|
دعواتكم لزميلنا المفكر د.الباقر العفيف بالشفاء العاجل
|
|
 Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: WAD ELGAALI#4)
|
Quote: كنا متوقعين نشوف الصور هنا
... الجماعة ديل ببقوا لينا ... وكدا |
كلنا منتظرين الصور و الحكى بالتفصيل البايخ جدآ
الجماعة ديل أصحاب لينا ... وكدا
يا الاسمك تبارك بطل اللبط
انت قايل مكنتك دى بتمشي فينا؟ عشان الاسامى اتشابهت خلاص عاوز تعمل من الاسرة؟ بكرة كمان تجى تقول تماضر و لا الصادق ببقو ليك ... قوة عين ما في اقوى منها الا طاقيتك و نضارتك ديل
يا عفاف سلامات
بالتفاصيل بالله , من الشارع بره و لغاية ما طلعتو تانى , بما فيها الشطحات و الطبزات و الشترات و حتى الشكلات ان وجدت
| |
 
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: esam gabralla)
|
Quote: يا الاسمك تبارك بطل اللبط
انت قايل مكنتك دى بتمشي فينا؟ عشان الاسامى اتشابهت خلاص عاوز تعمل من الاسرة؟ بكرة كمان تجى تقول تماضر و لا الصادق ببقو ليك ... قوة عين ما في اقوى منها الا طاقيتك و نضارتك ديل |
القلتهم ديل كلّهم عاملين فيها فنّانين ومناضلين ... لمن يتعرّضوا لى مساءلة رسمية من جماعتنا .... برجفوا .. ويقولوا "نحن أخوان ... تبارك شيخ الدين ..."
انا بعد داك بكرمهم بى تشابه الأسماء .... وبصدر تعليمات يطلقوا سراحهم ....
... المهم ....
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: esam gabralla)
|
الاستاذ عصام جبرالله
شكرا علي الطلة
والمرور الجميل
حاولت بقدر الامكان
ان البي طلبك الخاص بالصور
ومن ثم الحكي .لكن يبدو ان
الشباب مشغولين ولم يستجيبوا
لندائي سريعا.
والبركة في الاعزاء
محمد هشام وناجي الملك
علي تنزيل بعض الصور
واتوقع المزيد
اما الحكي بالتفصيل
سيأتي حتما
وتقبل تحيات الاسرة والاصدقاء
وكنا في لمة جميلة في بيت الاصدقاء
الاوفياء ناهد حبرالله وجمال عبدالرحيم
وطريناك بالخير وعقبال نحتفل بعودتك
وبجيك راجعة للحكي
مودتي
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: Luay Elhashimi)
|
سلامات..
الزمان منتصف التسعينات الداكنة والقميئة...
المكان حوش يطل علي سماء صافية ذات نجوم وقمر بهئ في قرية صغيرة من ضواحي ما يعرف بالخرطوم تسمى الدخينات أتنازع وأخي الأصغر علي جهاز الراديو الوحيد بالمنزل (كلانا لا يعرف للنوم سبيلأ بغيره) إنتصرت عليه وإحتضنت الراديو بمؤشره علي مونت كارلو وبرنامجها الغنائي الليلى يداهمنى الصوت الدافئ ذات نعاس (أقيس محاسنك بمن) أستفيق مسآئلأ نفسي (يا ربي الأغنية مش سودانية كيف يجيبوها في مونت كارلو) أنام لأصحو علي نفس الصوت و(يا عزاري الحي) ليتكررالسؤآل نفسه مع أغنية أخرى ضاعت تفاصيلهامع ما سقط من الذاكرة في زحام الحياة... لما تكرر الأمر سألت صديقي بالدراسة وتفاصيل أخري خالد صديق(إنت يا خالد الزولة البتجي في مونت كارلو كل يوم دى إسمها منو) أجابنى (ياخى دي رشا شيخ الدين أخت المقداد وتماضر:ما قال تبارك التقول عارف كيسك فاضي)).. المهم جمعت ما قدر لي الله من مال من مصاريفي الدراسية ودقشت سوق الكاسيت أبحث عن شريط لرشا شيخ الدين لكن لم أعثر علي ما يشفي غليلي حتي قيض الله لي الهجرة لأستمع لها.
حاشية: تبارك ياخي بطل الغشامة لو عندي أخت زي رشا دي ما بشتغل بي أي زول...
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: الملك)
|
الحبيبة عفاف ابو كشوة يا انيقة
تسلمى كتير يا ستهن
دائما بتجلبى الفرح كيمان
حتى فى البروفايل ما شاء الله وعينى بااااااااردة
مشتته الفرح فى الساحات
تسلمى على كل الجميل الجانا من تالاك
الفنانة رشا مبدعـــــــــــة حد الدهشة
ربنا يحفظها ويغطيها ان شاء الله
ومزيدا من التقدم
وافر يا حنين ياحليلك والله بالعمة ذكرتنى عمك داك
شكلك عتوقة عتوقة ( مع انى ما شفت عتوقة بس متخيلاه ) لووول
** متاوقة **
تبارك يا مهم ازيك
دائما تعليقاتك بتضحكنى
اتذكرناك انا وصفصف فى زيارتها الاخيرة لمسقط يا حليلا
حكينا وقطعنا عن حكاويك بالخير لكن والله
لكن شكلك ولا مهم ولا حاجه ..بس عامل فيها مهم ساى لوولين
اما صادق ابو مريم فردة وحنين ياخ من زمااااااااااان
من زمن حوش ناس همرور فى القضارف يا حليلهم
رغم فارق العمر الشاسع مش يا عمو الصادق ؟ لووول
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: عفاف ابوكشوه)
|
عفاف ابو كشوة يا جميلة
أشكرك كثيرا على هذا البوست الهام فى انطلاقة رشا الفنانة
فهى لاول مرة تغنى فى السودان ولجمهور عام فى حفل عام مع الوافر وفرقتها "النقلاوية" اقصد الاسبانية
وانا شخصيا لم اكن على اتصال بناس البيت فى الايام الفائتة نسبة لمأتم آل القاضى "اسرتى التى لم تلدها أمى" ...
واليوم تحدثت من مرتبة الحفل وعميدة نسوان بيت شيخ الدين الدكتورة أميمة شيخ الدين ...وقد وقفت على كل الترتيباتن والنظيمات بروحها العصفور وعقلها الراجح وقلبها الكبير
قالت ان رشا غنت بفرح وخفةى دم وتواصل وحضور مسرحى مميز ...قالت ان الجمهور"ين" جمهور الشارع السودانى الكريم فى ليلة المتحف ...وجمهور المثقفين فى ليلة بيت الفنون ..قد استمتعوا كثيرا بصوتها الدافىء وقفشاتها الذكية وادائها المتفرد
وقد اعطاها هذا الانفعال الجميل دفعة زائدة للعطاء المعاكس ، وقالت ان أداء نانسى لاغنية معها فى الحفل كان ...ولفتة بارعة ، وجود ناس البيت والاصدقاء الفنانين أمال النور ومصطفى السنى والهام عبد الخالق ..وعفاف شيخ الدين والوافر الشقييقين ...وجود فنان اسمه عاطف سمعته لالتلفون ولكنى غير متأكده من اسمه الكامل ...وكثير من الاقارب واصدقاء الاسرة ...كل هذا له أعظم الاثر على مسيرة رشا الفنية
نحن فرحين برشا وجمهورها وحفلاتها ، وفرحين لروحها المعنوية العالية وفرحين لعطائها المستمر ...وفرحين بكم هنا فى سودانيز وانتم توثقون لها ....
والشكر موصول لسوما والملك ومحمد هشام والكل الكل الكل
و لى ست الكل ...
ياااااا هلا
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: عفاف ابوكشوه)
|
ازجى آيات الشكر والتقدير والاحترام للاستاذه عفاف ابوكشوة إنابة عن أسرة المرحوم الاستاذ القامة والموسوعة والذى تخرج على يديه أجيال وأجيال ألا وهو والد الجميع ( شيخ الدين جبريل) على تلك اللفته الرائعة لبثها الراقى والجميل لهذا البوست ولاسرة تستحق كل التقدير والاحترام .
لم أوفق بالحضور لهذا الاحتفاء .. إلا أننى سعدت كثيرا بحضورى لحفلها الاول والذى أقيم بالمتحف القومى قبل يوم من هذا الاحتفاء .. فلقد كانت ليلة العمر .. حيث أبدعت رشا فى تلك الليلة وغنت كما لم تغنى من قبل .. وأزداد الاحتفاء رونقا وجمالا بتلك الروح السمحه التى توشحت بها الفنانه رشا فبادلها جمهورها بنفس الروح .. التحية للاخت رشا والتحية لهذه العائلة الراقية .. والتحية أيضا للاستاذه عفاف وللجميع ..
تحياتى ..
تاج السر / الخرطوم
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: يحي ابن عوف)
|
الاستاذه العزيزة عفاف سلام كبير
افادة:
بهذا نخطركم ان (المدعى) تبارك شيخ الدين ما ببقى لينا..انتهى
صديق الموج شيخ الدين عن الاسرة..
المهم.. ....دى ما حقت تبارك دى واحده تانية..
انا كنت حضور هذه الليلة الليلاء
نفحنى صديقى العزيز الباشمهندس عبد المنعم عمر وكان حضورا..
بمهاتفه حملت الى عبر الاثير صوت رشا التريان
استمعت الى كل الاغانى عبر الموبايل..
جعل الله اكلافه فى ميزان حسناته...
غنت رشا بصوتها الاخاذ فسمعت القلوب نصفق..
ياسودان معليش جاتنى طشاشا لان عبد المنعم كان يهتف
والصوت يروح ويجينى وانا بين خيالاتى لا اعى...
رعى الله رشا حلا وترحالا ...
عفاف شكرا جزيلا،،،
| |
|
|
|
|
|
|
|
|
|
Re: الفنانة.. المبدعة.. رشا شيخ الدين .. عطرت فضاءت ..الخرطوم.. وشكلت.. حضورا باهرا . (Re: عفاف ابوكشوه)
|
في بداية عام 2000 رجع زميلي الفلسطيني من رحلة عمل لايطاليا
واول ما شاهدني جلس يغني لي (اقيس محاسنك بمن) بلكنة تقريبا (سودانية) كما كان يحاول
فسالته من أين جئت بهذه الاغنية
فأخرج لي سي دي اقتناه من ايطاليا وبه اغاني متعددة
وقرأت ضمن ما قرأت إسم رشا شيخ الدين والاغنية (اقيس محاسنك بمن)
واستمعت لها
وكانت قمة الروعة
صاحبة البوست عفاف والمتداخلين
حقيقة كم تمنيت ان أكون حاضرا في مثل هذا موعد ولكن يأتي بيت الفنون بما لا نستطيع التواجد به
وعدنا التوثيق والتصوير والسي ديهات عشان نكون معكم ولو بعد حين
ويا عفاف رشا فعلا زولة تستحق الانتشار ليسمعها الجميع في رسالتها الغنائية
وزي ما بقول تبارك
المهم ....
| |
|
|
|
|
|
|
| |
عفاف ابوكشوه
SHIBKA
محمد هشام
انعام حيمورة
تبارك شيخ الدين جبريل
WAD ELGAALI#4
Elmuiz Haggaz
الملك
Tumadir
haroon diyab
محمد صباحى
قيقراوي
حبيب نورة
طلال عفيفي
humida
Hussein Mallasi
تاج السر محمد حامد
يحي ابن عوف
داليا حافظ
سامى عتبانى
صديق الموج
mekki
عمر عشاري
ضياء الدين ميرغني
جمال السنوسي
فيس بوك
تويتر
انستقرام
يوتيوب
بنتيريست