أجهــاض في البورد والأدارة تتفـرّج!!!

لاوعي الزول قنديل لي وعيوا
ونبض الحلم المارق منك فيه ملامح من صحيانك
ولما جبين القمرة يضوي
ويزرع فيك مشاعل الفكرة
انتي الضي الكامن فينا
وانت الطيبة الساكنة ضميرنا
لي بكرة وبعد بكرة
وزي ما ليكي بتمشي خطانا كيف ترجع منك شايلة الحســـــرة


لاوعيك انتي الفــــــــال للقمحة
تحلم بي احضان الجدول
تبرّج رافعة الكلفة سنـــــــابل
ما بتخجل من ريح الصـــــحرة تشوفا
تجدع فوقا تياب المحل الناشف
وتكشف حـــــــــالا !!!

ضّيك انتي بفض بكّارة الليل الظالم
وهو البديك عزريّة شمــــــسك
يهز اوتارك بي شبال
ضيّك باقي لينا الفـــــــال
حكاوي تهدهد للاطفـــــــال


بفتش حرفك شان اقراك
واعزم نفسي عشان اقراك
فرحة حزينة وحزمة نور
غــــــــابة بلّــــــــــــور
اهد الســــــــــــــــــــور
الحايل بيني وبينك بالأحساس
شعور تسمعبو عيون النــــاس
ما تجهضي حلمي بدعوي العفة
شرفك لينا وسام نفخربو
قبلك مريم هزت نخلة ريدنا
ومريم كانت اصل الصورة
اتعرّى واكشفي لينا مفاتن شرفك
ما تتغطّي مغارة وليل
كوني فنارة وكوني دليل


في اللاوعي اتحكّر رسمك
ضجّت فيني وساوس حلمي
خطواتي بريئة انفعلت بيك
دون تقصد نهضت راحت ليك
ومنك جابه الوعي المؤلم
وقال للنبض البين ايديك
اكتم حسك ولم الفضل من انفاسك
وانسي الزول الشغل احساسك
ارجع فتّش اهلك وناسك
مين قال ليك
في الزمن الماسخ وشين
بكرة احلامنا بتبقي حقيقة
قبال تحلم
لازم تعمل
سبحة وراية وشيخ وطريقة
اكتم حسك
عشان ادّيك امكان لي صرخة
قبال جيتك
كنت بشيلك جواي يا سمحة بشارة ونور
في وعيي حملتك تسعة شهور
وقبل جنيني الأمل الفيني
يطل للعالم أحلي هديّة
مات الفرح البكرة سمايتوا
حلم العالم شفنا نهــــايــــتو
كيفن نبكي الفاتنا صبيّا؟؟؟؟
وبقول للزمن الزاد في جنونو
لو اّمالنا عليكا بهونو
وتحكم فينا بسوء النيّة
(لقد جئت شيئا فريّا)
(لقد جئت شيئا فريّا)
لقد جئت شيئا فريّا