|
دعواتكم لزميلنا المفكر د.الباقر العفيف بالشفاء العاجل
|
|
 Re: يا نســـاء المنبر ( التقــيل ورااااااا) (Re: حبيب نورة)
|
نبح صوت المغني حزين وباقي دلاقين الطرب الأصيل , بدلوا بيها العدة في دلالة المغني الوهم ... كتاحة الردحي تتعالي وتتعملق لتغطي كل شئ .... ولكنها تفشل في ستر عهر المدينة المومس ... المطلوقة , أو شبه لي !!
التوب جيل عندنا ..... اللوكسيد عندنا .... والديانا عندنا ....فسخ شديد في وشنااااااااااااا
المسيجور عندنا ...... والبايروكتين عندنا ........
السمك دة .... في الموردة
واللحم دة ... خلقوا لي شنو ؟؟ للترترة
الضعف دة ....سؤ تغذية..... التقيل ورااااااااا !
والما بتصفق ما معانا ..طييييب طيييييب طيييييييب!
وعندها تبحر ( الصولة ) الموسيقية في عباب الغبار ورذاذ العرق يتطاير من أجساد الراقصين السكاري الحياري , لدرجة أن صديقتي (كلتوم جنا فيل) وهي تخوجل في حلبة الرقيص مثل التور الشوش , أعتقدت أنها ستخرق الأرض أو ستبلغ الجبال طولاً , و بعد أنتهاء مصارعة الثيران أقتربت منها بقصد غربلة الشمار الذي يكاد أن يهرد مصاريني ,,,.
أنتي دة منوالشتت ربطة القروش في البت الغناية؟
دة ما سيد الشي وكل شي ,,دة ما ربع الرطل البملا القزازة , عاد دة ما غابة و باقي الناس حطابة!
حاج أحمد ما عرفتوا؟؟
آآآآآي الحاج منتكي في كرسي القماش والحاج بدفع الكاش
آآآآآي
و ياختي دي منو الرقصت الفقس مع ود عرفة الداية؟
أجيشششش !! دي ما فطين بت ستنا !!
فطين قناية؟؟؟
آآآآآي وما طالبني حليفة قالوا ليك لا خلت بايروكتين لا أب نجمة لا زعلان مالك... وحاتك بلعت و أنزلعت
هسة صينية باسطة ما تقهما!
أتاريها أتبلبلت كدي ,, أهاااا وكورتين السلة الرابطاهم في ضهرا ديل شنو؟
يا ود أمي فطين ما برضو بلعت التقيل ورا!... وووووب علي أنت قايلو برتكان ولحم ضان يا غبيان؟؟
وانتي مالك ما بلعتي ليك كورسين تلاتة ؟
برررري يا يمة أنا مربياني مرة أبوي ؟ ما براك شايف السدر في البوسطة و الصُلُب في المحطة الوسطي! نحن دقيقنا بنزلوا من الرف ما بنقيف ليه في الصف!!
وطبعاً الموضوع قوم علي كاروشة الشمشرة فقمت سعلتها من الحبوب القاعدين النسوان يبلعوها قالت لي
هسة طلع نوع أسمو تشاهد غداً ومعاي منو ...و الحقن وأنواعع كدي لو بلعتوا نعومي كامبل وحاة القعدة
دي أقوم منها مشلولة قبل ما تكمل الكورس تبقي ما ساعلة في أوبرا وينفري !!!
انت ما سمعت بي سعدية السوط؟؟؟
أهااااااا
قالوا ليك بعد ما جاها اللوتري هي و أخوها اللتخــة لي كندا مشت سوتها ليك كلها بليع حبوب ,, وحاتك يا غالي
هسة فاضل ليها كيلويين و تطرشق!!!
أصحاب الأختصاص قالوا الحبوب دي بتدعم المؤهلات التعبانة و بتساعد في أبراز الخلفيات الثقافية الكامنة في أعماق الجسد البشري ... الشئ الذي من شأنه المساعدة في زيادة عدد الشماعة في البصات الأهلية و مترو الأنفاق خصوصاً أذا أخرجت الأرض أثقالها من الدفارات والشاحنات ... والتقيل وراااااا!!
  
| |
 
|
|
|
|
|
|
|
|
Re: يا نســـاء المنبر ( التقــيل ورااااااا) (Re: حبيب نورة)
|
Quote: والتقيل وراااااا!!
|
حبييب نورة..
دى اسمها نحن الراجعين لورا... لزمن وماكمة يضيق الباب عنهاوووو...
يعنى ناس معاهد الرشاقة ديل يقفلو ولاكيفن??
المهم دى معركة حامية الوطيس...
الكسبان منو الله اعلم...
لكن انت الرص الرص الرصيتو دا جبتو من ياحبيب نورة?
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: حبيب نورة)
|
Quote: والله سعالك دة الا كان تحولو لي ناس لبن المراعي
قرررررررر |
لكن ناس لبن المراعي ما قالوا التقيل وراء !!!
يا زول خليك بعيد واحلب شطيرات الغنم
وامسح دموعك يا الحبيب وبلاش ندم
ما كل حليب صافي الطعم
وما كل حبيب صادق عفيف وكلامو ليك زي النغم
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: هاشم أحمد خلف الله)
|
يا هشومي والله حكايتك حكاية
ياخي انا قلت أبعد شوية عشان الجماعة ينسوا حكاية القصة دي
شنو يا منقة دايرهم يرجعوني لي تصنيفي الأول
مجنون ومسطول ومسخوت وكافر وود حرام؟؟
انا هسة داير اخش الأسلام عديل كدة
ما شايفني الليلة جيت أنصح النسوان ديل
قلت أعمل فيهن خير كان بطمر فيهن الخير
ديل اجارك الله ......!؟؟
عليك الله مش كدة؟؟؟
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: أبوذر بابكر)
|
المطر
يااااه
طعم الحتة فرايحي وحبة صندل
دة شنو الدعاش دة ؟؟
علي وين يا زول
شقيش قول لي مروح يا زول يا قوس قزح
Quote: نضميك دائما بنتمى لى سلالات عسل النحل
وطعمه اشهى من ود النخل
(بين قوسين العجوة)
|
والنعمة انت العسل زاتو
بنا يجبر بي خاترك
شكرن كتيرن!
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: عبدالله وداعه الامين)
|
حبيب نورة يا ظريف كيفنك
وكل سنة وأنت طيب
الموضة الجديدة بليع حبوب عشان الواحدة تشيل ورا وتلبس كاشف رقم عشان نحن نحوص ويمسكنا حوّل في عيونا لحدي ما نمشي لي دكتور العيون ونطلب نظارات
تخريمة :
واحدة أسمها سعدية التيمس جات مارة بالشارع لاقت بنات المدرسة طالعات وشكلهن نحاف قالت ليهن يا بنات هوي هسي أتن تعجبن الرجال كيفن شكلكن زي السيطان قالن ليها نسوي شنو قالت ليهن أكلن البامبي بالدكوة عشان تشيلن ورا
أنصح الأخوات بتناول البامبي بالدكوة بدل الحبوب
ودي دعاية لمحلات البامبي والدكوة والله حقو الواحد يفتح ليه محل رايك شنو يا حبيب نورة تشاركني
وبرضو التقيل ورا
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: حسن مضوي)
|
ود مضوي
يا زول ها
علي اليمين دي براءة أختراع عديل كدة
انا والله بديك شهادة الآيزو
انت والله لو سمعو بيك ناس ريختر كان ودوك موسوعة نكس للمؤخرات القياسية
والله لكن كلام
كدي أنقوم أكلم صحبتي سعاد عكارة
و النعمة مديدة
اوريهن الكلام الجديد
وليك علي
اول ما ألم فيك
أعمل ليك جولة سياحية في مرتفعات الأنقسنا زاتة
بس شيل ليك معاك أسطوانة أكسجين
عشان الهواء يضربك
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: عبدالله وداعه الامين)
|
ود واعة
نعلك طيب والعيد مبارك عليك
يا زول ها
النسوان ديل شكيتن علي الله
عملن جنس عمايل
انا لو حكيت قصة سعاد القشة ام روح
علي اليمين مصارينك ينهردن من الضحك
يا زول أجارك الله
هسة قالوا ليك تقلب ساكت في شارع الموردة
تقول جايباهوا بي جيناتا الوراثية
علا الحكومة ما خلت حاجة
هسة النسوان ديل الشعر دة قاعدات يجبنوا من وين
ختيت ليهن القدرن
وشكرن!
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: حبيب نورة)
|
علي الأيميل
وصلتني مداخلة لذيذة
من صديقة البرنامج سرورة بت الشارقة العسولة
بتقول فيها أنو ناس السودان
عندهم نظرة سلبية تجاه البت الجاية من الخليج
وناس الشهادة العربية
يعني شايفين البت المغتربة دايما بتجي ملظلظة
وتمبوشة
لكن مرات كتيرة بحصل العكس
وتكون بنوتة موديل 2009
اها نظرة الأهل دايما عجيبة في الحتة دي
من نوعية
البنت دي مالا كملانة من لحم الدنيا
يا بت جداد الأمارات دة كلو ما جاب فيك خبر
البت دي مالا ناقصة ومتباقصة
طبعا انا سرورة دي شفتها في المسينجر
بناءاً علي طلبات الجماهير
لكن ماشاء الله تبارك الله
طالعة علي لبناني
تشبه نور مرة مهند الخالق الناطق
اها يا سرورة نشرنا ليك كلامك
وبرجع بحكي عن موزة الفلاتية
شكرن كتيرن!
| |
|
|
|
|
|
|
|
|
 Re: يا نســـاء المنبر ( التقــيل ورااااااا) (Re: حبيب نورة)
|
Quote: طبعا انا سرورة دي شفتها في المسينجر
بناءاً علي طلبات الجماهير
لكن ماشاء الله تبارك الله
طالعة علي لبناني
تشبه نور مرة مهند الخالق الناطق |
يا حليلك يا الحبيب إشتغلت خطابة ولا شنو ؟؟؟
آل شوفتها في المسنجر آل وين الصورة طيب !!
عالم لذيذة وظريفة ياخي والله مشتاق ليك
| |
|
|
|
|
|
|
|
|
|
Re: يا نســـاء المنبر ( التقــيل ورااااااا) (Re: محمد الباقر)
|
ياحبيب نوره سلام وتحيه ..
زمان شعرائنا قالو : من تقل المرجرج كالخائض الوحل ..
وكمان ( تتبخترى تجرى الذيلا )
وهناك الكثيروالكثير فى وصف ذوى الأرداف وبالمناسبة
هو جمال أفريقى ، أى تتميز به المرأة الأفريقيه على
وجه الخصوص أما فى أوروبا كألمانيا مثلا يعجبون بذوات
الصدور الكبيره الممتلئه وهى مقياس للجمال لديهم ..
ولكن فى السودان يبدو أن العامه يعجبون بالأرداف وإلا
لما أصبع شاغل الفتيات الآن تكبير ذلك الجزء ..
أها شن قولك ... ؟؟؟
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
السمؤال بدرالدين
هاشم أحمد خلف الله
أبوذر بابكر
محمد مختار جعفر
khaleel
عواطف ادريس اسماعيل
فيس بوك
تويتر
انستقرام
يوتيوب
بنتيريست