شاهق الشوق ود حرام !! يا بنيّة يا ود اللزينة!!! سمحة زي مشروع دمعة بت ناس....!! مارقة بي خشم باب عيوني .... تتلفّت ملفّحة بي الرموش خايفة من غزل المناديل وليدات الشوارع!!! جاييك بهضرب بي وعي الزول المهنضب بي رصاص نظرة حنان وانا بين أزيز صمتك وخازوق الكلام ... راجي اللغات تمسح وشِي الصوت البنفسج ... و المزركش والمبهرج
..........!!!!!!!!
يا ود حلال فرحي القديم !! حرمت عليك كل السِكك فضلت مسفلتة بي الودار في لحظة كان سمح النهار... سماح يوماً تكون انت الصباح
مالك مشحتفة بي أذ ؟؟؟ وانا حُضنئِذ قابض مكنكش في العصب عامل المسافة البين ضلوعك والموات شارع معبّد باللهب... وبنعل زمن رافض الحوار
.....!!!!!!!!
شايلة حِسِّك زهرة طفلة! قالت نداك يا بنية غنوة ... شايلة حسك حلة حلة شربوا بيك جبناتهم و حلُّوا بيك قعداتهم... وقطعوا فيك!! وقطعوا ليك رحط كل الغناوي التشابِه هجعة دمائك في المسامات المقيّلة في زقاقات الوريد!! زي اليابة سفرك للبعيد... وانا زي براي عصفور مدنقِر فوق صومعة صياد قمحاتو ظالمات الشراك وانا في الشباك يا هذه المصنوعة من لبن الملاك انا في رجاك
......!!!! بمزاج مسائي متصالح مع دفق الاصائل الدفيئة ...... دعيني أرتمي علي حقل الابنوس الشهي ....و ألقي بظلال الشوقات المترعة بالحنين علي دفق أنفاس البنيّة الشاربة من نهر الشوكولاتة العظيم!!! وبنفس المزاج الوسيم ... أنحني أمامك و أنتي تلوني كرويات دمي الحمراء بعطر الكاكاو ... وتمنحي نفسيتي أستثنائية مدهشة التفاصيل..... يا أيتها المسكونة همساً ندِي ... غادريني أليا !!! و أنتي تؤسسي بعيونك المتعبة عالم من السحر البهي !!
والآن دعونا نصنع من الدمعة... مشروع فرح جديد!!!!!!
01-04-2007, 02:25 PM
مهند الجيلي بادي مهند الجيلي بادي
تاريخ التسجيل: 10-12-2006
مجموع المشاركات: 324
أقيف .. خليني أرتب كل حروف القول الواقفة أجيك صافي وأدخل منك مجرى الدم أو أقعد ساي أتأمل .... لحظة تمرق منك غنوة مدوزنة بيها وعلى أوتار الإلفة غناك
ياخي ...
ما تجهجه أفكار اللحظة وأوعك تتأخر لم تنادي عليك أشواقي . . . حبيب نورة ،، . . وأنا بقرا فيك دخل علي مسنجريا الحبيب معتصم سليمان هذا الوريف واتكلمنا عنك ما شوي حقيقة قلمك بريح في الحشا . . . مرفق : كل المحبة بــــادي
01-04-2007, 02:56 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
مهند الجيلي أنا ما مسؤول ....لو كسح الريح رايات الهدنة .. وجيتك شايل الشوق مسلول انا ما مسؤول ... صـامن عيني ما ندهن ليك .... ما فطرن دسـّن فرحن بيك ....ماهجعت صحوة تفتش ليك ...بس قبل دخول وقت الاذاّن ..... مرقت دمعاتن لوعة شوق وانا ما مسؤول. تسلم لي انت والحبيب معتصم سليمان ومرحب كمان بي صداقتك يا أخوي وما قصرت تب يا خاتي القول
01-04-2007, 03:13 PM
مهند الجيلي بادي مهند الجيلي بادي
تاريخ التسجيل: 10-12-2006
مجموع المشاركات: 324
أحساس أنك مني ما فارقني شوي وانا بعمل جولة في (غاليري) همساتك خطك سمح وهجك سمح فهمك سمح انت زاتك سمح السمح سوا السمح جاب السمح دهب القمح... في كل سنبلة سبع قنابل عنقودية تهد راس بيت الحزن الفينا والحنين جوانا مضاعف و أحساس أننا كنا هناك مشخبت حروفو في كل الحيطان والجدران وعتبة البيت ما كنت براي هناك انا وانا ومهند في جواتي وفي محطاتي وسفري البنتهي عندك ياخي ما تجي نرقص؟؟؟ ونشرط التزاكر و نسب الدين لي سيد العربية تقوم بينا ؟؟؟؟!!!! يا أخوي تسلم وخليك معاي ما تبعد حزار؟؟!! و بصراحة كدة يا مارولينا يا تخلينا!!!!!!!!
01-04-2007, 03:41 PM
مهند الجيلي بادي مهند الجيلي بادي
تاريخ التسجيل: 10-12-2006
مجموع المشاركات: 324
أنا جيتك تاني ملان بي هسع وشاىيل دمعات من وهج الشوق وحنين لابد من يوم ختت نسمات المغرب عيونا على فجري وقعدت تتغزل . . . سميتك .. ضل ضحوة فنجان قهوة أو ما شابه (الاتنين سمحين بالحيل) . . . دمعة بت الناس متكية عشان تتدفق فوق الزمن الخلى غناهو براقب فيها وعامل ما شايف ...
(وليستمتع بهذا المنظر)
لّبد مناديل الضهر دساها لي دمعات فرح (هو أصلا غتيت) . . . خليني أبدا وما أقيف أبدا المشي من أول الطرق المعبدة بالودار .. وفي مفترق الطرق الذي يقع بين الودار والإنكسار أسكت واصهين من غناوي اللقيا والفرح الجميل وألم علي كل الخطاوي الواقفة راجية البسمة في أول رصيف أصلو الرجا أصعب من الموت البطيء . . . . . مرفق : مطرة مواعدة خطاك بالخضرة بـــــادي
01-06-2007, 03:50 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
ود الجيلي وانا جيتك تالت والشوق يا صاحب وحبابك عشرة الله يضاعف لمن يشاء يا سيدي من حقوا و lمن طبيعة أختصاصوا وبصراحة كدة ما قادر أرد عليك وانا بشبهك شان كدة بجيك رايق و ما متضايق وتسلم يا سيد الذوق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حبيب نورة
مهند الجيلي بادي
فيس بوك
تويتر
انستقرام
يوتيوب
بنتيريست