|
خــدر في واشنطن ,,,
|
جـد جـد مفاجأة كبيرة وسعيده .. غادرنا الغيم منذ 12 عام ولم نلتقيه حتي الان.. أوصـافه كالأتي,, مرهف,, فنـان,, متميز,, خلــوق,, إتلاقينـا في ندوة المرأة اليوم انا والأستـاذ إبراهيم علي إبراهيم,,وأجمل ماكان في الندوة,,عندما قال ابراهيم بصوت خافت,,طارق ابوعبيدة جاي واشنطن فرحت.. وكبرت كراعي من الفرح,, وطوالي شريط ذكريات حنين مر قدامي,, اخر لقاء بينا كان عيد ميلاد عوض شكسبير في الثورة امدرمان,, بتذكر وجود الفنان الشاب خوجلي هاشم من فناني عطبرة المتميزين,, وكانت مبارة فنيه رفيعة المستوي والحس,, ذكريات كتيرة جاءت ومضت وعـطرتها صور طارق لما غني الذكريات,, ماكنت عارف انو دي اخر اغنيه اسمعها بصوت صديقي خدر,, المهم,, يايوم بكرة ماتسرع,, خدر,, بعد كرت الحمي الصفراء سبب بأخرك ماف,, ودي فرصه لبورداب واشنطن,,عسي ان تكون نادرة وقيمه,, ودي
|
|
|
|
|
|
|
|
Re: خــدر في واشنطن ,,, (Re: عليش)
|
خدر,, وصلت وين ياخوي ماشايفك,, طبعا,, والأهم في الموضوع,, إنـو خدر حيمتعنا بي قفشاتو وغناهو,,
| |
|
|
|
|
|
|
Re: خــدر في واشنطن ,,, (Re: عليش)
|
مرحبا بالاستاذ طارق أبو عبيدة في واشنطن وأنا مثلك يا عليش كان عهدي بخدر ذلك (الغيم) والذي شاركه فيه الدكتور وجدي كامل والدكتور الفاتح حسين وأتذكر ندوة أدرتها بشركة حصاد عند صدور إلبوم الغيم وكان حوارا جادا وعاصفابمشاركة إخوة موسيقيين وشعراء وفنانيين. وسنسعد حتما بملاقاة خدر ويا حبذا لو أكرمنا الزميل ابراهيم علي ابراهيم بجلسة حوار مع خدر في ذلك البيت الجميل الأنيق لنحتفي به ولنرى آخر إبداعاته.
| |
|
|
|
|
|
|
Re: خــدر في واشنطن ,,, (Re: صلاح شعيب)
|
Quote: مرحبا بالاستاذ طارق أبو عبيدة في واشنطن وأنا مثلك يا عليش كان عهدي بخدر ذلك (الغيم) والذي شاركه فيه الدكتور وجدي كامل والدكتور الفاتح حسين وأتذكر ندوة أدرتها بشركة حصاد عند صدور إلبوم الغيم وكان حوارا جادا وعاصفابمشاركة إخوة موسيقيين وشعراء وفنانيين. وسنسعد حتما بملاقاة خدر ويا حبذا لو أكرمنا الزميل ابراهيم علي ابراهيم بجلسة حوار مع خدر في ذلك البيت الجميل الأنيق لنحتفي به ولنرى آخر إبداعاته. |
| |
|
|
|
|
|
|
Re: خــدر في واشنطن ,,, (Re: صلاح شعيب)
|
يا شعيب يشهد الله مشتهيكـ و طارئ ونستكـ السمحة ياخي والله خبر جميل انو نتلاقي تاني شفت الدنيا دي يا شعيب بتشتت و تجمع فينا كيف ؟
Quote: وكان حوارا جادا وعاصفابمشاركة إخوة موسيقيين وشعراء وفنانيين. |
تعرف يا صلاح بعد الحوار العاصف ده , غادرت السودان لاغني لشعوب ترطن بلسان و ترقص بقلب الان و بعد سنوات اعود بعد ان قضيت وطري منهم لتخبرني يا شاهدا من اهلها.. ماذا فعلت بي الايام
الشوق الشوق يا صاحب
| |
|
|
|
|
|
|
Re: خــدر في واشنطن ,,, (Re: عليش)
|
Quote: اخر لقاء بينا كان عيد ميلاد عوض شكسبير في الثورة امدرمان,, بتذكر وجود الفنان الشاب خوجلي هاشم من فناني عطبرة المتميزين,, وكانت مبارة فنيه رفيعة المستوي والحس,, ذكريات كتيرة جاءت ومضت وعـطرتها صور طارق لما غني الذكريات,, ماكنت عارف انو دي اخر اغنيه اسمعها بصوت صديقي خدر,, |
يا سلام يا سلام يا سلام علي الكتابة المشجونة و ذكريات الاصدقاء يا مُشخصاتي .. شكرا يا حلو علي البوست و علي الترحيب الحار و علي الذكريات الهيجتها .. ياخي في ذمتكـ شكسبير ده موش كارثة !؟ يحتفل بي عيد ميلادو !؟ نحن طبعا خير من يورط الاصدقاء و يدعم المشاريع الما جادة خليهو يحتفل بيهو اسه لو يلقي ليهو شمع . فعلا سأحضر في نهاية نوفمبر إنشاء الله و سنغني في عيد الاضحي ما شاء لنا يا صديقي
Quote: بعد كرت الحمي الصفراء سبب بأخرك ماف,, |
كرت الحمي الصفراء هين .. الكلام علي عبور الاطلطني علي مَتن حَديدة سواقها ما مضمون المأخرني يا عليش حفل في لندن في 21 نوفمبر .. غالبا من هناكـ اجي عليكم طوالي.
شكرا يا علوش .. شكرا علي الشجن اعلاة
| |
|
|
|
|
|
|
Re: خــدر في واشنطن ,,, (Re: عليش)
|
عليش و بورداب واشنطون سلامي و تحياتي لكم جميعا" و السودان بسلم عليكم كلكم .. غايتو جد جد بختكم بي زيارة خدر الفنان الرائع و ياريت تقدروا تمسكوهو لغاية ما نرجع من الاجازة
تحياتي
| |
|
|
|
|
|
|
Re: خــدر في واشنطن ,,, (Re: عليش)
|
قرييييب إن شاءالله بس قول يا لطيف ، و خليك جاهز عشان تعتًل معاي الشنط لوووول ..
خارج النص كدا : الندوة كانت كيف ؟ إن شاءالله أدت الغرض منها و أستفاد الجميع بما فيهم بريمة !
| |
|
|
|
|
|
|
Re: خــدر في واشنطن ,,, (Re: عليش)
|
شكرا يا عليش علي فتح البوست
دعنا نعمل معا لفتح ابواب واشنطن لخدر القادم من الاراضي المنخفضة
الولايات المتحدة موعودة بطرب وغناء حقيقي
الدعوة مفتوحة للجميع في ارجاء الولايات المتحدة لتقديم الاقتراحات لتنظيم حفلات الفنان طارق غيم
| |
|
|
|
|
|
|
Re: خــدر في واشنطن ,,, (Re: heba Elmahi)
|
يا هبة الماحي انا الما محظوظ يا ستي إجازتكـ شكلها قاصداني عموما خيرها في غيرها و قطع شكـ حا نتلاقي
Quote: هييييي يا حراميه التسميات انا السميت الزول ده الغيم يلا حاسبونا علشان نقطع تذكرتنا ونحصله |
ما بيناتنا يا فنان و يا عليش زكريا مورتون ده بتذكرو !؟ احرف ترمبيت مر علي ساورا يلا بلاهي خلوهو يلحق معانا الحفلات دي
| |
|
|
|
|
|
|
Re: خــدر في واشنطن ,,, (Re: عليش)
|
يا وليد .. مضحككـ عيد ميلاد عوض !؟ طيب لو حكيت ليكـ بقية كوارث و حكايات المعهد والله إلا يأجزولكم
يا عليش معقول اكون متذكر !؟ كدي احكي ده منو كان ؟
| |
|
|
|
|
|
|
Re: خــدر في واشنطن ,,, (Re: عوض شكسبير)
|
Quote: فعلا سأحضر في نهاية نوفمبر إنشاء الله و سنغني في عيد الاضحي ما شاء لنا يا صديقي |
هــــــــــــــــــــــــــوي يا خدر بالله ما تخلينا نحجز تزاكرنا ســــــــــــــــــاي!!!!! اها في الانتظار العيد في دي سي انشاء الله,عشان جيتك بس!!!
شكرا يا عليش علي كل الجمال ومرحتبتن حبابك خدر...........
| |
|
|
|
|
|
|
Re: خــدر في واشنطن ,,, (Re: هواري نمر)
|
تعال يا عيد وتعال يا خدر
خلونا نحتفل بعيدين ونضبح خروفين
في بوسطن ونيويورك
والتالت في DC فرحة ســــاي لله
يا أفوكاتو إبراهيم... قول 3 حاجزين (وبعبارة أخري حاجزين لي ثلاثة حفلات)
وتسلم يا عليش...
| |
|
|
|
|
|
|
Re: خــدر في واشنطن ,,, (Re: heba Elmahi)
|
Quote: يا هبة الماحي انا الما محظوظ يا ستي إجازتكـ شكلها قاصداني عموما خيرها في غيرها و قطع شكـ حا نتلاقي |
تسلم شديد يا أبو لقاء و إجازتي دي قاصداني و قاصداك لكن و علي كيفها أكييييد بنتلاقي بأذن الله ..
تحيات كميات و محبة شديدة والله
| |
|
|
|
|
|
|
Re: خــدر في واشنطن ,,, (Re: heba Elmahi)
|
سلامات ياعليش..
خدر مابناباهو... الا العود كان أخضر أكان يابس دايرنو ..وعوض شكسبير من متين هو بي جاي.. علي الحلف ماشفتو الا هسة
سلامات ياعوض والبيت منور
حبابك ياخدر وحاجزين يومنا ياكمان بقينا معاكم ...
| |
|
|
|
|
|
|
Re: خــدر في واشنطن ,,, (Re: محمد زكريا)
|
Quote: خدر,, وصلت وين ياخوي ماشايفك,, طبعا,, والأهم في الموضوع,, إنـو خدر حيمتعنا بي قفشاتو وغناهو,, |
سلامات عليش و ضيوفو شكري الكتير و الكبير جدا لكل من هاتفني او راسلني علي الايميل بخصوص رحلة امريكا القامة انا لسه في امستردام و لدي إرتباط سابق بحفل في لندن بتاريخ 21 نوفمبر و ده السبب المأخرني لحدي اسه عنكم .. سوف اصل واشنطون كان الله هون في 22- 23 نوفمبر
التوضيح ده عشان بعض الاصدقاء اتهمومني اني موجود في واشنطون لكن لابد ياخي والله انا ذاتي مشتهيكم زي امكم/ن .. عاوز الاقيكم/ن و اشمكم زاتو . المامصدقني لسه يتصل علي في موبايلي في امستردام 0031.618317525
___ اصدقاء اوغاد علموني الاعتذارات علي كُبر
| |
|
|
|
|
|
|
Re: خــدر في واشنطن ,,, (Re: خدر)
|
يا سلام عليكم والله صديقي الاثيري خدر موضوع البوست وصديقي (العديل) عليش صاحب البوست واشنطن مكان الناس الحلوين بختهم بيك يا خدر وبختك بيهم
ياخدر شنو يعني مطنشني كده ما رسلت ليك ماسنجر وايميل نموت يعني علشان دايرين غناك
| |
|
|
|
|
|
|
Re: خــدر في واشنطن ,,, (Re: Asma Ali)
|
والله والله والله ... خدر الشهير بي طارق ابو عبيده دا عمري لا لاقيتو لا اتداخلت معاهو على قوله ناس البورد ...
لكن سبحان الله ... موده اسفيريه سااااااااي ...
حمد لله على السلامه وبختهم ناس امريكا ...
تحياتي عليش صاحب البوست ....
| |
|
|
|
|
|
|
Re: خــدر في واشنطن ,,, (Re: داليا الكباشى)
|
منعم الحاج جميل ان نلتقي قريبا يا صاحب
مورتون اديني رضاكـ قدامي سفر يا صاحب و حمدلله علي سلامة بكور اتكلمت معاهو امس
اسماء يا صديقي انتي ما تسألي يا اسماء من غناي انت تشيلي طوالي .. انا لاقيكـ وين فتشتكـ كم مره و شكلو رقمكـ إتغير
داليا القلوب ارواح مجندة يا جميلة انا سعيد بي المودة و بي الروح الحلوة حقتكـ يكفي روحكـ دي و الاصدقاء المشتركين بيننا شكرا يا داليا
| |
|
|
|
|
|
|
Re: خــدر في واشنطن ,,, (Re: عليش)
|
انا طبعا ما مصدق إنه خدر يصل الي بلاد لبعم سام مش لانه ........ لانه ما طلب إذن دخول من والده و إذا عاوز يحضر الي بلاد العم أو إبن العم أوباما أول حته يخت رجله فيها هي مدينة كولمبس بالله ورونا الفردة ده وصل ولا وين؟
| |
|
|
|
|
|
|
Re: خــدر في واشنطن ,,, (Re: heba Elmahi)
|
شكسبير بلاهي انت في سودانيزاولاين و انا ما عارف ؟ مشتاقين يا فنان والله .. طمنا اخباركـ شنو ؟
هواري يا فنان فعلا يا سيد كان ربكـ هون العيد معاكـ تب
تسلم يا محمد خليفة يا سيد الكرم خروف منك و 2 مني و نغني في بوسطن و نيويورك
تباركـ اول شي حا اعملو لمن الاقيكـ اغير ليكـ صورة بروفايلكـ دي احيييييي ( وش مغيوظ منكـ)
| |
|
|
|
|
|
|
Re: خــدر في واشنطن ,,, (Re: الملك)
|
اعزائي عليش وشعيب
لكما مني الاشواق وقبلها السلام وعاطر التحايا
مطر الرشاش الجانا
المجنون فنا وشيخنا الذي علمنا معني ان نطرب طارق ابو عبيدة
تحياتي وترحيبي وسلامي ابثها لك عند ملتقانا هنا بمنزلنا اقصد منزلك ببروكلن نيويورك
حينها استرجع رائعة الفنان الذري الخالد ابدا ابراهيم عوض
يا زمن وقف شوية واهدي لي لحظات هنية
هنائي يوم ان تحتفي بك نيويورك فهل من وعد هل
فرحتي بلا حدود بمبدع بلا حدود
حبابك الف ونحن في الانتظار
| |
|
|
|
|
|
|
Re: خــدر في واشنطن ,,, (Re: Ash)
|
المبدع الأصيل طارق أبوعبيدة توجَّه حيثما شئت فإنّك محبوب لا ترفق بقلوب أبناء واشنطن اقتلها شجناً وعشقاً وإبداعـاً ثم تعـال لتُجهِز على قلوبنـا رافقتك السلامة في حِلّك وترحالك
شكراً للجميل عليش
| |
|
|
|
|
|
|
Re: خــدر في واشنطن ,,, (Re: أيزابيلا)
|
يا AAAASHرف واحد من افراح الزيارة .. ملاقاتكـ و نفر غير قليل من الاصدقاء الحميمين العود عليك و الغنا علي DEAL ؟ ولا اجيب عودي معاي ؟
استاذ علاء شكرا علي كلماتكـ اللطيفات و علي ادبكـ الجم و لغتكـ الراقية شكرا استاذنا
يا عثمان ابشر بالخير .. ده شهر يكفيني 30 سنة زكريات لي قدام
شذي كيف يخشي البرد من له مثل عينيكـ يا جميلة سنلتقي و نغني و نشحن قلوبنا بالزكريات
| |
|
|
|
|
|
|
Re: خــدر في واشنطن ,,, (Re: إحسان عبدالمتعال أحمد)
|
عليش يا حبيبنا سلامتكـ و كفارة يا فنان إنشاء الله العدو يا سيدي بعدين النزلة دي اديها القرض و الكركدي و ابعد من التلفزيون بعمل ليك لوز او اشكدي
Quote: لانه ما طلب إذن دخول من والده |
حسن يا حبيبي مالكـ مكبر روحك ياخي و انت لسه شباب انت اخ كبير سنا و كبير قدراَ و قطع شكـ حا نتلاقي إنشاء الله
الملكـ قول يا رب
احسان الجميلة يا رفيقة ايام الدراسة .. اريتكـ و اهلك طيبين قطع شكـ سنلتقي و نغني و نسترجع ايام في الذاكرة تحياتي ليكـ ولاسرتك حتي نلتقي
| |
|
|
|
|
|
|
Re: خــدر في واشنطن ,,, (Re: خدر)
|
خدر العزيز
ادينا الاخبار والتفاصيل
عشان الاستعدادات وكدا
البوش جاهز وكمان الشاهي
دايره اعرف الجية عن طريق واشنطن ولا اقول ليك بس ما تكلم عليش وجماعته ( احسن لك تجي بي نيويورك )
رسل لي في الخاص كل الاخبار والتحركات انا في الانتظار
| |
|
|
|
|
|
|
Re: خــدر في واشنطن ,,, (Re: esam gabralla)
|
Quote: هانت الزلابيه .... بعد شويه نشوف كليب في الأم تى في خدر مع شاكيرا او JL
يا عليش البتسوو فيهو ده غلط .... مع التحايا ل آآآآآش |
انت جيت يا العشاء بي لبن ؟ اها رفيقكـ وينو .. خليتو بي هناكـ و جيت ؟
اخشي ما كنت اخشاه عزيزي القاري ان ينتبه اصدقائي الي البوست وها قد حدث
الدوام لله .. اقنع من خيراَ فيهو بوستكـ ده يا عليش
| |
|
|
|
|
|
|
Re: خــدر في واشنطن ,,, (Re: خدر)
|
نصيحه يا عليش ظبطو الصاله و اكرمو الضيوف و خلوهم يبتهجو بالحفله لكن لو عاوزين جد تسمعو غنا ... غنا جد ما هظار سوقو الملعون ده دكاكينى بالعود بس ... و اتخارجو من اى ضهب و وهم , لمو ناس بتعرف غنا و بتعرف تختار و تسمع و تتكلم في الغنا الزول فاخورتو مدغمسه لكن فيها غنا نضيف و الحلقوم رهيب , و اعصروهو يقشطكم بي غناهو الخاص ... في تحريشات تانيه لكن ما بتتكتب هنا , رسل في الخاص و معاها شيك اتعاب الكونسلتانسي او...... تذكره طياره للأستيتس
| |
|
|
|
|
|
|
Re: خــدر في واشنطن ,,, (Re: esam gabralla)
|
لا كان كدي خدر قرب علينا المسافة كلها محيط اطلنط و حلف الناتو تصل تاخ واشنطون اصلنا نحنا بعدين منه خلاص كراع في المانيا و كراع في بلجيكا علي ان قرب الدار ليس بنافع علي نافع
يا خدر بطريقتك دي بنحرش ناس الحلة الحذر امريكا للمرة التانية نخليم ينفذوا عليها الحظر الجوي الا تمشي بمركب
| |
|
|
|
|
|
|
Re: خــدر في واشنطن ,,, (Re: عليش)
|
سلام...
يا "النبي خدر";
ماعنو موفر "العود" و تعلمه, مشروع معاش!
لكن... مايغلي عليك Sharing
عليش, جبرالله, و إزابيلا;
العود بـ كم?!
| |
|
|
|
|
|
|
Re: خــدر في واشنطن ,,, (Re: Ash)
|
حبيبنا ASHـــرف
انتو الما يغلي عليكم 1/تعب عِتالة عود و 2/ طّن خوف من الطيران عودي بجيبو معاي انتو لو عاوزين تعملوا شيرنق !! اعملوا لي شيرنق شجاعة عشان استحمل عبور الاطلنطي بدون فاليوم تعرف يا شوش سنة 2005 و انا راجع من اطلانطا لي امستردام .. قبل الاقلاع بي دقائق انوار الطيارة طفت كلها و الطيار قدم اعتذار و قال حا يعالجوا العطل .. استمر العلاج لي اكتر من 45 دقيقة .. متخيل منظري كيف الوكت داكـ ؟ لحدي اسه قلبي مقطوع طبعاَ
عليش, جبرالله, و إزابيلا; ساعدونا بإرشادات السلامة و صالح الدعوات
| |
|
|
|
|
|
|
Re: خــدر في واشنطن ,,, (Re: خدر)
|
يا عليش طلعنا مطالبين الخيش
كيفك ياخ ؟ بلاي زبطو الملعب والبلي وكل شي حتستمتعو شديد .
ياخدر كيف حالك واهوالك في هذه المدة التي لم نراك فيها . بالمناسبة ارجع امستردام قبل يوم 5 لانو في صاحب وزول عجيب جائيكم هناك . حووووووول
| |
|
|
|
|
|
|
Re: خــدر في واشنطن ,,, (Re: خدر)
|
Quote: متخيل منظري كيف الوكت داكـ ؟ لحدي اسه قلبي مقطوع طبعاَ
|
قلبك بس الانقطع ولا انفاسك كمان... المهم انحنا الهنا ياعليش قلبنا انقطع من مشوار خدر البعيد ده .. الله يوصلك سالم وبعافيتك... اجمل حاجة قالوا في الطيران انو الطياره لو وقعت من النادر بتلقى ليك واحد من الركاب عشان يحكي ليك وقعت كيف..
| |
|
|
|
|
|
|
Re: خــدر في واشنطن ,,, (Re: عليش)
|
كودي يا فنان عارفكـ والله بتكون دليل كارب و مرحب بي شيوخ بوسطن و نيويوركـ حتي نلتقي يا خالد
عليش حمدلله علي السلامة أجر و عافية يا صاحب
| |
|
|
|
|
|
|
Re: خــدر في واشنطن ,,, (Re: حافظ كنجال)
|
سفيان افرغ ما بجعبتكـ يارجل من من الاوغاد قادم و علي كّل حبابو 10
كنجال
Quote: اجمل حاجة قالوا في الطيران انو الطياره لو وقعت من النادر بتلقى ليك واحد من الركاب عشان يحكي ليك وقعت كيف.. |
والله كان اجمل حاجة ما بعرفو ؟ ياراجل قال ليكـ الصندوق الاسود زاتو بقي ما بجي راجع تقول لي راكب يجي راجع ؟
| |
|
|
|
|
|
|
Re: خــدر في واشنطن ,,, (Re: عليش)
|
Quote: لكن لو عاوزين جد تسمعو غنا ... غنا جد ما هظار سوقو الملعون ده دكاكينى بالعود بس ... و اتخارجو من اى ضهب و وهم
, لمو ناس بتعرف غنا و بتعرف تختار و تسمع و تتكلم في الغنا |
ورقك كاشف يا عصام:)
Quote: مايغلي عليك Sharing
عليش, جبرالله, و إزابيلا;
العود بـ كم?! |
الزول دة يا آش الا عودو
ـــــــــــــــــــــــ باى عود اخضر تعزف يا خدر؟؟ :)
| |
|
|
|
|
|
|
Re: خــدر في واشنطن ,,, (Re: خدر)
|
إيزابيلا البلد استقبلتكـ كيف ؟ يبدو ان مزاجكـ و مزاج فيرجينيا متفقين فرحان ليكـ و لي فرجينيا والله جاييكـ و عودي معاي جهزوا المزاج انتو
تشكرات شذي
| |
|
|
|
|
|
|
Re: خــدر في واشنطن ,,, (Re: خدر)
|
Quote: إيزابيلا البلد استقبلتكـ كيف ؟ يبدو ان مزاجكـ و مزاج فيرجينيا متفقين فرحان ليكـ و لي فرجينيا والله
|
فرجينيا بلد جميلة..الواحد خايف يمعن النظر فى جمالا تقوم تتاورو الاماكن الكالحةوتصيب الذكرة ب(قرصة الضمير)على قول صاحبك عصام جبرالله :)
Quote: جاييكـ و عودي معاي جهزوا المزاج انتو |
فى الحقيقة حنجهز علب المزاج..وعليك تعبي يا صديقى
فى انتظارك...طبعا
| |
|
|
|
|
|
|
Re: خــدر في واشنطن ,,, (Re: أيزابيلا)
|
عاين ياطارق طلب عماد براكه...رواية عطر نسائي ..ماعندي منها نسخه..تخيل قمت بطباعتها لكن نسختي ضاعت مع السفر الكتير.. جيب لي واحده معاك لو وزنك ماكتير......ههه طبعا هنا لو زول مسافر السودان وجيت تودعو ...اول مالسلام بنتهي يبدا الحوار الاتي: الوزن المحدد كم?> والله ماعندي فكره ليه? والله انا خايف يدفعوني كتير.. شايل كم شنطه? واحده لكن جمرة//
| |
|
|
|
|
|
|
Re: خــدر في واشنطن ,,, (Re: ابراهيم على ابراهيم المحامى)
|
سلام...
خدر; يازول ماتخاف. و بدون ضمانات!!! المهم; إتكل علي فكرة: لو مت! "الدنيا" تلقي زيك وين, تعذبو!? ... إزابيلا, VA لم تجامل أحدآ, غير نانسي! مثلك. و كنت قدرها, من غير عود! لذا, واجب علي "الكاحل" منها, ألا يراودك... فإطمئني ... حضورآ. هنا أو هناك! ... إبراهيم "المحامي"; نسق كما تشاء ... و عليش! فقط, خليهو"Available" ما تقدر. ... تاني منو ...!
| |
|
|
|
|
|
|
Re: خــدر في واشنطن ,,, (Re: Ash)
|
يا خدر المرة دي كان ما جيتنا في أيوا،
نحن بنزعل عديل كدا.
مبروك على خالد وإن شاء الله تفرح بي جديده.
أعذرني أنا راسي في المخلاية الأيام دي (ابراهيم بيكون عارف )
بجيك راجع بي رواقة.
| |
|
|
|
|
|
|
Re: خــدر في واشنطن ,,, (Re: عليش)
|
Quote: سفيان افرغ ما بجعبتكـ يارجل من من الاوغاد قادم و علي كّل حبابو 10
|
ياخدر وعليش ياخ من امس صاحبنا حمد النيل خليفة اتحرك علي هولندا الساعه 12مساء وهسي بيكون بيتلفت هناك وضهب شدييييييد مشي يشارك في مهرجان السودان الأخر
يا خدر اللحق الزول ده واتوصي به خيراً .
| |
|
|
|
|
|
|
Re: خــدر في واشنطن ,,, (Re: محمد سنى دفع الله)
|
Quote:
خدر في واشنطن مالو العنوان ده زي تور الجر في المانيا لكن يا بختكم مع الجو الاوربي الايام كلها غناء تحياتي ومودتي ومحبتي
|
الاوربى
!!
اقول ليك اوباما تقزل لى اوربى
خف يا طارق ..
شكرا عليش ..
ووين يا سُنى
!
. .
| |
|
|
|
|
|
|