دعواتكم لزميلنا المفكر د.الباقر العفيف بالشفاء العاجل
|
|
 ســت الشـــاي دايمــاً سـودانيـــة
|
الحكاية شنو يا ناس..البلد كلها بقت ستات شاي
وكمان مغتربات ...ودي ظاهرة غريبة جدا و
كمان شينة وما تقولوا لي الظروف الاجتماعية و
حقوق الانسان ولجنة الكوميسا واتفاقية السلام و
مشاكوس ..ولا الاخيرة دي الماسح اسمها وسعلت
منها ندوية قالت ما عارفاها كالعادة.........
اها يا ناس ما ملاحظين ان وراء كل كفتيرة شاي
واحدة سودانية..والحبشكوا بقوا نادرين جدا وكمان
عزيزين وما بتقعدوا في الاسواق وتحت الكباري زي
حريمنا...
والله الواحد قدر ما حام ولف البلاد دي ما حصل قابل
ست شاي بي نفس الفكرة والمفهوم السوداني السائد حاليا
والاشكالية ما في المهنة ولكن الاشكالية اكبر من كدة
بكتير والله...يعني وراء الكفتيرة دة في بلاوي كتيرة
وانا بعرف انو الحريم ديل ببيعوا غير الشاي الخمرة
والحشيش ..وبديروا شبكات مصغرة للبغاء والدعارة
المنظمة والغير منظمة..التي تأتي علي السليقة بدون
سابق انزار....يعني زي ما تقول ليك واحدة انا والله
ما بقدر لكن بسعل ليك فلانة وكلوا بي حقوا وربك كريم
اتحدي اي واحد يثبت العكس وانا مستعد اجيب دلايل
وما بتغلبني حيلة لانها حاجة متوفرة في كل الاسواق
البلدي والكباري وخاصة الاحياء العشــــوائية وشبه
العشوائية كما يعرف الجميع او يمعون بحي الكرنتية في
جدة
.......
يعني ممكن نقول ..وراء كل كفتيرة واحدة من الكرنتينة
وكدة يعني المسألة وضحت للجميع وممكن نتناقش بعمق
_________________
|
|
 
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
سؤال موجه للجميع؟؟؟ وين اولياء امور الحريم ديل؟؟؟
مين المسئول عن الشي البحصل دة يا اخواننا؟؟ انا طرحت
السؤال دة في القنصلية العامة لجهمهورية السودان في جدة
وما لقيت اجابة واضحة الشغلانة كلها تهرب في تهرب
وما في زول بقدر يواجه الظواهر السلبية دي والحل كيف
طالما الجميع دافنين ريسينهم في رماد منقد ست الشاي
ومنتظرين كباية شاي حمراء وبقية الطلبات تتبع و ارح
_________________
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
انا اتكلمت عن الظاهرة دي لاني شاهدت مجموعة من السودانيين
في السعودية متحلقين حوالي ستات الشاي في عدة مناطق هنا
مع اني متعاطف مع ست الكسرة ودي غالباً ما تكون حاجة و
كبيرة في السن ...لكن ستات الشاي في المملكة والله ديل مشكلة
كبيرة وانا اتعرضت لسخرية العديد من الاخوان العرب وفي
نفس الوقت اعجابهم بأريحية مزعومة....المهم انا ما ضد
المهنة بأي شكل من الاشكال.. ولكني ضد الممارسات التي
تتخللها..والانحلال والتفكك...والغالبية من ستات الشاي في
المملكة جوا بي طرق ملتوية كثيرة واشهرها. عقدودات الزواج
المزورة وغيرها ....وسنكشف الكثير المثير الخطر قريباً
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
امس قمت مشيت مشوار لحدي الكرنتينة عشان نقابل ناس من الاهل جايين للحج
لحدي هنا عادي جدا ومافيش مشكلة
لكن عارفين معاي واحد شليق كدة
عامل فيها كريم وعزمني كباية شاي حمرررررررررررررا وبرضو عادي جدا
انو تلقي ليك زول يعزمك كباية شاي
اها المشكلة
والنصيبة انو قال لي ارررررررررح برررررررررررررة
برررررررررررررة وين يا زول مارقنا للسقط دة؟؟؟؟؟؟؟؟؟؟؟؟؟؟؟؟؟؟؟؟؟
المهم الزول الله لا جعل فيه برررركة مرقني علي الصقيعة دي
وقال كدي واتقعد في البمبر بتاع البنت ست الشاي
و بعد ما شربنا الشاي اب دوا
الزولة قالت لينا بالواضح والصريح
اها طلباتكم
يا بنت الناس الشاي و شربنا
تاني طلبات شنو يا اولاد ماما
دستورك يا مرة السواد والرماد
الزولة عرضت علينا كلام ختير خلاس والختورة زادت بعد ما غمزت لي
جارتا ام عيوناً اربعة ديك
وبعد دة تقولو لي ظروف وجوابات
_________________
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
اها رجعنا
البوست بعنوان ليه علاقة بي موضوع النقاش
من الناحية الادبية فقط وممكن الموضوع دة
يفجر طاقات تانية و يوسع مداخيل تودينا
لي ابواب جديدة يعني ممكن نستفيد من أيي
بوست في غرض ادبي بعيد عن الموضوع
الاساسي ونشوف كيف الهمني انا وعملت ايه
حبـــل الكـــــــــــــــــيف البكـــــــــــــــــــــري
احبك بكل اشيائك الغريبة , وتناغضات سمائك التي تحشد الغيوم , وتوجه بطاقات الدعوة للرزاز ,الذي يأمُ الحفل في غلالةٍ من المطر , ويلوكُ في فمهِ جميع الموشحات الخضراء التي أبدعها الخريف , وقدمها لاول مرة في خشبة مسرح الاستواء ,في نهار لم تعرف فيه الشمس طريقاً ترسل به قبلاتها المدارية الي هامات المقل النحاسية , فقد بكت السماء , وتضرج الشعاع دمعاً فاضت به شوارع المدينة المغتسلة , والتي لا تخرج من حوض السباحة الا لتغطس في السوباط , وتؤكد امكانية تنفيذ مشروع قناة جونقلي
وتعيد الي زاكرة لساني دهشة روعة مزاق القهوة السوداء , وصرخة الفنجان الاول
الذي لم ينقطع عنه حبل الكيف البكري ...
ولا هذا ولا تلك ولا الدنيا بما فيها تساوي سعادتي بك وانت تقررين متي أأتي ومتي أذهب , متي اضحك ومتي ابكي , متي أحلم ومتي ألقي عني وسادة الحلم .
أحب هذه الابنوسة التي تسبح في فنجاني , فانا عندما بايعتك ملكةً علي قلبي , فعلتها بكل جنوني وبكامل قواي العاطفية , واعطيت السلطة وارسلت لك رسائل التأييد وباركت لك الانقلاب السلمي القائم تحت ظل قوانين التوالي الوجداني , ولكني أشترطت عليك الاحتفاظ بجنسيتي , وانتمائي لسوداني الكبير , أريد ان اكون من عامة الشعب والرعية , والتحف فقري و اتوسد قلة حيلتي ... اكون سعيد تماما و لكني لا ابدل كل هذا بقصرٍ في المنافي ...
اتجرع طعم دخان سجائري الذي تمكن مني , و انتزع نفساً عميقاً من فنجاني متمسكاً بقسيمة زواجي من عقلانيتي , رافضاً طلاقي و انفصالي ,فان هانت علي العشرة والفكرة والملاح , فلا يهون علي ابدا بنات افكاري ,, أتشبث بهن , واقرر من جديد
في حياتي والفكرة اعادة الموازنة اليّ ,, وترجيح موازين القوي في هذه النقطة اتي أرهقتني كثيراً ....
احبك يا انا.....
_________________
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
كفتيرتك في السوق مرمية
وكبايتك يابسة ومجدوعة
يا بت الخلطة النوبية
يا حلوة ورائعة ومربوعة
كانونك كان عامر بالناس
صناع عمال ومساعديه
حارسنك طول اليوم
تجار وسماسرة عطلجية
كم استحملتي رزالة الناس
عشان امونة وزكريا
فتشنا عليك في كل السوق
ورتنا صديقتك قمرية
حزنانة بتبكي بدمعا حار
والعدة هناك في البلدية
كشوك يا حواء من الأسواق
واصبحت ايدك ملوية
انتى الجيتي تشدي الشاي
بتفتشي في لقمة هنية
بتخافي كتير من كشف الحال
أبيتي الطرق الملوية
أحلامك على قدر لحافك
ما عائزة عمارة وعربية
عاجبك بيتك في الإنقاذ
أو حاج يوسف ردمية
كشوك يا حواء من الأسواق
والدمعة في خدك متكية
وهسة خلاص خليتي الشاي
بتبيعي مريسة وبقنية
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
أحب أنوّه لي جزئية صغيرة كدة
الموضوع دة ما بالضرورة يدق
طبول الحرب ضد حواء السودانية
يعني مافي شبهة هجوم والموضوع
كلوا دفاع عن فاطمة السمحة وبس
بالمناسبة دي انا بهدي عزة
قصيدة الشاعر علاء سنهوري
وتقريباً اخر كتاباتو......
كنتي معاي
وكان الشوق في الكرسي الفاضي
وطعم الحتة حزين
ولون القلب بنفسج
كانو جميعاً بسئلوا عنك!!
وين البنت أشجار الصندل؟؟
وين منقـاية الروح وثمار المشتل؟
و أنتي لأنك كنتي و مافي
كان الشاي بس ناقص سكــر!!
فيهو حليب بس فاقد الابيض
وكنتي معاي
وكنت بفكر
كم حتمسي و أنتي غياب؟
وهل حتصبح دونك تاني؟
الخطوات جابتني للحتة الكنا وكان!
وقعدت براي
صوتك كان بيغني بقربي
وانا مشروق وفي حلقي حنين
والزكري مدينة وكم مشوار
منديل منتظرك
وباقي دموع في الكرسي الفاضي
كمل الشاي!!!!
بس فضل طعمك في الايام
هل تمسي وانتي غياب؟
وهل حتصبح دونك تاني؟
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: حبيب نورة)
|
الحبيب حبيب نورة
اشكرك جدا على اثارتك مثل هذا الموضوع وحقيقة كنت متوقع الردود والمداخلات تكون اكبر بكبر اهميه الموضوع واتمنى من كل الجهات الالتفات لهذة الظاهرة التى لا تشبهنا وعليهم بتقنيين عمل هذة المهنه وكل هذا من اجل سوادننا ومهما كانت الظروف ليس لهم الحق فى تشويه صورته السمحه اتمنى من جهات الاختصاص اسراع فى اتخاذ اى قرار تجاهم
| |
|
|
|
|
|
|
|
|
|
Re: ســت الشـــاي دايمــاً سـودانيـــة (Re: faisal44)
|
فصيل يا حبيب تسلم والله
فيك الخير وفعلاً القضية
كبيرة ومحتاجة اكبر جهد
ممكن حتي نقدر نعالج
المشكلة ونحيط بي جوانبها
وبالنسبة لي حجم الردود انا
ما بهتم كتير بالناحية دي
انا بطرح الموضوع للمناقشة
لو لقيت يد واحدة معاي بقدر
افتش لي عدة مداخل للفرج
وما بتقيف قدامي نفسية الكاتب
العادي البتتأثر بي كمية
القراء والمتابعين لي كتاباتو
مع انو المسألة مهمة ومحفذة
لي مزيد من الابداع لكن في
النهاية الكتابة زاتة رسالة
ولي قدام عشم ممدود اشوفك حلم
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
فيس بوك
تويتر
انستقرام
يوتيوب
بنتيريست