دعواتكم لزميلنا المفكر د.الباقر العفيف بالشفاء العاجل
|
|
 الإنتفاضة متين؟
|
... البارااااات .... يا فارااااات .....
.....
مقترح "هتاف" قدّمتو لى شباب "الباطنية" سنة 2000 فى محاولة لدعم مسيرة الشعب السودانى لإنتزاع حقوقه وحرياته الأساسية (دون التنازل عن مكتسباته الأساسية) .....
قلت ليهم "خليّكم عمليين .... بعد اتلميتوا ... وطلعتوا مظاهرة ... وولّعتوا اللساتك فى الظلط .... أهتفوا بى مطالبكم مباشرة .... وما تخجلوا منها .... لأنو إنتو لو خجلتوا من مطالبكم .... مافى زول بحققا ليكم"
سرحوا .... ونظروا فى الأفق .... وتانى يوم لبست لبس خمسة ومرقت للمظاهرة .... لقيت الظلط فااااضى .... بتاعين الأمن خافوا من اولاد الحلة ... واولاد الحلة خافوا من "مطالبهم" ....
... وضاعت فرصة ذهبية لإشعال شرارة الإنتفاضة ... (واضطريت اكنسل .... وامشى اقرب بيت عرقى)
.... المهم ....
|
|
 
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
قال:
some will eat and drink with you
then behind, they susu upon you
if your night should turn to day
a lot of people would run away
and who that jack fit
let them wear it
الأحوال شائكة ومرتجّة فى السودان لقرون .... ولو وضعت الأمور فى نصابها اليوم .... لهرب الكثيرون من أفعالهم وادّعاءاتهم ....
اليقول ليك "انا عملى" .... واليقول ليك "انا عقلانى" ... واليقول ليك "انا ما عنصرى" .... واليقول ليك "انا - ولامؤاخذة - ديموقراطى" ....
... المهم ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
هسة آخر موضة فى النضال ...
1- دايرين يأيّدوا التحوّل الديموقراطى بعد خمسة سنين من توقيع الإتفاقية البتنص على التحوّل الديموقراطى واربعة سنين من تسجيل الأحزاب وتلاتة سنين من تسجيل الصحف وسنتين من اجازة قانون الإنتخابات وسنة من قانون حرية الصحافة وأسبوع من تسجيل الناخبين ... يعنى ملتقى دعم التحوّل الديموقراطى دا داير يعمل شنو بالضبط؟ ... انا والله داير افهم!
2- دايرين يجيزوا قوانين قبل انتخاب هيئة تشريعية ... دى كيف؟ الله اعلم! ... انا غايتو مسمّيها "دق الوتد قبل انتخاب الحمار" رحمةً بالحكمة الشعبية المهددة بالإنقراض ....
3- حتى الآن .... يمكن فصل الجنوب لو صوّت له 18.56% من الجنوبيين نزولاً عند رغبة الحركة الشعبية ... الجنوبيين الوحدويين ينتظرهم الكثير من النضال ضد هذا النضال .... ليتمكّنوا من استعادة "حق تقرير المصير" الذى قرصنته الحركة الشعبية ...
لم أر فى تاريخ الإدارات الأمريكية المتعاقبة .... نجاحاً بهذا القدر الذى حققه "جريشن" فى اقناع الحركة الشعبية بتغيير اتجاهها ... من السودان الجديد ... إلى سودان الزبير باشا رحمة ....
... المهم ....
| |
|
|
|
|
|
|
|
|
|
Re: الإنتفاضة متين؟ (Re: الشفيع وراق عبد الرحمن)
|
Quote: some will eat and drink with you
then behind, they susu upon you
if your night should turn to day
a lot of people would run away
and who that jack fit
let them wear it |
تبارك الذي .. قاعد يفرنِب ..
و الفرنبةُ قال ليك تجوز حين تجوط الحاجات .. و يخرج الجمل من قَد الإبرة .. مثلما خروج الناس عن ملة تراتيب الأمور ..
و خروج الموتمر عن توب ود اب زهانة و دخوله في توب ود أم بعلو الذي أكل الفطيسة الوطنية فقعد زي ما الله خلقو : ياهو ود أم بعلو زاااااتو .. بالفتحة الظاهرة علي سوءته .
و مثلما خرجت الحركة براس سمح و جتة خِلاقة .. و دخلت القوى الوطنية الخاتفة لونين في ......... وزة ..
و خرجت قوى الإجماع الوطني بتوب فاطنة السمحة .. و محمومة .
يقول العارفون : أصلو الحكاية ما مان تو مان .
حتي ذلك الحين إمسك في : آآم سيينق كوككو كو .. ككك كك .
| |
|
|
|
|
|
|
|
|
|
Re: الإنتفاضة متين؟ (Re: Emad Abdulla)
|
| Quote: يقول العارفون : أصلو الحكاية ما مان تو مان . |
man to man يا عمدة ...
is soooo
هلوعا .... إن مسه الشر جزوعا .... وإن مسه الخير منوعا ...
وعلى العليهو .... كما ورد فى الحديث ...... Unjust ....
وودالشريف رايا كِمِل .... وبقى ما عارف .... Who to trust
كوك كوك كوووووووووك ........
.... المهم .....
| |
|
|
|
|
|
|
|
|
|
Re: الإنتفاضة متين؟ (Re: محمد يوسف الزين)
|
| Quote: وانت راجي عمار من ياتو جيهة؟ |
عاطف مكاوى وخدر كانوا مشجّعين ... قرّبوا يقنعونى انو حلايب سودانية ...
هسى اتخيل لى الجنوب زاتو بقى امريكى ...
... المهم ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
الاخ تبارك شيخ الدين
السلام عليكم
يا أخي أنا قريت كوكو كوووك قلتا ديل اولاد حلتنا المابغبوني
I said darkness has covered my light
And the stage my day into night
Where is the love to be found
Won't someone tell me
Cause life must be somewhere to be found
Instead of concrete jungle
Where the living is harder
واصل و عكر صفانا و استفيض يسلم يراعك للزمان
خالص التحايا للصادق و للجميع
| |
|
|
|
|
|
|
|
|
|
Re: الإنتفاضة متين؟ (Re: عمر صديق)
|
| Quote: دايرين يأيّدوا التحوّل الديموقراطى بعد خمسة سنين من توقيع الإتفاقية |
نحنا قبيل شِن قلنا؟
ما قلنا الطير بتاع الجهل الديمقراطى ح ياكُلنا.
قلتو علينا شيوعيين.
مع تقديرى
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
تبارك ياخ إزيك
إن شاء الله طيب ؟؟
الأهل والأولاد ؟؟
إنفعلنا زمانًا بأطروحات الحركة الشعبية لتحرير السودان ورؤية قائدها العظيم . بدأنا ذلك في منصف تسعينات القرن الماضي في زمان كان أهل عشيرتنا من أهل السياسة يحملون جون قرنق خطيئة عدم حضوره للخرطوم عقب الإطاحة بحكم جعفر نميري و ( القال بيجي مالو ما جا ) .
كنا ثلاثة أصدقاء
أحدهم صديقك وصديقي د. حيدر بدوي
كان يأتينا من مدينة العين يلهب ليالينا بنقاش السياسة والفكر الجمهوري بأبدع ما تكون العبارة ، ولكن عندما نبحث في الأمور الإجتماعية ( يشوت ضفاري ) بما لا قبل لنا بـ ( تصليحه ) . زوجته الراقية ( أم هادف ) كانت تتقبل شوتاته الضفارية ببسمتها التي لا تفارقها وتسميها ( الحيدريات ).
في مرة من ( المرارات ) كنا نتحدث في وجود ( بعلاواتنا ) عن أحد معارفنا الذي ( دبل ) في زوجته
فرمى حيدر أحد شوتاته الضفارية
" هو إتزوج تاني مالو ؟؟ زوجتو الأولى عمرها تجاوز التلاتين "
متنا من الضحك والتقطت القفاز ( بعلته )
" يا خوي كان دا ياهو المبرر الحتقبلوا ليهو امشي من دربك دا عرس أنا إتجاوزت التلاتين دي من زماااان "
المهم ( دي ما حقتك )
في نص الزخم دا * يقوم جون قرنق يطلع بقصة الخارطة العجيبة ديك وخيار الكونفدرالية الـ ( لخبت بيهو الكيمان ) ، يومها قلتا ليهم
" الجد جد والهزار هزار ... مسائل الوطن المصيرية ما فيها مناورات . نحب جون قرنق ورؤيتو تمام التمام لكن حبنا للسودان أكيد أكبر "
والشغلانية مشت
نيفاشا
قسمة السلطة والثروة
والجماعة القعدوا في خلا الله
أدوار كدا كومبارس درجة عاشرة ما يرضى بيها
إنت عارف التهميش الحقيقي هو ما تعيشه أحزابنا الوطنية الكبيرة
لمك ...لمك .... لمك
الحركة الشعبية لمت ليك الجماعة
ومظاهرات و( حلم ) إنتفاضة
ناس المؤتمر الوطني ( نعمنهم ) ناس سوق ، عارفين الراى وين والشورة وين
قعدوا مع ناس الحركة الشعبية وإتصافوا
وجانا تلفزيون السودان
سلفا كير يرقص مع البشير
وعرمان يداعب ويضاحك سبدرات
وتفرتقت ( أحزابنا أهل الهوى ) - على قول ود قاسم -
تفرتقت كويمات ... كويمات
ومكتب شدو نحنا نهدو
____________________
ياخ أنا من زمان نفسي استخدم كلمة زخم دي في سياق جملة
والليلة لاقيتو
وملأ السرور قلبي
| |
|
|
|
|
|
|
|
|
 Re: الإنتفاضة متين؟ (Re: عاطف عمر)
|
عاطف سلام وكيف الحال ..
Quote: الحركة الشعبية لمت ليك الجماعة
ومظاهرات و( حلم ) إنتفاضة
ناس المؤتمر الوطني ( نعمنهم ) ناس سوق ، عارفين الراى وين والشورة وين
قعدوا مع ناس الحركة الشعبية وإتصافوا |
يرتبط أى حراك سياسي بأهداف ذات أبعاد متعدده لها فيما بينها علاقات تتكامل فى النهايه للوصول بالحراك لغاياته القصوي .. ما حدث يجب قراءته ( كحدث أولى ذو ابعاد جماهيريه ) فى سياق عمليه سياسيه تهدف لاسقاط المؤتمر الوطنى من خلال آليات التحول الديمقراطى والانتخابات .. هذه العمليه السياسيه بدأت عمليا بتوقيع ( نيفاشا ) ويجب قراءتها كفعل مستمر مذاك ويسير فى اتجاه محدد ومعلن .. هذا الفعل يصنع الاحداث وسيستمر فى صناعتها بهدف خلق وضعيه أفضل وأكتساب فاعليه للمضى نحو غاياته .. ده إطار عام يجب قراءة الاحداث ضمنه , لا تناولها كجزر معزوله عن بعضها لا رابط بينها ..
بالمناسبه يا عزيزي عاطف .. ( ناس السوق ) عرفوا تماما أن اللعبه لا تسير وفق قواعدهم المنصوصه والواثقه لجنى الارباح , لأول مره ومنذ عشرون عاما إنقاذيه يجدون أنفسهم أمام إحتمال ضياع السلطه أو سلبها منهم شيئا فشيئا بعمليه سلميه وقعوا على وثائقها هم وبأيديهم .. كانوا يجزمون أن نهايات نيفاشا فى حدودها القصوي ستنتهى بإنفصال الجنوب وإستفرادهم بالشمال وهم يستحضرون المسلمات الغبيه لاذهانهم عن موات القوى السياسيه القوميه ( لا الشماليه ) .. القوى السياسيه تضعف ولا تموت , ده صراع مصالح ووجود متجدد لا يموت أبدا ..
ما حدث وفى إطار كونه الحدث الأول الجماهيري للعمليه السياسيه المستمره الهادفه لاسقاط المؤتمر الوطنى قد تختلف قراءات الناس له .. هو جيد بالنسبة لى , فاشل عند آخرين .. غير أنه سيظل فى حدوده كحدث ضمن عمليه سياسيه كبيره تحدث فى السودان فى إطار صراع بين ( الانقاذ ) والقوى الديمقراطيه ..
تحياتى
| |
|
|
|
|
|
|
|
|
|
Re: الإنتفاضة متين؟ (Re: محمد حيدر المشرف)
|
يا سلاااام
الدكتور محمد حيدر المشرف بجلالة قدره ؟؟
ياخ دا عيد عدييييل كدا
أنشات قبل فترة بوستاًحاولت من خلاله التعرض لـ ( تعقيدات ) العلاقة بين الحركة الشعبية لتحرير السودان والأحزاب السياسية السودانية ، ومن ثم إنعكاس ذلك على مستقبل السودان .
الحركة الشعبية لتحرير السودان ( تتلاعب ) بأحزاب المعارض...ياة قائدها وبعد موته
وأنا أعد مادة ذلك البوست أو أتفاعل مع مداخلات الأحباب كنت في ذهني ( ضمن آخرين )
كنت أتمنى تواجدكم وإضافاتكم لما أظنه أنها كانت سوف تفيد البوست وتفيدني على المستوى الشخصي
إتفاقاً كانت أم إختلافاً .Quote: يرتبط أى حراك سياسي بأهداف ذات أبعاد متعدده لها فيما بينها علاقات تتكامل فى النهايه للوصول بالحراك لغاياته القصوي .. ما حدث يجب قراءته ( كحدث أولى ذو ابعاد جماهيريه ) فى سياق عمليه سياسيه تهدف لاسقاط المؤتمر الوطنى من خلال آليات التحول الديمقراطى والانتخابات .. هذه العمليه السياسيه بدأت عمليا بتوقيع ( نيفاشا ) ويجب قراءتها كفعل مستمر مذاك ويسير فى اتجاه محدد ومعلن .. هذا الفعل يصنع الاحداث وسيستمر فى صناعتها بهدف خلق وضعيه أفضل وأكتساب فاعليه للمضى نحو غاياته .. ده إطار عام يجب قراءة الاحداث ضمنه , لا تناولها كجزر معزوله عن بعضها لا رابط بينها ..
|
كان من الممكن أن يكون هذا الكلام المرتب صحيحاً لو كانت نيفاشا وما تمخضت عنه من توزيع للسلطة والثروة محصلة لإتفاقية أحزاب التجمع الوطني الديمقراطي والمؤتمر الوطني . الواقع يا صديق أن نيفاشا قد حلت مشكلة الجنوب وكونت دولة الجنوب ، ورجعت بالمشكلة لكونها مشكلة جنوب شمال في أكبر هزيمة أو تراجع لفكر جون قرنق عن حل مشكلة كل السودان أو ( تحرير السودان ) . نيفاشا لم تترك لأحزابنا الكبيرة سوى دور المتفرج أو في أحسن الأحوال ( المعلق على الأحداث ) دون القدرة على عمل ما . نيفاشا يا صديق بهذا الفهم قد أسست عملياً لإنفصال الجنوب لذلك رأيت في تصريحات سلفاكير الأخيرة بخصوص الإنفصال ووضعية المواطن الجنوبي كمواطن درجة تانية إن هو إختار الوحدة ( لحظة صدق ) مع النفس لم نتعودها كثيراً في عالم السياسة .
والحال هكذا يصبح الحديث عن ( ما حدث يجب قراءته ( كحدث أولى ذو ابعاد جماهيريه ) فى سياق عمليه سياسيه تهدف لاسقاط المؤتمر الوطنى من خلال آليات التحول الديمقراطى والانتخابات ) لا يعدو كونه أشواق كان أيضاً من الممكن أن تصبح واقعاً لو أن الحركة الشعبية قد تلافت ( خطيئة نيفاشا ) أو ثنائية نيفاشا بتكوين حلف كبير تقدم خلاله مرشحها ( من الصف الأول ) مرشحاً لهذا التحالف في مواجهة مرشح المؤتمر الوطني ، لكنها أى الحركة قد نأت بنفسها عن الترشيح لأسباب لم تقنعني ولم تقنع كثيرين أمثالي .| Quote: بالمناسبه يا عزيزي عاطف .. ( ناس السوق ) عرفوا تماما أن اللعبه لا تسير وفق قواعدهم المنصوصه والواثقه لجنى الارباح , لأول مره ومنذ عشرون عاما إنقاذيه يجدون أنفسهم أمام إحتمال ضياع السلطه أو سلبها منهم شيئا فشيئا بعمليه سلميه وقعوا على وثائقها هم وبأيديهم .. كانوا يجزمون أن نهايات نيفاشا فى حدودها القصوي ستنتهى بإنفصال الجنوب وإستفرادهم بالشمال وهم يستحضرون المسلمات الغبيه لاذهانهم عن موات القوى السياسيه القوميه ( لا الشماليه ) .. القوى السياسيه تضعف ولا تموت , ده صراع مصالح ووجود متجدد لا يموت أبدا |
لكم أخشى يا دكتور أن تكون أحزاب المعارضة بفعلها الذي لم تعد له الإعداد الذي يليق بـ ( الحدث الأول الجماهيري للعمليه السياسيه المستمره الهادفه لاسقاط المؤتمر الوطنى ) أخشى أن تكون قد قدمت خدمة مجانية للنظام . ذلك أن فعل التظاهر والكيفية التي تمت بها السيطرة عليها من قبل الحكومة ( أو المؤتمر الوطني ) ثم الكيفية التي تم بها الإتفاق بين الشريكين قد منح المؤتمر الوطني ثقة فائقة يحتاجها حتماً وهو مقدم على تجربة أنه و ( لأول مره ومنذ عشرون عاما إنقاذيه يجدون أنفسهم أمام إحتمال ضياع السلطه أو سلبها منهم شيئا فشيئا بعمليه سلميه وقعوا على وثائقها هم وبأيديهم )، كما أعطت إنطباعاً للمواطن العادي الذي هو أساس العملية الإنتخابية بمقدرة المؤتمر الوطني على الفعل في مواجهة عجز أحزاب المعارضة عن الفعل . هى شئ يشبه تماماً ( التطعيم ) الذي تمارسونه بإعطاء جرعة بسيطة من جرثوم المرض لتقوم أجهزة مناعة الجسم بصده فينتج عن ذلك مناعة الجسم ضد المرض . ( أرجو ألا أكون بائعاً للماء في حارتكم ) .
لك الشكر يا عزيزي على فتح نفاجات للحوار
والشكر لتبارك على إستضافتنا
| |
|
|
|
|
|
|
|
|
|
Re: الإنتفاضة متين؟ (Re: عاطف عمر)
|
ناس الحركة الشعبية ما ناس سوق .... ناس Free Market .....
عشان كدة عرفوا "كنتة" (أحزابنا ... أهل الهوى!) .... قال ... تحوّل ديموقراطى .... قال ....
... والله تباروا "على تروس"(1) دا (كان شيوعيين ... كان ليبراليين) كان ما يلحّقكم خجيجة(2) (وفى رواية أخرى "خديجة") الله ينعلنى ...
... المهم ....
_________________________________________________________
(1) على تروس (لمن لا يعرفه) هو زميل البورد على عمر على ... وهو الرأس المدبّر لكل من لا رأس له (وخدماته مجانية فى سبيل مصلحة الوطن العليا) جعلى الجنسية ... شيوعى التوجهات ... جمهورى الديانة .... ليبرالى العضوية ... تتقزم فى دواخله الكوزنة والنزعة المريخابية ...
(2) خجيجة ... أو خديجة ... أنكأ ما فيها أنها مجهولة الهوية ... وهى ليست واحدة من امّات طه ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
Quote:
... والله تباروا "على تروس"(1) دا (كان شيوعيين ... كان ليبراليين) كان ما يلحّقكم خجيجة(2) (وفى رواية أخرى "خديجة") الله ينعلنى ...
... المهم ....
_________________________________________________________
(1) على تروس (لمن لا يعرفه) هو زميل البورد على عمر على ... وهو الرأس المدبّر لكل من لا رأس له (وخدماته مجانية فى سبيل مصلحة الوطن العليا) جعلى الجنسية ... شيوعى التوجهات ... جمهورى الديانة .... ليبرالى العضوية ... تتقزم فى دواخله الكوزنة والنزعة المريخابية ...
(2) خجيجة ... أو خديجة ... أنكأ ما فيها أنها مجهولة الهوية ... وهى ليست واحدة من امّات طه .... |
المهم ياود الشريف خجيجا اخبارا شنو؟؟
| |
|
|
|
|
|
|
|
|
|
Re: الإنتفاضة متين؟ (Re: على عمر على)
|
عزيزي الأغر عاطف عمر...ياخي لمن قريت قولة:
| Quote: أحزابنا الوطنية الكبيرة |
صراحة حسيت بجهل عجيب يعتريني...هل ممكن تسميها؟
هو الوطني والكبير دي صفات ملازمة لأعمال محددة ولا ألقاب مجانية ممكن نمنحها ونمنعها على كيفنا؟
الخراب ده جاي من وين يا ناس...طالما الجميع وطني وكبير!
| |
|
|
|
|
|
|
|
|
|
Re: الإنتفاضة متين؟ (Re: AnwarKing)
|
| Quote: هو الوطني والكبير دي صفات ملازمة لأعمال محددة ولا ألقاب مجانية ممكن نمنحها ونمنعها على كيفنا؟ |
أى حزب ... سيدو ما اتقنطر بى جلابية وملفحة وطرطور ... واتصوًر فى فلم بالأسود والأبيض ... يصدح بريعان شباب "حمدى بدرالدين" و"محمد خوجلى صالحين" و "على شمو" .... فهو حزب غير وطنى .... وغير كبير .... مهما بلغ من عضوية أو فكر أو برنامج سياسى ... واسألوا أهل الفلم إن كنتم لا تفلمون ...
(وخجيجة شوهدت فى نواحى كندا ....)
.... المهم ....
| |
|
|
|
|
|
|
|
|
|
Re: الإنتفاضة متين؟ (Re: Ahmed musa)
|
| Quote: أنا يادوب فهمت إني ما كنت فاهم ... |
دا أوسكار ... انا ما بستحقّوا .... الشفيع وراق ... عماد عبدالله ... محمد يوسف الزين ... حسّون (هيع) .. ودالنيّل والعمرين (عمر صديق وعاطف عمر) وود المشرّف والملك (وضيف الحلقات ... على تروس) ....
يا شباب .... احمد موسى .... وقيعكم ... ارفعوهوا .... واكشفوا عنو الغمّة .... وانجدوهوا فى الدارين (الخرطوم وفيلاديلفيا) ... ما انكسف ليكم عشمان انشالله .....
______________________________
تعرف يا دكتور ... مرة واحد سألنى ... قال لى انت من السودان ... رايك شنو؟ ... قلت ليهو ...
We are at our maximum capacity
And we could never have done any better
As an African ex-colony underdeveloped tribal society
That suffered silently for centuries
We could never have done any better
We are approaching democratic elections
We are building a civil state and society
We attained a hard achieved peace
We’re doing well!
... المهم ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
بوست (سمح) .... بقعد المفاهيم في محلها ....
في (أقصى) أركان الحيرة ...!!!!
أنا يادوب فهمت إني ما كنت فاهم ...
ولا شنو ؟؟؟
قاعدين وشاربين فى امانت الله..
حكمةالله قمنا جيبنا سيرة
احمد موسى والغريبةكلنا اتفقنا انواحمد موسى
احد المهمين الوطنيين
وهو فوق ذلك ود خالت خجيجا شيخ الدين جبريل !!
سبحان الله ..
| |
|
|
|
|
|
|
|
|
|
Re: الإنتفاضة متين؟ (Re: على عمر على)
|
| Quote: غايتو مسمّيها "دق الوتد قبل انتخاب الحمار" رحمةً بالحكمة الشعبية المهددة بالإنقراض .... |
والله تستاهل اني اتغلبت ليك في كونكان 4 ا مجاملة وحفظ مشاعر ليك ياخي
انت زول فاهم شديد
قلت كل الكلام العايزة اقولو واكثر
| |
|
|
|
|
|
|
|
|
|
Re: الإنتفاضة متين؟ (Re: كمال علي الزين)
|
سلام تبارك
أولاً كل سنة طيب،، ليه ما ضربت لي يوم العيد؟
المهم (دي بتاعة الناس العادية ديك أو بتاعة زمان)
قلت ليّ خجيجة مالها؟
الليلة جاني زاير من هولندا (مبدائياً) ومن امريكا (مكان الاقامة) الكاهن (ما انت) علي ترويس
بس قلت اقول المعلومة وأسالك
اها الانتفاضة،،، متين؟
زينة بقت بت كبيرة ولزيزة
| |
|
|
|
|
|
|
|
|
|
Re: الإنتفاضة متين؟ (Re: Abu Mariam)
|
صدّوق ... تاجر فوق ...
انا طبعاً سمعت الرسالة ... وكنت قايل المكالمة 3Way وعلى الترويس فى "أيوا" ... يعنى اليومين دى مبتهجين ....
"زينة" كان مفروض اجى ابارك ولادتها بالدرب (عشان معزة د. هالة ... انت واحد "ديموقراطى" ساكت ...) لاكين ... العين خطيرة ...
__________________
بالله يا عمدة ما تجيب لينا الهوا ..... البورد دا عندو غوانين .... هسى بوستى الجديد "عمايل طبارك شيخ الضين/ تأليف طراجى مسطفا" إختفى ... أظننى خرقت لى لايحة بالصدفة ...
__________________________
يا كيمو .. يقول الشاعر فى معلقته العصماء :
أنا بريدو شدييييييد ....والناس دى كلها ساااااامعة ...
خلو لى زولى - سيبو - يا بنات الجاااااااامعة ....
______________
على التروس خلى احمد موسى الناموسة فى حالو .... خلى بالك فى القعدة ....
... المهم ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
تبارك لقد زكرتني ايام ذمان ... و ما شبه اليم بالبارحة
اياك حاضر و في مكانك ..الا لمن اه غشاو وغشامة
مافي انتفاخة بدون شعب .......يعني لازم تنزلوا للشعب ......
قبل التحرك كنت في بيتنا في مايو ... ومن خلال الصريف اشوف ليك قنس كوامر بوليي شيتن ابوطيرة تحاصر المنطقة .... المهم تسللت ووصلت الحضر و المدن
في امدرمان بوليس من ن ووبوطيرة و طياطي و ليس المنشئان و الشنوو شنوو
و شنو ...و عووووك ..لما نحن و لا كادر حماية و لا شئ
غير اغصان النيم و اكلنا النيم ..عشان نحن متحضرين
--------------------------------
الله يغيظك يل تبارووك يعني لازم تصحي المواجع
| |
|
|
|
|
|
|
|
|
|
Re: الإنتفاضة متين؟ (Re: shahto)
|
Quote: تبارك الذي .. قاعد يفرنِب ..
و الفرنبةُ قال ليك تجوز حين تجوط الحاجات .. و يخرج الجمل من قَد الإبرة .. مثلما خروج الناس عن ملة تراتيب الأمور ..
و خروج الموتمر عن توب ود اب زهانة و دخوله في توب ود أم بعلو الذي أكل الفطيسة الوطنية فقعد زي ما الله خلقو : ياهو ود أم بعلو زاااااتو .. بالفتحة الظاهرة علي سوءته .
و مثلما خرجت الحركة براس سمح و جتة خِلاقة .. و دخلت القوى الوطنية الخاتفة لونين في ......... وزة ..
و خرجت قوى الإجماع الوطني بتوب فاطنة السمحة .. و محمومة .
يقول العارفون : أصلو الحكاية ما مان تو مان .
حتي ذلك الحين إمسك في : آآم سيينق كوككو كو .. ككك كك .
|
اماد ابدالله و الله ليك و حشة و ضاياع للاحلام
تاباروك
انت عاوز انتفاخه سويها براك ..نحن عندنا من اكل الجداد الكنفو و هي كوارع الجداد
و القوانص مع المصارين
عندنا نييفا
و بنحلي ييالبوش
و مواصلانتا رقشة و حمير طبعا الحمير للحفاظ علي البئة و بزبل البيوت
| |
|
|
|
|
|
|
|
|
|
Re: الإنتفاضة متين؟ (Re: shahto)
|
الكوموندا شحتو ....
والله لو خلّيت "بيرك، فيرجينيا" .... عشان تسوط جنس سواطة الياسر قايد عميان دى .... معناها نحن ما عارفين الكنتة وين ...
... قال نييفا و كنفو و بوش قال ....
... المهم ....
| |
|
|
|
|
|
|
|
|
|
Re: الإنتفاضة متين؟ (Re: shahto)
|
الكوموندا شحتو .....
أحجز لى بنبر ... ولاّ انشالله بطارية فاضية ظاطو .... حجزك بلا ....
بالله شوف الشُرّاب فى مربع واهد؟ ...
... المهم ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
| Quote: ... البارااااات .... يا فارااااات ..... |
قال رضى عنا من اتبع العامة ثلاث...
سؤلنا من هم سيدي?
فاجبت من غير غبطة وانا اسوي جلبابي
فهم:
مستمني
ومستجدي
ومستعطل
فسالني التابعة واحمد لهم حفظ سيرتي وسريرتي خاصة السريرة حيث استعلي حقي وللتابعة الفضل. تفضلت بالرد:
المهم
وكان ذلك بفضل الانترنت
دون دفع بنس او قرش او هللة حمراء او خراء لاي مخلوق سوى ما رزقني الله بفتحه:
المهم
بزغت في التراب
العجيب لحسوه التبع
ونمت غتوني ومسدو لي كرعيني
بعد ما اتعشيت وشربت الشوربة
| |
|
|
|
|
|
|
|
|
|
|
Re: الإنتفاضة متين؟ (Re: shahto)
|
Quote: هسة آخر موضة فى النضال ...
1- دايرين يأيّدوا التحوّل الديموقراطى بعد خمسة سنين من توقيع الإتفاقية |
و الله يا تبارك ده اكتر شى ممحنى و قالق منامى !
شفت كيف
المهم
ازيك و ان شاء الله حالك زين
| |
|
|
|
|
|
|
|
|
|
Re: الإنتفاضة متين؟ (Re: Nadia Elsir)
|
كويس ..
ماشي كويس .
إتذكرت عمك طه حمدتو و تعليقو التابوو المشي معانا سنين ( كل حاجة في البلد دي مباريانا سنين .. !!! شي عجيب ) ..
عمك طه قال شنو .. قال : شايت طويييييل لحسن العبد . حسن باصا الكورة ورا لصديق منزول ..
صديق عَندو الكورة .. بيبُص للاعبين الموجودين .. طلع من الإتنين .. كويس صديق .. كويس صديق .. ح يشوت في القون شااااات .. قوووووووووووووون .
تررااالللا لتارا ترا ،،
ثم ياخي بمناسبة مبارية الحاجات لهذا الشعب المُبارى بالعجايب و المحن ..
إتذكرت - برضو - نكتة عمتك الوداعية الجدعت الودعات للمواطن القاعد قدامها و مغروض في فرجٍ يلقاهو في الودع ( إنت ليه ناس الودع و الغيب و ود ام بعلو و الكاكي و الأناشيد و الهتافات و المؤتمر الوطني .. ليه بيستخدموا بديلاً للحكومات في البلاد الأونطة ) !!!؟؟؟
ما علينا .. قالوا عمتك أدتها صنننننننة تفكرية ، و بعدها ظبطت ليهو سؤالها الأزلي : إنت يا ولدي الإتنين الزُرُق المبارينك ديل شنو ؟
قام حدر ليها كدددددددده و كباها ليها : يعني ح يكونوا شنو يا حجة يعني .. أكيد جعـ.......... تي .
فتأمل ياخي .
.....
يا ود الشيخ .. كلام نوهائي :
بُص للاعبين الموجودين .
| |
|
|
|
|
|
|
|
|
|
Re: الإنتفاضة متين؟ (Re: Nadia Elsir)
|
تبارك سلامات وكل سنة وانت مهم
تنتهى الانتفاضة بانتهاء مراسم الارشفة الاسفيرية لقلعة بكرى اب صلعة الالكترونية
ومعها تمشى كلللللللل بوستات الادانة والشجب والحماس لرفوف مخزن الحوش الاسفيرى
امكن تبدأ من جديد لو فى كعة تانى وامكن لا.. حسب الظروق للاسف
لكن المره دى خليهم يحسبوها صاح لو بقت فى
لانه الفاتت كانت من يومها محسوبة غلللللط
وبجيك صادة اكن فضل فى العمر بقية
فتك بى عافية
وخليك دائما مهم
| |
|
|
|
|
|
|
|
|
|
Re: الإنتفاضة متين؟ (Re: soma)
|
الباراااات ... يا فاراااات ...
الباراااات ... يا فاراااات ...
الباراااات ... يا فاراااات ...
الباراااات ... يا فاراااات ...
(تيمّناً بنضال الدكتور مصطفى محمود!)
... المهم ....
| |
|
|
|
|
|
|
|
|
|
Re: الإنتفاضة متين؟ (Re: تبارك شيخ الدين جبريل)
|
ياتبارك
لو بتسأل فعلا عن الإنتفاضة متين..
ولو الحساب صحيح وإزاحة نميرى هى المرجع..
حايحصل الآتى:
١- يلزمنا عدد اتنين محاولة إنقلابية أخرى..
٢- ١٢سنة مظاهرات..
٣- أن يسدن عمر البشير كل الكيزان.
يعنى بالجساب كدا الباقى ١٧ سنة وتلاتة شهور.
| |
|
|
|
|
|
|
|
|
|
Re: الإنتفاضة متين؟ (Re: Maysoon Nigoumi)
|
البنابر ...البنابر يا عساكر
البنابر ...البنابر يا عساكر
البنابر ...البنابر يا عساكر
البنابر ...البنابر يا عساكر
-------------------------------
علي وزن القصيدة اعلاه
اقتباس من قصيدة الانداية ____
الرايات
(لا تسقني ..كاس البراندي بزلة
بل فاسقني بالعز كأس ام بلبل)
--------------------------------------------
نحن بنسأل الدولة العظمي هي مع البطل او مع الخيانة
و بعدين نحدد معاها و قت الانطفاضة .....
هوي يا تبارك مالك
| |
|
|
|
|
|
|
|
|
|
Re: الإنتفاضة متين؟ (Re: shahto)
|
غايتو الحارى ليهو انتفاضة بدون باراااات ....
اليتحضر للإنقلاب العسكرى الجاى من هسة ...
قبل التوقيع على اتفاقية حماية الديموقراطية ....
كان يجب على جميع الأحزاب .... التوقيع على اتفاقية "حماية المريسة" ....
... المهم ....
| |
|
|
|
|
|
|
|
تبارك شيخ الدين جبريل
الشفيع وراق عبد الرحمن
Emad Abdulla
محمد يوسف الزين
محمد الفاتح خالد حسون
عمر صديق
محمد النيل
ASHRAF TAHA
عاطف عمر
محمد حيدر المشرف
على عمر على
AnwarKing
Ahmed musa
كمال علي الزين
Abu Mariam
shahto
فيس بوك
تويتر
انستقرام
يوتيوب
بنتيريست