشعب امتدت بامتداد المليون ميل والسودان يتأهب لاستقبال العام الجديد والذى يمكن ان نطلق عليه عام الرماده، فقيام الانتخابات يشوبه الغموض وقانون الاستفتاء لم يتفق عليه وقانون الامن الوطنى فى مهب الريح، والموسم الزراعى مهدد، والرزيقات قاعدين على الهبشه ومزيدا من الضغوط الامريكيه مؤخرا والجنوب يستعد للانفصال ودارفور تحتضن ملايين المشردين المرعوبين الباحثين عن حياة كريمه ... اراهن بروحى ان هذه الايام والايام القادمه هى اسؤ ايام مرت على هذه البلاد وستمر عبر تاريخه الطويل.... ومعلوم من هم الذين ادخلونا فى هذا النفق الضيق

Quote: بخصوص طلبك فى البدايه ان يغطس البوست انا لا اتفق معك على مثل هذه الطلبات لا فى هذا البوست ولا فى غيره احس دائما ان النقاش هو طريقنا الامثل لتصحيح الاخطاء ان وجدت يعنى يااستاذ فى ناس فى المنبر يطالبوا الزول انو البوست يغطس دون حتى ان يناقشوه فى الاسباب وهى طريقه فيها كثير من الاستفزاز ورغم انو طلبك كان بطريقه جميله الا ان الامو مرتبطه عندى بالمنبر عامة .........

Quote: مدثر .. زمان مديرنا في الجامعة ( كمبيوترمان ) قال في التخريج بجيب ليكم ( اصالة نصـري ) .. قمنا فرحنا و اتخرجنا .. قام خارجنا .. و جاب ( أصالة نصري ) في عرس بته .. شفت المحن ..

Quote: قروشها و هي حره, المشكله ما ندى االقلعه قالت شنو و لا صرحت بشنو, المشكله في الناس البينشروا ليها تصريح زي ده و البيقروا الكلام ده و البيشجعوها, هي ام و من حقها تفرح بولدها زي ما هي عاوزه, و نحن من حقنا تطنيش تصريحاتها و التركيز في مشكاكلنا.

Quote: الأخ/ مدثر طيب التحايا على الرغم من إعترافي بأن في مثل الوضع أعلاه تتملك الإنسان حالة ثورية يفترض فيها’ لا صوت يعلو فوق صوت المعركة ولكني مع ذلك أراك حمّلت ندي القلعة حملاً هي ليست أهلاً له, يارجل إذا كان في منبرك هذا يوجد الكثيرون ممن ليس لديهم أي حس بما تتحدث عنه بل أن هناك من يتابعون أصحاب الكتابات الجادة والمسئولة والحارقة رزها زيك كده عشان يجو يقولوا فيها كلام فارغ ما تعرف ترد عليهو والا تتجاهلوا أعانك الله . كسرة : إنت عارف يامدثر اليومين دي أنا راكبني عفريت إني أدعو وأصوّت للمؤتمر الوطني عشان يبتلي بالمصائب الجاية دي لأني ممن يعتقدون أن سوء الإنقاذ ما ظهر على حقيقتو لسع وأقل ما في هذا السوء يا أخوي الإقتصاد البلد ما فيها أي إنتاج وناتجه القومي كلو معتمد على الجباية وإيقاف الخدمات وشوية البترول الجبهجية لحسوهو ما باقي فيهو الرمادة. أبو حمــــــــــــــد

Quote: ود قرجاج ياخي الاستاذالسني دفع الله مدرسة متحركة ونحن نعتز بها ويجب ان ننهل منها ولاتنسى في يوم من الايام اخرجنا من بعض الامنا واحزاننا وهمومنا ودقرجاج الكاتب .. الفنان مثل هذه البوستات لم تمشي إلا على ناس تعرف من هو مدثر قرجاج الحامل هموم الوطن والرجل الحنين والذي له مدرسة متفرده (مختلفه ) وبالتدريج سوف تصل للقراء ولكن يا اخي لاتثيرك الاشياء الجانبية وتخسر الناس البتتابعك ومعجبة بيك وبكتاباتك وسبق في بعض البوستات انا قلت ترقبوا هذا الشاب الصاعد وياريت ماتخزلنا ونحن لك بالمرصاد في الذي يعجبنا ولم يعحبنا منك . وانا تعاطفت مع ولد ندى القلعة مثل الاستاذالسني دفع ومثل اي سوداني واختلف معه في تغطيس البوست بوست موفق

Quote: سلامات مدثر شكرا على البوست محاولة جيدة لفهم الواقع

Quote: أخي العزيز مدثر قرجاج أبن الدرجة الثالثة وبالتحديد مربع 14 لك أولا : التحايا (وعلي مذهب الناس في شنو والحسانية في شنو) القراءة سليمة جدا للواقع ويمكن أسواء ولكن الهم العام هو لمن هل لنا أم للأجيال القادمة أم هو للسودان معافي بعيد عن لعبة المصالح المشتركة ولأي معسكر سوف يذهب به الحال بعد التمزق المرتقب لأن لايوجد هناك إي نوع من التوافق بين الحكومة والشريك حكومة الجنوب وحتي حكومة الجنوب ماذا قدمت للجنوب وأهله منذ أتفاق نيفاشا ومابعد الراحل د. جون قرنق وهم منذ الأتفاق هناك أشياء من المفترض أن يعملو عليها وحال الغرب ودارفور الجريحة والشرق الذي ينام علي رماد النار والشمال الذي أرهقه المشاريع المفترض قومية والتهجير كل هذة تندرج تحت مقالك وأن كان عنوانه لم يكن بقدر الهم ولكن هذة الحسانية وهولاء هم الناس ،أخي أخونا السني فنان صدره واسع وقد أعجبني النفس البارد الذي مر علي البوست ووضعه في مجراه وياأخي أكتب لعامة القُرأ وليس لمن يبادلوك وجهات النظر فقط ومن ثم يكون التنبية بقدر الهم القادم لك ودي وأحترامي .،،،،أبوقصي،،،،

Quote: الاخ مدثر تحياتى فهمت قصدك تماما انو البلد فى كف عفريت وفى ناس كتيرين زى ندى وغيرها ما جايبين خبر دى زكرتنى مرة فى جامعة الخرطوم والناس كانت فى هم الانتفاضة وفى هم انتخابات الاتحاد والحناكيش فى المين روود كانوا بيدعوا لتنظيم مسابقة ملكة جمال الجامعة لو تفكرت فى وضع السودان الحالى بتلقى كتيرين زى عينة ندى القلعة دى وخاصة من الطبقة المترفة الجديدة التى خلقتها الانقاذ يكفيك حفلات الزواج البزخية وما نسمعه من ان احدهم استرد فيلين ليركب هو على احدهما والعروسة على التانى ليلة الزفاف اى نعم هم حرين فى تصريف اموالهم بالشكل الذى يناسبهم ولكن اىن هى مراعاة شعور الاخرين انى اتسائل معك ؟؟؟؟؟

Quote: اثرت مجموعة من الفتيات احضار المطرب المصرى (تامر حسنى) للغناء على نفقتهن الخاصة فى حفل خاص بالخرطوم ب(الشيرنق الجماعى) وقالت الفتيات ان حضور تامر حلم جميل راودهن كثيرا واكدن انهن فى سبيل الحصول على مبتغاهن ذلك يمكن ان يلجأن الى بيع مغتنياتهم الشخصية من حلى واكسسورارات وموبايلات من اجل الظفر بساعات قليله فى معية المطرب الذى وصفنه الفتيات بانه من (عالم تانى)

Quote: سذاجة ناس يمكن ان يكون لهم دور قوى وفاعل فى المرحله المقبله طبعا هى ماعندها دخل بالسياسه لانها مابتفهم فيها ابو النوم لكن يمكن يكون عندها دور فى الامور المعنويه للمواطن المدحور....

Quote: الصورة تدمى القلب وتنكأ الجراح يالهؤلاء المنسيين علنا نتذكرهم سنحاول ان نربط بين هذه الصورة وحفلة تامر بتاعت ندى القلعه وياله من رابط .........................

Quote: قرقاج سلامات... دي سذاجة ما بعدها سذاجة, الناس دي نست حفلة نجيريا بتاعت الوليه دي ولا شنوا..؟؟ لو دايرين بنجيب ليكم المهزلة بتاعت نيجيريا من اليوتوب. يا أخي القروش بتاعت المره دي كلها من المساكين, ومفترض ترجع للمسكاين, كان تبني ليها 100 قطية جديدة في دارفور وتلقي ثواب دنيا و أخره. _____ كلامك الانا طبعتو فوق دا في الهدف تماما. واالهم لا حساده علي خلقة.

Quote: ودقرجاج (المبدع) ياخي اخر مره مشيت اجازة السودان صراحة اتحرقت جدا ومن جوه الجوه والله الشعب السوداني طيب وكريم وكيف وصل الى هذه الدرجه والله محزنه ياخي تلاقي ناس حريم رجال ماشيي في الشارع باجسادهم فقط وتجد عقوالهم في مكان اخر وين الله يعلم والله يصلح الحال ---------------------------------------- موضوعك دا يثير العواطف يا ود قرجاج ويحفز الذاكرة بمأسي الوطن ونحن بعيدين عنه لذلك كل مره الف واجي اتكي عندك هنا

Quote: اصلا مافى زول منع ندى القلعه انها تشجع ابنها لكن بعيدا من الاعلام والبوبار يعنى فى داعى تصرح اصلا كان

Quote: سلام مدثر دا الكلام المفيد البوبار

Quote: الفنانه ندى القلعه تتأهب لاحراج السودان من محنته

Quote: الفنان نبض الشعب اين مراعاه شعور الكادحين الغبش ؟؟؟

Quote: سلام اخي قرجاج .. آلمتني جدا حرارة نفسك مع أستاذ السني وهو من أجمل الناس في هذا المكان.. والحمدلله انه الموضوع برد شوية ..

Quote: الأخوان مدثر و وليد سلام من الله يغشاكم حاولا التأكد أن الصورة تخص السودان والسودانين !! قبل وضعها مثل في هذا البوست .. مع عامر مودتي ..

Quote: شكرا اخي قرجاج على الرد.. ___ وأكتفي بهذا القدر يا مولاي..

Quote: والفنانين ماينفع ويطرب الناس وناس ندى حتما حايشتتوا....بقى ان تعلمى ان معجبين الاستاذه ندى خشم بيوت فى ناس كتار عاجبهم الشكل وناس كتار عاجباهم تياب ندى وناس عاجباهم الحنه البترسمها فى يدها بالشى الفلانى وناس عاجباهم تسريحة الشعر وفى ناس عاجباهم الوقفه والقوام وناس عاجباهم العيون خصوصا لمن تكون متأثرة بالاغنيه وللأسف لايوجد من هو معجب بفن ندى اللهم الا اذا ارتكزوا على القاعده التى تقول مراية الحب عميانه ومع ندى يمكن ان نضيف ومابتسمع كمان.............

Quote: الأخوان مدثر و وليد سلام من الله يغشاكم حاولا التأكد أن الصورة تخص السودان والسودانين !! قبل وضعها مثل في هذا البوست .. مع عامر مودتي ..

Quote: الناس في شنو وندي القلعه في شنو.... سبحان الله ... دي عايشة وين؟؟؟