وهل البرلمة رجس من عمل الشيطان ؟ ( دعوة للنقاش الجاد)

Quote: سئودانيز اون لاين موقع (كبير) ما عندنا شك ... (توب) ما في عنزتين ينتطحوا في ذلك .. الناس الفيهو (نخبة) ما في كلام .. الزول البينال عضويته من حقو يتخوف اذ هو بين ناس اكيد فاهمين وصفوه.. بس يكون علي الناس القبليهو .. يكملوا عقلهم باحترام الجديد وتشجيعه وعدم مضايقته عشان اكيد اي واحد في المنبر كل املو انو يكون المنبر من خيرة المانبر ومحط انظار وامال الكثيرين... تحياتي

(عدل بواسطة Tragie Mustafa on 11-25-2009, 04:11 AM)

Quote: شوف يا بكري ... في عِده نظرِيات في هذا الشأن : (1) نظرِية الكابوي (أضرب وأهرب) (2) نظرِية المُتَلِح تِتِلِح (تصاقِر السِنْير ، ببقى عِندو حلين يا إما يِصاحبك ، تقِية يعني حسب التوجه العام وكِده ، يا إما يِموت) (3) نظرِية الشَرَكْ (تدخُل في أيِتُها عمود وترمي ليك كلِمات غامضة ... هُلامِية مِتِل < يا شفيف > < يا مُسْتنير > < عجيييييب >) (4) نظرِية مسك العصا مِن النُص (ما بنصح بيها ... بِتخليك مجرور جر شوك وعدود < حتى إنو عددنا زاد بِفُلان الفُلاني ، بقينا تلاتة>) (5) نظرِية الدرويش (دي لسه ما بلَورتها تمام كِده يعني ... لكِن فحواها ... الناس بِتتكلم في غلاء المعيشة ، تجي داخِل تسأل الكورة كم كم) هذا ما لزِم التنويه عنه