دعواتكم لزميلنا المفكر د.الباقر العفيف بالشفاء العاجل
|
|
 والله الموصلي ماعندنا.....الحمد لله
|
الشطه ..ومحمد وردي..والقنقليز..ومحمد الأمين...والشاف والطلح والكوانين ومصطفي سيدأحمد..الدكوه والشطه والمقاشيش وعثمان حسين..والسعوط والكابلي والويكه والدلكه ومحمد ميرغني وزيدان إبراهيم ..والفنادك والكوانين والمراكيب وود اليمني..والقضيم والدلكه..وزيت السمسم..والعرديب
و سيف الجامعه والمحريب والجردقه وحنان النيل والحرجل..النغم والإبداع والروعه والعراريق والمراكيب.....و...
- عندك يوسف الموصلي؟؟؟؟؟
- لا والله ياباش...الموصلي دا ما عندنا
- طيب الحمد لله
- الحمد لله كيف؟؟إنت ما بتحبه وللا شنو؟؟- أنا بحبه بس هو ما بحب الشطه
- بتفصد شنو؟؟؟؟
- قصدي هسع الجماعه الإنت مشبعهم ريحة شطه ومفندكهم ديل بلقوا حاجه من شرايطهم القاعد تبيعها دي؟؟؟
- ياخي أنا ببيع براي...ما البلد دي كلها بتبيع..جات على أنا؟؟؟؟
- طيب ياخي هسع إنت كان جاك واحد منهم وقال ليك أديني كانون ..وللا قال ليك ليك أم العيال دايره ليها بوخه ودايره ليها ربطة طلح بتديه بدون قروش؟؟؟؟؟؟؟
- أديه بدون قروش كيف؟؟؟أنا قاعد أجيب الحاجات دي مجان؟؟؟؟؟
- طيب إنت مادام مابتدي حقك كيف تتكسب بي حق الناس؟؟؟؟
لم يرد على وظهرت عليه علامات الضيق......ولو لا معرفة بيننا لفلقني بأقرب مفراكه من المفاريك الببيعهم مع باقي الهتش.....محل.....للمنتجات السودانيه....بس ماجاء على بالهم يكتبوا للمنتجات والإبداع السوداني
الأخ يوسف
شقيقي عبد المنعم في إسبانيا ألح في الطلب لأرسل له ما تقع عليه يدي من تسجيلاتك..ولما لم أجدها هنا في الخبر ذهبت إلى الرياض في عطلة نهاية الأسبوع الماضي..وفي حي غبيرة لقيت كل المبدعين..إنتاجهم يباع على عينك ياتاجر......و...لم أجدكم في غبيره عند بتاع السعوط والويكه والعراريق والفنادك...ولكن قطع شك كان مشيت منفوحه وللا البطحاء كان لقيتك تلعلع هناك وبالمجان...
المسألة أصبحت فيها هنا مراعاة للحقوق الفنية فلماذا لا تتفق وبقية المبدعين وتعينوا محاميا لكم هنا يطارد من يمتهنون القرصنةويثروا من إنتاج قطاع تعرض أفراد منه لمحنة المرض وعانوا ولم يجدوا نصيرا.....؟؟؟
تحياتي
|
|
 
|
|
|
|
|
|
|
|
Re: والله الموصلي ماعندنا.....الحمد لله (Re: HAMZA SULIMAN)
|
حبيبنا حمزه
لك كل التحايا العطرة وكل الود والتقدير
أقسم بالله..قبل نص ساعة وأنا راجع البيت من مشوار كنت بفكر...حمزه سليمان وين ليهو فترة مختفي وقررت أنزل بوست اليوم بعنوان.....أين حمزه سليمان..وفور وصولي للبيت فتحت النت فاذا بحمزة يشرف ما كتبته بالزيارة والتعليق..يبدو أنك من أصحاب التأثير الأثيري..أي بالبلدي فيك شئ لله وراجل مبروك...ليك وحشه والله..عارف..المحلات دي منتشره في كل مدن السعودية وكلهامتفقه على عجز واحد لأسماءها يعني مثلا محلات الزاكي للمنتجات السودانيه أو محلات الموصلي للمنتجات السودانية...وتدخل فيها تلقي كل مبدعي بلادي مكتومين بريحة السعوط والشطه ..وهنا نغمه عاصرها فندك..وديك لازمه ضارباها مفراكه وصاحبنا خاتي ليهو مسجل دبل دك وواقع تسجيلات..وهسع إتطوروا وبقت الحكاية سي دي ..ما كنت منتبه للكم الهائل الببيعوهو الجماعه ديل لأني ما كنت بدخلهاعشان أشترى حاجه من منتجاتها...المعرفة بأحدهم كانت تقودني للمرور عليه والسلام ولكن بحثي عن تسجيلات يوسف جعلتني أدقق في التيرن آوت بتاعهم..لقيت المسأله أجدي لينا من شغيلتنا دي..يعني كان ما لحقتوها من بدري وقطعتوا علينا الطريق بنسويها ونبيع دم قلوبكم وعلى عينك ياتاجر..الموضوع قديم ومتجذر..لكن هسع بقوا يطاردوا الجماعه الببيعوا برامج الكمبيوتر المقرصنه..ألحقوا نفسكم يا مبدعين شوفوا ليكم محامين في منطقة الخليج يضمنوا حقوقكم لأنها أكتر منطقه في العالم بتتباع فيها التسجيلات السودانية...وأدعوا لي ما أعتر في زول من بتاعين الويكه والموصلي ديل..تبقي وقعتي سوده....سأتصل بك اليوم...لك خالص الود
الزاكي
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: Dr. Moiz Bakhiet)
|
الأخ د. معز
لك تحياتي وودي
كنت أنتظر محادثة من الأخ يوسف..وعموما سأتصل به مساء اليوم عقب صلاة المغرب..كنت أنتظر منك موافاتي برقم تليفونك كما طلبت منك في البوست الخاص باعلانك عن وصول يوسف..وقد حصلت عليه من الصديق حمزه سليمان....هل حددتم تاريخا مؤكدا للحفل؟؟؟
الزاكي
| |
|
|
|
|
|
|
|
|
 Re: والله الموصلي ماعندنا.....الحمد لله (Re: nile1)
|
الموصلي ما علق قال يعني مش هاميهو عشان أطمأن إنه تسجيلاته ما بتتقرصن هنا...أنا باكر من الدغش بمشي أشتري لى دبل دك وأمشي جده..أكيد بلقي اسجيلاته هناك..ويبقي الزاكي أولى بي غنا صاحبو...أخير أسرقك أنا على الأقل حتعرف حقك راح وين لما تلاقيني إن شاء الله راكب لكزس وباني بيت في الرياض وللا الطائف...حفلتكم ياتو خميس؟؟؟؟
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: HAMZA SULIMAN)
|
تعرف يازاكي
انا ذاتي مشيت اشتري شريطي من واشنطن هديه لدكتور معز
والحمد لله لقيتو وبعدين قلت للراجل ممكن اجيب ليك اشرطه لعدة فنانين في بيتي بمدينة ايوا
قام قال لي
انت عندك تفويض
ضحكت وقلت ليهو الناس الجابو ليك الاشرطه ديه
ماخدين التفويض مني (تخيل بالله)
اها هاك رقمي بالخليج
اديهو معاك لي حمزه
00197339840237
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: nile1)
|
الحبيب الي القلب الزاكي
انا ود معز بنعشق الكومبيوتر
وقد تم فك الارتباط بتظبيط كومبيوتر جديد
كما تم ايضا عمل تلفون نقال خاص وكل هذا
بامر من البروف
فقد عاني من (معاكساتي القشلاقية) والديامية والصحافية كذلك
فاثر سلامة توفير ما يلزمني اها انا جيتك وهاك رقمي الجديد
وبجيك في موضوع الموصلي المافي ده
حمز الحبوب هلا هلا
موضوع فيهو انت ود حلتي الحلو الزاكي
قايل بفارقو؟؟؟
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: Elmosley)
|
سلام مربع
انت تعرف يا باشمهندس ،ان البنات ممنوعين بامر ملكي من دخول
المحلات الفنية، وتخيل حتى قبل زمن كانوا ممنوعين حتى من دخول
المحلات التجارية، يعني اذا الواحدة عايزه تشتري فستان
غايتو الله يعينها ، الا (تحضر) فستان قديم مقاسا لها وترسلو
مع اخوها ولا بعلها او حتى ابوها ..
المهم ، وجدتها فرصة ونحن في باب شريف ، وانا اتواجد صدفة امام
دكان يماني يبيع الاشرطة السودانية ..
طلبت منو شريط لحمزة سليمان ..طبعا وقف شوية كده وبعدها قام لي
بتاع عقد الجلاد ، قلت ليهو بس وصلت ياهو ذاتو
اتخيل اداني شريط لمن مشيت البيت ، لقيت فيهو كل فنانين السودان
ولم اجد حمزة سليمان ..
الشريط فيهو اكثر من سبعة اغاني وتقريبا (سيلكشن) قاطعا من راسو
براهو ..
طبعا ، لم تسنح لي فرصة الذهاب الى هنالك حتى اسال الراجل
اليماني .. كيف قطعت من راسك التسجيلات دي وقلت لي دي حفلة
حية لعقدالجلاد ..
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: shiry)
|
بتنا شيري
سلام يا أموره
تعالي عندنا هناالبنات مش بيدخلوا محلات فنيه وبس..ديل بيركبوا دبابات في البيتش ويقعدوا في مكدونالد وكنتاكي ومشوار..والعصريه هاك يارياضه على الكورنيش.....عارفه بالصدفه أول أمس إكتشفت إنه حتي الحلاقين هنا كل واحد عنده إستيريو دبل دك وعلى بال مايضبط للزبون راسه يكون برضو حلق لحمزه سليمان وأبو الأمين ووردي صلعه على الزيرو ونشلهم 30 ريال..أنا ذاتي في الويك إند قررت أمشي السوق وأشتري إستيريو ب 300 ريال بس لزوم البارت تايم كمؤسسة إنتاج فني فرديه..بالتلاتين شريط الأولانيه أكون رجعت حق الإستيريو..وبعدها أبيع الشريط بخمسه ريال عشان أحتكر السوق..وبعدها أتحرك عليكم في جده وأفتح فرع هناك..طبعا حيكون برضو شامل لكل ماهو سوداني..طبعا ما حأسميه إسم يدل على أنه محل تسجيلات عشان الرقابه..يعني ممكن يكون النيل للمنتجات السودانية
وتحتها.....جلاليب..حمزه سليمان..شطه..ود عماري نمره واحد..ود اللمين..عراريق..الموصلي....توصيل الطلبات للمنازل مجانا.
أصلو الفنانين هنا إنتاجهم زي المال السايب..
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: shiry)
|
بتنا شيري
سلام يا أموره
تعالي عندنا هناالبنات مش بيدخلوا محلات فنيه وبس..ديل بيركبوا دبابات في البيتش ويقعدوا في مكدونالد وكنتاكي ومشوار..والعصريه هاك يارياضه على الكورنيش.....عارفه بالصدفه أول أمس إكتشفت إنه حتي الحلاقين هنا كل واحد عنده إستيريو دبل دك وعلى بال مايضبط للزبون راسه يكون برضو حلق لحمزه سليمان وأبو الأمين ووردي صلعه على الزيرو ونشلهم 30 ريال..أنا ذاتي في الويك إند قررت أمشي السوق وأشتري إستيريو ب 300 ريال بس لزوم البارت تايم كمؤسسة إنتاج فني فرديه..بالتلاتين شريط الأولانيه أكون رجعت حق الإستيريو..وبعدها أبيع الشريط بخمسه ريال عشان أحتكر السوق..وبعدها أتحرك عليكم في جده وأفتح فرع هناك..طبعا حيكون برضو شامل لكل ماهو سوداني..طبعا ما حأسميه إسم يدل على أنه محل تسجيلات عشان الرقابه..يعني ممكن يكون النيل للمنتجات السودانية
وتحتها.....جلاليب..حمزه سليمان..شطه..ود عماري نمره واحد..ود اللمين..عراريق..الموصلي....توصيل الطلبات للمنازل مجانا.
أصلو الفنانين هنا إنتاجهم زي المال السايب..
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: nile1)
|
سلام ياالزاكى
والله انا زاتى بدخل معاك شراكة..غايتو انا قبضت من الموصلى لكن عندى غنا كتير راح كيرى ساكت..الجماعه يمعطو الغنا ويسجلوهو ويقبضو حقهم وحق المؤلف وحق الحقه كمان..غايتو شكيتهم على الله
كان شفت ليك شريط حق بشرى سليمان (ما اخو حمزه سليمان)بيعو ورسل الفيهو النصيب..
وبعدين شوف لى شرايط المراحيم كان تلقى ليك غنوه غنوتين..ينفعوا فى الزمن الصعب ده
اها اقول ليك خليك بعافيه
| |
|
|
|
|
|
|
|
|
|
Re: والله الموصلي ماعندنا.....الحمد لله (Re: bushra suleiman)
|
أستاذ بشري
لك عاطر التحايا ووافر الود وعظيم التقدير..ولك فيض من الشكر على طلتك الودود
إيدي على أيدك نكون أول هاكر يعلنها صريحة وداويه بس نبتدي بالمبدعين الحيين ربنا يديهم الصحه ويمد في اعمارهم ونعملها كدا عيانا بيانا وعيونهم تشوف عشان ما يقولوا علينا حراميه..الحرامي بجي بالغفله وبتلبد لكن نحن جايين عديل يعني همبته والهميته فروسيه..ولما نخلص من ديل نقبل على إنتاج المبدعين الراحلين..وما تشيل هم ما في زول يقدر يقول علينا حراميه وسرقنا حق المبدعين الراحلين ..دي بنلقي ليها تصريفه حضاريه ونقول العمليه عملية نشر وإحياء تراث الراحلين ودي طبعا لفته كريمه نشكر عليها ومادام توجهنا في الحته دي حضاري و( ما توديناش في داهيه) بتبقي مسالة أحياءنا للتراث هي النقطه الجاذبه في المشروع أو خلينا نقول هو الرماد الحنكتح بيه العيون..و..القومه ليك ولكل مبدعي ومبدعات بلادي
| |
|
|
|
|
|
|
| |
nile1
HAMZA SULIMAN
Dr. Moiz Bakhiet
Elmosley
saif massad ali
shiry
bushra suleiman
nazar hussien
فيس بوك
تويتر
انستقرام
يوتيوب
بنتيريست