دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-11-2016, 00:19 AM الصفحة الرئيسية

مكتبة ياسين سليمان حبيب نورة(حبيب نورة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

يا بت يا شجرررررررررررررة (2)

02-10-2007, 09:21 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

يا بت يا شجرررررررررررررة (2)

    قبل مداينك ما تبقي طشاش ونبعك قبال ما ينشف حلق الناس
    العاشوا عطاش وقبل ما يفارق خد الوردة فراش ... كانت قصة
    قصة زول في دربك ماش ..... قصة شوقاً أبي ينحاش
    اصلوا الدنيا
    كدة من اول
    لو صدقت الفرّة الفي وش الزمن الكشّر بي مأساتو
    تبقي مجرّد زول ممسوخ في فكرة انك زول وبعيش وسط الناس
    والخوف
    الهردت خشمك قولة أنو الفال
    مساحة حلم وحقيقة
    الهردت غنواتك معني نشازك في تقييمك للانسان الساكن فيك
    في يوم بشبه شكل الريح الزعلان من نسمة عزك البقاية وطن
    لي قصيدة

    سرحن عيني في حس فرحة حسك بي جياتي
    ومرقت عليك جوة الصحرة
    لقيتك مخرج من الحزن الفي جواي ومدخل ليك
    الشمس الجرحت خدي وسقتني الحر
    الحر البلهب شبح سراب العالم هاوية
    والناس السكنوا هناك كانت عطشانة
    رويانة وعود ما طرحت ضو لا هزمت فيني النو

    شفتك شجرة
    في عمق الصحرة واللا ضل
    شجرة كبيرة
    وخضرة
    تسر الناظرين
    زي البقرة
    سكنتك فيك يا ضل
    يا بنت يا ضل
    ولما لقيتك انت شرختي سراب الكون بي المطرة
    رويت بي شوفتك زي ما شبعت عيني بي نضميك انشودة
    يا بنت يا شجرة

    لقيت الغصن الطالع من كبدك جوة
    سرق النوم من عينوا الوعي وحتي اليقظة الاّه من شوقك ليها
    ونزلت تفاحة
    يا تفاحة
    شكلك زي العايزة تمرقي خطانا بعيد من حواء
    وادم يا حبان راقد في نص شوال التوت وجمبوا الغصن العريان مكسوف
    ونامت أجفاني شوية كتير
    وحتي كمان يا دنيا حلمت
    وغنيت
    لو تغرس بزرة بتنبت شجرة بتكبر شجرة
    وشجرة وشجرة شجرتين شجرة بتصبح غابة

    كانت خضرااااااااااء
    معني خضارك فيني العالم لما يكون في الدنيا ضمير
    ضمير العالم بنتاً شجرة
    بحبك شجرة ويوم ما خنتك لا خنتيني
    بتعرفي كنتك وما كنتيني
    ولسة بتحلم بي الغابات حواء
    مناها تعود لي شجرة وشجرة وتطرح تفاحة
    بدل ما تطرح قابيل وهابيل
    وبنت الجيران

    وتصبح مشكلة لي اتنين ما عرفوا نهاية سعيدة
    الا لمن شافوا اخر حلقة من مسلسل هاشم في العيد
    أييييييييييييييك
    هاشم في العيد؟؟
    العيد دة منو دة يا هاشم؟ والله كان طيب هاشم يا زولة
    بحلم بالعيد وشكل العيد وصوت االذان
    لكن يوم عيدي يا شجرة
    ما كورك أذان
    لا صلي الناس لاضقنا حلاوة
    وبرضو بنحلم بيك يا شجرة

    ومرت أزمان وفاتت دنيا الناس في زحمة شارع مسكون بي وجعك
    اأأأأأأأأأأأأأأأأأأأأأاه الوجع الوجع الهم يا أنتي
    يا أنتي الوجع الهم الكعب الموت للدنيا
    مرت أزمان والدنيا لسة موعد ويقظة ونعاس وجوطة وبس
    جيت من اخر ميناء مودع لي الربان
    تاني السجان؟
    لا
    المرة دي لازم امشي هناك للواحة
    اقضي الليل في حضن الشجرة
    جيت ومادي عشمي بمارس كيف تشحد ضل
    لقيتك يا اّه من شوفتك
    نفس المعلم الكان جايبني عليك يا سمحة
    سحابة بخيلة ولفحة حر
    وصحرة كبيرة ونخلة هناك في نص الوادي
    زمان وصوها ولاد الحلة
    لو جاك الزمن الشين يا نخلة
    اوعي تفارق منك تمرة اوعي تدلي سبيطة وسعفة
    والنخلة كانت حافظة وصية ناس الحي
    زي ما وصوا جدودنا ولادنا علي الدم ومهيرة وعزة
    ما خانت اصلوا كلام ووصية
    وين الشجرة
    ؟

    ما شايف شجرة ولا مرقت تضحك تفاحة
    لقيت الفاس في باقي الضل الفضل شاحب
    واقف عابس زي ما كانت عابسة الغيمة
    وحالفة عديل ما تنزل قطرة فال لا يفرح شفع لا أطفال

    بكيت الشجرة
    بكيت الضل والمني والخضرة
    وتاني بغني
    وتاني بغني
    لو تغرس بزرة بتنبت شجرة
    وشجرة وشجرة وشجرة شجرتين شجرة
    بتبقي حرررررررييييييييييييييييقة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-10-2007, 09:23 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يا بت يا شجرررررررررررررة (2) (Re: حبيب نورة)

    2

    للجميع فقط
    أهدي النزيف

    بس ظالمة الدنيا الصبحت غش , ما ظالمة حروف الريد يا حلوة , الحرف البنده ليك من حس الزول العشقك كلمة , ما عندو ذنب في الجاكم وحشة سكة شوق الناس للصدق المعني , طعم الغنية مرير في حلقك , ما ضقت نغيم الاهــــة في مسامع دنيا بتحلم , لم الصوت الجواك يطلع مبحوح بي قسـوة.

    بسمع منك كنت ,,كليمة شوقك لي بنية طفولة , بنية زي ما قال الزول المدهـش , سمحة وسمرية , بي لون قمرية وقولة عيدية ,ومدة أيد الغيم بالمطـرة , بتدي المحل الفيك القمحــة هــدية , لما الاقدار يا أحمد تكمن ليك في بطن الحلم وتقلع منك صوتاً قال يا سلمي ,أتوكل علي حلمك أحمد أخوي , باقي الحلم الفاضـل هسة ,بغمز ليك يا أخويا تخش , مرق الشجن الكان مرسال لي اللوعة ,و مديت جـرحـك تاني نزيف , أصــلا شريانك شجرة سنـطـة , بتفضل شايلة الصـمغ الشـوق جواها , وما حايشــوف الدنيا جنـاها , الا الفاس الحــاني يزور أغصــانا .


    طفلة وسلمي , سلمي وطفلة , دلالة شـعر الناس يوم جمعة , ولمـّة فرح النـاس في حفـلة , قصـايد الدنيا قربـان لي طفــلة مليانة شجون , يا أحمد أبقي عشرة علي وصية نبض الجواك بهتف , بقول يا سلمي , خت في بالك انونزيفك معني خريفك , لما الشواق يبداك في من أول , خلي قرايتك في عينيها مناهج , شان تنجح وتلقي شهادتك نظـرة بتبقي الفال لي بـاكر.

    غريبة الدنيا وظالمة , زي ما سمع الناس الغنية تنادي , ألا حبيبتك ســودانية , رويانة محــنّة وطيبة نـاس , وكلام ونــّاس رقـة أحــساس

    ألا حبيبتك سودانية , أحمد ما تنسي كلام جـواك , وما تتنازل وما تتخازل , ما تخلي الخوف يغشاك بالمـرة , أرفـع صــوتك بي أقدامك

    قول للبنت الفيك زي طفــلة , ماني مفارق وماني مغرب ولاني مشرق , محل ما تمشي خطاك تلقيني معالم سكـة أملك , يا أحمد ما تفــكـّّّر يوم , أنو التـاريخ ممكن ينسي , أنك بـعت , ... بنتـاً جواك سودانية , أرفع صـوتك فوق للعالم , ما تخلي هتافك يبقي جـبان , يقلع منك صــوتـاً قـــال يا سـلمـي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-11-2007, 09:28 AM

عادل جبارة

تاريخ التسجيل: 07-19-2006
مجموع المشاركات: 1795

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يا بت يا شجرررررررررررررة (2) (Re: حبيب نورة)

    Quote: غريبة الدنيا وظالمة , زي ما سمع الناس الغنية تنادي , ألا حبيبتك ســودانية , رويانة محــنّة وطيبة نـاس , وكلام ونــّاس رقـة أحــساس


    حبيب نورة
    إنت حبيب الناس كلهم .. قصيدة في قصة وقصة في قصيدة ، كلام منظوم ومعاني عميقة
    أحييك ألف مرة ،،،
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-11-2007, 02:41 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يا بت يا شجرررررررررررررة (2) (Re: عادل جبارة)

    عادل جبارة
    سلمت والله
    Quote: قصيدة في قصة وقصة في قصيدة


    ما أجمل تشابك الأشياء
    أحساس مرتب بالفوضي
    والأدهي والأمر
    ان تكون الدواخل غير قادرة علي تصنيع الدهشة
    ولكن أن ظل فينا الحنين
    فحتماً ثمة مداخل أخري للخروج!!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-11-2007, 10:09 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يا بت يا شجرررررررررررررة (2) (Re: حبيب نورة)

    حبيبو
    ياود يا نيل..
    النيل بحبك من زمان..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-12-2007, 08:02 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: يا بت يا شجرررررررررررررة (2) (Re: DKEEN)

    دكين
    يا زول يا نخلة
    دي الجروف مشتهياك من زماااااااااااااان!!!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de