|
|
|
 Re: المسخ ناصر القصبي يواصل إسفافه (Re: nile1)
|
الاخ نايل الهارب من ديار نجد
والله فعلا حكايتنا بقت حكاية الحمد لله المرة دى جاب دور السودانى كمدير
لكن ملطخ وش بى حاجات تقول السودانى عنده والعياز بالله برص
إنت خلى ناصر السعودى ياريتك لو شفت السودانيين مثلوا ياتو دور فى
مسلسل حور العين فلو ده السودانى بيمسح بى ناسه فى الارض عشان حفنة ريالات
فما بالك فى شخص ما سودانى.
وكلمة آآآآآآى التى يمطها مطا يضايق بها الاطفال السعوديين اى
سودانى ما يمهم كبير وإلا صغير
اللهم لا تحملنا ما لا طاقة لنا به
| |
 
|
|
|
|
|
|
|
 Re: المسخ ناصر القصبي يواصل إسفافه (Re: nile1)
|
s
أحييك أخى عبد الله الزاكى و أتفق فى كل ما رميت له فى عباراتك القوية و الصريحة فى حق المهرج ناصر القصبى و الذى بالتأكيد لا نضع اللوم عليه بل نلوم أجهزتنا الإعلامية ودورها الضعيف فى إبراز الشخصية السودانية على الوجة السليم و الصحيح ،،
أخى ود الزاكى ،، التهكم على الشخصية السودانية أصبح اليوم مادة دسمة تمارسها كل دور الإنتاج فما يحدث فى الفن المصرى ليس ببعيد عنا و ما ظلت تقدمه السينما المصرية و إهانتها المتواصلة للشخصية السودانية و سط الصمت المزرى و المريع لقادتنا الإعلاميون و رضاءهم التام بما يقوم و يجرى فى ساحات الفن العربى بالتأكيد يفتح الباب على مصراعيه لمزيد من الإسفاف و مزيدا من التهريج
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
الباشمهندس الزاكي تحية طيبة
صراحة تابعت حلقة اليوم وكانت في غاية الاسفاف وهو امر يخصم من رصيد الرجل المذكور بمواصلته التعرض للشخصية السودانية بصورة فيها الكثير من التهريج والبجاحة والاسفاف وقد لا يعلم الرجل ان مثل هذه الصور واستخدامها في جهاز خطير هو التلفزيون يدخل كل البيوت وله تأثير كبير على المشاهد ويؤثر تأثيرا بالغاعلى علاقات الناس بعضها البعض.
ولك تقديري
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
اخي المهندس الزاكي
اذكر أنه بعد انتهاء حلقة اليوم من طاش ما طاش وظهر فيها شخصية السوداني قالت لي ابنتي الصغيرة
الحمد لله بكرة ما عندنا مدرسة
ودي مؤشرات خطيرة
لان بقية الطلاب وبعد كل حلقة تمس الشخصية السودانية يتداولون الهمس واللمز و يستعملون كلمة ( آآآآآآآآآآآي ) بطريقة استفزازية تدخل الاحراج في نفوس الابناء والبنات
وبصراحة انها احدى العوامل التي تجعل من اطفالنا يعيشون الانطواء والهزمية في مساحات المدرسة
نأمل من جهات الاختصاص ورفقا بأبنائنا الصغار مراجعة مثل هذه الهجمات الشرسة ، و البرامج غير المسئولة .
ونأمل ونحن منظمات عمل مدني مختلفة العمل على وضع ترياق وبرامج معاكسة ونزرعها في اوساط ابنائنا .
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: ghariba)
|
نفس المشهد تكرر في برنامج " ريموت كنترول " لعبد الناصر درويش على قناة دبي حيث سخر من السودانيين في فقرة قلدت برنامج "أفتح قلبك" لجورجي قراديح، وكان هناك سودانيا فتح قلبه، وهو كويتي اسمر ، وأكثر من الأأي ي ي .......
صورة أخرى في مسلسل الحور العين لنجدت أنزور ، حيث السوداني بواب
والعياذة بالله
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: emadblake)
|
وبعد يا سادة
هذا هو قطار العروبة المتخلف الذي ظللنا (متشعلقين) في مؤخرة آخر عربة فيه ومن بداخله لا يتركون مناسبة تمر دون أن يتهكمون من كل شىء فينا..لماذا إصرارنا على الإنتماء لمثلث العنصرية والكره والتخلف..أولادي أيضا حمدوا الله أنهم لن يذهبوا الى المدارس غدا ليواجهوا بالسخرية والتهكم من العنصريين الصغار وأنا أيضا حمدت الله أنني ظللت أعلن لمن حولى من بني يعرب أنني سوداني ولست عربي..هل هذه أخلاقيات أمة ندعي الإنتماء إليها؟؟؟
هل رأيتم لقطة الفيديو التي يعاقب فيها مدرس تلميذا من مواطنيه ذوي الأصول الأفريقية على طريقة سجاني أبو غريب وجوانتاناموا؟؟ ثم هل يعيش ذوي الأصول الأفريقية من مواطني الدول العربيةعيشة سوية كغيرهم من بني يعرب؟؟؟؟
ثم أين صحفيونا العاملين في الصحف السعودية والخليجية؟؟؟؟هل يمنعهم خوفهم من فقدان الدرهم والريال والدينار من أن يصدحوا بكلمة حق ينتقدون بها تلكم الإهانات؟؟؟؟هل أجهزة إعلامنا المريض تسمع وتري أم هي صماء وخرساء وعمياء؟؟؟
مقالتي هذه سأرسلها إلى أحدي الصحف المحلية ولنري ما سيكون....
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
الأخ الزاكي ..
رمضان كريم ..
من المؤسف حقاً أن يتم التلاعب بسمعة السودانيين في بلاد المهجر وأن نكون مادة دسمة للدراما العربية ..
المؤسف حقاً أن الشركة المنتجة للبرنامج طاش ما طاش معظم العاملين فيها سودانيين بل ويذهبون لأبعد من ذلك فيعلمون القصبي الأداء ..
أما بالنسبة للمحيا فنجدة أنزور ليس عليه العيب لأن مجمع المحيا كان البواب به سوداني..
| |
|
|
|
|
|
|
|
|
 Re: المسخ ناصر القصبي يواصل إسفافه (Re: عمر الفاروق)
|
السلام عليكم
نايل ون سلامات و رمضان كريم
بما انني لست من اصدقاء التلفزيون لا اعرف ما تتحدث عنه
ولا اشاهد شئيا فيه...واكتفي بالراديو و المسجل و الحاسوب
وجليسي اللذيذ الكتاب...دقة قديمة جدا ... لكن القصة شنو هي ؟؟
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
| Quote: هذا هو قطار العروبة المتخلف الذي ظللنا (متشعلقين) في مؤخرة آخر عربة فيه ومن بداخله لا يتركون مناسبة تمر دون أن يتهكمون من كل شىء فينا..لماذا إصرارنا على الإنتماء لمثلث العنصرية والكره والتخلف |
الاخ الاكرم الزاكي تحية طيبة
بالرغم من إدانتي للصورة الشائهة التي رسمها القصيبي في حلقة اليوم إلا انني اعتقد ان هذا الشيء - لا يستدعي هذا الكلام القاس اعلاه -
في هذه البلاد وغيرها من بلاد الخليج الكثيرين الذين يحترمون السودانيين ويقدرونهم ويعترفون لهم بالكثير وفي هذه البلاد الكثير والكثير ممن يكنون حبا خاصا وتقديرا خاصا لأهل السودان ويحترمونهم متعلمين وغير متعلمين .
ومحاولة القصبي رسم بسمة بصورة خاطئة مدانة ومحاولة ربط هذه الصورة الشائهة بصورة تعميمية كارتباطها بالعنصرية والكراهية والتخلف ايضا غير موفقة .
ولك تقديري
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: luai)
|
الاخ الفاضل الزاكي
رمضان كريم
وينك يا راجل من بوست لاجئي العراق وثاني غطسته علا المانع خير.
اخي الزاكي
اشكرا على حسك السوداني العالي.
ويا اخي لاتعتمد على هذه المداخلات التي تسعى للتبرير
مثل لؤي وابدأ العمل بنفسك, ابحث عن اي موقع الكتروني
لهذه الجهات الاعلاميه وحتى التى لم تتعرض للعمل
وارسل خطابك , قد لايردوا عليك واتوقع الا يفعلوا لكن صدقنى مع الايام
سيتعلموا, يجب ان تسجل موقف, وبدل هذا الطرح المايع طرح لؤي لو كل
سوداني سجل موقف رافض لما استمر هذا السخف.
لكن تمسكنا الساذج باخوة العرب دون البحث الجاد
عن كيفية ترسيخ النديه هو ما جر علينا الويلات.
شكرا لتصديك.
ولفعالية البوست لو حصلت على اسماء مواقع الالكترونيه
ارجو نشرها, وعلينا كلنا تسجيل صوت لوم لهؤلاء القوم.
وللمقيمين في داخل تلك البلاد وخائفين من رد فعل الكفلاء
اكتبوا ولاتفصحوا عن مكان اقامتكم, لو ما قادرين.
وشكرا مره اخرى يا الزاكي.
تراجي.
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Tragie Mustafa)
|
الأخ الزاكي .. تحياتي.
لست من مشاهدي التلفزيونات العربية ولا السودانية (قد أشاهد الجزيرة، إذا اعتبرناها تلفزيون عربي وليس قناة إخبارية). والظاهر إنّّو الخلايجة ديل لقوا ليهم فَزَرة في الشعب السوداني ورِكْبوا. السخرية بين الشعوب ليست غريبة .. لكن الأغرب أن يصمت ممثلي الشعب المعنى وكأن شيئاً لم يكن. سخر المصريون من اليمنيين فأشعلوها حرباً على أعلى مستوى دبلوماسي .. وكذلك التوانسة. وسخر اليابانيين من الصينيين وكانت النتيجة دمار منشآت وخراب ديار وتوتّر في العلاقات بين البلدين على أعلى المستويات. إذا تغاضى أي شعبٍ كان عن سخريةٍ لمرة واحدة فسوف تتبعها سخريات وسخريات ويصبح هذا الشعب مادة لسد الفراغ الكوميدي في تلفزيونات الخليج وغير الخليج.
السفارات والقنصليات دي مهمة أصيلة من مهامها .. مهمة الدفاع عن من تمثلهم وإسكات كلِّ من يتجرأ على السخرية منهم. لكن سفارات السودان دي الظاهر عندها مهام تانية وقاعدة بومة في قفص. إذا كانت السفارة لا تقوم بما يجب أن تقوم به في مثل هذه القضايا .. فعلى تجمعات الجالية أن تنهض بهذا العبء .. وأن لا تفرق بين الساخر وبين السفارة نفسها؛ الاتنين مفروض يتأدبوا. والله أنا شايف السفارة مجرمة في حق الشعب السوداني أكتر من زولك الذكرتو ده. ده زول بتاع مضاحك ولو لقى ليه مادة سائبة حيتناولها وينتج منها برنامجه الساخر. من الذي ترك الشعب السوداني مادةّ سائبة للسخرية؟ أليست السفارة العاجزة؟.
الأخ الزاكي .. إذا كنت تريد نشر موضوعك هذا في صحيفة مطبوعة، فهناك خطأ بسيط عليك تصحيحه.
| Quote: الفنان أيها القصبي يتمتع بحس يجعله يتجنب النأي عن تجريح الغير |
والله أعلم
وتسلم
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Optimist)
|
الحلقة التي تم بثها أمس هي من الحلقات المرفوضة من التلفزيون السعودي حيث هناك اعتبارات رقابية صارمة لقبول أو رفض أي عمل فني. وهذه الحلقة بالذات رفضت لمستواها الفني الضعيف هذا أولاً ولتناولها لبعض الشخصيات ومنها السودانية واليمنية بالكثير من التجريح. أما قناة أم بي سي فهي لا تأخذ في اعتبارها مثل هذه المعايير باعتبارها قناة تجارية تهدف للربح في المقام الأول.
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
سلام يا باشمهندس : تعودنا هذا الاسفاف من ناصر القصبي والاستخدام المجوج لكلمة آآآآي ولو لاحظت فأن السوداني هو الوحيد الذي اظهرت جنسيته بصورة واضحة في الحلقة المذكورة
لكن الطامة الكبرى هناك مسلسل سوري اسمه حاجز الصمت أو (كسر الصمت لست متأكدا) فيه شخصية فتاة اسمها زينب السودانية مصابة بالأيدز. ورغم ان المسلسل به العديد من الشخصيات من البلاد العربية ( هناك ممثل مصري وهناك خليجي ولبنانية) لكن هذه السودانية هي الوحيدة ا لتي تمت الاشارة لجنسيتها في اسمها كأنه الجنسية السودانية هي الوحيدة التي يمكن الاشارة اليها دونما خوف أو خجل،، وهنا تكمن الخطورة في التعميم
الجهات الإعلامية كأن الامر لا يهمها من بعيد او قريب ،،
وشكرا على فتح الموضوع واحييك على الغيرة على الوطن وكبرياء السوداني المهدور
عبد الله
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: شرووم)
|
الأخ optimist
رمضان كريم
Quote: شاهدت كل الحلقة ولم أري اي سخرية أو إساءة للسودانيين
الراجل بكل بساطة كان بيقلد السودانيين بدون اي سخرية وإساءة
يا جماعة خذوا الأمور ببساطة وبلاش عقد على الفاضي
|
وهل شاهدت الحلقة التي سبقتها والتي جاء فيها السوداني عقب الإفطار يسأل عن عدته وبواقي الفطور ليأخذها إلى بيته؟؟؟؟ عموما هذا رايك ولك أن ترى ما تشاء..تحياتي
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: othman mohmmadien)
|
| Quote: أما قناة أم بي سي فهي لا تأخذ في اعتبارها مثل هذه المعايير باعتبارها قناة تجارية تهدف للربح في المقام الأول |
هذه القناة الماخور..أول من بدأت بعرض المياعة والمياصة والصياعةوالإسفاف..وهو ما يعجب عرب هذه الناحية من العالم..أما السوريون والسودانية والإيدز..فان عدد المواخير هنالك غير معروف..وعليه فعدد المصابين والمصابات غير معروف لديهم..وبما أننا لسنا عربا فليس لنا دخل في ما يجري في ديارهم..و..ماخور العرب للعرب
ولكن كل هذا كوم وحكاية القصبي كوم آخر ..إذ أن المواخير وما تحويه أعزكم الله تظل أنظف من مستوي تفكيره..
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
ما أتى به ناصر القصبى من فعل وأثار ردة الفعل هذه يشبه ما أتى به ناذر فى موضوع (أبكرينا) وزاد عليها صيغة إمتلاك أبكر.
فنحن نسخر من شعبنا والعرب يسخرون منا.
موش فيها عبر الحكاية دى?
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
شكرا اخي نايل على هذا البوست
تصدق من يوم ما يقدم في أي تلفزيون موضوع عن السودانيين الواحد تبقى طلعته من البيت فيها مشكلة
سخرية في الشارع وفي العمل
الناس الكبار انا بقدر ارد عليهم واخد حقي تالت ومتلت لكن الصغار ديل اسوي ليهم شنو
عندي ولد جيرانا اول ما اطلع من البيت ويشوفني يقعد يقول ليك في اااااااااايي اااااااااايي دي والكستانئي ويقلب حرف العين الف وكلمات غريبة انحنا ذاتو ما بنقولها انا ما عارف هو جابها من وين
تصدق لمن اشوف الولد دا واقف قدام بيتهم بقيت ما اطلع لحدي ما هو يغور في داهية والغريبة مرة ابوه واقف جمبو بقى يقول في كلامه دا وابوه كانه ولده دا بقول في نشيد ولا قصيدة يعني ما كلف نفسه ينهره او يعتذر لي
والسبب طبعا ناصر القصبي وداؤد حسين والبحاكي الحريم الاسمو الدرويش والناس الواقفة وراهم
والله المسالة عايزة وقفة قوية جدا
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Samau'al Abusin)
|
اخى الكريم الزاكى
نشكر لك هذه الغيرة التى انعدمت فى بلاد المهجر حتى وصل الحال ببعض الناس عدم الغيرة علىما هو اهم من ذلك (وما قصة الإمام الذي خص السودانيين بالكلام في احد مساجد الرياض ببعيدة عن الأذهان)
يا آخى ناهيك عن هذا حتى عبدة الريال من مثقفينا السودانيين الذين يكتبون في الصحافة السعودية إذ بأحدهم ما يكتب الا ويجعل من سواد بشرته وغلظ شفاهه وكبر انفه ونسبه من كافور الاخشيدى موضوعا للسخرية ليرضى نهم هؤلاء من الإسفاف والتعالي الأجوف
ان موضوع التندر والسخرية من الشخصية السودانية درجت عليه الدراما السعودية(إن صح التعبير ) من سنوات عديدة وقد ترتب على ذلك الاتى:-
1- أصبح الأطفال ما إن يجدوا سوداني بغض النظر عن سنه وفى اى مكان او مجال الا وتعالى صوتهم بالصياح عليه
2- أصبح رسائل الجوال وأفلامه المصورة تتناول هذا الموضوع
3- امتدت العدوة إلى الدراما الخليجية- الكويتية خاصة-
خلاصة الأمر الموضوع يهم السودانيين المقيمين بالمملكة فعلى الجالية مخاطبة الجهات المسئولة لوقف هذا العبث ومن يهن يسهل الهوان عليه
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: ابو ساجدة)
|
الأخ سمؤل
| Quote: كوننا سمر، فهذه حقيقه إلا لمن يريد أن يدس رأسه في الرمل |
نحن لم نناقش ولم نعترض على أننا سمر أو قمر...نحن نتحدث عن تصوير هذا التافه القصبي للسوداني على أنه عبيط وساذج ومفلس وليس عنده سوي كلمات يرددها بمناسبة ودون مناسبة
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
ما يقدمه هذا القصبة الجوفاء لم يأت من فراغ فالفنان (أو المهرج في حالة القصبي) إبن مجتمعه يعكس مايدور بخلد هذا المجتمع..وتهكمه علينا إمتداد لما تشربه من بيئته وهو قليل جدا مقارنة بما نراه ونعايشه نحن وصغارنا..لابد من حملة شعواء على هذا المهرج حملة تتخطى حدود أدب النقد المتعارف عليه إذ أننا لا نهاجم فنا بل نهاجم وقاحة وإسفافا وشعور طاغ بجنون العظمة جعل البعض يصدقون أن كل أجناس الأرض دونهم آدمية وكرامة.. ولست أدري فيم صمت إخواننا الصحفيون العاملون في الصحف المحلية هنا في المملكة..قولوا شيئا أو إكسروا أقلامكم
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
الأخ الزاكي سلام
يا صديقي أنا ممكن آكون من أكتر الناس الشاعرين بغضبك لآني مجرب يا صديقي - مش مع "الإخوة العرب" وإنما مع "الإخوة السودانيين" ذاتهم
لكن خلينا في الموضوع
لما يكون في ناس مستتبعين، مصيرهم في الدنيا ببقي زي الحاجة الإنت بتشوفها في تلفزيونات العرب دي
ناس بتتسلي بالموالي بتاعتها وفي رواية أخري عبيدها
جرايدنا وتلفزيونا والحاجات الزي دي كلها مكرسة عشان تمسح ليهم جزمهم - تتوقع منهم شنو بعد دة كلو!!
بس عليك الله راجع ،شوف الطريقة بتاعة كمال حامد وتعليقو في كأس العالم الفاتت
وخاصة في مباراة السعودية/الكميرون
حتعرف ليه نحن ما عندنا مخ
ولامن نقدر نشتري لينا مخ نختو جوة العمة بتاعة كمال حامد وكل العمم الزيها
ولامن بناءا عليه نقدر نغني غنانا بدون ما نخت في مخنا دة إنو في زول آخر معيارنا
ونعمل مسلسلاتنا زي ما عايزين
ونلبس جبتنا زي ما بلبس آخونا الشاعر عبد القادر الكتيابي جبته
ونمشي نلعب في كأس العالم زي ما بمشوا ناس الكاميرون. ونغلب السعودية ومصر والكويت زي ما بغلبوهم ناس الكاميرون
ولامن ننشر كتبنا بالعربي والأنجليزي والحلفاوي ونجيب جوائز عالمية
ولامن بناتنا الطوال الفي الجنوب الواسع دة يغلبن بنات آمريكا في كرة السلة ويجيبن الميداليات الذهبية في الأولمبياد
ولامن (أبكرينا) يجيب لينا كل سنة أو سنتين جوائز زي الجابها قبلوا آولاد عموا آو أولاد خالاتو ناس الكشيف حسن وموسي جودة
ولامن ما يكون في واحد ضيق الأفق إسمه الطيب مصطفي قاعد يفرض ضيق أفقه علي التلفزيون
ويكون جكسا إسمه جكسا
وقاقرين إسمه قاقرين
وتنقا إسمه تنقا
وكندورة إسمه كندورة
ولامن حاجات كتيرة زي دي تبقي جزء من واقعنا
ولامن تبطل آجهزة إعلامنا تعمل عمايلها الزي العمايل البعمل فيها الراجل الزعلك دة
الراجل دة مش حيقدر يعمل آي حاجة من عمايلو المزعلاك دي، وإن عملها بكون قاعد يضحك في روحوا
لأنك ببساطة ممكن تطلع (بتشديد اللام) ليك حاجة من اقرب حتة تكسر بيها عينو
لكن طول ما نحن عايشين تحت عباية الطيب مصطفي وخاتين لينا قرعة تحت عمة كمال حامد والجماعة الزيهم
استعدوا لمهانات كتيرة جاية
وآسآلوا المجربين ناس (آبكرينا) وما تسآلوا الطبيب
والقلب يغوص في الآلم
وطالما في القضية وجع
فتلك شهادة بأننا نحيا
------------- ناظم حكمت
أبكر آدم إسماعيل
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: أبكر آدم إسماعيل)
|
ناصر القصبى سخر من الشعب السعودى كله حضرا وبدوا بما فيه شرطته ومؤسساته وقضاته ومتفيقهيه سخرية مرة وكان دافعه الاصلاح ولكن استأسد رجال الدين وتم ايقاف بث البرنامج من القناة السعودية ومنع وحجب بعض الحلقات من البث فى ام بي سى
مواطن العاصمة يعبث ويهزأ ويسخر من مواطنى الهامش يوميا بعد الافطار!
انا اقدر وجهة نظر الجميع ولكن لا داعى للحساسية الزائدة
ما تنقله فضاءيات العالم عن دارفور هو الذى يجب ان يجعلنا نطأطئ رؤوسنا خجلا من مما كسبت ايدينا!
جنى
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
ترهاقا
Quote: والله فعلا حكايتنا بقت حكاية الحمد لله المرة دى جاب دور السودانى كمدير
لكن ملطخ وش بى حاجات تقول السودانى عنده والعياز بالله برص |
nile1
| Quote: نحن لم نناقش ولم نعترض على أننا سمر أو قمر... |
الأخ nile1
تعليق ترهاقا، والذي أعتقد بأنه جزء من هذا النقاش هو ما دفعني إلي ذكر اللون، اللهم الا إذا كنت أنت تعتبره خارج هذا النقاش. و بنيت ،علي ذلك، ردك الضجِر.
علي أية حال..
أنا أنظر للموضوع كله من منظار وضعناالسياسي والإجتماعي الراهن ولا استطيع فصل جزئيات صغيره كهذه من الصوره الكامله. أزمتنا- و تمثلها هنا إشارتك لكوننا مواد لسخرية الآخرين- لا تحل بالإحتجاج علي الأعمال الدرامية العربية و الخليجيه و تصيد كل صغيره و كبيره و الحديث عنها بالمبالغة التي تتحدث بها هنا، بل بتحسس سلمنا الإجتماعي و مدي تصالحنامع ذواتنا ورضانا عنها. لأن ذلك هو ما سيضبط تعاملنا مع الآخرين ويمنحنا المقدرة علي وضع كل شئ في موضعه.
هناك كما قلت خطوط عامه لما نسميه المركزيه العربية، السودان لمن يريده عربياأو أفريقيا، هو هامش في هذه المعادلة و بالتالي يصبح أي نوع من أنواع هذه الإحتجاجات مجرد بكائيات لا تفيد، و إنما تنم عن البراءه الشديده المتمثلة في رد فعلنا إزاء إكتشاف صورتنا في ذهن الآخر.
مع وافر إحترامي..
السموأل
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Samau'al Abusin)
|
الأخ الحبيب د. أبكر
رمضان كريم..ومرحبا بطلتك المدهشة...أين أنت ياصديقي..إفتقدنا حبات حروفك الندية..عل المانع خيرا..
Quote: لما يكون في ناس مستتبعين، مصيرهم في الدنيا ببقي زي الحاجة الإنت بتشوفها في تلفزيونات العرب دي
ناس بتتسلي بالموالي بتاعتها وفي رواية أخري عبيدها |
تحياتي
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
الأخ سمؤل
لك تحياتي وتقديري
Quote: اللهم الا إذا كنت أنت تعتبره خارج هذا النقاش. و بنيت ،علي ذلك، ردك الضجِر.
|
لست ضجرا منك ..وأعود وأؤكد مرة أخرى أن غضبي ليث مبعثه كون اللون أو كلمة أأأي أنا أتحدث عن تصويره دائما لشخصية السوداني متسمة بالعبط والسذاجة.
| |
|
|
|
|
|
|
|
|
 Re: المسخ ناصر القصبي يواصل إسفافه (Re: ابو ساجدة)
|
الأخ الفاضل الزاكي
قرأت موضوعك وتعليقات الإخوة جميعاً باختلاف وجهات نظرهم أمام الحقائق الدامغة وهي أن أجهزة الإعلام في العالم العربي تحديداً منطقة الشرق الأوسط والخليج تحاول أن تبرز شخصية الإنسان بصورة مهترئة وتقدمها للبسطاء بصور مختلفة ( بائس فقير ، معقد ، بيروقراطي ، حرفي ، مريض ، قبيح الشكل ، إلخ ) من الصور ، والعربي إن دعته الضرورة للتعامل مع السوداني فتأكد إما مصلحة عمل وإما مجاملة فيظل يطري السوداني بسيل من العبارات الرنانة ( أنتم شعب كريم ، أنتم شعب طيب ، إنتو السودانيه لبعض ، قلوبكم بيضة ، إلخ ) وطبعاً هذه الأمور لن تغيب على حصيف .
أنا شخصياً ضد الإنتماء العربي ولا الإفريقي بل نحن عالم خاص متمير ويجب أن نكون كذلك فالعروبة ليست جواز مرور للعلاقات الدولية وإنما العروبة ارتبطت بالقرآن الكريم للمسلمين وتعلمها ليست بالواجب ولا يخرج من الدين ، أما العروبة كجنس فمعروف أن الشام جذورهم رومانية ( فينقية ) وشمال إفريقية امتداد للرومان وشمال وشرق الجزيرة فارسي وجنوبها إفريقي ( حبشي ) وأما الوسط فهجين بين جرهم اليمينة وسيدنا إسماعيل الكنعاني الأب والقبطي الأم .
وإختلاف اللون دليل على ربوبية الله تعالى وآية من آياته .( ومن آياته إختلاف ألسنتكم وألوانكم ) .
فأين المشكل إذن ؟؟؟ في رأي الشخصي المشكل يكمن فينا نحن أنا أعتز بسواد لوني وبسمرتي وبديني وبلساني العربي ولا أعتز بغير ذلك فهل هذا منقصة ومدعاة للتهكم أم أن المسألة وراءها أهذاف أخرى غير مرئية لنا .
أوافق الأخ القائل بأن إصلاح البيت السوداني هو الحل للرجوع من هذه المهاحِر النتنة وصدقوني ما تضيعونه من سنوات غربة في هذه المهاجر العربية لو كان في أي بقعة أخرى من العالم لازددتم علماً ومعرفة أكثر من التخلف والتسطيح وعقد أولادنا في المدارس الذين يلهثون لتقليد أية لهجة غير السودانية ليخاطبوا أقرانهم .
وأخيراً أرجو أن يكون مقالك يا الزاكي نملة في أذن فيل الإعلام السوداني المتخلف هو طبعاً إعلام لا يقل سفالة عن الإعلام العربي كل البرامج والموضوعات والمقابلات لجنس معين في السودان وكأن باقي السودان محكوم عليه بالبوار والموت .... ويا شاطر افهم .
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
انا ماعارف "النجرنجرة" دي كلها فوق كم وانتو مصرين انكم عرب، بالعافية كده؟
شخصيا، مبسوط او متكيف 24 قيراط، او تستاهلو!
اخونا nile1 ده ياما قام او قعد معاي في sudan.net عشان مايثبت انو عربي، عباسي، او قرشي كمان!
اليوم، سبحان الله قلب ضمة!
كلام العرب فيكم، اولا حقيقة، لاننا فعلا طيور او سذج، مافي اتنين تلاتة!
بدل الزعل فكرو في الانطباع ده عنكم.
ما ممكن تتعرو من اصلكم الذنجي او تتنكرو لي قوميتكم الافريقية، او تتوقعو الاخرين يحترموكم!
ده مستحيل!
في الاول تعلموا الاعتداد باصلكم عشان الاخرين يعملوا ليكم حساب.
تحتقروا انفسكم، او تحتجو علي احتقار الاخرين ليكم!
شئ مضحك!
تقتلو في ابناء جلدتكم بالملايين عشان خاطر العمق العربي، وانتم الاخوال في عيونم، او بعده، تزعلو منهم، مامن فعايلكم في روحكم!
شئ مبكي!
اخونا نايل ده ذاتو اورغما عن هوجتو دي، حيكون اول من يقول ليك، لا لي اسرائيل!
خلونا ياخي!
امخاخ اخوال ذي ماقال السعودي!!
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Bashasha)
|
شكرا نايل علي ...البوست....
سعدت جدا لطلة...دكتور أبكر آدم اسماعيل...وعساها تدوم...
بشاشا....ادوه قرشو خلوه ينزل في أقرب محطة....
هسي يا الزاكي....آآآآي مش احسن من ELLA
بتاعة السعوديين دي...
تصدوا لهم بدون ان تزعلوا انفسكم يا زاكي...او تحسّوا
بان آآآآيكم ....هي دون ....الّا بمعني نعم حقتهم...
وعندهم كلام غريب كتير لا اتذكره الآن...
..
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
| Quote: أنا شخصياً ضد الإنتماء العربي ولا الإفريقي |
عييييييك!
شفتو الجكة من الاصل الافريقي هنا كيف؟
الطريف اخونا عبدالرحمن الحلاوي، سطرين لي تحت بقول :
| Quote: أنا أعتز بسواد لوني |
لوفعلا بتعتز بي سواد لونك، مامعني انك ضد الانتماء لافريقيا؟ الشهادة لله!
عشان كده بنقول ليكم ماتشتكو من احتقار انتو ذاتكم او ممارسيه، الي حد القتل بالملايين!
مصيبتكم مصايب!
بعدين من وين ليك انو اسماعيل كان كنعاني؟ الكنعانيين كانو افارقة، ام قوم سود!
طبعا دي من ترهات القومية العربية في صراعها مع القومية اليهودية!
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Bashasha)
|
يا بشاشة ليس الهروب من الإفريقية كجنس هو المقصود في طرحي أو العربية وإنما أقصد الإعتزاز بقيمنا السودانية وأعرافنا المستمدة من الحضارة الإسلامية والحضارة الإفريقية ، ولم اعتز يوما كون أني عربي ولا أطمح في الوحدة مع العرب ولا الاتحاد الإفريقي ياخي نلزم الحياد ونتقبل من الآخرين الجيد ونترك مادون ذلك لهم . فماذا يضير ؟؟!!!
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
هلا بيكم
انا شايف انو المشكلة في نظرة ناس القصبي لينا... واللي احنا سمحنا ليهم
انهم ينظرو لينا بيها... ما تتباكو علي انو في حقارة
واستحقار وسخرية... انتو الخليتوهم يسخرو منكم... زمان في فترة السبعينات
ولما العرب ديل كانو ما بتنفسو الا عن طريقنا... بمعني الخبرات العملية والعلمية
كانت سودانية.. والسوداني كان مثال لي الشرف والامانة والثقافة والشهامة والنخوة
والرجالة والكرم والجود وووووووووووو... لكن هسي شوفو التهافت والتفاهه... زمان
ماكانو بستجرو يعاينو ليك.. هسي السوداني البقي حرامي وقواد ومتخلف وجاهل
وعبدالريال ووووووووووووو.... يحترمو كيف وليه؟؟؟
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Ahmed Mohammed Osman)
|
الاخ احمد محمد عثمان
والله يا احمد كلامك ده ما صح الرغبه في ايجاد المبررات للعنصر المضطهد (بضم للميم
والضاض) سلوك غريب.
Quote: ماكانو بستجرو يعاينو ليك.. هسي السوداني البقي حرامي وقواد
ومتخلف وجاهل
وعبدالريال ووووووووووووو.... يحترمو كيف وليه؟؟؟ |
اولا يا اخي لو جيت للقواده حمانا الله اصلا كلمه عربيه بمعنى في ثقافتنا السودانيه
ليست دارجه لاننا لا نعرفها, وما تقول لي اتفشت الآن لو اتفشت برضه تعلمها بعضنا منهم
اي هم الاصل ونحن الجزء.
وتعلمها بعض المقيمين في الدول العربيه دون غيرها من دول العالم لان موطنها هناك.
كتبت عن كوننا صرنا حراميه, والله فضلت خيرهم برضه هم ملوكهم بيسرقوا في شعوبهم
عايزنا ما نتعلم منهم.
وكتبت عن التخلف يكفينا فخرا اننا من شارك في تاسيس مناهجهم التعليميه.
كتبت عن الجهل يكفينا انه ما ان يذكر العربي عالميا الاذكر الجهل مرادفا له.
وقلت نحن عبدة الريال شكرا لك يعني فتنا المصريين واللبنايين في حب القروش,
لا و الله ماقلت الحق.
احمد كون اخلاقنا تغيرت نعم لكن يادوبنا وصلنا لمستوى مر به المصريين
واللبنانين في السبعينيات.
وجود الالف السودانيين في دول الخليج والسعوديه دون عقود عمل محدده افهم
انها اضطرت البعض لممارسات مهينه وانكم كجالايات مقيمه في الخارج متضررين, لكن كل
هذا ليس مبررا لعنصرية البعض او استهتارهم بالسودانيين.
بعدين بيني وبينك كل الكفوه جايباها لينا اللغه العربيه دي , يعني
التشادي ما مسلم و الصومالي ما مسلم والجيبوتي وبعض الاثيوبين والارتريين مافي
زول بيبهدلوه العرب زي السوداني ليه؟؟؟؟؟؟؟؟؟؟؟؟؟؟؟؟
لانه متشبر وعامل روحه ناطق بالعربيه.
عشان كده من حقهم يضحكوا على كيف بنقول اااااي ي ي ي ي !!!!!!!!!
بقية العالم المسلمين ديل وبيشبهونا مافي زول هابشهم.
ليه هنا السؤال؟؟؟؟؟؟؟؟
تراجي.
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
| Quote: والسوداني كان مثال لي الشرف والامانة والثقافة والشهامة |
اخونا احمد محمد عثمان.
شايفك مصدق الترهات دي! يالطيبتك! والسوداني كان مثال للشرف بالنسبة لي منو؟ للعرب؟ كده في الاول خلي السوداني يكون مساوي للعربي في الادمية، بعدداك نشوف حكاية شرف او مثال دي! ياخي انت ولابشر ذاتو، كخال، في عيون احقر عربي، تقول لي مثال؟
ولااذكرك العبد عبد قالو في منو؟
ماتنسي العب ده كان راس دولة!
يعني مهما طالت عمامة شرفك والي اخره، يظل السودان عبد في عيون حتي الصحابة، او في حضرة صاحب الرسالة ذاتو!
نحن الطيورو ايها الانسان!
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
شخصيا لا ارى اي اهانة في الحلقة المذكورة..
الحلقة فيها زول داكن اللون لابس عمة وجلابية سودان
عاملنو مدير هيئة مواصفات اظنو
اها مرة مرة بقوم يتعاور يقول آآآآآآآآآآآي بطريقة هبلة ومعاطة..
انتهى الوصف
عايز اعرف الاهانة وين؟؟
اما اللون الداكن فهو لنا وغالب السودانيين يمتازون به ..
اما الهبالة فنحن اسيادها..
ودليل ذلك انو كان في سودانيين تانين ممثلين في نفس الحلقة وبشكلهم الطبيعي .. اللون نفس اللون ..
اما الهبالة فوجودهم في تلك الحلقة عين الهبالة..
حسسكم بكابة اللون الاسود هو المعذبكم..
الشعورالدائم بالدونية وبان لونكم عرص هو المغلغلكم ..
بشاشا لونو الحلبي هو المغلغلو ..
وانتو لونكم الاسود ..
نعمل ليكم شنو ؟؟
نضربكم بمبي؟؟
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
يا بشاشا :
الحلب بي النسبة للسودانيين شنو ؟؟؟؟؟؟؟؟؟؟؟؟؟
بتعرف الحلب ؟؟؟؟؟؟؟؟؟؟؟؟؟؟؟؟؟؟؟؟؟
الحلــــــــــــــــــــــــــــــــــــــــــــــــــــــــــب
أي بتاعين الصفايح والبدقو شلوفتهم والما بيخلو سوداني يعرس منهم !!!!!
عشان تعرف إنو السودانيين ما عقدتهم لون حتي الحلبي اللونو أصصصصصصصصصصصصفففففففففففر ما بيخلوهو يعيش بيناتهم يعني هو زيو وزي .....
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: عمر الفاروق)
|
بدون تعليق ورد هذا الخبر فى عدد اليوم من جريدة اليوم السعودية
اقتحام مبنى قناة "الرأي" الكويتية بسبب "ولد الديرة"
أحمد السلامي - الكويت
اقتحم عدد كبير من المواطنين الكويتيين المنتمين إلى إحدى القبائل بوابة قناة الرأي الكويتية الكائنة في منطقة السالمية حيث قاموا بتحطيم البوابات والدخول على مبنى القناة وضرب 2 من الموظفين الذين حاولوا منع دخول المقتحمين إلى المبنى فتم نقلهما إلى مستشفى مبارك لتلقي العلاج هناك.
وأوضح مصدر أمني كويتي رفيع المستوى لـ (اليوم) أن المقتحمين والمتظاهرين المتواجدين إلى وقت متأخر من فجر يوم أمس تواجدوا في وقت مبكر من ليل يوم الخميس ( أمس الأول) وحتى الساعات الأولى من صباح يوم الجمعة وقاموا بتحطيم البوابة الرئيسية للقناة وتمكنوا من دخول المبنى واعتدوا على موظفين من القناة معبرين عن غضبهم وسخطهم لما بدر من الفنان الكوميدي خالد راشد العقروقة المعروف بـ ( ولد الديرة ) حيث إنه قام بالسخرية من الرئيس العراقي المخلوع صدام حسين معتبرين أن العقروقة يحاول الاستهانة بأصول أبناء هذه القبائل وأن تشبيه صدام بـ (الصلبي) يعتبر أمرا مرفوضا تماماً حيث إن الرئيس المخلوع ليس أكثر من نكرة على حد زعمهم.
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
| Quote: وقد لا يعلم الرجل ان مثل هذه الصور واستخدامها في جهاز خطير هو التلفزيون يدخل كل البيوت وله تأثير كبير على المشاهد ويؤثر تأثيرا بالغاعلى علاقات الناس بعضها البعض. |
| Quote: وبصراحة انها احدى العوامل التي تجعل من اطفالنا يعيشون الانطواء والهزمية في مساحات المدرسة |
Quote: من المؤسف حقاً أن يتم التلاعب بسمعة السودانيين في بلاد المهجر وأن نكون مادة دسمة للدراما العربية ..
|
| Quote: ويقلب حرف العين الف وكلمات غريبة انحنا ذاتو ما بنقولها انا ما عارف هو جابها من وين |
| Quote: عشان تعرف إنو السودانيين ما عقدتهم لون حتي الحلبي اللونو أصصصصصصصصصصصصفففففففففففر ما بيخلوهو يعيش بيناتهم يعني هو زيو وزي ..... |
سنفزه:
هيرتونا!!!!
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Shao Dorsheed)
|
Quote: | Quote: æíÞáÈ ÍÑÝ ÇáÚíä ÇáÝ æßáãÇÊ ÛÑíÈÉ ÇäÍäÇ ÐÇÊæ ãÇ ÈäÞæáåÇ ÇäÇ ãÇ ÚÇÑÝ åæ ÌÇÈåÇ ãä æíä |
ÓäÝÒå:
åíÑÊæäÇ!!!! |
اسمع اسمك منو انت والله ماعرفته
ياخي واحد اتلود في افريقيا وعنده فيها ارض وارثها جد عن جد عند جد و اتولد ولقى ابوه يتكلم عربي لي عند جد جده وامه تتكلم عربي لي عند جد جدها السبعتاشر تسميهو شنو دا
انحنا عرب رغم انفك وانفنا وانف العرب وافارقة رغم انف أي افريقي
انت داير شنو بالضبط كدا ؟ انا بنطق العين عين والضاد ضاد يعني اقلب ليك لساني عشان تنبسط
ما ياهو دا اقصاء ثقافة الاخر والتطهير العرقي القادني بيهو في البورد دا
اما أي مخلوق يسخر مني او يستهزأ بي والله قادر ارد عليهو واخد حقي منو ولو كنت في بلده
اتمنى ما اكون هريتك
وان عدتم عدنا
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Shao Dorsheed)
|
انا روحي رياضية والله
بس مالا تقبلوا لي نفسك لا تقبلوا لي غيرك
يعني اتا احترم ثقافتك وانت كمان تحترم ثقافتي
انا عارف انت عايز تجرني وانا ازعل واقوم اقلد وتمسكها وتقول على عنصري لكن دي ما بتلقاها عندي انا اؤمن تماما بالاية البتقول
(يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكنّ خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان)
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: الأمين عثمان صديق محمد)
|
الأخ الحبيب الزاكي سلام
طبعا المسألة مش بالبساطة التكلموا بيها بعض أخوانا هنا، وإنما عندها خلفيات ثقافية وتاريخية
وتنميط الآخر دة عنده "مسكوت عنه" كمان
الكلام التحت دة من ورقة آخونا الباحث المعروف محمد جلال هاشم "السودانوعروبية أو تحالف الهاربين"
Quote:
فالتماهي العروبي هنا كأوضح ما يكون، في مقابل تماهي أفريقي سابق. ليس هذا فحسب، بل إن الفيتوري يتماهي حتى تركبه العنجهية العربية فلا يتمالك من أن يعرض بالعجم من المغول والمماليك والأغوات مختزلا فيهم الصفات السالبة ودامغا بهم متخاذلي العرب:
كل ما كان بالأمس أن المغول أتوا في الدجى ومضوا في المحاق
وتقيم المقـــادير فيــك احتجاجا على وطنٍ أبدي الوثــاق
ضــاع بين صراع المماليك والأغوات[18] وفرسان عصر الوفاق
---------------------------------
18- أيا كانت الجهة التي يعرض بها الفيتوري، واصفا إياها (بالأغوات)، وكيفما كانت الدلالات التشريفية لهذه اللفظة قابلة للتداعي، إلا أن الفرصة للتداعي تبقى أكبر حيال الدلالات السالبة لها، ونعني بذلك طائفة الخصيان الذين كانوا يقومون بخدمة الحرم المكي والمسجد النبوي بالمدينة. وفي هذا ما يضع الفيتوري ـ كأفريقي سوداني أسود ـ في موضع لا يحسد عليه. فعندما كانوا يستقدمون هؤلاء الخصيان إلى تلك الأماكن المقدسة، كان من ضمن ما يشترطون عليه أولا أن يكونوا من أفريقيا ومن أجناس بعينها. وبحلول 1814م كان معظم الأغوات من الأحباش والسودانيين. وأصل أكثر الأغوات حينها كان من منطقة ولّو (Wallo) بأثيوبيا ومديرية دارفور بالسودان. لمزيد من التفاصيل في ذلك أنظر: أحمد عبد الرحيم نصر؛ الأغوات: دراسة تاريخية مقارنة لأغوات المسجد الحرام بمكة والمسجد النبوي، جامعة الخرطوم، الخرطوم، 1986م، ص ص 11،12،16،17.
|
وطبعا إنت عارف كلمة السودان دي شاملة قدر شنو في ذهن العرب
يعني آبزيد السوداني دة مش حينجو من حكاية (آغا) دي كان بقي الفيتوري آو عبد الله الطيب ذاتو - شفت كيف؟!
أبكر آدم إسماعيل
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
(هذا هو قطار العروبة المتخلف الذي ظللنا (متشعلقين) في مؤخرة آخر عربة فيه ومن بداخله لا يتركون مناسبة تمر دون أن يتهكمون من كل شىء فينا..لماذا إصرارنا على الإنتماء لمثلث العنصرية والكره والتخلف..أولادي أيضا حمدوا الله أنهم لن يذهبوا الى المدارس غدا ليواجهوا بالسخرية والتهكم من العنصريين الصغار وأنا أيضا حمدت الله أنني ظللت أعلن لمن حولى من بني يعرب أنني سوداني ولست عربي..هل هذه أخلاقيات أمة ندعي الإنتماء إليها؟؟؟)
كل المسلسلات والبرامج والاحاديث والمقالات التى تذاع اوتعرض او تنشر فى اى جهاز اعلامى عربى يمر عبر رقيب الامن للمصادقه .
هذه بديهيه يعلمها كل من يلم بنوعية الانظمه العربيه - اذ لا يوجد نظام ديمقراطى ودولة مؤسسات تؤمن بالسلطة الرابعه .
عليه فان كل ما صدر عن اى جهاز اعلامى عربى وفى اى دولة عربيه هى تعبير على الاقل عن رأى الاجهزة الرسميه التى تمرر او تقص كما يحلو لها.
ان اللوم يقع على زعمائنا الذين قرروا فى صدر استقلالنا الانضمام الى ما يسمى بالعالم العربى وجامعته بالرغم من اعتراض بعض دولها بان السودان ليست دولة عربيه . ولكنهم رضخوا لرأى المصريين الذين اوضحوا لهم بان هذا البلد هو المرتجى لتحقيق الامن الغذائى العربى لاجيال العرب !!!!!
وحتى ادعياء العروبه فى السودان وبسحناتهم الافريقيه الواضحه غير معترفين من قبل اولئك العرب .
واذا كنا جادين فالنقم بحملة مكثفة تطالب بالخروج من جامعة الدول العربية فورا .
هؤلاء العرب الاشرار الذين مارسوا الرق والاستعباد ضد الافارقه والسودانيين ضمنهم اكثر من الفى عام - وربطوا سواد البشرة كرمز للعبوديه.
ان ثقافتهم الاستعلائيه تقوم اساسا على اعتبار اللون الاسود رمز للسوء والشؤم والرق . ولكن زعماءنا وكتابنا الاوائل ونظرا للاستلاب الفكرى ربطونا بذلك العالم العنصرى البغيض وتغنوا بامجادهم الزائفه .
اما آن اوان الصحوة ومعرفة الذات المستلبه والعودة لجذورنا الافريقيه التى اعطت للعالم اول حضارة للبشريه - واول حديد صهر واول نظام للرى وعلم تشريح وتحنيط وفلك وهندسة مثلثات واول حرف كتب .
علينا ان نرجع القهقرى لنجعل منه زادا لنا ولاطفالنا نستشعر عزة وشموخا من اجل بناء مستقبل وضاء يرتكز على ذلك الارث التليد .
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
| Quote: انحنا عرب رغم انفك وانفنا وانف العرب وافارقة رغم انف أي افريقي |
Here we go!0
شفتو ذي ده؟
ياخي كونك ماعندك لغة قومية غير لغة من استعبدوك، يدل فقط علي انك فعلا افريقي، ولاغير!
كل القارة تقريبا باستثناء دول محدودة، لسانا الرسمي هو لسان مستعمريها!
شفت كيف جيت تعميها، كحلتها يلاخو؟
كل ماتوهتموه يثبت عروبتكم، للاسف يؤكد فقط ذنوجتكم الجاكين منها!
او بعده ده كلو الخلق دي تشتكي من العرب!
كاره ذاتو، مين بيحبو؟
محتقر قوميتو، مين بيحترما، او مين بحترمو؟
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Bashasha)
|
الأخ بشاشا
تحياتي
| Quote: اخونا nile1 ده ياما قام او قعد معاي في sudan.net عشان مايثبت انو عربي، عباسي، او قرشي كمان! |
لم يسبق لي أن كتبت في سودان نت ولست من روادها..ولست عضوا فيها..ولم أساند يوما النعرة القبلية...شكرا
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
سلامات يا نايل ـ
ياخوي إنت ما عارف أن الخلي داره قل مقداره ?ـ
ما هو أي أسود في بلاد غير السود بيبقي ملطشة ـ
ولو دايرين تزجروه البدوا ليهو ووروه العين الحمراء عشان يعرف الله واحد ـ
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Munir)
|
الأخ أمين
كل عام وأنت ونحن والوطن وأهله الطيبون بخير
سنكتفي بأن تلبد له أجهزة إعلامنافي السودان وصحفيونا من السودانيون العاملين في صحف الخليج إن كانوا فاعلين وأنتهز سانحة مداخلتك لاؤكد أن مسألة عروبة السودان أو أفريقيته أمر محسوم بالنسبة لي على الأقل ..أنا هنا بصدد تعرض هذا الدعي للشخصية السودانية ووصمها في كل أعماله بالعبط والسذاجة ..متأسيا في ذلك بالأمردالناعم داؤود حسين متشجعا بصمت أجهزة إعلامنا...تحياتي
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
Quote: هؤلاء العرب الاشرار الذين مارسوا الرق والاستعباد ضد الافارقه والسودانيين ضمنهم اكثر من الفى عام - وربطوا سواد البشرة كرمز للعبوديه.
ان ثقافتهم الاستعلائيه تقوم اساسا على اعتبار اللون الاسود رمز للسوء والشؤم والرق . ولكن زعماءنا وكتابنا الاوائل ونظرا للاستلاب الفكرى ربطونا بذلك العالم العنصرى البغيض وتغنوا بامجادهم الزائفه .
|
| Quote: واذا كنا جادين فالنقم بحملة مكثفة تطالب بالخروج من جامعة الدول العربية فورا . |
الاخ محسى يا رييييييييت (إن الاعراب لاشد كفرا ونفاقا)
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: ترهاقا)
|
كتب الاخ عبد الوهاب المحسي:
Quote: واذا كنا جادين فالنقم بحملة مكثفة تطالب بالخروج من جامعة الدول العربية
فورا .
|
وكتب ترهاقا :
Quote:
Quote: واذا كنا جادين فالنقم بحملة مكثفة تطالب بالخروج من جامعة الدول العربية فورا .
الاخ محسى يا رييييييييت (إن الاعراب لاشد كفرا ونفاقا)
|
اولا يا المحسي شكرا لك وصدقني لو طلعت بعد عضوية البورد هذا باللاشيئ
يكفيني معرفتك.
لان هذا الطرح الجريئ هو حل المشكله
لابد من خروجنا من جامعة الدول العربيه
وهذا لايعني تخلينا عن اللغه العربيه ولا ديننا الاسلامي.
والدليل هناك دولا كثيره مثلنا , تشاد تعتبر العربيه و الفرنسيه
لغاتها الرسميه, الصومال تعتبر نفسها عربيه بلا لغة ولا عضويه في جامعة الشؤم هذه.
وقد اقبل بعضوية الجامعه العربيه اذا كان هنالك استفتاء حقيقي وقال الشعب
كلمته باننا نرغب في الدخول فيها, لكن غير ذلك لا اقبل.
والغريبه اول يوم نتفق انا والاخ ترهاقا على شيئ
فهو قد اوضح اتفاقه مع المحسي.
شكرا لك ترهاقا.
حقوا نحتفل اليوم باتفاقنا على شيئ واحد.
معزتي تراجي.
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
اخوي الزاكي
وانت طيب انشاء الله
بس كدي خليني شوية لي بشاشا دا
اول حاجة يا بشاشا انت كل ما تلقى ليك بوست جاي ناطي فوقوا وتقعد تنظر في الفاضي
والكلام البحصل دا بمس كل سوداني يعني دي مافيها عربي ولا افريقي لو بتفهم بقولوا عن السوداني يعني من حلفا لي نوملي ومن كسلا للجنينة
وبعدين تقولي انا عميتها انا عميتها ولا انت الليستها عديل كدا كاتب لي Here we go!0 وعامل لي عندك لغة ومعتز بيها يعني لو مشيت اليابان كنت كتبت بالياباني
قال Here we go!0 قال
ياخي تخ
اللخو بشاشة ... يمين انت تعرض بره الداره
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Munir)
|
الغريبة السوداني اسمه ( الاستاذ آدم ) لكن يا جماعة الخير .. شاهدت الاسبوع الفات في التلفزيون مجموعة من رجال الشرطة تكالبوا على رجل ( اسود ) واوسعوه ضربا حتى نزف دما غزيرا واخيرا تمكنوا من ( كلبشته ) بعد مقاومة عنيفة من الرجل الاسود .. تخيلوا السبب ادعائهم انه قام بمعاكسة الخيل حقت الشرطة بحجة انه كان مخمورا .. الرجل اقسم بانه لم يشرب من 25 سنة .. دا كمان ما شفتوهو ولا شفتوه وعملتوا نايمين ..
الغريب مش التصرف دا .. الغريب الدولة الحصل فيها الكلام دا تتدعي الديمقراطية زورا وبهتانا وقلة ادب .. الكلام دا نهديه لي مناضلي الوهم ( الكرتوني ) شرقا وغربا ..
والماعاجبو يشرب حلومر ....
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Shao Dorsheed)
|
دورشيد
بالله شوف ليك حتة تانية ناضل فيها غير البوست دا
انت بتغمز وتلمز لي مسالة دارفور وانا اقول ليك دارفور بي رجالها القادرين عليها
واسال الله ان يحلها مشكلتها وان ياخذ كل ذي حق حقة
دورشيد الفتنة نائمة خاف الله انا ما فرزت بين سوداني وسوداني قلت كل السودانيين
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
| Quote: ويقلب حرف العين الف وكلمات غريبة انحنا ذاتو ما بنقولها انا ما عارف هو جابها من وين |
| Quote: انحنا عرب رغم انفك |
| Quote: وافارقة رغم انف أي افريقي |
| Quote: انت داير شنو بالضبط كدا ؟ |
| Quote: يعني اقلب ليك لساني عشان تنبسط? |
| Quote: ما ياهو دا اقصاء ثقافة الاخر والتطهير العرقي القادني بيهو |
| Quote: أي مخلوق يسخر مني او يستهزأ بي |
| Quote: والله قادر ارد عليهو واخد حقي منو |
| Quote: يعني اتا احترم ثقافتك وانت كمان تحترم ثقافتي |
| Quote: انا عارف انت عايز تجرني وانا ازعل |
يا سديقي...
اولا مرهب بيك في المنبر ومتاسف انو الترهيب جاء متاخر
انا لم اقل شيئا هتي هده اللهزه ولكنك جيت داخل يسار و كبيت الكلام ده كلو... تيب لو انا قلت كلامي كان هيهسل شنو
سنفره+ ماجون:
رمادان كريم
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: Shao Dorsheed)
|
مرحب بيك ولا يمهمك المهم رحبت
انا ما جيت داخل يسار انا كنت برد على بوست الزاكي
انت الجيت يسار وتغمز وتلمز وتبعد البوست عن مسارة
يا خي انا البورد دا والله ما دخلته من باب عنصرة او من باب استخفاف بي الناس
والحمد لله لا احمل ذرة غل او حقد لي أي انسان حتى ليك انت او بشاشا الدخلتوا فيني شمال ويمين
بس كمان ما بقبل الحقارة
خلي نيتك صافية وادخل وقول خير او اصمت
ورمضان كريم
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: الأمين عثمان صديق محمد)
|
المهندس الزاكى
الاخوة/ الاخوات المتداخلون/ المتداخلات
السلام عليكم .. و رمضان كريم
الصمت هو داؤنا العضال
و اللا مبالاة هى المشجع الاول لجميع من تجاسر علينا
اظنه قد آن الاوان لوقفة صلبة و قوية فى وجه هؤلاء و بالفم المليان
لنبدأ بجمع توقيعات و ارسالها الى القناة الفضائية التى بثت تلك التراهات و ان يتم ارسال تلك التوقيعات كذلك الى الممثل الذى ارتضى ان يسخر منا
اخى الزاكى
لا تعوّل كثيرآ على الصحافيين السودانيين بالخليج او السعودية ليثأروا لنا من هؤلاء او يسجلوا موقفآ وطنيآ مشرفآ ...، فلو كانوا فاعلون لفعلوا من زمأأأأأأأأأأأأاان ... فقد ماتت النخوة ( السودانية ) حينما دخلت ( فوبيا ) انهاء الخدمات ( التفنيش).. و الترحيل الى السودان وكانهم الى نصب يوفضون ... و عزاؤهم فى ذلك مقولة لا ادرى من اين اقتبسوها مفادها انك اذا عبرت البحر الاحمر فى اتجاه الشرق فلا تكترث كثيرآ بكثير من النخوة السودانية ... و ذلك لكى تعيش ( كبرت كلمة تخرج من افواههم ان يقولون الا كذبآ ) .
العلة فينا نحن كشعب .... و ان لم يتم تصحيح الكثير من اوضاعنا كسودانيين ( و ليس هذا مقام تفصيل ذلك )، ... فستظل صورتنا مهترئة حتى فى دواخلنا نحن .
| |
|
|
|
|
|
|
|
|
 Re: المسخ ناصر القصبي يواصل إسفافه (Re: nile1)
|
شنو رأيكم نرفع دعوى ضد المدعو ناصر القصبي ونكتب في حيثيات الدعوى : الضرر المعنوي الذي أصابنا وأصاب أبناءنا في المدارس جراء الاستهزاء والسخرية التي يقدمها في برنامجه وترفع هذه الدعوى في المحاكم السعودية أو المحاكم السودانية وإن شأتم في المحكمة الدولية تحت مسمي ( دعاوى الضرر low of torts "وهذه القضية معنوية يحق لنا المطالبة المادية نتيجة الضرر المعنوي فنكسب التعويض المادي ونحن الذين نحدد قيمة الضرر ونحول ريعه لشركة نسميها شركة آيييييييييييي وأخواله ( شركة مساهمة عامة ) يإمكاننا أن ندرجها في سوق عبدالرحيم حمدي للأوراق المالية ونقف به ضد مشروع مثلث سناروكردفان ودنقلا!!!!!!!!!!!!!
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
عبد الرحمن الحلوي
لكن ترفع الدعوى على منو يا ود عمي؟ القصبي حا يقول ليك أنا مجرد مؤدي بنفذ تعليمات المخرج، ولا على المخرج حا يقول أنا بنفذ القصة حسب ما جات من المؤلف، ولا ألمؤلف حا يباصي الموضوع على المنتج ولا ولا .. الشغلة حا تبقى زي حكاية حبوبة ونسيني !!!
| |
|
|
|
|
|
|
|
|
 Re: المسخ ناصر القصبي يواصل إسفافه (Re: ALHALAWI)
|
الحلاوي : سلام عليكم ورحمة الله
طالما الأمر سيكون بهذه الطريقة فما أرى داعياً أصلاً للحمبكة والزعل لأنو السودانين لحم رأس وما بتفقوا على حاجة واحدة وبلدنا أصلها ساكنها شيطان كبير وواحد منها هؤلاء الذين يحمبكوا في الهينة دون القاسية .
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: ALHALAWI)
|
نحن عرب العرب
الشاعر صلاح أحمد إبراهيم
***
مبلغ علمي أن شاعرنا العظيم صلاح أحمد إبراهيم يشئ عن جذور دنقلاوية مثله مثل بشاشا.
الشئ الثاني أن مؤسسي حزب البعث العربي في السودان يتحدرون من إصول محسية ومنهم بدرالدين وتيسير مدثر ومحمد علي جادين والمنظر الحقيقي للحزب الاستاذ عبدالعزيز حسين الصاوي يتحدر من أصول محسية, كان هناك النوبي العتيق قبلهما الاستاذ محيي الدين صابر
وهو من أصول محسية..ماذا يعني هذا ..؟ إنه يعني نقلة كبيرة في تجاوز العرقية في الاحساس بالانتماء الفكري..
***
شخصياً ليست لي قضية مع الفكر القومي العربي وهو من أعظم الافكار الانسانية وربما أن قادة الفكر يتحدرون من أصول غير عربية وغير إسلامية.. ميشيل عفلق وقسطنطين زريق.
***
قرأنا لتشينوا أشيبي ومحمد علي المزروعي وسنغور وفرانسيس دينق والفيتوري وتمتعنا بما فيها من ملامح لثقافة أفريقية؟
***
صورة العرب دولياً هي ذات الصورة السيئة التي يحملها بعض السودانيين لمن يتساكنون معهم من السودانيين. ومع ذلك من يستطيع أن يأخذ العرب بجريرة الجهلة فيهم فهو آمن
وحر .. ومن أراد أم يأخذ كل السودانيين بجريرة من يسيئ للاخرين بعبارات عنصرية فهو آمن وحر.. ولكن remeber أن للناس عقول.والفهم قسم.
***
أحب العرب حباً في الرسول.. وحباً في إسهاماتهم الحضارية التي ينكرها جاهل.قال الرسول لبلال.. (أتبغض العرب يابلال؟..إن كنت تبغض العرب, فإنك تبغضني)
*** إفريقية السوداني وعربيته يابشاشا تتحدد بعلاقات أنسابه التاريخية..إذن انت من السودانيين الافارقة وذاك من السودانيين العرب.. وطيب المشكلة في شنو.
***
قي إطار هذا ال process يسقط من يسقط في الاختبار الانساني , وتتعلي قيمة من يتعلي بشفافيته الانسانية..
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: صلاح شعيب)
|
صلاح شعيب
سلام
Quote: ***
أحب العرب حباً في الرسول.. وحباً في إسهاماتهم الحضارية التي ينكرها جاهل.قال الرسول
لبلال.. (أتبغض العرب يابلال؟..إن كنت تبغض العرب, فإنك تبغضني)
|
حديثك ده جيب لينا اصله وفصله حسه يطلع حديث ضعيف.
الشيئ الثاني
منو القال لك نحن بنكره العرب, ان نطالب بالنديه في التعامل, معناه اننا بنكره العرب.
بعدين يا صديقي
انتهى ذلك الزمن الذي تسكتوننا فيه باسم الدين
وبالاحاديث المختلقه حول الرسول, وافرض ان هذا الحديث صحيحا لماذا تورده هنا؟؟؟؟؟؟؟؟
هل افترضت جدلا انك تحاور مسلمين, لا يا اخي نحن سودانيين قبل ان نكوم مسلمين
فينا الاخ دينق والاخ ارنست وغيرهم فحاورنا كسودانيين وليس مسلمين فقط.
اذهب واقرأ تاريخ العرب خاصه التاريخ المكتوب بايدي الشيعه لتعلم كم هم امة قاسيه
ومجرمه, ولاتقل لي لانهم شيعه وكفر فقد يزيفوا الجزء الخاص بالسنه كعقيده ولكن
لن يزيفوا صفات الشخصيه العربيه .
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
الاخ / الذاكى
رمضان كريم ،،،،
اضافه الى حديثك انا بستغرب عندما اسمع ان هنالك من يتابعون هذا
المسخ الذى يسمى فن ، مرات كثيرة احس كانى لا اعرف شى ، الان تأكد لى
اننى على حق والحمدلله وقبل ايام كنا فى نقاش حول هذا المسخ الفنى
على العموم ايـــــــن الاعـــلام المضاد ، صدقنى مثل هذا لايتعلم بالنقاش
فقط حلقه واحدة عن اوساخهم سوف يتوقفون الى الابد .
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: كمال مبارك)
|
الأخ الغالي الزاكي
التحية لك ولكل الأعزاء هنا
ولست هنا بصدد البحث داخل الذات، وفتح بوابة صراع جديدة مع ذاتي أي صراع هوية،-وإنما هنا للبحث عن كيفية إيقاف مسلسل السخرية من الذات السودانية، وأظن هذا ما أراده الأخ نايل1 ، وله أن يصححني إن قرأته خطأ.
وحيث انني لم أتمكن من مشاهدة الحلقات مثار الجدل، ولكن إستنادا على سوابق محاولات تنميط "السوداني" وتقديمه في قوالب "الساذج، الكسول، العبيط ملفوفة بسلوفان الطيب"...إلخ، وهو مسلسل بدأ حلقاته المصريين في منذ عهد الفلم الأسود والأبيض، وسار على دربه العنصريين من ممتهني الفن.
وفي خطوة عملية لوقف مثل هذا الإسفاف والتجني على الذات السودانية أقترح أن يتم تحرير مذكرة معنونة إلى الجهات المعنية بهذا العمل وأي أعمال أساءت لنا، ويمكن إرسالها إلى الجهة المنتجة للعمل، وللقنوات التي تعرضه، وكذلك للصحافة، وأعتقد أن مثل هذه الخطوة ستفرض على الجميع أن يتردد مليون مرة قبل الإقدام على مثل هكذا خطوة. كما يمكن إرسال نسخ لسفاراتنا في المنطقة إحتجاجاً على صمتها وتقصيرها.
مع كل المحبة لكم جميعاً.
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nadus2000)
|
الأخ العزيز نادوس
لك وللأسرة الود والتحية وكل عام وأنتم بخير
| Quote: وأظن هذا ما أراده الأخ نايل1 ، وله أن يصححني إن قرأته خطأ |
لافض فوك....هذا ما أردت وما كنت أحاول توضيحه..ولكن ..
| Quote: وفي خطوة عملية لوقف مثل هذا الإسفاف والتجني على الذات السودانية أقترح أن يتم تحرير مذكرة معنونة إلى الجهات المعنية بهذا العمل وأي أعمال أساءت لنا، ويمكن إرسالها إلى الجهة المنتجة للعمل، وللقنوات التي تعرضه، وكذلك للصحافة، وأعتقد أن مثل هذه الخطوة ستفرض على الجميع أن يتردد مليون مرة قبل الإقدام على مثل هكذا خطوة. كما يمكن إرسال نسخ لسفاراتنا في المنطقة إحتجاجاً على صمتها وتقصيرها. |
وهذا هو المطلوب..خطوة عملية....
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nile1)
|
الاخ NADUS
تحية واحترام كلامك موزون ومنطقى
يا اخى للاسف المنبر دا تكتب فى موضوع معين ونقطة محددة ينط ناس من اصحاب العقد النفسية ويقعد يفلسف ويدخل موضوع الرق والتفرقة العنصرية والكلام السمج دا
ارجو الناس تلتزم بموضوع البوستات المطروحة للفائدة والعندو موضوع حارقو يعمل بوست مستقل وشكرا
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: ابو ساجدة)
|
شكرا الزاكي
وشكرا أبو ساجدة
مع إختلافي معك في مسالة "أصحاب عقد"، وأعتبرهم أنا أصحاب رأي، يمكن التداول حوله، والإتفاق لو طرح في مكانه وزمانه.
وللأخ الزاكي
أرجو صياغة بيان موجه للجهات المعنية وبنسخة للصحف الأكثر إنتشارا، وللجميع الحق في تأييدها بالتوقيع عليها أو تجاهلها إذا كانوا غير مقتنعين بالفكرة.
وكل عام والسودان بألف خير.
وكل عام وأفقنا يتسع بقدر مليون فكرة وثقافة ولغة.
وكل عام وأنتم جميعا (من نختلف معه أو نتفق) بألف خير وعافية
| |
|
|
|
|
|
|
|
|
|
Re: المسخ ناصر القصبي يواصل إسفافه (Re: nadus2000)
|
الأخ نادوس
لك عاطر الود والتحايا مع أجمل التهاني وأصدق الأمنيات بالعيد السعيد أعاده الله علينا وعليكم والوطن يرفل في ثوب من السلام والعافية..ونسأله تعالي أن يقيل عثرات إخوتنا في دارفور وأن يهيئ لهم من عنده فرجا قريبا..معذرة على التجاوب المتأخر إذ قضيت عطلة العيد بالرياض وعدت منها صباح اليوم..أراك تطلب مني أن أفتي وفي المنبر ألف مالك ومالك..أرجو أن تتولي مهمة الصياغةأو على الأقل ضربة بدايتها ولنتشارك جميعا في صياغتها...تحياتي مع التهاني بالعيد للمدام والأولاد
أخوك/الزاكي
| |
|
|
|
|
|
|
| |
nile1
ترهاقا
luai
Deng
ghariba
emadblake
عمر الفاروق
Tragie Mustafa
Shinteer
شرووم
othman mohmmadien
Balla Musa
Samau'al Abusin
أبكر آدم إسماعيل
jini
عبدالرحمن الحلاوي
Bashasha
nazar hussien
Ahmed Mohammed Osman
فيصل نوبي
Munir
صلاح شعيب
nadus2000
فيس بوك
تويتر
انستقرام
يوتيوب
بنتيريست