|
|
|
 Re: الزواج فى السودان (صدق او لا تصدق)(توجد صور) (Re: معتصم محمد صالح)
|
اخى الكريم معتصم...خالص التحايا
والله من 1992 ما رجعت الا 2005 ولمدة ثلاثة ايام لواجب العزاء اللهم ارحم الجميع
كنت اتخيل بهرجه وحفلات 7 يوم كحد اقصى لكن ما زى دى الشغل ده عايز قروش كتتتتيره
لعمل مثل هكذا اشكال يعنى اتخيل مليون بالعملة الصعبه تعمل زى ده : ....
ملاحظه العملات مختلفة بمعنى ممكن يكون استرليني....
خليك قريب لسه فيها عربات كمان وبالمناسبة موديلات حديثة 2008 والذى منه
تحياتي لك
| |
 
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: هشام مدنى)
|
الظاهر عليكم طولتوا من البلد شديد
الموضوع دا بقي عاااااادي
وجنس البوبار دا ياهو الحامينا العرس ذاااااتو
وزي ما قال التكينه .. فيها عربات ومفاتيح شقق وتذاكر سفر
والبوبار الجد في ناس بختو للعروس اطلس العالم عشان تختار شهر العسل يكون وين ؟
يا اخوانا العرس بالفاتحه ما حلال ؟
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: نوفل عبد الرحيم حسن)
|
ا| Quote: يا اخوانا العرس بالفاتحه ما حلال |
حلااااااااااااااااااااااااااااااااااااااااااااااااااااااااااااااااااااااااااال ...
حلال والله ,,, يا حليل العقد في الجامع , وجيتونا وغديناكم , والحفله بالليل الصيوان البدقوهو اولاد الحله ... لي اختهم , بت حلتهم ...
يا حليل الوداع بالجرتق البتعملو الحبوبه وصحن الشيه البدون عيش ... والفال .. خرزه زرقا , وجنيه جورج حق حبوبه ... عشان البخات ...
الله يعرس ليكم ...
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: حافظ حسن ابراهيم)
|
| Quote: الله يعرس ليكم ... |
اللهم امين .. جمعا يا دلوش
العرس - لحدي وقت قريب - كان ليهو طعم وقومه وقعده ولمة اهل وجيران طوال شهر العرس
هسي بقي كلو ساعتين في نادي او صاله والناس تتفرتق .. مرات زغروده حلوه ما تسمعيها
غايتو الزمن دا ما معروف مودينا لوين ؟
................
بالله الليله ما تتوصوا علي شبكة وهبه الماحي في حفل بيت الفنون
انا غايتو لحدي هسي ظروفي ما معروفه
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: Abdlaziz Eisa)
|
Quote: هنالك صور ما شايفها وفيها صورة الريال السعودي واضحة.. وطريقة الإعداد ليست سودانية انما سعودية..
|
سلامات يا عبد العزيز
هنا برضو بختوا اي عمله تخطر علي بالك .. من الجنيه حتي الدولار
وكمان في محلات متخصصه في تشكيل ووضع اموال المهور
وعندها اعلانات في الصحف كمان .. تصدق ؟
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: هشام مدنى)
|
Quote: هنا برضو بختوا اي عمله تخطر علي بالك .. من الجنيه حتي الدولار
وكمان في محلات متخصصه في تشكيل ووضع اموال المهور
وعندها اعلانات في الصحف كمان .. تصدق ؟ |
الأخ/ هشام
يعني الشئ صار زي البورصة العالمية!!
ربنا يهون...
ناس المشروع الحضاري كان عندهم العرس الجماعي.. حتى بتاع الشهيد..
وكان عرس الكورة..
والفاتحة..
البلد دي ماشة وين!!
تحياتي
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: حاتم شناب)
|
البوبار موجود فى بلادنا من قديم الزمان.
فى اى زمن فى بلادنا كان هناك مظاهر بذخ بس بتكون نسبية بمقاييس ذلك الزمان. لنعيد الاستماع لاغنية الكابلى: الشيخ سيرو و بعض قصص زواج افراد العائلات الثرية المعروفة
مظاهر البذخ التى جلبها الاخ هشام موجودة و ربما افدح منها هذه الايام. لكنها لحسن الحظ محدودة
جدا و تنحصر فى حالتين:
الحالة الاولى: تكون العروس من النوع فائق الجمال و تكون اسرتها فائقة الثراء
الحالة اثانية: يكون هناك فارق هائل بين العروسين. اذ يكون العريس, مثلا, كبيرا فى السن, او محدود التعليم, او من وسط اجتماعى ادنى كثيرا من العروسة. حينئذ يتم البذخ لسد الفروقات.
لكن صدقونى ان معظم اهل السودان لا يبغون الا الرجل المسؤل القادر فقط على ايفاء الحد الادنى من
متطلبات المعيشة اليومية العادية
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: عوض محمد احمد)
|
والله الزول المقتدر و عاوز يضيع قروشه هو حر, و طالما اهل العريس و العروس موافقين على البزخ ده هم حرين, الزملاء البيقولوا ده الحامينا العرس افتكر انه ده موقف غلط طالما انت شايف ده كلام فارغ و ما عاوزه او ما بتقدر عليه او ضد مبادئك, اختار لك بيت ناس يكون عندهم نفس قناعاتك و زوجه تكون متفقه معاك في افكارك. البذخ و البوبار موجود من زمان و ليه ناسه و ال ما عاوزه يريح نفسه و يتزوج من نفس مستواه الفكري او المادي.
لكن طالما ناس مقتدره و ده مستواها الفكري اللي في كثيرين مننا بيشوفوه تافه هم حرين, نحن نكون عاقلين و ما نقلدهم و في نفس الوقت ما نتاثر بيهم و عقبالكم كلكم
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: Dania Elmaki)
|
| Quote: الزملاء البيقولوا ده الحامينا العرس افتكر انه ده موقف غلط طالما انت شايف ده كلام فارغ و ما عاوزه او ما بتقدر عليه او ضد مبادئك, اختار لك بيت ناس يكون عندهم نفس قناعاتك و زوجه تكون متفقه معاك في افكارك. |
والله ده كلام جميل جدا
لكن لو نفس الحلة او الحي الساكن فيه حصل البزخ ده
تفتكري ما بأثير عليهم ولو شويه؟؟؟؟؟
لك التحيه والتقدير
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: عوض محمد احمد)
|
Quote: البوبار موجود فى بلادنا من قديم الزمان.
فى اى زمن فى بلادنا كان هناك مظاهر بذخ بس بتكون نسبية بمقاييس ذلك الزمان. لنعيد الاستماع لاغنية الكابلى: الشيخ سيرو و بعض قصص زواج افراد العائلات الثرية المعروفة
مظاهر البذخ التى جلبها الاخ هشام موجودة و ربما افدح منها هذه الايام. لكنها لحسن الحظ محدودة
جدا و تنحصر فى حالتين:
الحالة الاولى: تكون العروس من النوع فائق الجمال و تكون اسرتها فائقة الثراء
الحالة اثانية: يكون هناك فارق هائل بين العروسين. اذ يكون العريس, مثلا, كبيرا فى السن, او محدود التعليم, او من وسط اجتماعى ادنى كثيرا من العروسة. حينئذ يتم البذخ لسد الفروقات.
لكن صدقونى ان معظم اهل السودان لا يبغون الا الرجل المسؤل القادر فقط على ايفاء الحد الادنى من
متطلبات المعيشة اليومية العادية |
كلام مليان
لك التحية عوض محمد احمد
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: البشير دفع الله)
|
اصح يا بريش
انت ما سمعت بعرس بت القوصي في الخرطوم 3 ,, في اواسط التسعينات
ولا ما سمعت بعرس كمبيوتر مان وزيارة اصالة نصري ,,,,,,,,,,,,,,,,,,,,
اوع تكون فاكرين المشروع الحضاري كل عرس جماعي و عرس كورة
المشروع الحضاري النسخة الاخرى لاهل التمكين او المكنين بكون الدخول بالكروت ,
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: Ahmed Abdallah)
|
سلامات لكل المتداخلين والمتداخلات.
مسالة البذخ والترف كما قال احد الاخوه كانت موجود وبصوره محدود لتلاءم ظروف الناس ..زلكن هذا لايمنع من ان كل شخص بامكانه فرض الشي الصاح ويكون بادره ليحذو الاخرين حذووه.
انا اتفق معاكم ان هذه المظاهر تحبط الراغبين في الزواج بامكانياتهم المحدود : لكن لماذا لانقود بادره بان نتزوج بصوره حضاريه ((لا اعني الا حضارة الفهم المستنير والذوق الخالص في انتقاء المفيد ))
اى يا نوفل وكل الراغبين : اختر ما يناسبك واعمل به ولا تلقي لهذه السفاسف بالا.
نحن شعب يموت كل يوم ملايين اطفاله وشاباته وشبابه من مرض وعوز وفقر وضياع.
ونجي نحكي عن عرس بت كمبيوتر مان وعرس بنت ناس القوصي.
هذه اساطير للحكي فقط لا للمحاكاه .
هنالك زيجات مثاليه جدا انا اعرفها تمت بابسط الحدود ..لاسد مال لا شبكه لا غيرو.هدايا يختارها الطرفين بمعرفتهم ويتم حفظها في بيت الزوجيه المقبل لحين اتمام المراسيم في شكل دعو ولمة احباب وزغروده وفرحه حقيقيه.
ياريت نتفض لنغير كل هذا بفعل حقيقي. وسودانا يبقي صاح.
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: Hatim Elmaki)
|
ياعالم انتو مستغربين ليه؟ الموضوع عااااادي جدا
العندوا فلوس يحنن........ زاتها
يعني مالو لو جبت لاهل العروس قلاب دولارات واجنصي عربات؟؟؟؟؟؟؟؟؟؟
انا شخصياًح اعمل اكتر من كده في عرسي
والمتغربين ليها شنوا يا ناس بره؟؟
كان ما اتبوبرنا وفكيناها فيكم نفكها في منو يعني يا عالم يا فقر
اخخخخخخخخخخخخخخخخخخخخخخخ عادي جداً
يلعن ابو دي عيشه دي
ويلعن ابوالكلب
ويلعن ابو اي كديس
ويلعن ابو اليوم الفكرنا فيه في عرس
نادي العزابه جاكم عضو دائم
وعندك واحد فول بعدس وصلحه وخلينا ياخ.. بلا وجع راس بل مغص
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: هشام مدنى)
|
الاستاذ هشام،
كل سنة و انتي طيب ...
من المستغرب جدا أن تسود ظواهر الشوفانية في مجتمع "متصوف" بطبعه
وعرف بالزهد و التقشف و الترفع عن الصغائر في أمور الدنيا ...
و الأدهى، أن البوبار المعروض ده ما جميل ولا يستحق عناء التبوبر به ...
في البساطة يكمن الجمال
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: عزاز شامي)
|
| Quote: و الأدهى، أن البوبار المعروض ده ما جميل ولا يستحق عناء التبوبر به ... |
هههههههههههه دي نقطة لفتت انتباهي لما الناس حاولوا يقولوا ديل سعوديين!!!
وانابتفق مع راي هنا انه البت هي السبب.. اول ما يجيها طالب زواج، بتبدا تفكر في حاجات ما كانت في بالها.. وبتنسى انه بعداك في بيت ومسؤولية وعيال.. وانه ممكن الديون دي تلاحقها بمشاكل واختلافات وbaggage مافي داعي ليه
التحية للأخ هشام مدني
| |
|
|
|
|
|
|
|
|
|
Re: الزواج فى السودان (صدق او لا تصدق)(توجد صور) (Re: هشام مدنى)
|
Quote: سلامات لكل المتداخلين والمتداخلات.
مسالة البذخ والترف كما قال احد الاخوه كانت موجود وبصوره محدود لتلاءم ظروف الناس ..زلكن هذا لايمنع من ان كل شخص بامكانه فرض الشي الصاح ويكون بادره ليحذو الاخرين حذووه.
انا اتفق معاكم ان هذه المظاهر تحبط الراغبين في الزواج بامكانياتهم المحدود : لكن لماذا لانقود بادره بان نتزوج بصوره حضاريه ((لا اعني الا حضارة الفهم المستنير والذوق الخالص في انتقاء المفيد ))
اى يا نوفل وكل الراغبين : اختر ما يناسبك واعمل به ولا تلقي لهذه السفاسف بالا.
نحن شعب يموت كل يوم ملايين اطفاله وشاباته وشبابه من مرض وعوز وفقر وضياع.
ونجي نحكي عن عرس بت كمبيوتر مان وعرس بنت ناس القوصي.
هذه اساطير للحكي فقط لا للمحاكاه .
هنالك زيجات مثاليه جدا انا اعرفها تمت بابسط الحدود ..لاسد مال لا شبكه لا غيرو.هدايا يختارها الطرفين بمعرفتهم ويتم حفظها في بيت الزوجيه المقبل لحين اتمام المراسيم في شكل دعو ولمة احباب وزغروده وفرحه حقيقيه.
ياريت نتفض لنغير كل هذا بفعل حقيقي. وسودانا يبقي صاح. |
الاخت محاسن لك التحايا
مداخله جميله وقيمه اتفق معك في اكثرها
فقط انا لا اود المحكاه في البزخ والبوبار بل انا ضد ذلك . لا يتعلق الامر بأحوال ماديه تخصني
انما لقناعة مني بأن هذه الامور تنم احيانا كثيره عن جهل من يفعلها .. ربما هو مركب نقص او غيره
البوبار له نصيب الاسد في مسألة تعقيد الزواج وعزوف الشباب عنه
ليس هم الذي يودون التقليد والمحكاه ولكن الفتيات هن اللاتي يردن التقليد والوضع الافضل
.. الا من رحم ربي .. وكلنا نعيش في مجتمع نري فيه من تركت ذو الاخلاق والدين وتزوجت من هو في عمر وآلدها ومن تركت من ينبض قلبها له حبا وتزوجت من الذي لم تراه مره واحده في حياتها
هذه الامثله اصبحت شي معتاد وظاهره منتشره ..
اقول هذا والبوبار يحدث في عائلتي ايضا لدرجه مبالغ فيها
اجتمعنا نحن مجموعة من الشباب لنضع حدا لذلك ولنغير بعض العادات والتقاليد الضاره
كانت محاولتنا في جانب الزواج ان نلغي بوبار الشيله وجمهرة سد المال وبوبار فطور العريس
وما الي ذلك من اشياء .. بالطبع كان هدفنا الغاء هذه العقبات التي تقف حجر عثره في طريق الشباب وايضا لانها ضياع لاموال كان الاجدي ان تصرف فيما يفيد وينفع
لا زلنا ننافح بكل السبل .. بتنوير الامهات والحبوبات مره وبتوعية الشابات مرات
وبأقناع الاصدقاء والاصحاب بتبسيط زواجهم والغاء بعض الاشياء مثل الزخم الذي يصاحب سد المال
ومثل الغاء فطور العريس وما الي ذلك .. نجحنا مرات واخفقنا مرات وما زلنا نواصل
هذه التجربه كانت في حدود العائله والاصدقاء فقط ..
فالهدف من الزواج تكوين اسره وبيت مستقر تعمه السعاده ويحيط به السرور وليس شي آخر
فأقلهن مهرا اكثرهن بركه .. صدق المصطفي الذي لا ينطق عن الهوي
تحياتي
| |
|
|
|
|
|
|
| |
صالح عبده
ابراهيم عدلان
انور التكينة
معتصم محمد صالح
بنت الاحفاد 2001
نوفل عبد الرحيم حسن
داليا الكباشى
Mustafa Mahmoud
حافظ حسن ابراهيم
Abdlaziz Eisa
طارق جبريل
هاشم محمد الحسن عبدالله
Dr.Elsadig Abdalla
حاتم شناب
Dania Elmaki
البشير دفع الله
عمار عبدالله عبدالرحمن
Ahmed Abdallah
Hatim Elmaki
محمد زكريا
مريم بنت الحسين
معاوية المدير
ايهاب
فيس بوك
تويتر
انستقرام
يوتيوب
بنتيريست