|
دعواتكم لزميلنا المفكر د.الباقر العفيف بالشفاء العاجل
|
|
 Re: شوق الشوق -قـصيـدة- (Re: عبدالله وداعه الامين)
|
Quote: لي النامو تحت الضل
ما عرفوا شدر التوت
لي الباتو جيعانين
و القاسموا الكتكوت
في حبة القمحة
وسابوا الرزق مختوت
في مخزن السلطان
و الداروا في الملكوت
انا شوقي لي القاعدين
لي البي السهر ممعوط
و الشالوا صبرم توب
|
Quote: و الليلة كيف النيل؟
يا امي كيف النيل؟
دا الكان زمان مبسوط
ما شفتو كشّر يوم
لا في مراكبوا بجوط
يا امي مشتاق ليك
شوق الحشى المزلوط
مشتاق لي ريحة الطين
للبورة و المحروت
قوليلي اوصل كيف
باقي الدرب عكنوت
|
Quote: يا امي مشتاقين
ليك التحية تفوت
طيبين وجد سائلين
عنك بنسال يوت
و ان كان سؤالك لي
كيفن نهارنا بفوت
بنقولوا مستورين
وتوب الستر مبهوت
كيفن سترت الحال
ان كان عرقنا زيوت
ان كان بناكل ذل
كيفن نجيب القوت؟
نتوضى نار الشوق
والشوق حلف ما يموت
و ان كان يصلح الحال
و الله نحنا نموت
وتكوني انتي وشاح
جوة الفرح منحوت
|
Quote: بس سيدي سيد الهم
حكّم علينا الموت
و ان قلنا ما بنموت
بديما بطن الحوت
نكتب علي الصلصال
مشوار املنا شخوت
نرسم جبين الخوف
خطين علي المسكوت
و السم يبل الجوف
و الجوف مكجنه موت
يتمدّا في الكرعين
يدي الكرش شلوت
وياخد من المألوف
يبقالنا برضو سكوت
وان مرة قام اضحك
ببقى الضحك مخفوت
|
الأخ الشاعر الانسان عبدالله
تسلم يا رائع في زمن ضائع. وفي انتظار المزيد من ارض الضباب.
مع حبي و تقديري
| |
 
|
|
|
|
|
|
|
|
Re: شوق الشوق -قـصيـدة- (Re: Dr. Moiz Bakhiet)
|
Quote: والليلة كيف النيل؟
يا امي كيف النيل؟
دا الكان زمان مبسوط
ما شفتو كشّر يوم
لا في مراكبوا بجوط |
انها تهويمة شوق صادق تسافر بنا الى حيث المراكب والمراكبية..
والمزارع والمزراعية.. والجروف المنشرة على مدالبصر ..
وكذا تلك الشواطئ الممتدة عبر بلادي الحبيبة من أقاصي
الشمال وحتى مخارج جنوبنا اللاهث خلف سلام قد يأتي وقد لا يأتي !!!!.
لك التحية أخي عبدالله .
التجلة لكل أم .
والسلام لكل ذرة رمل في وطني المختطف !!!!!!!!!!.
خضر عطا المنان
| |
|
|
|
|
|
|
|
|
 Re: شوق الشوق -قـصيـدة- (Re: Elmosley)
|
استاذي العزيز يوسف الموصلي
لك التحية و الاجلال قدر صفاءك وروعتك ايها الجميل سعيدة بك حروفي و سعيد انا بوجودك من حولي شكرا لك و شكرا لتشجيعك وروعة حسك الندي
لك خيوط الندى محبة
ولك القلب شريان رحيق
و شكرا للطلة الحلوة و لك التحايا بروق و الشكر مطر.
عبدالله
| |
|
|
|
|
|
|
| |
Dr. Moiz Bakhiet
خضر عطا المنان
Elmosley
Rashid Elhag
فيس بوك
تويتر
انستقرام
يوتيوب
بنتيريست