|
|
 كل البنات خلعونا يا الخرطوم!!
|
جينا بي جنحين غمام....... نقطع رحط سفر العزابات الشقي
نيلين عشم يزّفوا المطرة لي حلق العطش....... ريحة خدار تخت
الحـنّة لي بنت البلد ... جيناك نجرتق دواخلك بالندي ..
ما الليلة سيرة وعرضة يالخرطوم .
وعاد يالسمحة لقيتك انتي زي قندول غشاهو الطير.. كاسية وعارية
لابسة التوب الربطة وصدرك ياهو شوف عيني!! لقيتك حايرة بين أمرين شايلة السبحة للقران .... وحسك نامو بي الجيران
ناشفة وغبشة وحارسة الحفرة للدخان...!!
يا بت الحلال هسة ما تكبي ليك موية فوق راسك؟؟؟
ما عليناااا
أهاااا الشوق كتير خلاس
وبعدين الواحد اصابعينو بقت تتلفت في الكيبورد
تفتش في حرفين للشوق اللحمر
|
|
 
|
|
|
|
|
|
|
 Re: كل البنات خلعونا يا الخرطوم!! (Re: نادية عثمان)
|
الاخ الحبيب حبيب نورة وبس
ازيك؟
والله ليك وحشة وجد فاقدنك وسائلين عنك يوماتي رحيل
كيفك ووين اراضيك؟
والله كل البورد مفتقدر ونور ذاته اشتهت كلامك وحراق روحك ليها
عليك الله كتر الطلة وجد اشتقنا ليك شوق المطر
كل التحيا وعودا حميد
ودي وتمنياتي
عبدالله
| |
|
|
|
|
|
|
|
|
 Re: كل البنات خلعونا يا الخرطوم!! (Re: حبيب نورة)
|
حبيب نوره
اهلن بيك وناس نوره فرحانين بيك.. يمين طليت مليت البورد حنين دفاق وشوق ليك ما مغرقنا حتى الرأس فى حضورك تبقى حروفنا ندية تفتش عن الاشواق يا زمن المحبة الفى محيالك ويا طلة قمر بنو ردنيا الشتات
اهلن بيك
تحياتى
| |
|
|
|
|
|
|
|
|
|
Re: كل البنات خلعونا يا الخرطوم!! (Re: حبيب نورة)
|
يا حبيبها ،
تلكم الليمونية نوره ،
سته شهور غياب ، و الحال ياهو نفس الحال !!!
قلتَ لي البنات " خلعوكم " !!
يعني " قلعوكم " و لبسوا ناس تانيين !!
و لا " أدهشوكم " بي حاجات تانيه ؟
عوداً حميداً يا حبيبها ، تلكم النورانية ، و رمضان كريم ..
| |
|
|
|
|
|
|
|
|
|
Re: كل البنات خلعونا يا الخرطوم!! (Re: نادية عثمان)
|
نادية
ياخي لساكي بي نفس الطعم المميز داااااااااااك؟!!
ماشاء الله عليك
نحن حلقنا نشف من طعم المغايس والقهر
وبنحاول نرجع حلمنا بيكم وطن
| Quote: لمن تفتر القمرة من المشى جيب ليها كرسى الدهشة وخليها تتحكر فى القعدة تتونس مع الغمام وماتنسى الزولة دى بتحب النسكافيه سكر زيادة !! |
الله!!
نجضتيني الله ينجضك...
| |
|
|
|
|
|
|
|
|
|
Re: كل البنات خلعونا يا الخرطوم!! (Re: منوت)
|
منووووووووووووت
يا داؤووود حين أنشقاق الروح عنها
بعثئذِ تحدثٌ أخبارها
وحينها لا تنفع الا زكري تلكم الليمونية أنصاف
ونصف الليمونية و ( النورانية) نورة
أشتياقات كميات
لي قلمك و ليك
كل سنة و أنت طيب
و معليش جاييك من غير زاد
أصلو مافيش شياطين في رمضان
قبيل شربت جك الليمون البارد ونامت
وبرضو
تحايا
| |
|
|
|
|
|
|
|
|
|
Re: كل البنات خلعونا يا الخرطوم!! (Re: نادية عثمان)
|
سلامات
وعوافي
ياحبيبا..
نيلينك والابنوس والشوق الجاري عليك (سلام شاديهو من زوربا)
كيفنك يالاغبش ..
اسمعني بنتلاقا في العيد .. ربك يهون ..
ياخي تتخيل مشتاقين شديد ياحبيبا .. تحياتي لكل الفي خاطرك ..
| |
|
|
|
|
|
|
|
|
|
Re: كل البنات خلعونا يا الخرطوم!! (Re: ودرملية)
|
ود رملية
يااااااااااه
منك ومن زوربا الفارق دربي وشال الخطوة و فات
ويااااااااااه من الزول الأبنوسي
أمير التبلدي
الله
ولساتو غياب
و أحمد غايب في الركايب
سامحني ياخ
الغصة أنهكت خطا القلم الحزين
و أنشرق في حلقو حبر الشوق غرق
ياااااااااااااه
زوربا
تبلدي
والزمن النجيض
وبلقاك
| |
|
|
|
|
|
|
|
|
|
Re: كل البنات خلعونا يا الخرطوم!! (Re: نادية عثمان)
|
نادية
النجمة غمزت من بعيد لي بعيد
المشكلة مافي قلّة أدب بنيات المجرّة!!
اللوم كلو علي التفسير الغلط لي حركة عين ولهانة!
انتي بس أديني أحساس بي فكرة طازجة
وما تخافي من أصطدام كروية دة عاشقة
بي نجمة شوق ضواية
دة كلو شان خاطر عويناتك بهون يا السمحة
تشكرات أفندم تشكرات
| |
|
|
|
|
|
|
|
|
|
Re: كل البنات خلعونا يا الخرطوم!! (Re: Tabaldina)
|
تبلدينا
أحسك بروعة تدفق مياه القصايد
وألق النشايد
تسافر بعيد
عارف!!!
كدة الواحد قدر يأمن حكاية الرحيق
طالما جواتك مسكون بالخضرة خريف في الزحمة
خليك علي حلمك شديد
وانا ببقي بيك
كل المسافات التسافر توصلك
أشوفك حلم عشم ممدود قدح كسرة
حلم بنوتة بالسترة
كلام ناساً حنان بالحيل
ولي قدام خضار و بلاد
| |
|
|
|
|
|
|
|
|
|
Re: كل البنات خلعونا يا الخرطوم!! (Re: حبيب نورة)
|
حبيب نورة
عندما تحتوى العبارة انشوده طفلتين حزنتا صامتتين فانهمر المطر واهتز سلطان التورط فى مقايس المسافه والبقاء ؛ حتى اذا كانت ارتقاءات(المسافر) مثلما هى كائنه؛ طلبنا من نداءات الشوق التى فى متوننا ان تعلن عودتها الى مقاعدها حافية...
تغادرنا نحن الذين خرجنا توا من احدى المسرحيات فرحيل المعقده الى خوافى التسول والتسكع فى مضامين المكان..لقد كانت لنا انهياراتنا الحميده ؛المندهشه برفق الوحده والبساطه ثم تنشا الحزن ؛ جميلا تتنازعه الاحضان ؛ نبيل يباغت الامال ؛ حاضر اليقين عند كل دموع مستبيح فى كل ليل سهاده..
اهدرنا احساسيسنا حين كنا نبحث عن الطرب المطعم بالنشوة فى نصوص الفراغ وحروف العبث وقوافى الخواء ...نهتف ؛نتوضا ؛ وحين تترعرع فى ضرورة التكبير فى مسافاتنا الميته بالشوق واضرحتنا العاطفية تجاه الكلمه..
نعود لمشروع التنقيب عن كلمة لاتغيب عنها الحواس ؛حتى تبرع الزمن ليخرجنا من معمعة البحث عن فضيلة الفن المسافر..
مارس..فينا فضيلة الرحيل المفاجئ من الاهتزاز بالكلام السابق االى الذوبان فى الاخر اللاحق دون اى تدخل من ملكات الخيال المفتعل ؛ومرة اخرى كان الحزن فى الاخر الللاحق دون اى تدخل من ملكات الخيال المفتعل ؛
ومرة اخرى كان الحزن المترف يقهقر الواقع ادراجه ليجسد لنا الافق والغيبوبه والاحلام فجاءت الطفولة فى ابجديات الرزمن وهى الاناقة الماساويه الراعفه ؛حين لم تؤسس مثواها الحضورى الاول الى جانب هالة من البريق المحنط.....
| |
|
|
|
|
|
|
|
|
|
Re: كل البنات خلعونا يا الخرطوم!! (Re: معتز تروتسكى)
|
تروتسكي
لو تسمح لي بأن أهرس الفلسفة ثريداً في أدام الكلام
الذي يفضي الي السكات
وآه لو تغادرني خاطرة ترفض الأنصهار فيك
.....!!
أحتاج ان أهرب الي صامت اللغات
فقد أرهقني صـائت السكــات!
أعادة ترتيب لغاتنا يحتاج أن نعلن فوضوية صمتنا
فكم من كلامِ مات علي حافة سرير و زجاجة خمر
و مومس شقراء وزجاجة خمر رخيصة
هل لنا أن نعلن موات الكلام المغتغت وفاضي وخمج؟
أم هذا زمانك يا مهازل فأمرحي؟
عجبتُ من لغـةٍ لا تتبنـّي صمتي!!!!!!!!!!!!!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
munswor almophtah
الملك
سجيمان
Dr. Moiz Bakhiet
محمد عبدالرحمن
jini
ست البنات
humida
دورنقاس
Sidig Rahama Elnour
بلدى يا حبوب
منوت
ودرملية
معتز تروتسكى
فيس بوك
تويتر
انستقرام
يوتيوب
بنتيريست