دعواتكم لزميلنا المفكر د.الباقر العفيف بالشفاء العاجل
|
|
 وهذه مداخل للخروج...... ( يا غيمة شكلك حيرقان ) .....
|
مدخل بلدي أوي
نــفـســك وردة وطـــبلـة حـــرب ... ,شــفتـك قــلـت كــلام مــدســـوس ظـــاهــر جــواي , غـــنـيـتي غــنـاي , شــــكـل الدمــعـة , وفــرّت ســـن البــســمـة المــالـية خــشــيمـك وجــعـــة !!! ,صـــوتـك حــلـّة مـحـشـي الــسكـر فـيهـا زيــادة نـغــم , صـــوتـك كـــان صــاحـبي الحــيطـة بـالحــيطـة بــعـيد مـنـي ,حـــس الســاقـية الفــيك يــا نــورة ومــويـة زيــر الشــــوق !!! جـــابـني عــليـكـي وقــال لــي أمـشـي تـعـال لـي بــكــرة مـــلان فــرحـــة أحـــزان!!
|
|
 
|
|
|
|
|
|
|
|
Re: وهذه مداخل للخروج...... ( يا غيمة شكلك حيرقان ) ..... (Re: حبيب نورة)
|
وهذه مداخل وشيكة الأنفلات خارج نطاق الزمن الموعود
عفواً أيها الامير
فكل المداخل تؤدي أليك
لن
أبتديك
ولكن أدعوك للتوقيع علي مزاق القهوة
وقع علي أخر الفناجيل
أجدني أنت
و أقتفي أثرك وراء النجيمات... أحتضنك في كل المساحات.. قصيدة شعر.....و أوتار غيثارة تهتزّ نهديها موسيقي ..من قمّة رأسها
حتي أخمص لحنها الاخير
| |
|
|
|
|
|
|
|
|
|
Re: وهذه مداخل للخروج...... ( يا غيمة شكلك حيرقان ) ..... (Re: تماضر الخنساء حمزه)
|
وهذا مدخل مشاتر!!
يوم السماية أتشاكلو
واللحمة زاتة أتبشتنت
قالوا الوِليد شايل شكل خالو
ناس عمتوا وحبوبة صرخت نبزت
انا بت الوطن و السلاح رطن !!
كيفن تقولوا علينا ما بنستاهل شرف
أنو الوِليد ما يسموهو علي أفضل سلف
سمو علي زينة الرجال سمو علي عمو خلف
وتدور الدوائر ... ومن هؤلاء النسوة المتشحات بالسواد و الرماد!!
بس ما تقولوا لي ديل ناس نحن وستِ محنة!!
خير اللهم أجعلوا خير!!!
ووووووب المولود رجعناه للحضانة الأصطناعية
طلع جني سبعة!!
| |
|
|
|
|
|
|
|
|
|
Re: وهذه مداخل للخروج...... ( يا غيمة شكلك حيرقان ) ..... (Re: خالد المحرب)
|
حبيب نورة حبيت كلامك وونستك ومداخلك كتيرة لكن صدقني لحدي هسع مالقبت مدخلي
وبقول ليك كلام , دور وفتش ليك مكان الدنيا مابترحم صغير ولا فيها حبة من الصبر
أكتب شنو ؟؟ واقول شنو ؟؟ الدنيا ما حوتاً كبير يبلع بلع في الخلق ولا في وقت
للسؤال أو الإستفسار ؟ أظني لقيت مدخلي معاك ---- كلمني عن الدنيا وعن معاناتها
وعن معاناة الغبش . قالوا في المثل خذو الحكمة من أفواه المجانين .
| |
|
|
|
|
|
|
|
|
|
Re: وهذه مداخل للخروج...... ( يا غيمة شكلك حيرقان ) ..... (Re: عواطف ادريس اسماعيل)
|
اتلموا مساخيت الحلة
الله يكون في عونك نورة
وفي الفنجان البشتن حالك.
سرق الغيم من خشم السمحة
وجاب القمحة تكتب تمحى
مع البكري ودفق اوذارك.
لا اتمطق من جيتك مطرة
وساكت يطرا الريده الشتره
وشرب الشوق واتهجى مزارك.
جوه الدم ولقاكي بتسري
داخلة عضام الحبل السري
ولبسك فرحة تنقّر طارك.
يا مقطوعة طاري الفرحة
جاني حنين الليل يتسابق
وينو حنينك سرقو شمارك؟.
مستنيك زي همك واقف
قعدتا براي والرادي بطنطن
بس ابدا ما جاب اخبارك.
وجاب اخبار البلد الحرقت
طهور احمد وسماية زينب
عرس شهيد وحديد اتعارك
تشّ الحق بي عين القدرة
دسّ الجق في خرم الابرة
وقال اشرب يا زول اتبارك
سجمك نورة وسجمو حبيبك
وسجم اللسه بيحلم زيك
يا موهومة وسجم الدارك
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
عاصم ابوبكر حامد
abubakr
خالد المحرب
هاشم أحمد خلف الله
عواطف ادريس اسماعيل
Mustafa Mahmoud
مجدي عبدالرحيم فضل
فيس بوك
تويتر
انستقرام
يوتيوب
بنتيريست