حفيان ادقّش جايي ليك من زاوية القلب الودر متكول علي بحرك رذاذ الانتظار اللسه في عشم الامل مصلوب يفتش في الدريب مغلوب يجرتق في الحراز يوم بايع المطر النده: ايا انثى يا قمرا نبي يا فاتحة جرح الانحياز ما جابو ليك من سيرة الولد الشمس طاقة بتدخّل لي امس ما كاسو ليك تاشيرة لي مدني المجاز انا ما شرقتا قفاي حلم ونحتّا صورتك ..وحيطة... سبورة وجع وعليها سكّنتك نشاذ انا جايي ليك من حرقة الشوق-الوطن شايل رهافتي عليك غنا وقلبا شقاهو الاحتراز يا موية.. ماعون الفتر ناشف وانادي عليك تجي لو كان صبر انا ريدي ليك ما كنت شلتك اكتناز وقدلتا بيك... عيني.... وضراي... زاد غربتي... ودربي القديم الصحبة والناس العزاز وفرحتا بيك فرحتا بيك .. ونقزتا نبي الله الخضر بشّرتا... شنّقتك .... جريت وكشفت سر الاجتياز ما اصلي حفيان البسك عطشان وساقيني الاسف وانا بيكي لبّستا الرذاذ
Quote: مصلوب يفتش في الدريب مغلوب يجرتق في الحراز يوم بايع المطر النده: ايا انثى يا قمرا نبي يا فاتحة جرح الانحياز ما جابو ليك من سيرة الولد الشمس طاقة بتدخّل لي امس ما كاسو ليك تاشيرة لي مدني المجاز انا ما شرقتا قفاي حلم ونحتّا صورتك ..وحيطة... سبورة وجع وعليها سكّنتك نشاذ انا جايي ليك من حرقة الشوق-الوطن شايل رهافتي عليك غنا وقلبا شقاهو الاحتراز يا موية.. ماعون الفتر ناشف وانادي عليك تجي
11-11-2007, 09:43 PM
ibrahim kojan ibrahim kojan
تاريخ التسجيل: 03-29-2007
مجموع المشاركات: 1457
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Alsa7afa_30
bushra suleiman
أبوذر بابكر
ibrahim kojan
فيس بوك
تويتر
انستقرام
يوتيوب
بنتيريست