|
|
|
 Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
(1)
دايرة تعيد بعث الفرح المات !؟ واللا تعيد الشوق الفات ؟
الفات الفات في ديلوا سبعة ولفات في ديلو .. جانا كلب
سنونو صفر حلب الناقة في الشنقاقة
وأحمد غايب مافي الركايب !
في زلزال الزمن الخايب في بركان الوعد السايب !!
عازماني مقابر ؟؟؟
أجيكي مكفّن بي عشمي واللا أعيش حارس حلمي ؟؟
يمكن موتهم يحيي الذكري.... ولا الضالين آمين الخلقك فكرة
تصحِّي قيامة هسة و بكرة ... يا فردوسك يغشي مسامي
يا أتلظــَّي الهم والحسرة !!
أحجيجك بي حجوة أم ضبيبينة؟؟
خلاس يا جنكيز حاضر!!
كان في حلم وعشم مرتاح في سكة باكر
ومنية يتيمة في دنيا أليمة تحرس أحلامك للآخر
حراق الروح وعشم مجروح مضبوح بتوجع في الخاطر
شفنا مشاتر فاكرنو بشاير من وعدك
مازي صدِّك البنهر فينا وناهي وآمر !!
برضك عازماني مقابر ؟؟؟
نشرب دمعة وقرأ الفاتحة علي منديل
نجدع زهرة علي قبرك....... نقبض جمرك
نرفع أيداً لي نخلة كان تجدع لينا وهم تمرك
ميلادك أنتي قيامة زول
بتحوم خطاوتك في دموا
وقيامتك برضو طفولة ليل برضع من ضيِّك نجمو
مبعوث من شكك وظنك شارب من دنِّك
من قولك وفنك ............ وكمان في الآخر
عازماني مقابر؟؟؟؟؟
| |
 
|
|
|
|
|
|
|
|
Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
(2)
فيروزة
أتحدي أيي مجنون صلي الفجر اليوم الصباح بي صوت فيروز؟؟!!
وقال بعد الحمدو
أعطني الناي وغني فالغنا سر الوجود ؟؟
وسبّح بأسم المعبود ؟؟
منو غيري الأتوضأ بي عينيها وهي تبحث عن شادي و تقول
بحبك أنت بلّك أنت هايدا أنت !!
أتحداكم جميعاً
أتحدي أيي خرمان شرب الشاي بي صوت فيروز الساخن
وأتوكل علي ملعقتين سكر في فنجان الصباح ؟؟
أيتها المسبحة المباركة خذيني وأزرعيني في أرض لبنان
حتي أركع تحت أحلي سما ! و أصلي
فيروز يا سجادتي حين أهِمُّ بركعة !
ويا قرآن روحي حين تدركني سجدة !
وبسمك اللهم أشهد أن صوتك جايي من الكرم جايي من التفاح
ستي يا ستي
فيروز يا فيروز يا فيروز
نسم علينا الهوا من مفرق الوادي
يا هوا دخلِ الهوا خدني علي بلادي
فيروز يا صعيد الأمنية الطاهر
يا تكبيرة التهليل
يا نافلة نشتهيها حين نكون من الضالين
يا آمينُ ننام علي خدر غيبوبتها
وندخل في بيات أفكارنا السرمدي
فيروز يا فيروز يا أنا !!!!
ــــــــــــــــــــ
(لمزيد من الحسنات لا يوجد ملف مرفق لي سبب بسيط , اللي هو البشتهي صوتها
يمشي علي طول اليوتيوب وهناك الغنية بتبقي بي سبعين درجة !!)
| |
|
|
|
|
|
|
|
|
 Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
مجنون يا الفيك صلصال أشياء الداخل باقية مخارج لي جواك ...
وجنك أحمر خدار السبت الجمعة الجامعة الكلمة السامعة... الهمس البصرخ راجي نِداك
نَداك البجرح خاطر الزهرة يقول للقمرة كفاك يا شجرة!!
ما يكتل فاسك فرعاً قايم ما يهرس صفقك فيلاً ظالم ...لا القرد الأعمش و النضارة !
لا أملاً تكتب لا بدراً يقرأ الضي في سنون شافعة... كاشحة البسمة قصيد في الحلة !!
مجنون يا الحاضن نبضك لي شريانك وكل قرآنك !!!
| |
|
|
|
|
|
|
|
|
|
Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
تصبيرة
بسم آيات الله آمين
وح أحاول أبتدي الشوق و أخش جواة الوجع المدسوس بي فرحي اليمين
بسم الزمن الكشـّر في وشي و ما أداني فرصة أشوف فرّة سنـُّو !
بسم الزول الفارق درب الناس الحلوة شعورا
الناس الديمة هناك بيغنّوا
بسمك أنتي
ما مضطر أقول ليك مشتاقين
ولا أحساس أنكم ساكنين جواي محتاج لي تبرير
أصلاً دروس العصر ما لازمة في الحالات دي
.....!!!!!
برجع أهترش كدة لحدي ما تجي البت المصيبة!
| |
|
|
|
|
|
|
|
|
|
Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
دردقة براااااااااااااحة كدة
........!!!
مجنون يا الفيك صلصال أشياء الداخل باقية مخارج لي جواك ...
وجنك أحمر خدار السبت الجمعة الجامعة الكلمة السامعة... الهمس البصرخ راجي نِداك
نَداك البجرح خاطر الزهرة يقول للقمرة كفاك يا شجرة!!
ما يكتل فاسك فرعاً قايم ما يهرس صفقك فيلاً ظالم ...لا القرد الأعمش و النضارة !
لا أملاً تكتب لا بدراً يقرأ الضي في سنون شافعة... كاشحة البسمة قصيد في الحلة !!
مجنون يا الحاضن نبضك لي شريانك وكل قرآنك !!!
| |
|
|
|
|
|
|
|
|
|
Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
جيتك حفيان نشفان كملان منك رويان!
كلامك الشوية!
سقاني حروف!
فما عرفت من ياتو كروية دم فرحانة
أحذن معاك
ومن ياتو شجن
أضحك ليك
ومن ياتو مدخل
أطلع منك
يااااااااااااه
ثروت البت العازماني مقابر و أتنين دمعة!
مالك علي المنديل؟
عازماني وداع!
شايفك مطلة من نافذة قطار راحل
قطار مجنون
....!!!!!
مساك الدروب ضهاب من سكتي
كضاب!
عشان ما بعرف محطاتي العشم
وهم جيتك
خيال طيفاً جميل نكر دربي
.....!!!
يااااااه يا ثروت عازماني مقابر وكم أحذان!!
بجيك حفيانة مني الروح!
شايل معاي أكسجينة تايهة
تكون زوادة لي قدام
وشان هم السفر بحرق حشا الخطوات
بجيك عطشان
رويان في سكة الوعد البطش مني
....
!!
عازماني مقابر
يا عزرائيل الشجن
يا أعلان وفاة وجعي
وموات أحتشادي في مواعين لا تنضخ بك
ثروت
تبقين أختياري الذي لا بديل له ألا ثروت!
أحتاج الي الصراخ
حين يسئلوني
عنكِ يا شقيقة روحي
يا أخت نورة
يا نورة
يا ثروت....
يااااااا
ياااااااااااااااااااااااه !!!
| |
|
|
|
|
|
|
|
|
|
Re: فيروز وحكاية البت العازماني مقابر ( توجد حسنات ويوجد جنون ) (Re: محمد حيدر المشرف)
|
يا حبيبها ،
تلكم " الليمونية " ،
صلصال جنون الداخل،
وماء الخارج ،
تلكم النورانية ( نوره ).
" مجنون يا الفيك صلصال أشياء الداخل باقية مخارج لي جواك ...
وجنك أحمر خدار السبت الجمعة الجامعة الكلمة السامعة... الهمس البصرخ راجي نِداك
نَداك البجرح خاطر الزهرة يقول للقمرة كفاك يا شجرة!!
ما يكتل فاسك فرعاً قايم ما يهرس صفقك فيلاً ظالم ...لا القرد الأعمش و النضارة !
لا أملاً تكتب لا بدراً يقرأ الضي في سنون شافعة... كاشحة البسمة قصيد في الحلة !!
مجنون يا الحاضن نبضك لي شريانك وكل قرآنك !!! " .
* هذا حنينٌ " يفضل يخشَّك وينهلك " !
| |
|
|
|
|
|
|
|
|
|
Re: فيروز وحكاية البت العازماني مقابر ( توجد حسنات ويوجد جنون ) (Re: حبيب نورة)
|
إزيك يا حبيبنا ...
شوف الحقارة الهنا دي ...
بكتب إسمك يا حبيبي عَ الحَور العتيق
تكتب إسمي يا حبيبي عَ رمل الطريق
وشوف الإبداع هنا البخلي شعرة جلدي (تكلِّب) كل ما أسمع
سألوني شو صاير ببلدنا العيد
مزروعة عَ الداير نار وبواريد
إلتلهم بلدنا عم يخلق جديد
لبنان الكرامة والشعب العنيد
أخخخخخخخ مالك علينا من صباح الرحمن
يجازيك جزا يمرمغك في جنك وطرطشتك دي.
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
Mushal Allam
ابو جهينة
مجدي عبدالرحيم فضل
محمد حيدر المشرف
منوت
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست