في لحظة الشوق الحلو اشواقنا جوك يتوسلوا احساس عجيب غطى الفصول واحترنا كيف نتحملوا شرينا ليك توبين فرح لمسات حنان اتدللوا وفرشنا ليك باقي العمر مرجيحة ناعسة و ود حلو اتلفى في المطر الفرح واندسّى في اليوم اولو واتلاشى في صوتنا السحاب و ابت عيونا تاولو لفينا نسال عن خطاك جونا المشاعر يقدلو وبدينا نسال عن عينيك لو مرة عننا بسالو قالت عنيك كل الكلام وغلبنا برضو نفصّلو ورجعنا تاني ننادي ليك جونا الحروف يتململو خجلت عيونا تشابي ليك او حتى شارعك توصلو
حبيبنا ود الشيخ كيفك يا شيخ؟ شكرا ليك حبيبنا و يديك العافية وشكرا لي شوقك المتل شوقنا و اهلا بيك في بيتنا و سعيد بوجودك معاناوشكرا على المرور و ما براك يا اخوي كلنا في الشوق سوى لووووووووول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عماد شمت
فيس بوك
تويتر
انستقرام
يوتيوب
بنتيريست