دعواتكم لزميلنا المفكر د.الباقر العفيف بالشفاء العاجل
|
|
 ليلة دُخلة ...... ترقيع لبكـَّارة زمناً مُومِس !!
|
جيت أرمي عليكي يمين الشوق
وشوية حنين
شاهد إثبات
خلعتِك منـِّي !
ردّيتك تاني .. و أستنيتك في حتة هنا!!!
طلقانة معاك
كل المغسة.........
حردانة مشت بيت أماتا
رميت دِبلة حزني الطوّل
يا بسمة خطبتك من أول !!
يا بت ما توزعي شربات ...........
زغردي هسة!
جرتق فرحك يوم الحِنة ... مرسال لي عاشق بستنّي
راجيك يقطع رحطك في الجنة
والقمري عشانك غنّي
بختف شبال من طير الجنة......
سارق جنحينو بزغرت يووووووي
يا ناس يا هوي
دي السيرة الجات تتلفّت لي ضريرتك
دلوكة تفتش لي حريرتك
والصفقة تكوس حفرة دخان
يا بت يا عيونك مأذون
والضحكة تقول ......عقدِك هسة!!!
وبعادك لحظة........ الطلقة التالتة .........
ما إانتي قسيمة عشماً طيّب
تبقي قِريِّب شان برضو بوعدك.... نبقي تلاتة
مرجوعة بي جيتك في مسمماها
نسمة نجيمة
قمرة وغيمة
باكر ح تبكِّر بي فجراً أروع
لمّة شفع..
أنا إتزوجت الهمس المارق من بيت أهلك مزيكة
عرس الغنية
وفرح المنية
مهرك شيلة زولاً رايدك
شان تبقي عروسة كلماتوا
وكلِ صلاتوا
تبقيلوا جناياً
آآآآآه وا حلاااااااتو !!
يوم دُخلة جيتك مطرة
ترقيع بكّرة صحرة جفاف
منديل عِفـّة لي حتة نشاف
يوم عرسك نورة
نفسو الفرح الكان خوّاف ..!!
|
|
 
|
|
|
|
|
|
|
 Re: ليلة دُخلة ...... ترقيع لبكـَّارة زمناً مُومِس !! (Re: حبيب نورة)
|
حلم حتة ....
حلمت بي صوتك مطرة
أفتكرت أنوا أحساسك خريفي
لكن ما كنت قايل إنوا الزمن دة الخريف بشايرو مزيكة
يابت الصولة السارقة منك حسِّك دي
ما تورينا مارقة من ياتو وتر !
واللا البعد الخامس جواك
قاعد يفتش لي مقطوعة قديمة منسية في حصة الغنا!
انا غايتو!!
ديش غايتو ذاتة
قبيل بونِّس فيني
قلت ليها
في طريقة الواحد يحضن صوت من غير ما يكسر ضلوعو؟
في إمكانية إنك تشيل قدُّوم من نغمة
من غير ما تخرب تناغما الموسيقي!
يعني الواحد لو هبش وترِك
ح يضطر يشتُر إيقاعوأ
واللا كلك مدوزنة خِلقة ؟؟؟
سؤال محيّرني ومجهجه أفكار طابورالجماهير الواقفة من صباح الرحمن تصفّق لي شهيقك
غايتو جنس زفير !
عندي مزاج اعزفك
عشان كدة كتبت ليك اللحن دة
داير أوصلك
انتي سِلّمِك شنو ؟؟
ما يكون سبرانو
عشان مزاج الحفلة دي سِي بي مول !
يا بت المزازيك التزازي فيني رقصة
ما كلموك بي إنو ما عندك تصريح تغنيني بعد الساعة حداشر !
لزومو شنو هسة الأوفر نايت دة؟
واللا ما يزال الحلم شافع سغمبروتي ؟؟
واللا أقول ليك
لملمي الساوند دة ونخليها حفلة دكاكينية
مش برضو بي الكبريتة بتقدري تحرقي حشا القصايد غنيات؟؟؟
| |
|
|
|
|
|
|
|
|
 Re: ليلة دُخلة ...... ترقيع لبكـَّارة زمناً مُومِس !! (Re: حبيب نورة)
|
يا إنتي ....
يا أنتي ..
أعملي شخيت .. وتعالي هنا !!
أشختُ أن لا أله ألا الله !!
بعيداً عن مقصات الرقابة وشرطة النظام العام والكشة
البوست دة لابس رِدا ..
ومن غير طرحة
بجرجرني إحساس لايوق
بجابد في إنطلاقة حروف ضهرا فتر من أربعين سوط الزمن المغسة
ونورة
بتخمِّس معاي نفَس العمر
وبتطفي وجعتي في طفاية روحا
وللعيون
البتتضهــّب فوق عوالمك
تحوم
تدنقِر تفتِّش في عقاب صوتك
صوتاً يجهجه فكرتك
يغشاك ويدخلك
يحلف ما يمرقك
يا همسة هوي
حالف أعضيك في الكلام
أديك تذاكر لي مطارات العصب
يا ضل مكتّح بي اللهب ...!
| |
|
|
|
|
|
|
|
|
 Re: ليلة دُخلة ...... ترقيع لبكـَّارة زمناً مُومِس !! (Re: حبيب نورة)
|
Quote: حلم حتة ....
حلمت بي صوتك مطرة
أفتكرت أنوا أحساسك خريفي
لكن ما كنت قايل إنوا الزمن دة الخريف بشايرو مزيكة
يابت الصولة السارقة منك حسِّك دي
ما تورينا مارقة من ياتو وتر !
واللا البعد الخامس جواك
قاعد يفتش لي مقطوعة قديمة منسية في حصة الغنا!
انا غايتو!!
ديش غايتو ذاتة
قبيل بونِّس فيني
قلت ليها
في طريقة الواحد يحضن صوت من غير ما يكسر ضلوعو؟
في إمكانية إنك تشيل قدُّوم من نغمة
من غير ما تخرب تناغما الموسيقي!
يعني الواحد لو هبش وترِك
ح يضطر يشتُر إيقاعوأ
واللا كلك مدوزنة خِلقة ؟؟؟
سؤال محيّرني ومجهجه أفكار طابورالجماهير الواقفة من صباح الرحمن تصفّق لي شهيقك
غايتو جنس زفير !
عندي مزاج اعزفك
عشان كدة كتبت ليك اللحن دة
داير أوصلك
انتي سِلّمِك شنو ؟؟
ما يكون سبرانو
عشان مزاج الحفلة دي سِي بي مول !
يا بت المزازيك التزازي فيني رقصة
ما كلموك بي إنو ما عندك تصريح تغنيني بعد الساعة حداشر !
لزومو شنو هسة الأوفر نايت دة؟
واللا ما يزال الحلم شافع سغمبروتي ؟؟
واللا أقول ليك
لملمي الساوند دة ونخليها حفلة دكاكينية
مش برضو بي الكبريتة بتقدري تحرقي حشا القصايد غنيات؟؟؟ |
....................................
إنا لله ..
انت حسي سلمكـ شنو يا حبيب نورة ..؟؟
فكرة مجنووووووووووووونة... وحروفه ( أجن ) ..
متعتني بالخيال ياخي ..
شوووووووووووووووكرن
| |
|
|
|
|
|
|
|
|
|
Re: ليلة دُخلة ...... ترقيع لبكـَّارة زمناً مُومِس !! (Re: ود الباوقة)
|
ا أنتي ..
أعملي شخيت .. وتعالي هنا !!
أشختُ أن لا أله ألا الله !!
بعيداً عن مقصات الرقابة وشرطة النظام العام والكشة
البوست دة لابس رِدا ..
ومن غير طرحة
بجرجرني إحساس لايوق
بجابد في إنطلاقة حروف ضهرا فتر من أربعين سوط الزمن المغسة
ونورة
بتخمِّس معاي نفَس العمر
وبتطفي وجعتي في طفاية روحا
وللعيون
البتتضهــّب فوق عوالمك
تحوم
تدنقِر تفتِّش في عقاب صوتك
صوتاً يجهجه فكرتك
يغشاك ويدخلك
يحلف ما يمرقك
يا همسة هوي
حالف أعضيك في الكلام
أديك تذاكر لي مطارات العصب
يا ضل مكتّح بي اللهب ...!
_________________________
نحن البنعمل شخيت و نقيف مبهورين يا زول يا ضل مضلل بالحكي
| |
|
|
|
|
|
|
|
|
|
Re: ليلة دُخلة ...... ترقيع لبكـَّارة زمناً مُومِس !! (Re: امال حسين)
|
Quote: نورة نورة الكل كل واحد يحبها بطريقتو وتبدع هي في تعذيبه بكل اللهجات
نورة بالغت في الجفا والعناد
تناديها تطنشك
تفتح ليها توجعك
تسكنا باسبرين الضهب تتاورك
عز الليل تمغسك
تفصح ليها ترطن
ترطن ليهاتقطع ام بغم
ياخي ها
نورة جنت وجننت الجن
|
آمال يا آمال
الكلام دة ما محتاج تعليق!!!
بس أقعد أعاين ليه كدة
و أمشي و أجيه راجع ..!!!
| |
|
|
|
|
|
|
|
|
 Re: ليلة دُخلة ...... ترقيع لبكـَّارة زمناً مُومِس !! (Re: ناجية مصطفى)
|
Quote: ولدى حبيب كيف انت وكيف احوالك
عارف يا حبيب كلامك فيه شى غريب
ما بشبه كل الكلام لاكن انا عندى ليه فهم
تانى بريحنى وبعيش فيه منتشيةلابعد الحدود
انشاءالله الله اريحك وأديك العافية
أمين يارب |
أزيك يا حاجة
زين المولي زمنك
وبارك ليك فوق وليداتك
وربنا يدينا عفوك ورضاك
شكرن كتيرن!
| |
|
|
|
|
|
|
|
|
 Re: ليلة دُخلة ...... ترقيع لبكـَّارة زمناً مُومِس !! (Re: Amira Elsheikh)
|
Quote: مزاجك اليومين ديل عاجبنى رغم علامات الفتح الظاهر على نهاية الاسكيرت
ولا اقو ليك شرطها خليها . واصل .. وجلد جلد .. غرامة غرامة..
انت الاصح تكون مجنون نورة...
سلام اكوام اكوام ومابينا زعل كلو كلو .... |
هههههههههههههههههههههه
هههههههههههههههههههه
والله قربت أتفنقل من الضحك!
لكن قررت أتشنقل
وما بين الشنقلة والفنقلة
مقياس رسم صغيييييييير برسموهوا بي المنقلة!!
أميرات يا أخت الزمن البشبهك
والفرح البندهك
فرحان بيك شديد
وجني مركب مكنة شيطان
أموا بت عم أبوه
شكرن كتيرن شديدن!
| |
|
|
|
|
|
|
|
|
|
Re: ليلة دُخلة ...... ترقيع لبكـَّارة زمناً مُومِس !! (Re: حبيب نورة)
|
Quote: ا أنتي ..
أعملي شخيت .. وتعالي هنا !!
أشختُ أن لا أله ألا الله !!
بعيداً عن مقصات الرقابة وشرطة النظام العام والكشة
البوست دة لابس رِدا ..
ومن غير طرحة
بجرجرني إحساس لايوق
بجابد في إنطلاقة حروف ضهرا فتر من أربعين سوط الزمن المغسة! |
...اتشختنا من راسنا لساسنا يا حبيب....
ولساتنا شايلين علامات الرق فى الضهر وحايمين بيها ...
واللا هى حايمه بينا.....؟؟شايلانا علاماتنا...وشخوتنا....
ومكمكين بطرحة غاااليه....
والباقي....عرى مخجل....
ولا حتى ردا...!!!
وقايلين الطرحه عامله ساتر.............
وماشين فى الضهارى دى نفتش لزير....سااااقط.....
وناسين انو الأزيار كلها شالوها فى الكشه الفاتت....
وما عارفين انو الكشه الجايه لاحقانا لاحقانا!!
ياخى ...اقعد فى واطاطتك دى واكتب تانى...وتالت...ومليون!!
أصلو البقي بقي...والسوط حاصل لا محاله!
| |
|
|
|
|
|
|
|
|
|
Re: ليلة دُخلة ...... ترقيع لبكـَّارة زمناً مُومِس !! (Re: حبيب نورة)
|
في صحة ...
نورا..!
طرف الصوط....هبش القلب..
وزاد من فتحة..قماش
وهمي...
اصلو....الجلد..ما اربعين..
اصلو الجلد...جواب...مفلف...بي ختم أحمر..
معنون..بي(المرأة خزنة صفر).....
والجواب...عنوانه كافي!!
وليهن الله ..اخواتنا...
بقت..حمايتن ............................مرهونة لي ربع متر!!!
| |
|
|
|
|
|
|
|
|
|
Re: ليلة دُخلة ...... ترقيع لبكـَّارة زمناً مُومِس !! (Re: هواري نمر)
|
Quote: في صحة ...
نورا..!
طرف الصوط....هبش القلب..
وزاد من فتحة..قماش
وهمي...
اصلو....الجلد..ما اربعين..
اصلو الجلد...جواب...مفلف...بي ختم أحمر..
معنون..بي(المرأة خزنة صفر).....
والجواب...عنوانه كافي!!
وليهن الله ..اخواتنا...
بقت..حمايتن ............................مرهونة لي ربع متر!!! |
زي ما طرف غناك
هبش ربع التون في نغمة روحي
تسلم يا هواري
هواري يا زول يا ميوزيك
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
طارق جبريل
عمران حسن صالح
ابو جهينة
امال حسين
الفاتح الجنيد
وجن
كمبورة
Shiraz Abdelhai
هواري نمر
baha eassa
صديق الموج
أبوذر بابكر
فيس بوك
تويتر
انستقرام
يوتيوب
بنتيريست