القارئ الكريم لك التحية والود ما فتأ الشاعر المبدع عزمي أحمد خليل يتحفنا بصورٍ من عنده وهو ها هنا يجمع بين صورة الجليد الذي يزورنا هذه الأيام والمطر قبل يغشى سواد شعرنا بياض مع خالص تحياتي د. صلاح البشير
نزل الجليد ابيض متل لون القطن وصافى زى قلب الوليد ياريت اغمض عينى والقى نفسى فى وطنى البعيد لكنى وين ادونى عين وعمرو الشقى مابيكون سعيد $$$$$$$$ نزل الجليد ومرات كتيره يقولوا جايى ويخلف مواعيد الوصول ترجى الشدر جياتو عاريه وتنتظرو من دون الفصول مرات يصب وسط الشمس بدون قواعد للنزول ومرات يدوم يومين تلاته ومرات يجى وفى الحين يزول ماعندو حال اصلو الجليد وطرانى بى وطنى البعيد $$$$$$$$ نزل الجليد دايرين تعرفوا شنو الجديد زى فى البلد والدنيا عيد سكر تقول لكن ملح رشوهو يوم جية الجليد تلمح بياض فى كل مكان ويجيكا برضو صدى البعيد وصوت الضجيج يسكت تمام وتسمع براك نبض الوريد وزى مابنغنى عن المطر هنا ليهو برضو كمان نشيد وطرانى بى وطنى البعيد $$$$$$$$ نزل الجليد يا بختهم فرحوا الصغار وعلى التلج نحتوا الصور طرونى بى زمن الشقاوه وشهونى لى عهد الصغر كم تهنا فى الشاطى ورمالو وكم خضنا فى موية المطر اصلو الجليد وله المطر بيبقى فى الاخر بحر واصلو المطر ياهو الجليد وطرانى بى وطنى البعيد ___________________________________
Quote: نزل الجليد ابيض متل لون القطن وصافى زى قلب الوليد ياريت اغمض عينى والقى نفسى فى وطنى البعيد لكنى وين ادونى عين وعمرو الشقى مابيكون سعيد
عزيزى دكتور صلاح البشير
تحيات طيبات
شاعرنا الشفيف عزمى أحمد خليل يبدو الشوق فاض بيهو للوطن
الأستاذ عزمى فى إحدى روائعه التى تغنى بها الراحل المقيم هاشم ميرغنى .. وإن كانت قصيدة فى الغزل و الحب و لكنى أقتبس منها هنا أبيات بمعانى الحب الكبير والمنجاة للوطن السودان: قدر فتشته ما لقيت لى شبه ساكت مقارب ليك أتاريك بقساوتك ديك حنان الدنيا كلهافيك التحايا لشاعرنا الكبير .. ونسأل الله الرحمة والمغفرة لهاشم ميرغنى
الاخ العزيز د صلاح البشير التحية والتجلة لك ولشاعرنا المبدع عزمى احمد خليل عجبتنى القصيدة وزينتها ببعض الصور لصغارنا فى غمرة الجليدونقلتها الى بوست دفتر احوال ضابط الشرطة المناوب نرجو ان تستميحنا عزرا ولك الشكر ...
الأخت العزيزة هاجر لك التحية والود ووافر الإحترام شكراً على مرورك، وشكراً بلا حدود لعظيم كلماتك، أتمنى أن تنتهي غربتك وتعودين إلى ديارك سالمة غانمة مع خالص تحياتي د. صلاح البشير
الأخ العزيز عبد الإله زمراوي لك التحية والود ووافر الإحترام شكراً لمرورك ولكلماتك الطيبات، أحاول مع الأخ عزمي منذ فترة وقد أوشكت على إقناعهن سلامك موصول لشاعرنا المبدع مع خالص تحياتي د. صلاح البشير
يا دكتور صلاح بالله قول للأستاذ عزمى يلحقنا بقصيدة جديدة وياريت فيها شمس ودفئ .... الجليد ما صدق سمع كلمات عزمى فيه (نزل الجليد) .. وهات يا نزول فى منطقة واشنطون الكبرى الأخبار جاتنا الناس إتجهجهت هناك .. فالغوث بقصيدة رائعة جديدة تنشر الدفئ وتطرد الجليد
12-23-2009, 11:05 PM
محمد الفاتح خالد حسون محمد الفاتح خالد حسون
تاريخ التسجيل: 03-12-2008
مجموع المشاركات: 591
الأخ العزيز والملحن المبدع ضياء الدين ميرغني لك التحية والتجلة ووافر الإحترام شكراً لعظيم كلماتك ومرورك، وأعتذر بشدة على تأخري في الرد عليك، اتصلت بالأخ عزمي وعلمت منه اتصالك المباشر به، هنيئاً لكما ببعضكما البعض وقد اجتمع اللحن والكلم مع خالص تحياتي د. صلاح البشير
Quote: طرونى بى زمن الشقاوه وشهونى لى عهد الصغر كم تهنا فى الشاطى ورمالو وكم خضنا فى موية المطر اصلو الجليد وله المطر بيبقى فى الاخر بحر واصلو المطر ياهو الجليد وطرانى بى وطنى البعيد
الاعزاء الدكتور صلاح البشير والشاعر الشفيف عزمى احمد خليل لكم التحايا النواضر وكل عام وايامك بيضاء احساس جميل كما عهدناه من شاعرنا عزمى موشح بالحنين للاهل وذكريات الصبا رد الله غربتنا جميعاان شاء الله وشكرا بعمق النيل للاهداء الجميل من الشاعر ود خليل والشكر موصول ليك دصلاح
الأخت العزيزة أسماء الجنيد Soma لك التحية والتجلة ووافر الإحترام شكراً لك أختي الكريمة وتقبلي سلام المبدع عزمي نأمل تواصلكمعنا مع خالص تحياتي د. صلاح البشير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد محمد بشير
نادر الفضلى
على جويلى
ضياء الدين ميرغني
محمد الفاتح خالد حسون
mohmed khalail
فيس بوك
تويتر
انستقرام
يوتيوب
بنتيريست