|
Re: امتداد ناصر ... محطة ( 8 ) ابحث فيها عن دربي القديم .. (Re: عبدالغني كرم الله)
|
سلام يا عماد وتحياتي قبلك وححححدك يعني طلعت من الباطنية !! حلة ناس عوض هارون دي كنا بنخاف منها عشان كده بنجي بيتنا بي اوماك !! انا ساكن محطة تسعة من ايام الطفولة
تحياتي لي عبدالحميد الشبلي كنا بنجيه انا ومحمد مصطفى الامين وابنة شقيقتي كانت احدى نجمات الوان الطيف اسمها هيام عمر هسي دكتورة .. شفت الزمن مشى كيف
وبرجع للحكي !!
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: عماد الشبلي)
|
Quote: محطة 8 كانت محفورة في ذاكرة كل شجرة نيم |
... لكن إنت ناسيني وأنا الأشواقي ليك دايرين. نكأت الجراح يا ولد التحية لمحطة 8 مقرونة بأخرى للخرطوم القديمة وشوقي بحر للهادي والزين بميدان الرابطة موعد فلقاء تعقبه تحية من شرحبيل خارجأ من الرياض through محطة تمانية بلهجة خادم الله ست الخدار . تشكر يا حبيب ..
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: رأفت ميلاد)
|
يا عدولى
البيت ده بيت جدنا عمر مضوى الكان شغال بالأدارة المركزية هو وجدنا خالد مضوى وعباس مضوى فاتح على سوق 8 وواقع ناصية والدكان فى الناصيةالشارع العلى شمال الدكان بيوديك للمنشية واالباب الكبير للمنزل يمين الدكان ممكن الأخ عماد يفتينا
جدنا همزة مضوى توفى قبل أيام بكوريا رحمه الله كلنا لها
إبراهيم عبد الحليم
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: Mohamed Yassin Khalifa)
|
يا رأفت أتذكرتوا خالص كنا مع جهاد أخوك صحوبية شديدة وعماد الشبلى ذاتو أتذكرتو
يا محمد ود عمتى خديجة سلماتك كان أسمها إمتداد البرارى وناس نميرى قلبوها ناصر
تخيل سوق 8 السنة الفاتت قابلت فيهو منو تخيلوا الفنان المرحوم عبد المنعم الخالدى والدنيا كانت باليل وانا مع الضلمة ما عرفتوا وإذا به يصيح إبراهيم ود عبدالحلبم ياك أنت رحمه الله كان رجل جميل
إبراهيم عبد الحليم
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: إبراهيم عبد الحليم)
|
مدرسة امتداد ناصر النموذجية...
حوش كبير....
باب غربي، تحت بائعات نبق،وفول، وساندتشات..
ممر طويل، تحفه طوبات، مغروسات كرقم ثمانية
مسرح بسيط، وجميل ثم استديو ألوان الطيف..
ثم بنات وبنات، كعصافير الجنة
استديو صغير، مكتظ بالالوان، والمجلات المصورة، والكتب والارفف
والإلفه...
قهوة عادل شيخ ادريس
ونسه مع خالد، إرهاق على وجه قصي النسيط، البارع
لؤي حامد بعينه يمسح المكان
الشاعر العريق أمين يتونس يهمس معهن...
وخلف ذلك... وأمامه المايسترو
عبدالحميد الشبلي...
لنا، عودة، لمحطة 8
فقد كانت ملتقى ذكريات شخصية لا تنسى
طبعا السوق ياعماد كنت ابحث في صورك عن اختي العزيزة (فاطنة كرم الله وصويحباتها توحة الامين، وماريا (ياربي زوجةحماد مش ماريا) وكلتوم زوجة عمك عبدالكريم، وياربي ام ناس عبدالحليم اسمها منو؟)، هذا المشهد يتكرر كل صبح
والتمارين جنب بيتكم؟؟ ياعماد (الفسحة القدامك دي كانت معلبنا، ...)...
بنجي راجعين لتمانية تب..
...
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: omer osman)
|
صبحك الله بالخير يا رأفت ود عمي ميلاد تادرس وتسلم يا أخو الحبيب الغالي جهاد الزول السمح .. الصاحب الغائب مني أكتر من 20 سنة
تعرف بجد صورة اليافطة بتاعت بيتكم قبل ما تخلعك خلعتني يمين الله بشكل!
الشبلي ده زول فنان... لكن ذي ده والله ببكي
ويا عماد عليك الله كتر في الصور... وكان مشيت الدرايسة صور لينا الشجرة قدام بيتنا ديك
أنا كل ما أشتاق ليها أمشي أشوفها بالستلايت....
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: omer osman)
|
ناصر....
قيض الله، ان يكون ثلاث من أخواني، وأخواتي، من سكان هذا الحي العريق، فمن سيد كرم الله، في أول ناصر، غرب عمكم ابو عرب طوالي، يعني بين بيت ناس ناس إبرايهم، وبيت عمنا الراحل المقيم بخيت الفضل وزوجته الراحلة الاصيلة صالحة مرحوم، أخت اللاعب الكبير حسبو مرحوم .... وجنبهم طبعا بيت الشيوعي المخضرم الراحل محمد خلفه ....
وإلى أخي العزيز "حسين كرم الله"، وهو صاحب أقدم دكان في ناصر، حتى الآن، وهو في محطة ستة، وحتى أختي العزيزة "فاطنة كرم الله"، في محطة ثمانية، ويالها من ثمانية...
ياخي ذكرتنا عمك بلة، وابناءه محمد، وصابر، والراحل عمر، وجيرانهم ناس كمال باقوري، وناس حموري، والالقاب الكتيييييرة والغريبة.. وطبعا مكتبة ثمانية، وقبلها مكتبة عشرة، كانت ملاذنا للالغاز وميكي ماوس، وكتب نجيب واحسان ويوسف ادريس، ولمن ما نلقاها نحج لمكتبة الملتقى في بري، محطة اربعة، محطة السوق الشهيييييييييييييييييييييييييييير...
وطبعا اول مرة اشوف الفنان الكبي محمد الامين كان في عرس، في ناصر، وطبعا اي زول يمر بالصيوان بكون معزوم، واغنية اسمر جميل فتان نزلت بت ترقص كانت تلبس لون ذهبي، مسك واحد من "إياهم الطاقعين"، يكورك من فوق الكرسي (بينسون يابينسون"، والغريبة اخو البت كان جنبو، وبعرفوأ، كان بيضحك بس، "مش اقبضوا لبنى، واقضبوا عشة الهسة دي)..
في بيت اختي، يعني ناس الكندو، كان عمود فيهو نور في الكورنر، كنا ونحن في الحوش، المسور بأشجار التمرهندي، نقرأ للصبح، بالله شفت كيف، هسي الشوارع مظلمة، زي الكهف....
طبعا عثمان حسن، صاحب الدكان الشهير في محطة تمانية، كان فاتح الدكان في البداية في شارع ناس توحة، يعني قصاد دكان الامين، في بيت وببيتهم كان قصاد بيت ناس بشير الكندو، زوج اختي الكبرى، وام جماع ومحمد واسامه، واماني، والسيد قذافي..
وأما ميدن الرابطة والمواهب، فحدث، خالد الكندو، كان بعلب كويس، لكن هسي خلها، مسكها مصطفى ابن محمد، ابن اخيه، يعني، يالله، وناس الجزولي،ا سامه، واخواته، وأخوهم الكبير ياربي منو؟؟ طولت لم اراه.. وناس ياسر وراء ، يعني في الفسحة الهسي فيها المدرسة الكويتيه، وقالوا عملوها جامعة، شفتها، مبنى جميل، لكن الفسحة أحلى، لانو كنا بنلاعب ناس أولاد حسين بركات...
يااااااااااااالله، ولنا ذكريات لسه مع ناصر، وما ادراك ما ناصر..
تسلم يالشبلي، ياخي أثرت الكثير الكثير.. أو بنية تلقيتها في طفولتي كانت في ناصر، في شكلة كاربة جنب ناس عبدالحليم، وكنا بنحضر معهم في التلفزيون... في كورة اظن..
يااااه، ومعرض الخرطوم الدولي، ونادي كوريا... ونادي بري، والكوراع؟ واللحمة، والكورة، والكتشينة، وعوض كراتي؟؟ والدورة الرمضانية...
ونعود لتمانية، وخشخشة الروادي، صاحبك كمال لمن يشوف زول تعبان، بقول "مخشخش"، .. والباسطة بتاعته ناس عثمان حسن، ومعها كوب حليب باااارد ثم داخلية البنات، واذدهار المنطقة بقدرة شرائية جديدة، ثم الزلازل، سنة كم ياربي..
لكن بتذكر لمن حدث الزلال كنا بنشوف العمارات القايمة في محطة تمانية الصباح، كلهم نايمن برة، تصور؟؟ اكثر من عشرة عمرات النوم في الهواء الطلق،ولكن ان تتصور حناكيش وبنات في نوم العراء؟ طبعا اكثر الناس تعليقا ابن اختي قذافي...
أيام وأيام..
ثم فرن عمر؟؟/ ياربي احمد عمر، ولا عمر، في محطة تمانية.. والسوق، وبائعات الشاي، وونسة كاربة مع عادل شيخ ادريس..
لنا عودة..
....
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: عبدالغني كرم الله)
|
الاخ عبدالغني كرم الله (فرن محمد عمر) في محطة 8 يا رافت التحية عبرك للاخ جهاد ميلاد . بالمناسبة انت انو يوسف حسن اخو جيمي اتوفى يا عادل حمزة الدكان الفيه القدرة ده افتكر دكان عثمان حسن في بيت ناس حبيب ودكان الحداد ده في بيت ناس عمر مضوي كان فاتحو واحد اسمو موسى
الزول الجميل عماد الشبلي
التحية عبرك للموسيقار الذي افتقدته امتداد ناصر والوان الطيف عبدالحميد الشبلي
والى ممدوح ميلاد وسليمان ابراهيم يوسف وكل الناس هناك
ناس حلتنا التحت الفوق
لكم التحية جميعا
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: رأفت ميلاد)
|
عماد.... سلامي
ياخي لو في طريقة، سوق اربعة... كمان... وفي نسوان شاي ولقيمات شرق السوق، بعد ما تشرب بمزاج صورة...
نادي بري، والمدراس، يااااه، ايام، العشي، والتلب... قرنفلي.......
ياخي صور أي شي، فأي ركن، له ذكرى، وأحوال... ووقائع... كنا نجوبه كداري، من وإلي..
وأوماك، والسمك، والجداد، وعثمان اوماك..
وأيام...
.... ولنا عودات بإذنه.. تعالى
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: filan)
|
Quote: الاخ عبدالغني كرم الله (فرن محمد عمر) في محطة 8 يا رافت التحية عبرك للاخ جهاد ميلاد . بالمناسبة انت انو يوسف حسن اخو جيمي اتوفى يا عادل حمزة الدكان الفيه القدرة ده افتكر دكان عثمان حسن في بيت ناس حبيب ودكان الحداد ده في بيت ناس عمر مضوي كان فاتحو واحد اسمو موسى
الزول الجميل عماد الشبلي |
شفت يا دفعتى يا ود عبد الحميد ده بيت عمر مضوى بالمناسبة أولادك الحلوين حاجزهم لبناتى التومات
إبراهيم عبد الحليم
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: إبراهيم عبد الحليم)
|
Quote: عماد الشبلى يا أخوى ماتغير لينا شنب هتلر ده الفينا مكفينا من الألمان ديل ههه فى حلاق حبشى جنب أوماك بالظبط ملحمة البتلو سابقا والله حلاق رهيب وبظبط الدقن والشنب
إبراهيم عبد الحليم |
يازول مالك ومال شنبي انا اتولدت بيه كدي
زكرني بيك شويه انا ومحمد المصطفي كنا زملاء في مصلحة الثقافة
وكان يزورني في البيت الكائن الان شرق ناصر
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: محمد غلامابي)
|
لا حولااااا
بوست ذري زي دا تنوموا بيهو براكم يا اولاد ناصر
يا ود الشيخ دي ما حلتنا زاتها ( سابقا) رغم اني ما بعرف غيرها اخر عهد اغترابي من السودان يوم ان سافرت من منزلنا جوار بيت ود الشيخ دا اسع عملوها لينا الفيحاء وما تعرف شرق المنشية وحي النصر واسماء لا قبل لنا بها لا نعلمها ولا تعلمنا كل ذكريات طفولتي وشبابي قضيتها بين ثنايا اهل هذه الصور البديعة دكان حسين شقيقك دا يا عبد الغني انا اترسلت ليهو من عمري اربعة سنوات الي ان صار عمري 26 سنة بالله يا استاذنا عماد الشبلي عندما تأذن بتصوير البيت المقابل للزاوية لا تنسي البيت الذي يليه ( بيت حاج الضو) فقد اقمت بين ثناياه ثلاث وعشرون عاما من سنواتي الست وعشرون التي اقمتها في السودان , وهذا يا الشبلي ليس ببعيد عن داركم فالزاوية بعد الفرن والتعاون مباشرة لمربع ستة صورة الجزر وذكريات عم ابلالوبة والسماني الجزار والنقلتية ومطعم محمد عمر وعمارة المنقة ( ميرغني) حتي دكان حاج ياسين وجاره مجدي واخوانه توتو كورة وحامد حتي بيت ناس دليل ومحطة سبعة ونص وذكريات تجري كالسيل العرمرم ــــــ محمد الشيخ لم اسمع بوفاة يوسف اخو رحمي الا الان رحمه الله رحمه واسعة واسكنه فسيح جناته
لم اكن اتوقع انه سيمر علي يوما ولا يكون هؤلاء الاهل ذكري اكتبها واحن اليها عبر الصور لله درك يا الشبلي فقد اعدتنا الي ذكريات لا طاقة لنا بها رحم الله والدي ( مبارك السماني) وانا استشف محياه الان من بين ظهرانين هذه جدران هذه الصور الباسقة , رحمك الله يا رجل ادمعتني والدي رحمه الله وصحبه من كانوا يعمرون زاوية الصلاة والنادي قبل ان ينشأ في فسحة الميدان المسجد الحالي وقصصهم وطرفهم اه لو يقوى قلمي الكتابة عنه كنت سادشن الصحائف ولكن ما بي طاقة الي ذلك ولا يطاوعني القلم ولا انا اراوده والدي الذي قال عنه (محمد الشيخ) كلمات اقتبسها من ادريس جماع كفتني واوفته وكان جماع حين نظمها يعنيه(هينٌ تستخفه بسمة الطفل قويٌ يصارعُ الاجيالا) رحمك الله يا ابي
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: عماد الشبلي)
|
سلام عماد شبلي وأنا أيضاً من سكان هذا الحي العريق ولكن اتيناه من أرياف الشمال عشان كده معرفتنا بالناس ما خالص وبيتنا البيت البقفل الشارع لو دخلت بالشارع المواجه ليه مركز صحي السلمابي وبالجهة الاخرى توجد مدرسة ابتدائية في مقابل البيت ويوجد في البيت دكان كان فيه واحد اسمه احمد التكينة وجا بعده واحد اسمه عاطف وكل الوجوه النيرة البوشفا هنا ما غريبة على التحية لك ولهم ولضيوفك المتداخلين
| |
|
|
|
|
|
|
Re: امتداد ناصر ... محطة ( 8 ) ابحث فيها عن دربي القديم .. (Re: عماد الشبلي)
|
Quote: فيصل حميدة ( فيصل حديد ) كان زمان عندهم تدريب كمال اجسام هو وواحد جنوبي اسمو جيمس
كان في نادي مربع 6 وكان النادي جوار منزلنا بالحيطة - منزل عائلة السماني مبارك ( اساسي )
لك التحية على ايقاظ هذه الزكريات الجميلة |
متذكره كويس يا محمد الشيخ .. لكن ما عرفته لولا مداخلتك .. الزمن بصماته قاسية
عماد متابعين ياعماد المكانيكى بتاع تسعة طالبو فلوس ما تصلح عربية
| |
|
|
|
|
|
|
|