يا مـوصـلي ... عليك الله لحـِّن لي القصيدة دي!

Quote: غيابك حضور الغنيوات النديـــّة وتصدح تغنـــــِّي البنيـــــّة النبِيــــــــّة ملامح نشيدك .. و أحلام نشيدة تعــــــــالي بتقـيد في الدياجـــي القصــيدة

Quote: الله لا كسبك

Quote: يا مافيشة و ساكنة عوالم في وجداني يا رويانة نداوة و ألفة يا مليانة قصيد و أغاني أبعدي مني بتبقي قريبة زيدي في هجرك ياكي حبيبة كوني الشوق الامل الطيبة جرحني بعادك ورغم عنادك أنتي سنيني و عمري التاني يا مافيشة و يا ساكناني

Quote: لو كنتي يونس ببقي حوت لو كنتي شاهد ببقي موت ياوجعي من الم النزيف بنياني لسع ما اكتمل جرحي البينزف ما اندمل حيجيني كيف فصل الخريف سبتيني أسأل في الحروف لمتين وامكن وكيف وهل تقلعني قبال ما تصل يا سكة العمر البخيل ياطيف جميل زارني ورحل

Quote: مادايره درس عصر

Quote: كدي أقراها تاني حتلقى الجنين ديناصور

Quote: يا مافيشـــــة!! يا مافيشة و ساكنة عوالم في وجداني يا رويانة نداوة و ألفة يا مليانة قصيد و أغاني أبعدي مني بتبقي قريبة زيدي في هجرك ياكي حبيبة كوني الشوق الامل الطيبة جرحني بعادك ورغم عنادك أنتي سنيني و عمري التاني يا مافيشة و يا ساكناني ***************** فكـِّي قيود البسمـــة .. النسمــة خلي غرورك .. يسطع نورك يملآ الدنيــا شعـاع النجمـــــة حاولي تجـيبي الفـال من تـاني حاسِّـي حنيـنك شكـلو نســــاني ***************** كـيف الضحـكــة بقت مافيشــة؟ أصـلو العـالم فرحـة نعيشــا! خلاصــة الدنيـا! حلم و أمـاني وغيمــة حـنونـة في يوم تغـشاني يا مافيشــــــــة وما سايبـاني!!

Quote: ما تقيفي في نٌص الطريق واصلي المشي ما تخافي شي ما تقولي جيت عابر سبيل انا كل شي خليكي محتفظه بوضوك ارجيني ما تقيمي الصلاه جيتك مستف بالنزيف شقيان وحالتي مبهدله جرحي القديم انا لسه حي خطواتي جات متوسله أديني بس حق الفطور ما تخلي بينك وبيني سور انا روحي فيك شوفيني في خطوة مشيك اوعِك تجيني تقولي لي انا مالي بيك ؟ ونسيتي كل البينا كان احلام زمان يوم جيتي في نصة نهار غنيتي ذي شدو الكنار مش قلتي لي : يا انتظار..... تلقيني وين عجبتني فيك ..! في اللحظه ديكِ حلمت بيك انك معاي وتري وغناي عمري اللجاي ونسيت اساي وحلمت بي اطفال كتار شايلين ملامح جنتك راسمين مداين للفرح حافظين مقاطع غنيتك يا دنيتك يا منيتك ودخلت ضيف في ملتِك سجلت اسمي مع الحضور والدنيا كانت فصل صيف وكان الحضور نفرين وبس ! انا والزمن وانا كنت فيك تلميذ نجيب مستني يفهم حصتِك استني يا استاذه دي ما فهمتها ...! ما مشكله ...! بقراها في درس العصُر دقيتي لي جرس البيوت انا امشي وين ؟؟؟ لو كنتي يونس ببقي حوت لو كنتي شاهد ببقي موت ياوجعي من الم النزيف بنياني لسع ما اكتمل جرحي البينزف ما اندمل حيجيني كيف فصل الخريف سبتيني أسأل في الحروف لمتين وامكن وكيف وهل تقلعني قبال ما تصل يا سكة العمر البخيل ياطيف جميل زارني ورحل حبك صروح بعدك بزيد فيني الجروح بسأذنك يفضل معاي يكتب عناي يسكن غناي وينتشي وما جيت عليك عابر سبيل انا كل شي تتطوع لك الاحرف فتصير الياء والالف والهمزه تعني كل الحروف وتلخص كل الكلمات المفرحه ماتبقى من النبض يهتف بك الخطاوي الفيني منك .. ومشتهنك ياموعود بي فرحك باكر وشايل ريدك جوه الخاطر شفتك نجمه وهجك نور ليل العتمه ضحكك فرحه صوتك خلي الناس منشرحه وانا من شفتك.. كان اِحساس جوايا بيجري كان احساس بين دهشه وفرحه دهشه لاني لقيت جواكي نفس الصوت الكان جوايا ودهشه لاني لقيتك صدفه! وفعلا كان ميعادك صدفه! كنتي بتعبري شارع فيني شارع كان ساكناهو الحسره ! وكل الكان بيمر بالشارع ما بيخلي معاي غير ذكره وجيتي مليتي الشارع روعه بهجه ونور حب وسرور وانا موعود بي فرحك باكر وشايل ريدك جوه الخاطر