منو البقدر بفوتك يوم الازم حزنو يتدفى ومنو البتمنى غير دنياك منو البقدر كمان اجفى منو البقدر بفوت عينيك وانتي عيونو في المنفى ومنو البقدر بقاوم الشوق وشوقك عبى لي المرفا قدر ما نقاوم الاشواق تجيك الريده معترفة لانك انتي في الاحساس وريدك اصلو ما صدفة وحبك ببقى حب الروح اريتو هواكي لي يصفى وتصفى الدنيا في عينيك ويبقى هواكي هو الحرفة
***** وزي ما الناس تريد الناس وتكبر فوقم العرفة بريدك وما عشان عينيك لانو عنيكي هي التحفة وهي البلت لحاف الشوق وقت نبع الحرف جفه وهي الساقتني من الشوق ورشت دربي بالالفة ودست في رموش العين اماني جميلة مصطفة فرح شفع تهش الريح وريدا عمرو ما كفى
عبدالله وداعه الامين لندن 21.03.2006
03-22-2006, 03:23 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22759
Quote: وزي ما الناس تريد الناس وتكبر فوقم العرفة بريدك وما عشان عينيك لانو عنيكي هي التحفة وهي البلت لحاف الشوق وقت نبع الحرف جفه وهي الساقتني من الشوق ورشت دربي بالالفة ودست في رموش العين اماني جميلة مصطفة فرح شفع تهش الريح وريدا عمرو ما كفى
Quote: وزي ما الناس تريد الناس وتكبر فوقم العرفة بريدك وما عشان عينيك لانو عنيكي هي التحفة وهي البلت لحاف الشوق وقت نبع الحرف جفه وهي الساقتني من الشوق ورشت دربي بالالفة ودست في رموش العين اماني جميلة مصطفة فرح شفع تهش الريح وريدا عمرو ما كفى
شاطيء أمان و وسادة بهاء ..
شكرا على الإمتاع أيها الباذخ
أرقد عافية
الحبيب الاديب ابوجهينة
لك نفس الشوق ونفس التحية حبيبنا وجد ليك وحشة
شكرا لك انت حبيبنا ويديك العافية
وشكرا لابداعك انت وروعتك
كلماتك ومرورك شرف اعتز به وقلادة توشح احرفي الخجلى
لك كل الود وكل التحايا حبيبنا وسعيد دوما بك وبحضورك الجميل
مودتي وتحياتي وتسلم سيد السماحة ولك المودة وكل الحب
عبدالله
03-26-2006, 02:50 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
عبدالله وداعه الامين الاستاذ كم مرة وسدتنا قمم العواطف والعقول .... الان يمكن للملايين الملئية بالرهافة ان تصوم من الفرح ؛ وأن تدس هذاالسم فى جوف الاحاسيس.. وأن تقول شعر الموت للموت المقام على حياة لم تمت فيها الحياة.. عام مضي يحمل اسف الظروف ........ وعام يقبل وللحياه طعم اجمل ... وكل عام وانت بخير .....................
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابو جهينة
معتز تروتسكى
فيس بوك
تويتر
انستقرام
يوتيوب
بنتيريست