كنت انتبه الي الفوضي التي تعم حَينا دون مُقدمات .. التاج مصطفي جا.. كنت حينها في الثامنة من عمري كان التاج مصطفي ياتي الي اهله زائراَ في الاعياد فكان حَينا يتحول الي شعلة نشاط .. يرسل عمنا زين العابدين من هم في سِني لإخبار رجال الحي : نادي ابوعبيدة قول ليهو الغداء عندنا .. التاج معانا الليلة تغمرني سعادة باهظة و انا اسمع ذلكـ النداء .. سيكون عصرا جميلا لان ابي سيكون هناكـ و انا بدوري سالعب الكره وسأهمل واجباتي المدرسية زي الترتيب. في يوما ما .. بكري الثقيل شال كورتو و حرمنا من اللعب فعدت ادراجي ماراَ بجانب ديوان عمنا زين العابدين صِهر التاج تلصصت من النافذة ,, كانو جميعا هناكـ ابوي - اعمامي الثلاث - زين العابدين - عبدالجبار - نور الدائم - الشيخ - مصطفي - و اولادهم و احفادهم و نساء الحي في ملحق الديوان يستمعن بطرب لا تُخطئه العين .. و وصلتني الانغام
أتهنى بي رؤياك هل.. يا مُلهمة شعر الغزل هل من وصال.. يا روحي هل؟!
ما لعيني عشيت بالنظر أنكرت بعدك ضوء القمر
يا عازف الأوتار مالك على قلبي أشعلت فيه النار.. من جمرة الحبِّ
بالنسبة لي لطفك والرقة يا فتان ما كنت تظلم مَنْ قد أضحى بيك ولهان
السادة لونو خمري .. قلبي حباه
و كان التاج مصطفي هناكـ في صدر المجلس .. رجل ابيض الشعر باسماَ ممسكا بعود عازفا و الرجال حوله يتمايلون جلوساَ .. هؤلاء المتصوفة مُدهشون في كل شي .. يسكرون دون خمر و يطربون و يطلقون الورورووووكـ دون قيد او شرط طرباَ و منذ ذاكـ و انا في حِل من كرة بكري الثقيل .. اترقب العيد كل عام لارتوي من التاج مصطفي
اللهم ارحم التاج مصطفي
___ سادة لونو خمري كلمات إدريس عمر آداء طارق ابوعبيدة
10-15-2009, 12:00 PM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
في إجازتي الفاتت في السودان كنت قد سمعت عنك من قبل من صديقي جدو مهدي.... لمن كان معاكم بأنك فنان بحق و الآن و بعد إستماعي لهذا الأداء الروعة.... و من قبل سمعت ليك (يا طير يا ماشي لأهلنا) و برضو كان روعة في الأداء.... تجدني أحني هامتي لك إعجاباً بصوتك الحنين....
خــدر.....
سلِمت حنجرتك ويديك العافية..... و كتر لينا من زي دا....
10-15-2009, 09:33 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
والله يا مجدي جيت ريقي ناشف كمان اليوم طويل خلاص هنا التقول صايمين لسه
هيثم ع.عزيز يا سلام علي جدو ياخي عامل شنو الشاب الفنان ده !؟ انا ذاتي يا هيثم بحني هامتي ليكـ عشان كلامكـ الحلو ده ولانكـ من طرف جدو و صاحب جدو صاحبي يا سيدي شكرا ياخي
في ذمتكـ يا طارق كنت جاي تشاكلني في بكري ؟ بكري ده ما بنقدر علي شكرو ياخي لكن بنقدر علي شكلو لانو صاحبنا
فيما يخص السبلوقات .. انا بزكروني بي مجلات ميكي زمان لمن يرسمو صندوق البريد جاري و بطوط ساكيهو انا لسه ما جربتهن لكن فيما يبدو لو ضغطت علي الصندوق بترسل مسنجر لصاحب الصندوق طبعا حا تسألني بكري ابوبكر يرسلو ليهو رسالة كيف "؟ الاجابة تفتش DONE و تقشط فيها رسالتكـ
10-15-2009, 10:00 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
والله ياخدر بصراحة الليلة غيرت بعض انطباعاتى انا من زمن بسمع انك فنان لكن صورتك فى البروفايل دايما بتخلينى استبعد حكاية غناك دى لانها بتدى انطباع انك زول شفت كدة ومن البفرتقوا الحفلات مش البيحيوها وكمان مشاركاتك فى بوستات الغناء والفنانين قليلة او معدومة فلذلك سامحنا على هذا الظن الذى ادحضه ذلك الصوت الباذخ ولا تحرمنا يا اخى من الروائع دى
10-15-2009, 10:51 PM
خدر خدر
تاريخ التسجيل: 02-07-2005
مجموع المشاركات: 13188
يا مجدي جبتو و جيت يا المبروكـ ؟ انتو يا اخونا قلبكم مقطوع مالكم !! انا سيد البوست ما خايف و كان قال بغم اصلي ماشي ليهو في بلدو و بيتو بقلع منو مفتاح الحوش ده و بجيكم راجع
خالص التحايا العزيز خدر وشكر كتير للتطريب ... انا لى فترة ابحث عن اغنية لك لا اتذكر اسمها حاليا ساعود لك لاحقا ياريت لو ارفدتها لينا هنا..
ودعني مع العذر امرر خطوطي .. انا ماعارف بكرى ده في السودان ولا بره .. فلو مر هنا ووقرا الموضوع ده ياخ نفسي الاقي بكرى ده شخصيا عندي سؤال شخصي عايز اسالوا منو شخصيا .. فياريت ما يايبقى زي عنوان البوست ويخيب ظننا ولو مرة.. عشان بالجدانا عايز بكري في سؤال شخصي..
ننط الفقرة دي عشان نقدر نسمتع بالمادة.. وتشكر ياطارق..
التحايا النواضر..
10-16-2009, 04:58 PM
Asaad Alabbasi Asaad Alabbasi
تاريخ التسجيل: 04-18-2008
مجموع المشاركات: 1969
عارف يا خـدر في واحد صاحبي لما يشوف ليهو زولة حلوة وذات سـطوة ومستعصمة بالبعد عنه يقعد يقول ليها بي رقة وحنية : الله يأذآكـي !! هـسه إنت بي غناك الحـلو حنين ده ..الواحـد يقول ليك شنو غير: الله يزيدك في حلو تغريدك .. .................... طارق أنا داير شريط ليك أو CD وبالعدم تغني لي "شفتيني" علي قول حبوبتى..القاصد شفهيا !
12-24-2009, 01:03 AM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
Quote: هيثم ع.عزيز يا سلام علي جدو ياخي عامل شنو الشاب الفنان ده !؟ انا ذاتي يا هيثم بحني هامتي ليكـ عشان كلامكـ الحلو ده ولانكـ من طرف جدو و صاحب جدو صاحبي يا سيدي شكرا ياخي
الشاب اللذيذ دا شغال في أمان الله في السودان و عندو دكان إسبيرات في نادي النيل....
تعرف يا خدر عندي إحساس قوي بإنك لو غنيت أغنية الراحل رمضان حسن (غرامي الأول)....
و أغنية الراحلة على ما أعتقد منى الخير (يا أول حبيب من دون الأحبة) ح يكونو مع ...
لونية صوتك دي رووووعـــة .... عشان كدة شد حيلك يا صاحب و أعمل بروفة و لمن تجهز....
تقووووم طوااالي تعملن زي بكري الثقيل....
ومنتظرك يا حبيبنا.......
10-18-2009, 09:44 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
البورد ده فيهو ناس جميليين ويدوك أحساس أنك قابلتهم قبل كده رغم أن هذا فى المحسوس والمادى لم يحدث فيااصديقنا العزيز دعنى اقول باننى لم ألتق بك من قبل نعم..ولكن دائماً ماتختارنا ألحانك وكلماتك فى زمان خاص وجميل فى هذا البورد وتشتبك معنا فى لحظة خاصة وحميمة..
_____________________
(..ولكن دائماً ماتختارنا ألحانك وكلماتك فى زمان خاص وجميل فى هذا البورد وتشتبك معنا فى لحظة خاصة وحميمة..)
الكلام ده انا جبتو من وين !!
10-18-2009, 05:42 PM
حاتم الياس حاتم الياس
تاريخ التسجيل: 08-25-2004
مجموع المشاركات: 1981
Quote: يا مجدي جبتو و جيت يا المبروكـ ؟ انتو يا اخونا قلبكم مقطوع مالكم !! انا سيد البوست ما خايف و كان قال بغم اصلي ماشي ليهو في بلدو و بيتو بقلع منو مفتاح الحوش ده و بجيكم راجع
ارجع سريع...
ليك وحشة...!!
12-24-2009, 04:13 AM
Adil Isaac Adil Isaac
تاريخ التسجيل: 12-02-2003
مجموع المشاركات: 4105
وأذكره ذلك الفنان الصوفي النزعة بروحه الشفيفة الرقيقة حينما كان يأتينا في البنك فيتسابق الجميع لخدمته ليس تملقآ و لكن لعلو مكانته و فنه الراقي الذي يصيب الوجدان .. التاج مصطفى محطة فنية لا يمكن تجاوزها.. ولعل من أجمل تسجيلات البرنامج الإذاعي سهرة الأربعاء والذي كان يقدمه عمر الجزلي كانت تلك الحلقات التي سجلها مع التاج مصطفى بالعود. ولعشاق فنه الراقي أدخلوا لموقع الزول .. أضغط على كلمة (مزيكا) في أعلى البانر للموقع ثم أضغط على آيكون الأغاني القديمة ثم أختر التاج مصطفى وأستمتع بأربعين عملا فنيا له .. ومرحب بيك يا طارق في أريزونا .. و ياثقالتك يا بكري .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
Faisal Elrasheed
omer osman
Magdi Ahmed Elsheikh
naeem ali
انعام عبد الحفيظ
أحمد الصديق
Haytham Abdulaziz
طارق جبريل
محمد عبد الماجد الصايم
Osman Musa
احمد التجانى احمد
معتز تروتسكى
Asaad Alabbasi
Abd Alla Elhabib
عفاف الصادق بابكر
محمد زكريا
Awadallah Bashir
حاتم الياس
الملك
Adil Isaac
محمد سنى دفع الله
فيس بوك
تويتر
انستقرام
يوتيوب
بنتيريست