دعواتكم لزميلنا المفكر د.الباقر العفيف بالشفاء العاجل
|
|
 حـارة المسـاخيت!!!
|
هبيش الزكري ... تسكع طيف الزول في شارع الروح
نور بيتنا و شارع الخاطرة التنده ليك!!
قرار أعتبرك أنتي نبيـّة بتهدي الناس للحنين المستقيم
ولا الضالين آمين الفكرة الباقية رسالة !!
أستغفر خاطرة بتلغي وجودك و تمحي حدودك!
تخلي مسامك منطقة نزاع قبلي و انا شوقي
جندي منزوع السلاح!
فرمانة
السختة هي قصقصة لجنحين الهضربة الطايرة و أبدالها
بالحلم المجنَّح !!
لمن الظروف تكون (نِبلة) في أيدين شافع ود لزينة!
تنقض مشاط أحساسك و تنكش شعورك
تعيد تسريحتك و تسريحك !!
يعرفها المساخيت بأنها في السكة جغمة برتكان
ترطب حيرقان المسافات !
أما أولاد الحرام يعتبرونها أعلان أستقلال لي كمين
حرف أتباعت في سوق نخاسة أطلق الحنين سراحا
بي الضمانة وقال ليها أذهبوا فأنتم الطلقاء
من دخل الكتاب الأخدر فهو آمن ومن دخل دار
بنت جيراننا الحلفاوية فهو آمن ... ومن شهد
الشهادة والعمل الطيب ..برضو آمن !
مدخل ساخط
ح نسب الدين لي زمناً كافر بيك وانا شوقي عقيدة
عديل يا زول
!!.......!!
بروتوكولات آل سخطون
نمرة واحد
معقولة بس دي تكون هضربة؟؟؟
راجعين....!!!
|
|
 
|
|
|
|
|
|
|
 Re: حـارة المسـاخيت!!! (Re: حبيب نورة)
|
Quote: يعرفها المساخيت بأنها في السكة جغمة برتكان
ترطب حيرقان المسافات !
أما أولاد الحرام يعتبرونها أعلان أستقلال لي كمين
حرف أتباعت في سوق نخاسة أطلق الحنين سراحا
بي الضمانة وقال ليها أذهبوا فأنتم الطلقاء
من دخل الكتاب الأخدر فهو آمن ومن دخل دار
بنت جيراننا الحلفاوية فهو آمن ... ومن شهد
الشهادة والعمل الطيب ..برضو آمن ! |
ومن دخل بوست حبيب نورة برضو آمن , تسلم يا شفيف ياظريف .
| |
|
|
|
|
|
|
|
|
|
Re: حـارة المسـاخيت!!! (Re: هاشم أحمد خلف الله)
|
حبيب نورة
انا اتخيل لى انت بتكتب بوستاتك دى لما السما يكون شايل سحاب وفى رزاز خفيف كدا نازل وهواء سااااقط مليان بى ريحة الدعاش .. وطلقات رعد صوتها خافت (فى حالة تضامن معاك عشان شيطانك ما يطفش) وحبة خيوط برق تشوف بيها كراسة خيالك ..
ولا انا غلطانه يا ربى ...
كلامك يدخل الواحد فى مود عجيب ..
| |
|
|
|
|
|
|
|
|
|
Re: حـارة المسـاخيت!!! (Re: Randa Hatim)
|
رندوية
كدي خليني أرندك معاك شوية
الكلام المغتغت بي توب السترة
بزكرني قصة الكتابة الحلال!!
انا بتعتبر الكتابة مولود غير شرعي!!
احتمال يكون جايي نتيجة لي قرفة الطلق الصناعي
وعوامل زواج عرفي
انا بكتب لمن أحس أني في حالة شوق ود حرام
وأحساس أبن ستين لزينة
عشان كدة بمارس تشردي و أنطلاقتي
والكراع الحوامة
بتجيب النصايب
رندا حاتم
أزيك كدة
و شكرن جزيلن
| |
|
|
|
|
|
|
|
|
|
Re: حـارة المسـاخيت!!! (Re: Randa Hatim)
|
Quote: تسكع طيف الزول في شارع الروح
نور بيتنا و شارع الخاطرة التنده ليك!! |
لا اله الا الله محمد رسول الله
زي ما قالت رندا
كلامك يدخل الواحد فى مود عجيب ..
| |
|
|
|
|
|
|
|
|
|
Re: حـارة المسـاخيت!!! (Re: معاذ حسن)
|
بعد مداخلتك دى
عايزه اضيف للمشهد الاتخيلتو انا دا حاجه تانية ..
(كباية مليااااااانه ....... لبن)
الله يجازى شيطانك ... واصل
احنا غايتو قعدنا واتوهطنا ....
| |
|
|
|
|
|
|
|
|
|
Re: حـارة المسـاخيت!!! (Re: Randa Hatim)
|
رندوية
وللرندوك مساحات جديدة أكتر سختة
برعاية من أبليس شخصياً
الجماعة القاعدين يجوا يشبختوا هنا
و بخلوا تزكار في حيطة بكري القدامية
انا بحب فلان
و بموت في فرتكان
و يا هناي الليلة انت لو راجل تعال لي في المنتزه الجمبنا
واللا طالعني الخلا
و عيييييك يا بت أمي
انا غايتو ما بقدر أطلع من النص و امرق علي السهلة في الضو
عشان أقل حاجة الفقرة دي زي ما قلت ليك برعاية أبليس
يعني الحاجات البتتعلق بي الدعاية و الأعلان دي
متفقُ عليها
ورواها البخاري زااتو !!
أها
يعني عايزة تجيبي لي كاروشة الكتابة وانتي ماك جايبة خبر
للصومالي أب جلحات دة
عشان هو بحدر لي من قبيل عشان عارفني قاعد في الجهاز
وما عندي غير حق ساعة واحدة
وانا كاروشتي دايرة ليها (أنتستين) ما بقدر أجيب حقوا الا في
تلاتة ساعات شخبتة
يا أختي الكيبورد جاهو صداع نصفي
شكرن جزين
| |
|
|
|
|
|
|
|
|
|
Re: حـارة المسـاخيت!!! (Re: معاذ حسن)
|
معاذ حسن !!
أنت سكنت جديد؟؟
أعدم نظري لو كنت عارف
كان جيتك بي كورة لبن ساااقط
وخليتك تستحمي من اللبن دة
و أطلق ليك البخور
وافقع ليك بيضتين في عتبة الباب
وبخيت و سعيد
| |
|
|
|
|
|
|
|
|
|
Re: حـارة المسـاخيت!!! (Re: حبيب نورة)
|
كع ..ككع ..شوووووط.شنن
ماخ ..ملخخ ..وشعرة
جلدي كلبت..الشمش مارقة
وقرن الشيطان خاين ..
ختّاها بين فرقاتو..
كورة في راس تور هائج
في سيرك احساسي..
وحبيبتك نورة ..ناداها
الصباح ..ملس كرعينا بي زيت
الشوق..وغبار النور
يلمع في الساق..
وعينيي منديل تمسح جنس مسح..
انت وين كنت ياخي؟
والله فاتتك فووته !!
لكن انا ماقصرتا..كتّحتها
من فرناقة حسي ..واتمردقت شديد
لامن اضنيي وقفن زي دحش
الوادي السادر غيّيك فيهو..
وحين اسمعلك صوت غنماية
في آخر حوش
في الدنيا..
شاققت مسكت شوارعن بين
الريح وطويت سجادة شاعر..
قنصت قريب متلصص..
من خازوق الكون..والاريل لاقط
موجة خفيفة..ومشاعري تلاوي
الخوف..صنقرت مرقت
النأي ..زمبرت
سفر داوود..
وزبور النوته يدوزت
شفق الروح ...
يامسخوت
| |
|
|
|
|
|
|
|
|
|
Re: حـارة المسـاخيت!!! (Re: عبد المنعم ابراهيم الحاج)
|
وانا متقمص دور انسان حايم
في حارة تلاتة نجوم ..
الجكسي نضيف ومتمّر زي كباية
شاي في بيت اهل المحبوبة..
الناس بتعزل في الخطوات
وصاحبك داقش ساكت ..لكن
قاشر قشرة تضلل بوبي
ومتحزم من نفسي..
كشتات رجلي الناقصة شوية
وعرجة روحي تجر
الذكري ..واتذكر كيف
وانا حالي مشرّد
مطرود من وش الدنيا
فقران... وممحن ..متشلتت
من دلقان باصاه
حبيب عارف حتاتو يجازف
كيف !!!
جلّيت من كم دورية..
ودقّست شريط متعارض
في احساس بوليس مترقي..
وكجّامة سيد جرسة ..هبرت ..صج
في الفاضي ..
سكاني كلب هرّاش
ما بيعرف ينبح الا قريب
من سيدو..
ياالله اتخارجت وجيت ..
جاورتك ..
هنا ..في
حارتك..
يامسخوت.
| |
|
|
|
|
|
|
|
|
|
Re: حـارة المسـاخيت!!! (Re: حبيب نورة)
|
حبيب نورة
| Quote: لمن الظروف تكون (نِبلة) في أيدين شافع ود لزينة! |
تعرف الحتة دي يا حبيب ..
رجعتني ورا عشرات السنين
لما كنت شافع .. و أحسن واحد يعمل نبلة و ( و نياش ) أجيب الزرازير الطايرة للأرض.
و لما الظروف تكون بالشكل ال أنا أتخيلتو ..
معناتا ظروف ( متشربكة ) الخيوط ..
نبلة
و حجارة
و عصافير طايرة
واحدين يقعوا مفرفرين
واحدين يقعوا و يقوموا
و ريش متطاير
واحدين يتزاوغوا و تاني بي سما الحلة دي ما يجوا
و لما تغيب الطيور
يبدا ( فليع ) الراكب العجلة
و كلب الجيران
و كديسة ضالة جنب الكوشة
و لمبة خشم البيت ناسينها مولعة
و قزاز مكسر مرصوص فوق الحيطة ( يمكن يمنع حرامي يتلب ) ..
شايف كيف يا حبيب ( كيف ظروف زى دي ممكن تكون ؟ )
و ممكن أكون غلطان .. و دة ما جا في خيالك ال بعرفو خصيب و قشيب ..
في كل الأحوال .. يديك العافية .. فقد أمتعنا دخول هذه الحارة
دمتم
| |
|
|
|
|
|
|
|
|
|
Re: حـارة المسـاخيت!!! (Re: ابو جهينة)
|
ويحك!!!
مرة كدة والليل هوّد والقمرة عاملة
سبعتاشر يوم ..وطالعة باحساس
خجلان ..وانا لافي في زقاقات العالم..
شدر العشر كان غزير..
وزير حلة جالوص بيوتا مفرقات مويتو ساااقطة
فوق ميزرة
تحت نيمة مضلّمة..ومتخلفة
والكوز من قرعة كاذبة..
والموية خمرانة ..
والناس نجيضة تب .. مبيت فيها نعاس
يومين ..يشخروا ساكت..
انا ماعارف اليوم داك المحومني
ِشنو!! ..
لانو كان يوم اجازتي
وشغل الاولاد..
"اولاد وبنات ابليس"..
تعرف بعد مااقنعت ليك الشيطانة
امهن بانو نمشي نحرس
الشمش في قمة "افريست"
قامت قالت لي :
- امش اقفر بناتك ديك ..واتأكد
من انهن حملن من اولاد "فريق الطين"
وبنات افكارن حامت حول الشيخ "تلب"
والحارس كل ما يمرق من بين ايدو..يساسق
بين المزيرة يجقم كوز..
يقرطع ساي..
كل ما يقرب من الشيخ
يختلو رصاصة علي "غدارتو"
ويتبسم زي نيران في قصبة
حالو...
ولمن صاح الديك في نص فجرية
مرق الشيخ خلوة روح
وغتّا جبهتو بكاب
الحارس..
وبدل مايمشي تجاه
الجامع ..صنقر
في كرسي وثير في "النقطة"
رسالة من ابليس
الجمعة 30\يونيو\1989
| |
|
|
|
|
|
|
|
|
|
Re: حـارة المسـاخيت!!! (Re: ابو جهينة)
|
أبو جهينة
ياخي الحاجات الحنينة دي انا برضو هبشتني
رجعتني لي نورانيتي من قديم!!
ما عايز أقول من جديد
عشان السماح كلو في الزمن الفات
شكرن كتيرن!!!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
mamkouna
هاشم أحمد خلف الله
معاذ حسن
ابو جهينة
عفاف أبو حريرة
فيس بوك
تويتر
انستقرام
يوتيوب
بنتيريست