دعواتكم لزميلنا المفكر د.الباقر العفيف بالشفاء العاجل
|
|
 اندسي جاي
|
اندسي ما بين المسام
او حتى بينات الضلوع
اتلاشي في وسط العروق
اوعاكي تشتاقي الرجوع
اشتاقي لي جواك انا
تلقيني بيك تامي الخشوع
وسادي بيك عصب الوله
متوسدك قبل الركوع
اتباها بيك جواي فرح
يا ستي واتناسى الدموع
اندسي جاي
اندسي ما بيني وانا
واتلاشي جواي الهفيف
وانشري يا كل المنى
زي موجه تتلقى الرصيف
بي لهفة تحضن ضفتو
جواها يصيح كلو قيف
يا قيفي من قبل النزوح
وريني اتلقاكي كيف؟
كيقن احسك في المسام
او حتى في نفسك اقيف؟
وتكوني يا غيم الولف
اشواقي والفرح النضيف
واندسي جاي
اندسي في كل الخلايا
وفرهدي.. وابقي الندى
واتماشي بينات الحواس
امكن الاقيكي الصدى
او ضحكة عشقت ضحكتك
وبسيمة تتحدى المدى
تلقيني بيك طايل السماء
قبال سماك يطوي النداء
لي زول بفتش روحو فيك
بمحنة غالبو يهدهده
بي شوقو فتّر ضي عيون
سطوة غيابك سهده
اندسي جاي
عبدالله وداعه الامين
لندن 2005-06-25
|
|
 
|
|
|
|
|
|
|
 Re: اندسي جاي (Re: ست البنات)
|
Quote: اندسى فى حدق العيون
لو مرة ضاقت بيك مسام
أو جاك كلام زى الحسام
اتطانشى الهم والكلام
اشتعلى زى نار المجاذيب
كل عام
واتوهطى القلب الرهيف
غنوة سلام
وانشتلى فى الشريان
شتول عمرانة خير
ولو مرة ضاق شريانى بيك
تنبت شرايين من مودة
جديدة ليك
وتأخد حياتى شكل جديد
فرحانة بيك
وتزهر براعم الياسمين
لمسة ايديك
ست البنات . |
ست كل البنات وست القول والحرف الندي
تسلمي عزيزتي ويسلم قلمك وشكرا لسماحة وروعة بوحك
سعيد بك وبكلماتك ويلا نشيل كتف الغنى الميل
تحياتي وودي الجميل
وهاكي دي
اندسي في عيني البقت
تقراكي في نص الضلام
اندسي يا ست الفرح
واتلاشي في كل المسام
اشتاقي للروح البقت
تتنفسك... زيك تمام
بتقالد الحس الندي
وتبادل الناس الغرام
تندسى في قلوبم عشم
ومحنة تديهم سلام
وسعي الشريان بجيك
اندسى اتوهط شذاك
اتلفحك وانتي الصبر
جواي واشرب من نداك
يا نادية زي كل المطر
وغزيرة في دفقة هواك
اسقيني من جواك عشق
يا شارقة بي عشقك سماك
وانا من سماك اسقي القمر
يا نوري واتوسد بهاك
عبدالله
لندن 12.09.2005
| |
|
|
|
|
|
|
|
|
|
Re: اندسي جاي (Re: عبدالله وداعه الامين)
|
لو بالفرح نقدر نعيش
نفتح شبابيك الرضا
ونبنى الامل
جوه القلوب
ونكتب على الحيطان
حكاية حبنا
وتكون شعار
لكل محب خبأ الهوى
يفصح يقول
حبيت أنا
وبهواك أنا
يا ليلى اه
بهواك انا
ومجنون انا
وملعون كمان
كل البقيف ضد حبنا
ست البنات .
| |
|
|
|
|
|
|
|
|
|
Re: اندسي جاي (Re: عبدالله وداعه الامين)
|
فتح مسامات السما
خلى البروق تلصف
تسالم جدبنا
ووسع مداخل الهمبريب
خلى الرقد ساعة المغيب
يرتاح يطوف بالعنقريب
أرض المنى
ويحلم بجنات العدن
خليهو يحلم وينسدح
ست البنات .
| |
|
|
|
|
|
|
|
|
|
Re: اندسي جاي (Re: ست البنات)
|
Quote: فتح مسامات السما
خلى البروق تلصف
تسالم جدبنا
ووسع مداخل الهمبريب
خلى الرقد ساعة المغيب
يرتاح يطوف بالعنقريب
أرض المنى
ويحلم بجنات العدن
خليهو يحلم وينسدح
ست البنات . |
ست البنات كلهم
يديك الف عافية والله نضمك دا عجبني تب و انتي زولتا ما هينة ربي يعلي مقدارك ويكرمك
شكرا ليكي وشكرا لحروفك التي تهذ مكامن الفرح والالهام جوانا.
بجيك راجع والله كىمك عطشني أأأأأه يابلد
ست البنات زدتي لي النار مالك؟ لي زمن مجقلب من سيرة البلد دي واسيل وادفق في دموعي في السراب براكي جبتي طاري البحر؟
كدي بمشي واجيكي وضربك تحت الحزام دا هو الجاب لي كاروشة القلب بس الله يكون في عون بلدناوناسه الحنان.
تسلمي عزيزتي وبجيك راجع اصلو الصيوان اندقى خلينا ندس البلد كلها هنا.
ودي
عبدالله
| |
|
|
|
|
|
|
|
|
|
Re: اندسي جاي (Re: عبدالله وداعه الامين)
|
المرهف عبدالله وداعه
سلام وإستمتاع
Quote: اندسي ما بيني وانا
واتلاشي جواي الهفيف
وانشري يا كل المنى
زي موجه تتلقى الرصيف |
دا إسمو (جنون الشعر) كلام حلو وبسيط ويسر القارئيين
Quote: عبدالله وداعه الامين
لندن 2005-06-25 |
يمكنها الحصول على الجواز البيريطاني
| |
|
|
|
|
|
|
|
|
|
Re: اندسي جاي (Re: بدرالدين شنا)
|
Quote: المرهف عبدالله وداعه
سلام وإستمتاع
Quote: اندسي ما بيني وانا
واتلاشي جواي الهفيف
وانشري يا كل المنى
زي موجه تتلقى الرصيف
دا إسمو (جنون الشعر) كلام حلو وبسيط ويسر القارئيين
Quote: عبدالله وداعه الامين
لندن 2005-06-25
يمكنها الحصول على الجواز البيريطاني |
الحبيب الغالي بدرالدين
تحياتي وودي الجميل الى شخصك المرهف ذوالاحساس الجميل والكلمة المبدعة فانت لك سحرك الخاص وكم كنت اود ان اراك تسطر جنونك باحرف ملونة لانك تمتلك ناصية الشعر وقاطع وادي عبقرة النضير فليتك اتيت لنا هنا واندسيت بيننا لتهدنا جمالك وروعتك.
ودا يا بدر الدين اسمو جنون البقر ما الشعرلووووووووووووووول
لك مودتي وتحياتي ومحبتي
عبدالله
| |
|
|
|
|
|
|
|
|
|
Re: اندسي جاي (Re: عبدالله وداعه الامين)
|
عبدالله اخوى
ذكر البلد هيج شجونك ؟
أنا قلبى مجروح فى القلب !
مرات اشوف تمراتنا ديك
قدام عيونى رهاب ..رهاب
وشاى الضحى ولمة صحاب
وصوت البهم زى التكنو
قراب ..قراب
وتمر الهبوب مالى القفاف
والناس وجوهها منورة
ورزمة قروش جوه السحاحير
والجراب
والبرتكان زى الضهب
أصفر تقول عكش او ذمام
والقلب ينزف كل يوم
والذكرى طيفها الماب يدوم
يرحل يزول زى الحلم
وارجع لآلآم الجوى
وقل المنام
عد النجوم
والأنتظار
ست البنات .
| |
|
|
|
|
|
|
|
|
|
Re: اندسي جاي (Re: القلب النابض)
|
Quote: وسعي الشريان بجيك
اندسى اتوهط شذاك
اتلفحك وانتي الصبر
جواي واشرب من نداك
يا نادية زي كل المطر
وغزيرة في دفقة هواك
اسقيني من جواك عشق
يا شارقة بي عشقك سماك
وانا من سماك اسقي القمر
يا نوري واتوسد بهاك
شكرا اخى لا نك اهدينا بعض ما نحس, نحتاج لريحة الطين وصوت البهم, ضل التمر في هذه البلاد الباردة. |
الاخت العزيزة القلب النابض
شكرا لكي عزيزتي على المرور وسعيد بي طلتك
كلنا عزيزتي نتحسس رمل الوطن داخل قلوبنا الوجلة وبنا ما بنا من الاشواق للارض والاهل والرمل والمحبة. رد الله غربتنا وغربة الوطن ودمتي ذخرا لسوداننا الحبيب
عظيم مودتي وتحياتي ولكي الود.
عبدالله
| |
|
|
|
|
|
|
| |
ست البنات
محمد عكاشة
بدرالدين شنا
القلب النابض
فيس بوك
تويتر
انستقرام
يوتيوب
بنتيريست