|
دعواتكم لزميلنا المفكر د.الباقر العفيف بالشفاء العاجل
|
|
 Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
What she mentioned about the sudanese men is found every where. In every nation it's like that. In US if the girl is more beautiful she is more likely to be more successful, and men run after her.It's not just in Sudan.
I don't think it's a problem if you consulted your family for options, most of the people who live abroad don't have the luxury of meeing Sudanese girls every day so there are excuses.
I think there is some exaggeration of her side. She can talk of her own individual limited exeperience which is not to be considered as a general trend
(عدل بواسطة Ahmed Elsharif on 07-13-2004, 09:41 AM)
(عدل بواسطة Ahmed Elsharif on 07-13-2004, 09:44 AM)
| |
 
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: Ahmed Elsharif)
|
| Quote: What she mentioned about the sudanese men is found every where. In every nation it's like that. In US if the girl is more beautiful she is more likely to be more successful, and men run after her.It's not just in Sudan |
ok but we have a special customs ...here at SUDAN not the same
situation as US and EURU civilization it was a big diffrent...
any ways we need changes after that evry thing gonna be alright
GOD bless you brother...take care
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
حبيب نورة سلام
بنيتك دي ظلمت المجتمع السوداني كله بإستفسارتها عن الجانب السلبي فقط وما وقفت في الجوانب الإيجابية
إنعدام الرؤى في جيلها وتشوه المعايير التي تحدد الخطأ والصواب في علاقة الجنسين أوجد هذا الكم الهائل من التساؤلات لديها
ونتج ذلك عن الخلخلة التي حصلت للمجتمع السوداني نتيجة النزوح الهائل من جراء الحروب أو لأسباب معيشية أدت لهجرة الناس الى المدن أو خارج الوطن (ظاهرة الاغتراب) ووجود جيل كامل من أبناء المغتربين الذين عاشوا في أوساط مجتمعات تختلف قيما وعادات وتقاليد عن المجتمع السوداني
أضف إلى ذلك التطور المذهل في العالم من وسائل إتصال وأنترنت وعولمة وخلافة في مجتمع محافظ كالمجتمع السوداني وكذلك إتساع فرص إلتقاء الفتيات بالرجال خارج إطار الاسرة في الجامعات والمواصلات والأماكن العامة مثل الحدائق والكوفي نت والأسواق دون رقيب أو حسيب أفرزت مثل هذه السلوكيات المشينة في بعض الأحيان
وأريد أن اصحح معلومة مغلوطة لديها وهي وصفها مجتمع الريف بالبدائي
الذي ينظر للمرأة كوسيلة للإنجاب فقط ... بالعكس المجتمع الريفي في السودان مجتمع محافظ وللمرأة قيمة كبيرة ولديها أهمية أكثر من الرجل لأنها تشارك في كل مناحي الحياة والاسرة في الريف ما زالت متماسكة عفيفة والعلاقة بين الشباب والفتيات علاقات عفيفة لا تتجاوز الأخوية إلا في العلاقات الشرعية (خطبة أو زواج)
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: Habib_bldo)
|
Quote: الخلخلة التي حصلت للمجتمع السوداني نتيجة النزوح الهائل من جراء الحروب أو لأسباب معيشية أدت لهجرة الناس الى المدن أو خارج الوطن (ظاهرة الاغتراب) ووجود جيل كامل من أبناء المغتربين الذين عاشوا في أوساط مجتمعات تختلف قيما وعادات وتقاليد عن المجتمع السوداني
أضف إلى ذلك التطور المذهل في العالم من وسائل إتصال وأنترنت وعولمة وخلافة في مجتمع محافظ كالمجتمع السوداني وكذلك إتساع فرص إلتقاء الفتيات بالرجال خارج إطار الاسرة في الجامعات والمواصلات والأماكن العامة مثل الحدائق والكوفي نت والأسواق دون رقيب أو حسيب |
أنت أشرت للدور السلبي للهجرة...و أستنزاف الموروث الاصيل
من عقلية الشارع السوداني.... لكن رأيك شنو في كلامها يا حبيب
بلدو؟؟... كدي شوف العينة دي....
قالت صديقتي
Quote: 2) أستاذ ياسين والله انت عجبتنى وأذهلتنى بصراحتك لمن اعترفت بانك بتنبهر
ببنية لابسة شيك وما بتعاين لبت لابسة عباية اسلامية !! ودا فى حد ذاتو
اعتراف
صريح و مباشر بانو الرجل السودانى بيفهم بس الأنوثة و المقاييس الجمالية
لكن
الدواخل والأسلوب والأخلاق ما فى زول جايب خبرها و الحاجات دى ذاتها بقت
آثار
فى المتحف القومى زمنها ما قبل التاريخ!!
3) أنا طبعا بشكرك على النصائح الأخوية والنصائح هى كمان برضو اعتراف بانو
مجتمعنا أصبح فى حالة يرثى لها من الفوضى و الأنحلال الأخلاقى و السوقية
واللامبالة والتبلد الفكرى و انقلاب الموازين و.................الخ بس
يا
أستاذ ياسين كان لازم تعترف بانو الرجل السودانى عندو اليد العليا فى حالة
الفوضى العجيبة دى !!طبعا أنت عملت النصائح دى درع واقى ليك من مواجهة
الواقع
المر و المرير للأنسان السوداني |
الموضوع متشعّب للغاية ومحتاج للكثير من وجهات النظر
وانا بحاول مع الأخوة لأيجاد حلول مناسبة أو تشريح أنسب
وربنا يقدرنا علي فعل الخير......
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
شخصيا احترمتها يا يسن...وهي تحكي عن واقع...بواقعيه...وبمراره دون اندهاش...
وعلينا ان نبحث معها عن الاسباب...والحلول...فلن نجد من يرد لنا...آفة مجتمع بهذا الوضوح...لاحظ انها لا تحكي من خيال او فرضيات..فهو امر واقع كما ذكرت اعلاه وذكر بعض الاخوه هنا...وصدقني انها لا تبالغ...
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: Hisham Amin)
|
Quote: والمشكلة مافى زول واحد ذكر كان او انسى المشكلة 50- 50 مناصفة
واذا هى كانت بتشوف الراجل بقى همة الجس والونسة فيها ولبنت هى المظلومة
اقول ليها اتذكرى النظرية العلمية البتقول
(لكل فعل رد فعل مساوى لة فى المقدار ومضاد لة فى الاتجاة) وفى موضوعنا دة انا حا اخد المقطع الاول بس اللهوا ( لكل فعل رد فعل)it takes 2 to tango |
فعلا يا هشام المشكلة منماصفة بين الجنسين
وزي ما بشوفونا نحن بنشوفهم برضو بي نفس
المنظار ومن نفس الزاوية وكمان بنضيّق الزوم
شوية عشان نلقي الضؤ علي صورة تكون أوضح
ومع أنو صديقتي و أختي الحبيبة بتري حاجة
تانية ودة واضح من كلامها أعلاه ومن كلامها
التالي
Quote: 2) أنا ما عندى موقف من الرجال يخلينى أزعل منهم و أمسح بيهم الواطة !!
الكلام
القلتو كله حاصل .زى ما الناس ماخدة موقف من البت السودانية و ما بتذكر
الا
سلبياتها ( تدهور أخلاقى- أدمان مظاهر .... الخ) شئ طبيعى الواحد يتحيز
لجنسه و
البيتو من قزاز ما يطقع الناس بالحجار!! يا معشر الرجال السودانيين !!
3) يا ريت يا أستاذ ياسين لو كنت ماخدة شاكوش !! كان تكون نعمة كبيرة. أنا
الزمن مش أدانى شاكوش دا أدانى ضربة قاضية و طعنة مميتة |
ومع ذلك يا هشام التطور مفروض يخلينا نتمسك برضو
في قيمنا وتقاليدنا مش نسيبا بي دعوي التحديث
بعد شوية بقولوا لينا الاسلام دة بي صورتوا دي
ما معاصر دة لو ما قالوها فعلاً!!!
Quote: ملحوظة لكاتبة الايميل
فى كلامك بعض الحقيقة بس عاوزنك تعرفى انو زمنا ما زمن ريفى ولا عصر حجرى والبنت برضوا ليها الغلبة واذدادت حريتها و الحكاية فى نظرى بقت جايطة كان منها ولا من الرجل لان المفهم والتطبيق للحرية فى غالبيةالسودان تطبيق همجى ووقتى وعاطفى ومعظم نتايجة عكسية علشان كدة مجتمعنا بقى زى ما انت شايفة |
علي حد قولك يا هشام!!!
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
الرجل السوداني= :
حيوان
منحط
منفصم
متحجر
أول مساعدة تقدمها لفاتحة النيران هذه ، أن تخلع نضارتها السوداء ، وتلتفت للجهة الأخرى ، حيث الرجل السوداني =:
مناضل
شريف
مؤدب
حنون
متفاني
واعي ومثقف
وقائمة مناقبه وشمائله المشرفة تطول
أما إذا كانت ، فاتحة النيران، مصرة على نضارتها والنظر في تلك الجهة - التي لا أنكر وجودها- فعليها ان ترصد الأسباب والظروف ، وسلوكيات إقتصاد السوق ، وتداعيات الجوع ، وأخلاقيات الطفابيع ، وخطة الدولة الظلامية لإشاعة التعهر والتفسخ والشذوذ لكسر روح المجتمع حتى لا يبقى هناك رجل يغرس عيونه في عيونهم المنكسرة ، ويصير الحال من بعضو.
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: أبو ساندرا)
|
قبل ما أخش معاك في الموضوع يا أبو ساندرا
فعلاً من بداية كلامك وضح أنك شايل عقلية جبّارة
Quote: الرجل السوداني= :
حيوان
منحط
منفصم
متحجر |
و
Quote: حيث الرجل السوداني =:
مناضل
شريف
مؤدب
حنون
متفاني
واعي ومثقف
وقائمة مناقبه وشمائله المشرفة تطول
|
أبو ساندرا
انا بتفق معاك في أنو من خلف الكواليس في خطط تحبك
لتدمير موروثنا وقيمنا... وغير كدة أسمح لي أعلّق
علي شماعة الظروف بعضاً من أسباب المشكل... لكن في
النهاية يكمن السر في التربية ودور الاسرة والأب و الأم
ومن شبّ علي شئ شاب عليه.....
| |
|
|
|
|
|
|
|
|
 Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
السلام عليكم
عاشقة انا للرجل السوداني ...حقيقة اقولها ...فريد ...رائع ...صاحب اهتمام و حنان دافق...يعرف ما يريد....و ينجح في جعل شريكته سعيدة بكل الممكن و اللاممكن بفهم قديم و رائع ...المرة دي امانة في رقبتي الله بسالني منها ..احب ذلك فيه ...وهو عملا بقول المصطفي رفقا بالقوارير....اعجابي بوالدي ...اخواني ...اساتذتي ...اصدقائي ....يؤكد كل ذلك ....الواقع يؤكد ايضا ....الخير في الامة ...قد توجد مشاكل ...قد نجد ما تقوله الاخت في حالة ....2 ...8 ...قول مية ...بس من المؤكد لا يمكن اطلاق القول ...علي عواهنه و نجمع كل القامات مع ....الضحالة ...
الجانب الاخر لما اصبحن البنات بلا حياء ...و يستجبن لكل ضال ...ذلك هو الخضوع بالقول ....لا اقول كل البنات و اقول بعض البنات .....
الرجل السوداني فريد ...و متفرد ...و التحية له اينما كان ..
و سلمت
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: sudania2000)
|
تسلمي يا سودانية يا أصيلة
مش زي ناس كدة وفعلاً أنتي
أختنا و عمتنا وخالتنا وبنتنا
وحبيبتنا و زوجتنا و امنا
ووووووو...
| Quote: عاشقة انا للرجل السوداني ...حقيقة اقولها ...فريد ...رائع ...صاحب اهتمام و حنان دافق...يعرف ما يريد....و ينجح في جعل شريكته سعيدة بكل الممكن و اللاممكن بفهم قديم و رائع ...المرة دي امانة في رقبتي الله بسالني منها ..احب ذلك فيه ...وهو عملا بقول المصطفي رفقا بالقوارير....اعجابي بوالدي ...اخواني ...اساتذتي ...اصدقائي ....يؤكد كل ذلك ....الواقع يؤكد ايضا .... |
مع أني حبيت أوصل الصرخة دي لمسامع الجميع
وفي النهاية بفضل المجتمع السوداني من أفضل
المجتمعات مقارنة مع دول شقيقة وقريبة
وأسلامية كمان... لكن سودانيتنا بتكلفنا
بالكتير الجميل ونحن من هذا المنطلق
بنفرد كل الاشرعة من أجل مستقبل أفضل
و قيم أعلي و أسمي وليك الشكر يا سودانية
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
ألأستاذ / حبيب نورة
| Quote: الرجل السوداني فريد ...و متفرد ...و التحية له اينما كان |
الرجل و المرأه شركاء فيما اصاب المحتمع من تدهور و انحطاط
| Quote: بس من المؤكد لا يمكن اطلاق القول ...علي عواهنه و نجمع كل القامات مع ....الضحالة |
و لك التحية على هذا السرد الجميل و الشيق و حقا نحن بحاجة لأستفاقة بالرغم من ذلك و حسب
وجودى خارج البلاد قارنت ما بين الشعب السودانى و بقية شعوب العالم و جدت اننا ألأفضل من حيث
الخلق و الفضيلة و احترام ألأنثي بغض النظر من جنسيتها ( بدون مجاملة)
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: عوض الله الفولانى)
|
Quote: اننا ألأفضل من حيث
الخلق و الفضيلة و احترام ألأنثي بغض النظر من جنسيتها ( بدون مجاملة) |
شكراً كتير أستاذ عوض
لكن كرسي الاستاذية دة
انا ما بستحقّوا وشرف
لا أحلم بهِ ومع ذلك سلمت
التحية لحواء السودانية
ومحمد أحمد برضو ونحن
العزة دي حقتنا و بنجيبا
حمرة عين عديل كدة....
ولو ما كنت من زي ديلا
وآآآآآآ أسفاي
وآآآآآ مأساتي
وآآآآآ زلـّي
تصور كيف يكون الحال لو ما كنت سوداني
و أهل الحارة ما أهلي
ديل أهلي
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
هلاااااااا الاخوان الحلوين البورداب اصحاب المزاج العالي والراقي
مايحدث الان في الخرطوم كل التناقضات وكل الطرق نمشيها الان مابين
الخير والشر وما اشارة اليه الابنة يحدث على نطاق كبير
كما الخير والانسانية المتوفرة تحدث يوميا وتنافي ماقالته صاحبت الرسالة فكل ماتتمناه تجده هنا في خرطـــــوم الهناء
فهي جميلة بخيرها وشرها وفجورها وجنسها وصلواتها
لكم كل الحب
الخرطوم المكان
هسا الزمان
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: شمهروش)
|
ما يحدث في الخرطوم يا شمهروش قمّة التناغض
الفجور والسفور والطهر والعفاف
الجوع والمرض ... الصحة وطبق الكسرة المليان
الخوف اليأس.... الفال الأمن
السكوت وناس قالوا وقلنا!!!!
بنت الحلة اللازمة البيت... والنطلاقة وقاعة الصداقة
و ( سوق عفراء) الموضة الجديدة.. ودة قالوا فيه الكتير
وسمعنا الخطير المثير.... و بنوتنا بين زقاقات البلد
و حوش اماتن .. ما عارفات يقبلن وين....
بس الكعب الكتير دة قصادوا سماحة و زين
وبنختلف كلنا.. لكنفي النهاية الهم نيلين وتراب!!
Quote: خرطـــــوم الهناء
فهي جميلة بخيرها وشرها وفجورها وجنسها وصلواتها
|
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
حبيب نوره...
بركه القاعد بي جاي
قريت السطور دي قبل كم يوم
مع تحفظي على بعض الكلمات... لكن
أوافقها الرأي في كل ما قالت.. لكن
لا ألوم الرجال دون النساء... فكل يكيل بمكياله.. وكل في الاثم سواء....
وعلى قول المثل الاجنبي العاجبني شدييييييييييييد الايام دي.. It takes two to Tango!
بنت الحسين
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: مريم بنت الحسين)
|
مريومـة
بركة الطليتي علينا
جيتك دة براها بالدنيا
بعد دة الواحد يقشر بي البوست
انتي قايلة نفسك مريومة ساهلة؟؟!!!
Quote:
وعلى قول المثل الاجنبي العاجبني شدييييييييييييد الايام دي.. It takes two to Tango!
بنت الحسين
|
وكمان المثل أنا برضو عاجبني والله
لدرجة بفتش ليه في مناسبة أقولو فيها وما لاقيها 
و بالنسبة لكلام الاخت الحبيبة
ف دة رأيها وانا نقلتوا بي ضبانتو!!
يديك العافية والله
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
القراية أم دق تطير لو جابت ليها عيد فالنتاين
قالا صاحبي الجابو مكتب القبول لي جامعة خرطومية ..
لم كتبو في كرتونة وبقى عسكري نفر وتم خدمتو وقعد في بلاد الودار .
مسئول يتكلم في ندوة تلفزيونية يقول قبل ما تتكلموا عن المشاكل دي شوفوا بتّكم البتركب ليها مواصلتين شان تصل مدرستا . ليه ما بنيتوا ليها مدرسة ولي أخواتا ؟
مسئول ..
هم يبنوا المدرسة ويقروها فيها ويدفعوا لي المعلم ويدفعوا حق فطورا وعلاجا وكل شي , وهو مســــــئول ..
مسئول تاني قال ستات الشاي والكسرة هن سبب المشكلة , الواحدة تديك أي شي من تحت الكانون , قال لازم ننهي جذور المشكلة دي علي الأساس ده , طلع ختمو من تحت ملفات عطاءات برج الشهيد وبرج الخرطوم وحتى ملف ضرائب برج حمام حاجة نفيسة ومهر قرار الإيقاف ..
صاحبي قال
الخرطوم بقت عالم هجيج , لو إدردق طشت من ركن الراكوبة لي نص الحوش بتلاقي تلاتة تاوقوا متوقعينوا صوت ساوند وحفلة ده لو ما لقيتهم حتّوهوا قرض ..
سألتو المشكلة في رأيو من شنو ؟
قال آل هامش غزوا الخرطوم . كأنو الخرطوم زمان كانت المدينة الفاضلة .
قال ما كدة بس المهن الهامشية والمعايش الجبارة والضغوط إدّن الكانت ساترة روحها عذر إنّها تبقى واحد طرحة .
أوتوستوب ولو دافر لستك قدّامك
قلبا قلبا قلبا قلبا ..
عدلا عدلا عدلا عدلا ...
سي سي سي سي ..
وهي لافة قرقور زي عضم الضلع الكل مشتهيهو وما لاقي عمك يعلن تنازلو عن باقي السفرة مقابل العضيم المتقلّب ومقلّب كوامن إفرازات غدد كوبر ..
كاجر هبّاشي روّجت لي غناوي الناس النقلوهم فتّاشة وبي كدة ضمنت خفر السواري ما حيسكت ليها حس أو قريحة فتسمع القوم من حولها في ليالي الخميس ينادوا بي علا حسّهم
النار يا الله
جــــــــــوّة النار يا الله
بي جديّـة ..
اللهم نسألك السلامة ..
آخر مافي جراب حاوي النظام قال حيفلتر النيت ويمنع المواقع الإباحية وسودانيزاونلاين ( رغم إنو رجعت وقالوا في إعتذار مصحوب , قالوا ) فلترة ومنع وحجب وبتر كبير أخوانو سبب البلاوي والمصايب .. خلّوا الماسنجرات وخلّوا الفراغ الما بتملاهو إلا الماسنجرات ..
صاحبي فنّان الطشوت أعلاهو قال
زمان رقاد الضل بجيب ليك نقّة ناس البيت , الحاجة تشبكك داكي المدرسة وما مشيت الحصة وقاعد نايم لي كدة قوم كويس أحلب لي الشافعة دي خليني أمسك الغنماية ويقعد يلولي في الغنماية لحدي ما يضمن البقية طلعوا الضل راجين الجو يبرد والجو يصل .
هسع قال في زمن عسكرة القسر , أمّو بتملا خشم الشافعة بزة وسكاتة وغشاشة وأقنعت أبو الوليدات يبيع الغنماية وزاتو لبن الغنم ما صحي مع البرسيم البقوا يجيبوهو ليها زي محاية الفكي ده . الحاجة بقت تعمل جاهدة إنو ما يطلع من البيت , الضل الكان بكمل الساعة عشرة زادت فرق توقيتو بي راكوبة سمّوها راكوبة فلان , ممنوع الإقتراب او التشويش , ينوم ولما الضهر يقرّب , لما مواعيد الجو تجي يلبس أقرب سفنجة مقطّعة ويطلع يقعد في أقرب زاوية مع الشباب , عين عليها وعين علي دفار الإلزامية , وده سبب السفنجة المقطّعة , ما تقليل من شأن واحدة جو ترطيبة بس خوفاً من السفنجة تكون مخلّفات معركة ذات قيمة .
الفراغ يا ابو الشباب
الفراغ
اقرأ آخر تقارير ناس الأيدز , لسّة ما وصلت المرحلة ديك البتخليك تزازي من السلام بس قالوا حصلت واحد في المية , يعني ترجع البلد تقعد تسلم وتعد في سرّك والبقع ليهو الرقم ميّة هو الرقم السعيد , حينا إتحيّل بي إنك ما بتصافح مين من كان , خوّاف ربّا عيالو , بس سين سؤال المصافحة بتمنع البتاع ده ؟ ممكن تستعين بي ناس جراب الحاوي . أو
قابلني في الماسنجر الما محظور
أبنوسي
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
أمير التبلدي
زي ما قالت زولة
coooooool
بس في حاجات كتيرة بتمنعني
من لذّة البوح هنا
مع انك عارف انو نسبة البوليسترول في تزايد مستمر
لكن نعمل شنو مع لجنة حظر البوح المثاني!!!!
أها في كلامك ملامح من شكل حوجتنا لي كلمة دغرية
وما قادرين نقولا
بس الفرق انك قدرت تعالج المشكل بي طريقة الولد الاغبش
بعد ما فارق عزة ومحمّد... و أتمرغ فوق ضريح أتاتورك
في قبرص جزيرة الشيطان!!
أها رأيك شنو أنو البنات في شارع النيل أستنُّوا سنة جديدة
في فنون الأوتوستوب والملح...
آخر أختراع اسموا الملح الاصفر
حتي التاكسي ما مرق من سباق اليود المحموم
تاني في شنو غير البنية البتقوم من النوم وتمرق تحوم في الخرتوم؟
ما تقول لي القراية أم دق !!!
ولا قدرة الفول ولا طبق الكسرة الفي الخرتوم ما بتجازف من غير تحنيس!
؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
السلام مرة تانية
قالت سودانية
Quote: السلام عليكم
عاشقة انا للرجل السوداني ...حقيقة اقولها ...فريد ...رائع ...صاحب اهتمام و حنان دافق...يعرف ما يريد....و ينجح في جعل شريكته سعيدة بكل الممكن و اللاممكن بفهم قديم و رائع ...المرة دي امانة في رقبتي الله بسالني |
ودا الكلام
دى البنت الخليناها فى السودان ودة التفكير القومنا علية
ما العايشنوا فى الزمن دة
والله يديك العافية ياالسودانية
ويا حليل ايام زمان
يا حليل ايام زمان
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
حبيب نورة ... يديك العافية
صديقتو
Quote: معليش طولت عليك لكن البت السودانية ضحية لرجل منفصم و مجتمع مريض
فى الختام تقبل اعتذاري و شكري
|
إن أثمن شئ تمتلكه الأنثى جاهلة كانت أم مثقفة عاملة أو غير عاملة متزوجة أم غير متزوجة هو سمعتها وشرفها، إن سمعة المرأة من جرءا إنغماسها في علاقة أو أكثر .. من العلاقات العاطفية تؤثر أبلغ التأثير على حاضرها ومستقبلها بل مستقبل الأمة بأثرهاولاسيما إذا لم تنته هذه العلاقة إلى النهاية التي يجيزها ويرضى بها المجتمع وهي الزواج .
يا صديقة اقولها بكل صراحة لقد أصبحت المرأة في هذا العصر عبارة عن سلعة تعرض عبر وسائل الإعلام وأًصبح جمالها مزيفاً مصنوعاً وأصبحت فتاة اليوم بعيدة عن الاعتماد على مرونة ذهنا وتقدم ثقافتها وجمال روحها ورقة ابتسامتها تجدها تعتمد على كيرة ملابسها والتصفيف ورغم ما نحسه من المستوى الذي وصلت إليه المرأة في التعليم إلى إن فتاة اليوم صديقتي لم تسعى في أن توسع آفاق فكرها بالمعرفة والعلم بل تلجأ إلى التبرج والتفسخ والعري وارتداء الملابس الضيقة التي تبرز أعضاءالجسم كما الجواري في أسواق النخاسين مما يثير الغريزة الجنسية لدى الرجال المغلوب على أمرهم.
والمصيبة أنها تظنه أن تبرجها شيء ظاهري لا يمس عقلها فهي تستطيع أن تكون حرة رغم إمعانها في الأناقة وإسرافها في التصنع وهي في هذا مخطئة فإن لكل عمل يقوم به الإنسان آثاراً فكرية وروحية بعيدة المدى إن أعمالنا تؤثر في عقولنا وأرواحنا وتعيد صياغتها فإذا لم يتحكم العقل في سلوكنا تحكم سلوكنا في عقلنا.
فيا صديقة شرفك بيدك لن يمسه رجل إلا برضاك.
والحديث طوويييييييييل ولي عودة.
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: كبسيبة)
|
كبسيبة
شكراً للمرور الأنيق
وانا بعتقد أنك أصبت كبد الحقيقة
في كثير مما أوردت
| Quote: لقد أصبحت المرأة في هذا العصر عبارة عن سلعة تعرض عبر وسائل الإعلام وأًصبح جمالها مزيفاً مصنوعاً وأصبحت فتاة اليوم بعيدة عن الاعتماد على مرونة ذهنا وتقدم ثقافتها وجمال روحها ورقة ابتسامتها تجدها تعتمد على كيرة ملابسها والتصفيف ورغم ما نحسه من المستوى الذي وصلت إليه المرأة في التعليم إلى إن فتاة اليوم صديقتي لم تسعى في أن توسع آفاق فكرها بالمعرفة والعلم بل تلجأ إلى التبرج والتفسخ والعري وارتداء الملابس الضيقة التي تبرز أعضاءالجسم كما الجواري في أسواق النخاسين |
يديك العافية يا كبسيبة يا أخوي
ومنتظرين عودتك الهميمة
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
السلام كبسيبة
لا املك الا اعادة ما سطرتةQuote: يا صديقة اقولها بكل صراحة لقد أصبحت المرأة في هذا العصر عبارة عن سلعة تعرض عبر وسائل الإعلام وأًصبح جمالها مزيفاً مصنوعاً وأصبحت فتاة اليوم بعيدة عن الاعتماد على مرونة ذهنا وتقدم ثقافتها وجمال روحها ورقة ابتسامتها تجدها تعتمد على كيرة ملابسها والتصفيف ورغم ما نحسه من المستوى الذي وصلت إليه المرأة في التعليم إلى إن فتاة اليوم صديقتي لم تسعى في أن توسع آفاق فكرها بالمعرفة والعلم بل تلجأ إلى التبرج والتفسخ والعري وارتداء الملابس الضيقة التي تبرز أعضاءالجسم كما الجواري في أسواق النخاسين مما يثير الغريزة الجنسية لدى الرجال المغلوب على أمرهم.
|
اصدقك القول سيدى
اتوق شوقا الى محادثة من احشمت فى نفسها ولبسها وجسدها
اما من تعرت فلها نفسها وفكرها ولها الله وانشاءالله بس يحميها
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: Hisham Amin)
|
| Quote: أحلب لي الشافعة دي خليني أمسك الغنماية ) |
زولة الغنماية ما بمسكوها عند الحليب...لكن بعكلوها
والبقرة بحوها...والناقة بتقيف براها....
حبي نورة...الكاتبة دى سارة منصور لووووووووووووووووووووووول
عندى اخوى شغال فى شركة بناء معاهم مهندسة بتاعة مساحة ياربى دى هى ولا شنو...قال البت دى تقول راجل ..لا بتهتم بنفسها ولا حاجة..عشان كدا قطرها صفر..وبقت حاقدة على الرجال...تعال ياخوى ريحنا منها..بس عازة ليها شغل..بتتعبك الايام الاولى...لكن صدقنى عنده جمال داخلى زى بترول اب جن
كتييييييييير لكن داير ليه حفر....
وواحد من الشباب يحكى لى بعضمة لسانه...نزل اجازة 6 شهور وهو لسع شباب عاوز يشوف شبابه شوية مع واحدة سوقية...اها قالو ليه الناس التفتيحة ..تمشى القاعة..وخارج السور تشوف ليك واحدة وقول ليها عازمك حاجة بارة..وبعدين حنكها وسوها بيت العذابة الفاضى .واخونا صدق المقولة ومشى عاين يمين شمال..لقى ليه واحدة راسه مقطوع مثله..قال ليها انا عازمك حاجة بارة...على طوووول استجابت لانها كانت مشركة...زمن ومافى واحد حام بحولها...اها قعدوا وبدا التعارف من اول كلمة...بطنو طمت منها...وفارقته شهوته البهيمية...لانها قالت هى من الجزيرة..اها بت الناس الجابك هنا دا شنو قالت ليه العدم..ديك صاحبتى وديك صاحبتى..والله انا اول مرة اجى...بس هن جابنى ..وقالن لى تتونسى وتضربى الحن البيش...بدون ما يسوقك اى محل..انت بتقرى وين قالت ليه كليتها..مين البصرف عليك...قالت عمى فى السعودية...لكن ليه كم شهر ما ارسل لى مصاريف..ابوك وين ابوى مزارع مسكين ما عنده حاجة..وعمى شباب زيك كدا مصر اقراء عشان انفع العائلة...زولنا شعرت جلده كلبت وعينه دمعت...وتذكر اخواته وبنات عمه..بعد ما اكلوه ما لذ وطاب..قال ليها نقوم نمشى قالت ليه وين..قال ليها بس قومى انتى...وصاحبتها يقمزن ليها ..لكن مشت معاه...الى سوق بحرى ومحلة الصغير التجارى ..وقال للولد الشغال فيه..البت دى كل شهر تديها 100 الف..واستمرت تاتى وتاخذ مصارفها لمدة 5 شهور..ويوم جاءت سالته منه..ارشدوها لى مكانه فى المغترين حيث كان يتابع اجراءت سفره..ففجاته ووقفت امامه..وهوفى انتظار التاشيرة..ممكن اعزمك حاجة بارة...وهى كانت تمحل فى شنطتها ذلك المبلغ الذى اغترضته منه وحلفت بربها الا ان ياخذ ذلك المبلغ ..واخذ منها المبغ ولكن شبكت فيه...شبكت الحرامى السرق التلفزيون والناس تتفرج فى المسلسل...اها دى يفك منها كيف الزول دا داير حل ياحبيب نورة...اما صاحبتك دى ...حبة اهتمام شوية منها وشوية كريمات...بجيب لهيا عريس..وبتبقى سودانية..عادية زى امه وحبوبتها بس مع حبة تمدن...لانه خريجة..وخريجة ايه كمان هندسة.
.سنة ياهندسة.
.قاعدة مندسة
وعريسة بجة هسه
بس ما تديه رفسه
وانت راكبة الركشة
خليك مفرفشة
الدنيا بتكون منعشة
وما ترجى مغترب فرشة
جايبها الكشة
وفلوسه هشة
شدى حيلك ياعشة
ما تقعى فى غشة
زولا سياره مافيها خدشة
وساكن فلة سكشة
ما بعرسك ياعشة
احسن ليك ابغبشة
بس جيبو خاتى الهبشة
ابقوتة_فى ساعة الدوام
ولك ودى
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: abuguta)
|
 أبو قوتة قنبلة الود الموقوتة
وينك يا حبيب؟؟
طال الشوق علينا
اها!!!
انا بخلي صديقتي ترد عليك شخصياً
لآني ما صاحب الفكرة ولا حتة أني
أنشرها هنا بتعني أني مؤمن بيها
فقط انا أستعملت تقنية الكوبي
بيست المتطورة وجبت الكلام هنا
| Quote: عاين يمين شمال..لقى ليه واحدة راسه مقطوع مثله..قال ليها انا عازمك حاجة بارة...على طوووول استجابت لانها كانت مشركة.. |
لوووووووووولز قلت لي مشرّكة؟؟
اها يا ست البنات الكلام دخل الحوش
ورينا همّتك سرررريع هههههههههههه
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
تحياتى للجميع
اوكى انا اثنى على كلام الاخت
بس عندى اعتراض على ان نحمل كل المسؤلية
للرجل اين دور الجنس الاخر
وانا اطرح هذا السؤأل لاننى رأيت بام عينى
بان اغلب النساء السودانيات يسعين للجنس
(فتيات ومتزوجات ومطلقات حتى) فلماذا يا اخت
نرمى كل اللوم على الرجل وتتركى بنات جنسك؟
هذه وجهة نظر فقط ليس الا.
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: دباش)
|
دبّاش يا حنييييييين
السؤال دة موجّه لي كل بنوتة سودانية
وفعلاً انت أتطرقت لي مسألة خطيرة
وزي البتحاول التحدث عن المسكوت عنه
في مجتمعنا السوداني الكبير
Quote: وانا اطرح هذا السؤأل لاننى رأيت بام عينى
بان اغلب النساء السودانيات يسعين للجنس
(فتيات ومتزوجات ومطلقات حتى) |
؟؟؟؟؟؟؟؟؟؟؟!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
ســــــــين سؤال يا قبيح :
رأيك شنو في الفضائيات الشابكننا فيها بي التوب توينتي وحبني زي ما بحبك , وحبيبي سافر لماذا خلاني مكنكش جنازة وما شاكلهاأو برامج أغاني فوق العادة خالص زي ماشربش الكولا واقاطع البيبسي ده انا بشرب بينسون واقابل الجكس ؟
تفتح التلفزيون العربي تفتح منك كل افكارك بي لحظة ترفيهية مفيدة ..
لو قاعد في البيت معاك ناس البيت , حتفتح مخزن الذخيرة داك ولا حتقعد تسمع في الكلام ده ؟
أبو الشباب الدنيا إتغيرت ..
مرة قلت لي الأستاذ الموصللي ( في بوست سابق ما متذكرو شنو ) الحكاية دي وهي حقيقية ..
عندنا جدّاً لينا في الغرب شغلو الزراعة وجبنة النهار وزيارة كم بيت وقهوة المغرب والعشاء , وتخلل البرنامج ده رادي امدرمان لحدي نشرة تمانية صفحة الوفيات والبقاء لله والنوم , ده كلو القبلو من الدنيا في حصاد سنينو ..
يوم بي النهار شغل الرادي صادف وردي في ( لو بهمسة ) , مقطع بتاع قولا احبك وفي المقطع ده صادف الحتة الاخيرة بتاعة احبك ,,
الله يرحمو قفل الرادي شهر وشوية , ولعمري دي كانت اول مبادرة لنظام الحظر العقوبات الدولية الحالياً معمول بيها .
اها الناس ديلك في زمنهم لا كان في طرحة ولا داخليات توكل إداراتها لي من لا ضمير له بي مسميات دعم طلاب او طلاب دعم , بس هسع نحنا قاعدين نستقبل ترسبات الميديا وادوات العصر الحالي .. منطق وقبول اباحية العواطف والذي منو ..
زمان كان تقدر تقول صاحبتي رسلت لي قالت انو كذا وكذا ؟
دي بقت حاجات مقبولة , وبقينا عارفين أكتر من مقررات وزارة التربية لي الصف الرابع ونحنا لسة ما فهمنا من الدنيا شي , جر اقرب شافع يسمع ليك اخر البوم اغاني وجد رغم انو لسة ما اتعدى عتبات الرجولة ..
يا زول اوتوستوب أيه وداخليات أيه الناس فتحوا خيم رمضانية وكافتيريات وغيرو , عزاي وعزاك إنك تجي ماشي جمب الحاجات دي تدنقر في الجريدة أو شيلا غطي بيها الشمس ويافطة الواحة الخضراء وإعلانات الحفلات في ميدان أبوجنزير .
ما دام رضينا بي الحضارة لازم نقبل بي تبعاتا ..
مادام رضينا نخت في البيت التلفزيون ونخليهو طول النهار شغال فينا احبك وما عارف شنو وبقينا ما بنمتعض لي اباحية نواعم قاردن سيتي وغيرها يبقى ما نستغرب انو في يوم نشوف على مرئى ومسمع وعيان أعيان الحلة الود والبت ماشيين بي تبرير إنها هي مشروع خطيبة رغم إنو لسة ما قالوا فيهو لا خير ولا حتى شر ..
سلام لي البنوتة السودانية وقول ليها تبقى عشرة علي روحا .
أبنوسي
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
جيم أجابة يا سيد السماحة
انا رأيي في الفاضيات دي يا أمير واضح وصريح
كان لي قنواتنا نحن الله يعين وانا بشوف أنو أحسن
يهتموا بي قناتنا الهضمية... علي الأقل ممكن يرتفع
مستوي مثانتنا في أفراز مشرّف لي منسوب مثالي وكدة
يا أبو الشباب انا بقترح أنو يفكوا الشغلانة ويخلوها
أم فكـُّو ساكت أخير من التياب دي والعروض عريانة
Quote: لو قاعد في البيت معاك ناس البيت , حتفتح مخزن الذخيرة داك ولا حتقعد تسمع في الكلام ده ؟
أبو الشباب الدنيا إتغيرت ..
|
و بعدين أنت المقعدك في البيت شنو هسة ؟؟
ما تمشي القاعة تشوف ليك بنوتة تعزمها آيسكريم لولي
واللا تركب ليك في متحرّك ماشي الجنوب واللا خايف تروح
في الغابة زي ما رحت زمان؟؟؟!!!
يا باشا كل يوم بنقول الزمن أتغيّر وكل حاجة بقت ما زي زمان
لكن في الحقيقة الشئ البحصل دة فوق كل المقاييس والله
وحتي لو حاولنا نفيسوا بي مقياس بولتر ما حنقدر نحددوا
لكن جواتنا لساتو بنادي تعالي الفكرة القيمة
جواتنا لساتو بقول للزيف الكعب الشين في وشـّو..
وحنقدر نعمل حاجة غير البكاء علي اللبن المسكوب؟؟
خلاص القزازة أتدفقت والشـُّفع نامو من غير عشاء
والفال جواتك بايت القوّة.... خليك هسة من حلمي وحلمك
تعال نشوف بي عين قوية المحطة الواقفين فيها دي حتوصلنا
واللا حتقطعنا ولما نفيق يقولو لينا ما راجعين
يعني حنستعيد أصالتنا ونحن ماشين كداري في زمن الجري والطيران؟؟
Quote: ما دام رضينا بي الحضارة لازم نقبل بي تبعاتا ..
|
عارف يا قبيح أنت كدة قدرت تلخّص الشغلانة كلها؟؟؟؟!!!
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
يعني نقول خلاص تم ونخت ختم مطبعة التمدن بالخرطوم ؟؟
يعني كل هايم يمشي قاعتو وكل قرفان من تحسن الحال يمسك قوي في محرابو ويقول القابض على شهواتو كالقابض علي أمل ؟
يعني الخلّوا أركان النقاش في جامعاتهم وقعدوا في أركان الحلة نقول ليهم عشمكم إنقلاب في صباح جمعة ؟ لوتري ؟ أو تتنّزل عليهم رحمة التغييب في زمن هم أصلاً في هامشو ؟
وديك الجات من أطراف المليون ميل سكنت الخرطوم عشما قراية , وفجأة لاقت روحا مهمومة بي حق السماية , تعمل شنو ؟
ناس الأيذز يشيلوا تقاريرهم ويبيعوها حجاب محبة ؟
خارج النص ...
واحد مغترب زي حلاتك ومبشتن زي الكاشف أخوك رجع الحلة قال لي شباب الحلة الحاصل شنو والعرس وكدة ؟ وروهوا إنو في الحفلة البتعجبو يرقص معاها ولو الشغلة بايظة وجايطة هم بجوطوها ويضحكوا , الزول كل ما يمشي علي حتة يتلفت عليهم يلقاهم منفجرين ضحك , لو بشّر ساي علي العرسان يضحكوا , قنع مشى داير يرقص مع ناس البيت , إتلفت لقاهم برضو بضحكوا ..
يا مسخوط زي ما قال المثل سكتنا علي كدة , وإيه من زمناً يا يرحم ..
أبنوسي
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
احتمال يا تبلدي الناس القاعدة في الضللة ديل
يجيهم أنقلاب يوم جمعة يخلّصهم من الوجع بي وجع
جديد... وممكن برضو تقع حيطة وينزف شريان يموت حلم
وبعدين منو القال ليك أركان النقاش حلّت مشكلة بلد
ما كل يوم الناس ديل بتكلموا لحدي ما فتروا
عملوا شنو ؟؟ وحلّوا ياتو مشكلة.. في النهاية كلهم
بتلمهم الكافتريا و الشلتر وببدا الخلط بي مزاج
ياخي فترنا من الكضب علينا يا أبو الشباب...
بناتنا كلهن بقن بفكرن في أسهل الطرق الي روما
وروما دي عشان يوصلوا ليها لازم يقيّلوا في كم محطة
وفي وقفات ممكن تخلي الواحدة تقيف أجبارياً في( الدايات)
ويبقي الحال بي موية وكملت زي ما بقول المثل الشعبي الجائع
Quote: ناس الأيذز يشيلوا تقاريرهم ويبيعوها حجاب محبة ؟
|
وناس الأيدذ ما يكتبوا تاني أيي حاجة
خليهم يوفروا مصاريف اللجان المنبثقة عن عدّة لجان أخري دي
و يبنوا بيها المدرسة ويدّوا الام ( حـق اللبن) ودي الاشكالية
عارف نحن لو قدرنا نتخطي مشكلة حق اللبن دي بنكون وصلنا لي حل
جزري للمسألة.... ياخي التربية بتبدأ من البيت يا أمير
وانت بتفق معاي.. أها لو لسة ناس البيت ما قدروا يجيبوا حق اللبن
وطبق الكسرة تفتكر حنقدر نعمل حاجة لي الشافعة المرقت كايسة الملح
في شوارع الخرتوم عشان تشرذط فاتورة الكريمات والهديمات ؟؟
اما بخصوص ما زكرتهُ خارج النص فهذا يحتاج لاعادة صياغة
او شوية شجاعة ونواصل يا قبيح....!!
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
مغترب واربعة أعمارهم فوق الأربعين بي شبر
وهي أم شبر ما راعت حق المغترب بي الإستمتاع بي صوت شكرو ..
نعود ويعودوا الراجيهم يصلحوا حال البيت في البداية .
لو ما رجعوا ينصلح حالو كيف ؟
أعمل إستفتاء شجاع في داخل حواشة القصر الجمهوري و أسأل من رتبة فريق نزولاً لي ناس التشريفة وحتلقاهم عارفين الحاصل في شارع النيل وأسبابو ومسبباتو ودواهو , أكيد حيتجاهلوا إنهم ما السبب زيك وحيقولوا الأسرة براها جوّعت روحا وأبت تاخد بي كلامنا لامن قلنا ليهم أكلوا باسطة مادام مافي عيش , والباسطة برضو أحسن من فتات جحور النمل ..
يعني نجوع نسرق نشبع نزني دي طلعت طابور سااااااااي ؟
احسب وقول معاي علي حسب ما فهمت من كلامكم
اولهام الميديا الدخيلة وتلفزيونا الطارد الما وفّـر بديل لي جداد الوادي .
تاني الأسافي الجوع الكافر دمّـر اعماق مدينتا الخرطوم .
تالتاً الفراغ .
رابع شي سياسات التعليم العالي , شالوا الدعم من وجبة وسكن الطلاب وخلّـوهم يمارسوا سياسة الإعتماد الزاتي ( ما كلهم طبعاً في الأغلب لكن هم شريحة ليها أثر ) ودي ما أقل من فظاعة حل الجيش العراقي في رأيي .
خمسة الأسر السودانية البرّة والمقتدرة والبتحلم أولادها يكونوا خريجين جامعة الخرطوم ( الحلم القديم ) , يجيبوا أولادهم ويحمّـلوهم المسئولية في بيئة يصعب على الآباء الموجودين إنهم يعملوا شي حيالا .
والنقطة السادسة التقدم والحضارة وتغيير مفاهيمنا علي حسب الزمن العايشين فيهو .
وأخلي ليك باقي القول , أو ليها .
أبنوسي
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
شكراً أستاذ أمير
وطبعاً حلوة أستاذ دي مش كدة؟؟
من غير أستفتاء النتيجة معروفة يا أمير
ولو سمحت خليني أوضح ليك نقطة أساسية في الموضوع
انت كدة بتلمّح لي أنو المسألة بقت مسألة كيف!!
يعني تعاطي الجنس بقي مزاج و أشباع لي غريزة
طيب ليه الناس كلها عارفة أنو في أوساط الطلاب
بتلقي أكتر شريحة بتتعامل مع المبدأ الرخيص دة
واللي هو الجنس من أجل الساندويتش والفستان
الشريحة دي بنات الداخليات.. وعلي فكرة انا كاتب
زي قصة كدة عن الحالة العايشنها بنات الداخليات
من مآسي و أشكاليات و أوضاع صعبة و أباحية وتعهّر
بس رأيت أني أعدل فيها شوية لآنها زي الصريحة اكتر
من اللازم و انا كرجل شرقي في مجتمع شرقي بنرفض الحاجات
دي في كلامنا و ان كنا بنقراها بي مزاج ونولع ليها سجارة
ومعاها كباية شاي حمراء لكن لما نجي نتناولها بالنقد والتشريح
بنقول دة واحد منحل و أباحي وغرائزي وغيرو......
يعني بنات داخلية علي عبد الفتاح ديل عملوا كدة للكيف بس؟؟!!
| Quote: رابع شي سياسات التعليم العالي , شالوا الدعم من وجبة وسكن الطلاب وخلّـوهم يمارسوا سياسة الإعتماد الزاتي ( ما كلهم طبعاً في الأغلب لكن هم شريحة ليها أثر ) ودي ما أقل من فظاعة حل الجيش العراقي في رأيي |
انت قصدك ( الاكتفاء الزاني؟؟؟؟؟)
يا زول سياسة التعليم العالي دي خليها هسة
و(طلاب دعم الصندوق ) دة أقفلوا زي ما قفلوهو بالضبّة والمفتاح
و اكيد حنواصل
بس عملت لي مغص بي كلامك دة
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: theNile)
|
لووووووووووووووووووولز@ النيل
ياخي والله كلامك لذيذ
لكن انا خايف الجماعة يحولوك لي
محور الشر هههههههههههههههه
| Quote: عايز يعرس بنت اقل 18 سنه عشان يمتع بها من غير ان افكر فى البنت وامالها |
عارف الكلام دة أنا بقترح تحولو لي ود قاسم
صاحبك قال داير يعرّس ومقوم الدنيا ومقعِّدة
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
فى انا بعرفه دخل على الخمسه واربعين ومكرش ومصلع خطب بنت عمرها 24 سنه وقال البنت كبيره الغريبه عامل فبها تقدمى وافكاره متحرره دى مانكته جد حقيقه
حبيب نوره محور الشر دا شنو طيب اسمع دى
فى قال الى جماعة انتم كلكم تحت جزمتى دى فى صاحبو كان مع الجماعه فقام قال انا برضو معاهم فقام صاحبو رفع الجزمه شويه قال ليه انت اطلع
عشان كده خليهم يطلعنونى بره انا صاحبهم
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
حبيب نورة...
سلام وأشواق...طبعاً يسرنى ان اكشف لك طريقتى فى قرأة مثل هذه البوستات الصادقة...
انا ببدأ بالردود ومنها برجع للموضوع الاصلى...لانو لا تسأل عن البوست واسأل عن محاوريه-متداخليه وهناك ستعرف الموضوع الاساسي كان شنو....
أحى مرسلة الرسالة على الصراحة واستغرب تحفظات مريم بنت الحسين (الما معروفة)...
بداية...أى حاجة بتنتهى سريع...فهى رد فعل...لذلك استعير من الاخ هشام أمين النصف الاخر من القانون...وهو مساوً له فى المقدار...ومضاد له فى الاتجاه...
Quote: ليه يا ياسين الشارع السودانى دا بقى زفت و طين كده ما عندو تفكير الا فى
الجنس |
أساسا لا توجد تربية جنسية فى المجتمع أو المدارس فى السودان و ايضاً...وهى من المحرمات...
| Quote: زمان كان الرجل السودانى بيحترم البت المهذبة هسع ما يشوف ليك أى بت طوالى |
ً يا ستى...غابت الاندية الاجتماعية والرياضية والثقافية فى الاحياء...
ثانياً يا ستى...اصبح المجتمع السودانى ذا طابع رجولى (كالمجتمع السعودى)...
ثالثا يا ستى...الحكومة قالت للناس الحياة صعبة ومستحيلة...فركض أولياء الامور الى الخارج...تاركين ورائهم فجوة لا تستطيعها الامهات...
رابعا يا ستى... المجتمع السودانى أثبت انه ضعيف فى استقباله للوافد من الخارج...وغير مستعد لتحوير الامور فى مصلحته...
Quote: والشباب السودانى معروف بأنو نشط جنسيا لكن هل الجنس هو الوسيلة الفعالة
لحل
المشكلة بتاعة أرتفاع سن الزواج وهل الرجل لازم يمارسه مع كل من هب و دب |
فى حاجة اسمها ثقافة الفقر يا ستى..شفت الكلام دا عمليا فى مصر...البواب فى العمارة ساكن فى غرفة صغيرة جداً...ومعاهو زوجتو (من البلد) و10 أطفال..كل سنة طفل...
تعجبت من الكلام دا...فسألت ليييه؟؟؟
عرفت انو البواب دا...العمارة كلها بتفرغ فيه سخطها... وهو لا يجد من يفرق فيهو سخطو...لذلك يفرق هذا السخط فى زوجته... هذا من ناحية...
من ناحية أخرى: لما البواب دا يموت..وعشان ما عندو القروش الكافية لتأمين مستقبل أولادو بيقوم يلد أولاد كتار..أنطلاقا من انهم حا يشتغلوا ويجيبوا ليه قروش...وان يرثوا وظيفته مستقبلاً كضمان للمسكن...
Quote: زمان كان الواحد يحب من بنات الجامعة أو من جيله لكن هسع مع ظروفنا
الأقتصادية دى النجاح بتاع قصص الحب بقى أسطورة من نسج الخيال بقى الواحد |
كل واحد/ة عندو احلام مختلفة..لكن يسود الجبن فى مجتمعنا... قصص الحب الخالية من التضحية دى..ما حب ولا حاجة...ما سمعتا لى بى واحدة شردت مع حبيبها ومشوا أتزوجوا فى مكان تانى...خوفاً من (الفضيحة)..الخايف من الفضيحة يا ستى يستحمل الانحنا فيهو دا...
وبعدين زمان...زمان...زمان....انت دايرا تعيشى زمان ولا حسع؟؟؟؟
Quote: • الجرى بتاع المجاملات و الأعراس أجروا حصلوا الجنازة فى المقابر ...
أجروا
فلان فى المستشفى ... أجروا باركوا سد المال ...العقد.... حتى الولادة ...
تلقى
الرجال فى الدايات!!! أما آن لهؤلاء أن ينخمدوا ؟؟؟؟ و يشيلوا نفسهم من
الشلهتة
|
فى حاجات ممكن نتجاوزها...وحاجات لا... وتذكرى انو الرجال بيمشوا بجلابية تمنها ما غالى...
المشكلة فى التياب (البوبار) دى...
| Quote: فى الختام تقبل شكرى و اعتذارى ماشة أنوم الهواء حلو جدا فى الحوش والقمرة |
ان شاء الله بس الكهرباء فى!
انا لست من انصار ايام زمان...فنحن ابناء اليوم...لنا ان نحيا حياتنا وفق ما نهوى...
ولكم الودّ...
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: AnwarKing)
|
الاخ العزيز باشمهندس أنور
لك التحية يا غالي
وبالفعل مداخلتك هي الافضل حسب تقييمي الخاص
مع أحترامي لكل الاقلام التي تسكعت هنا وهناك
لكن باين يا أخ أنور أنك اخدت جولة متأنية
وما أكتفيت بالمطالعة ساهي كعادة أغلب الناس
في زمن الجري والطيران................. عموماً
الاخت أخيراً أرسلت تعليقها علي مداخلات الاخوة
البورداب و بتشكرهم كثيراً وانا ح أنشرها بعد الرد
عليك مباشرةً و بتمني انو قلمك الانيق يكون حضور
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: حبيب نورة)
|
آآآ
تقريبا البت دي يا ابو الشباب بتتكلم مع الناس السودانيين ديه
نشوف تحديها ورأيها ح يلاقي مجيب ؟
نتمنى ما يطلع النقاش عن الواقع البتحاول ترسمو لينا نحنا البعيدين .
وين الملايين
وين الجندريين
يلا يا ناس علينا جاي
سوق نخاسة القرن الكمين
مين من عجبو السعر يشيل
الدفع كاش ومقدم
ولا ترد البضاعة بعد خروجها من السوق
المرحوم وطن ما قدرك
قدرك انك ولدو
البس يا ولدو مقاسك البناسبك
كلو في
من طرف سلك الجامعة لحدي بوابة القصر الجمهوري
ولو العسكري المهندم فك اللعب وخلا الناس تخش كداري عشان تملح من قدام القصر , كان مزادنا ما ح يتسثني من المليون رقعة طايرة دي الكمين شبر حاكمننا منها الخلفاء الجدد .
في الإنتظار
أبنوسي
| |
|
|
|
|
|
|
|
|
|
Re: بنوتـة سودانية تفتح النار علي مشهد ومرأي من الجميع (Re: tabaldy)
|
التبلدي الحبيب
كيفك يا قبيح
نقطة نظام... اول حاجة عجبتني طريقتك المميزة في طعن الفيل
و شايفك بتمارس نفس اسلوب المدرسة الأبنوسية المعاصرة
و بعدين انا بلمح جواة السطور و خلفها ملامح وجع دفين
و قدرت شوية السخرية دي تعبر عنو ببلاغة فريدة في نوعها
اما عن لب الموضوع فأنا دوري أنتهي ما ح أقدر أناقش القضية
وبالتالي هي تحت تصرف الاخوة الاعضاء
وتسلم يا الهميم تسلم
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
Wad Ballal
Ahmed Elsharif
ترهاقا
Habib_bldo
nazar hussien
Hisham Amin
أبو ساندرا
عوض الله الفولانى
شمهروش
Agab Alfaya
مريم بنت الحسين
صديق الموج
zola123
قرشـــو
abuguta
theNile
AnwarKing
فيس بوك
تويتر
انستقرام
يوتيوب
بنتيريست