دعواتكم لزميلنا المفكر د.الباقر العفيف بالشفاء العاجل
|
|
 الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو
|
رمضان كريم
=======================
طلع البيان
وتحديتهم باني لم اوقع باسم بورداب الرياض في اي محفل كان
ولكنهم كانوا مصرين على رايهم
معتمدين على كلام لمحمد حسن طلب
وكتبوا في جريدة ( السوداني )
ولهذه قضية اخرى ساثورها مع اصحاب الجريدة بخصوص نشر موضوع ملفق عني ( اشانة سمعة )
================
تحديتهم هم ومحمد حسن طلب
بان يثبتوا باني وقعت باسم بورداب الرياض
وحتى الآن انا في انتظار دليلهم او الاعتذار
|
|
 
|
|
|
|
|
|
|
 Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: ghariba)
|
دليل
بتاع فنيلتك يا غريبة ..
انت اعترفت رسمي هنا ولا قاعد تنسي
هل محمد الحسن .. كاذب
هل احمد علاء الدين كاذب
هل فاضل هواري كاذب
الكل سمع .. صلاح غريبة يوقع باسم سودانيزاونلاين+ اعضاء المؤتمر الوطني+++
والكل يعرف ان الوثيقة توقعت بالرياض ..
وعنوان البوست يحدد المكان ..
اقرأ هنا
Re: لجنة بوردب الرياض : من أجل حفظ ماء وجهكم ومن اجل دي...تناديتم بها يجب مواج
ودا كلام محمد الحسن
Quote: وبالمناسبة وقد كنت شاهد عيان لتلك الجموع الغفيرة باستراحة الفيصل بالرياض
الرافضة لقرار دخول القوات الاممية دارفور وقد وقع الاخ/غريبـــة انابة عـــن
أعضاء سوتدانيز أون لاين بالرياض 0 |
وهذة شهادة احمد علاء الدين
Quote: قد كنت من ضمن الحضور لهذااللقاء,بصفة شخصية,وشهدت(توقيع)بعض ممثلي الأحزاب و التنظيمات والاتحادات والجمعيات الخيرية على الوثيقة المعنيةبرفض القرار1706ومن ضمن الموقعين على القرار:-
*الأخ صلاح غريبة نيابة أوباسم أعضاء سودانيز أون لاين في المؤتمر الوطني |
نواصل
| |
|
|
|
|
|
|
|
|
 Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: ahmed haneen)
|
Quote: وهذة شهادة احمد علاء الدين
Quote: قد كنت من ضمن الحضور لهذااللقاء,بصفة شخصية,وشهدت(توقيع)بعض ممثلي الأحزاب و التنظيمات والاتحادات والجمعيات الخيرية على الوثيقة المعنيةبرفض القرار1706ومن ضمن الموقعين على القرار:-
*الأخ صلاح غريبة نيابة أوباسم أعضاء سودانيز أون لاين في المؤتمر الوطني
|
يا حنين كل رمضان وإنت طيب..
ما يا ها دي واضحه قدامك زي الشمس قال ليك أعضاء سودانيز أون لاين في المؤتمر الوطني
يبقى المشكلة شنو؟؟؟
أعضاء سودانيز أون لاين بالرياض تشكيلة ولحم راس فيهم الشايقي والجعلي والنوباوي والجنوبي، فيهم المؤتمر السجمي والبمبي وبقية الأحزاب والتنظيمات، فيهم الحبيب والقلبه رهيف.
يعني يا حنين أنا الليلة كان مشيت وقعت نيابة عن الشايقية في سودانيزأونلاين بالرياض ماشين توسوا لي زي ده!!!!
يا حبيب خلونا من مناكفة غريبه الراجل الطيب العلى نياته، بس أنتم مستغلين طيبته ومسكنته دي وساوينه الحيطة القصيرة وواقعين فيه لبيع.
أنتوا كان رجال ما تشوفوا ليكم واحداً شراني كلس مارق لي متل شغلكم ده وهابشوه كان ما يخرب زينتكم في الشهر المبارك ده.
وبالله عليكم الله خلونا من المشاكل دي وشوفوا لينا فطور رمضان حق البورداب متين متين؟؟؟
أصلي اليومين ديل عزابييييييييييي وطالق قيدي ولا وزارة داخلية ولا خارجية وما في ما شي وين وجاي من وين...؟؟؟
الشايقي
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: ghariba)
|
فعلاً غريب يا غريبة ..
عشان كده أنا بتساءل من يكتب باسم غريبة ..
بعدين السياسة الإنت متبعه دي شوف غيره ..
نحن لا نتبع معك أسلوب بوليسي ولا " سك سك " ..
خليك إنسان واضح وصريح عشان الواحد يقدر يتعامل معاك ..
اليوم تحدثنا طويلاً في الموضوع دا والآن أفاجأ بكلام آخر عكس ما ذكرته لي ..
كونك وقعت دي أنت بي نفسك جيت بروايات مختلفة فيه ..
واليوم قلت لي إنك كنت بتهظر مع محمد الحسن وأحمد علاء الدين وانت عارف الكلام دا مرده شنو ..
يعني كلامك مردود عليك وصدقني آجلاً أو عاجلاً سنكتشف من وراه ..
صدقني الكلام دا ليس المقصود به صلاح غريبة ولكن المقصود به من يريد زعزعة هذا الجسم المتماسك ..
طيب أنا ح أوريك تعمل شنو نصيحة لله ..
شيل كلامنا دا وديهو لمجلس الآمن وقول ليهم بورداب الرياض كتبوا وعملوا ..
وبالمره أشتكي لينا معاك حكومة الكيزان قول ليهم ياخي الناس ديل شردوا وقتلوا ونهبوا بلد إسمه السودان ..
بعد داك إن شاء الله نمشي غوانتنامو ..
بجيك راجع تاني ..
| |
|
|
|
|
|
|
|
|
 Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: ghariba)
|
غريبة
ورغم انني اشك في انك غريبة
احتمال يكون احد موظفي سفارة المؤتمر الوطني
بلاش نطيط
دا كلام الشهود
ودا كلامك انت براك ..
اقرأ اعترافك هنا
Quote: بصراحة :
لم اذكر اسم بورداب الرياض في التوقيع
والذي ذكر هو اعضاء المؤتمر الوطني في منتدى سودانيز اون لاين
وهو جسم شأنه شأن اي جسم آخر ( بورداب الرياض مثلا )
ولا يعني اعضائه من هم داخل مدينة الرياض فهو يشمل كل الاعضاء في كل انحاء العالم
هل تودون الحجر عليه كذلك ( يا بورداب الرياض ) |
طيب الزوغة ليك تاني شنو..
ليس هناك اي حوجة لدليل مادي
فالأعتراف سيد الأدلة ....
يلا تعال
فسر لينا كلامك الفوق دا
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: معتصم دفع الله)
|
الإخوة الأفاضل
رمضان كريم
الظاهر إنو أوضح من الواضح حيكون فاضح ..
و الواضح و الثابت أن الأخ المهندس صلاح غريبة وقع على الوثيقة محل الخلاف بإسم :
| Quote: .. عضوية المؤتمر الوطني في سودانيز أونلاين .. |
و أوضح من الواضح أن الإسم الذي وقع به الأخ / صلاح و إن كان لكيان وهمي أو حقيقي إلا أنه لا يعني بحال أنه قام بالتوقيع نيابة عن السادة / بورداب الرياض أو أعضاء سودانيز أون لاين ..
أهة ,, يعني الزول دا بالعربي كدا ما أنتحل إسم كيانكم ..
و لا وقع بإسمكم ..
بس إنتو قمت شبيتو فيهو ساي كدا ..
تعتذروا .. ما تعتذروا .. دا ما موضوعي ..
المهم عايز أقولها واضحة و صريحة ..
غلطتو في حق الزول دا ..
و بعد كدا إنتو مخيرين ..
تحياتي لكم جميعاً ..
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: bayan)
|
Quote: هنا الناس بتشوف الحق وتحيد عنه
وبلتو ويعجنو
عشان الموضوع الاساسي يضيع.. |
منو البلت ويعجن يا دكتورة ؟
ووين الحق أصلاً البتتكلمي عنه ؟
نحن بنتكلم في قضية حصلت هنا في الرياض وكان ممكن أن لا نتطرق لها هنا ..
وعشان غريبة هو الجابه هنا نحن ردينا عليه ونحن دي " بورداب الرياض " ..
Quote: نعم لم يوقع غريبة باسم بورداب الرياض
ولكن باسم المؤتمر الوطني بالبورد.. |
يا سبحان الله شئ مضحك حقيقي ..
حتى البكتبوا هنا ويدافعون عن الحكومة ينفون إنتمائهم للمؤتمر الوطني ..
مع العلم كل الموجودين في المؤتمر الوطني من بورداب الرياض شخصين فقط ..
ونحن لا نميز بين إنتماءات الأعضاء وعلاقتهم بالمجموعة ولا في إختلاف أفكارهم كذلك ..
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: عصام دهب)
|
الله أكرم يا عصام دهب ..
طالما ارتضيت تدافع عن صلاح غريبة كان من الأحرى أن تشوف الدوافع وراء ذلك ..
صلاح غريبة ينتمى إلى عشرات التنظيمات بالرغم من إختلافها الشديد ..
مؤتمر وطني ..
رابطة رياضية ..
جمعية الصحفيين ..
أبناء الأبيض ..
والقائمة طويلة ..
إذاً السؤال لماذا سودانيز أون لاين بالتحديد ؟
وما هي دوافع الأخ محمد الحسن في إثارة ذلك مع العلم بأن محمد عضو مؤتمر وطني وينتمي لمجموعة بورداب الرياض ..
وليس هناك ما يسمى سودانيز أون لاين مؤتمر وطني وإن كان ..
بل هناك مجموعة تسمى بورداب الرياض ولها السبق في هذه التسمية هنا والجميع يعرفها ..
وكذلك كل الكيانات والجمعيات في الرياض يعرفونها وهذا بيت القصيد ..
بالأمس كنت أتحدث مع صلاح غريبة ونفى لي أن يكون هناك كيان آخر باسم سودانيز أون لاين في الرياض مع العلم أيضاَ عنوان البوست الذي فتحه صلاح "الكيانات والتنظيمات بالرياض" يعني ما في بلاد الواق واق ..
وأزيدك أيضاً ليس هناك خلاف شخصي مع صلاح عشان ما تمشي لبعيد والغرض كله نفي ما تم باسم بورداب الرياض فقط ..
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: إسماعيل وراق)
|
جزاك الله خير يا معتصم
ثم يا معتصم ..
روق المنقة ..
و حتى تفهم كلامي أتمنى أن ترد على أسئلتي التالية مباشرة :
هل السيد / صلاح غريبة وقع على الوثيقة بإسم أعضاء سودانيز أونلاين ؟؟
هل السيد / صلاح غريبة وقع على الوثيقة بإسم أعضاء سودانيز أونلاين بالرياض ؟؟
الأجابة في الحالتين لا يا معتصم ..
الزول دا قيل إنو وقع بإسم بورداب الرياض بسودانيز أون لاين ..
و الكلام دا اتضح إنو ما صاح ..
| Quote: وليس هناك ما يسمى سودانيز أون لاين مؤتمر وطني وإن كان .. |
القال ليك منو يا معتصم ..
لو ما في ما كان وقع بإسمو ..
أما مسألة إنو وقع بإسم تنظيم فيهو نفر و لا نفرين و لا تنظيم قاطعو من رأسو دي حاجة ما بتخصكم في شيئ طالما لم تنتحل إسم كيانكم المصون ..
| Quote: وأزيدك أيضاً ليس هناك خلاف شخصي مع صلاح عشان ما تمشي لبعيد . |
يا معتصم و ليس أنا من يدافع عن صلاح غريبة لأي دافع غير إحقاق الحق ..
و لعلمك انا أختلف مع صلاح في توجهاته السياسية و حتىت في إنتماءاته إختلافاً كاملاُ ..
و ما يهمني هو إحقاق الحق سواء لبورداب الرياض او لصلاح ..
إحقاق الحق و بس يا معتصم ..
| Quote: والغرض كله نفي ما تم باسم بورداب الرياض فقط |
لم يتم شيئ يا معتصم ـ من قبل صلاح ـ بإسم بورداب الرياض ..
و الحقيقة أن بعض بورداب الرياض أخطأوا حينما إتهموا صلاح بإتهام ثبت أنه غير صحيح ..
و كان حري بهم أن يتفرسنوا ..
و لكن ..
لك إحترامي
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: ghariba)
|
لاخ العزيز الاستاذ عصام دهب
تحية ود
اشكرك كثيرا على مساهمتك في هذا الموضوع واذكر لك اهم بنود الموضوع :
انا لم اذكر بورداب الرياض في المذكرة التي رفعتها من اجل التوقيع
شخصيا لم اوقع في اي محفل عن سودانيز اون لاين بورداب الرياض او مؤتمر وطني او خلافه .
ماذكره محمد حسن وغيره عبارة عن مناقشات جانبية تمت ورسالة اعلنت بواسطة المايكرفون ولكن اثناء التوقيع على الوثيقة لم يتم ادراج سودانيز اون لاين .
عليه فانهم اسرعوا في اصدار بيان باهت قام على اساس معلوماتي خاطئ
وبناء على هذا البيان قام الاخ اسماعيل وراق بنشر البيان في جريدة السوداني بصورة مبتذلة
أذن اليس من حقي ان ادافع عن نفسي
ومهما قالو
ومهما ذكروا
فبيننا الادلة الدامغة
فهم حتى الآن لم يستطيعوا ان يثبتوا اي دليل ادانة لي
ولكنهم فقط ( فالحين ) في اللت والعجن
والكلام البيوجع الراس
بصراحة اعتذروا لي وانا ساقبل الاعتذار
وبخاصة ونحن في شهر رمضان الكريم
بدل اللت والعجن الما عنده معني
شكرا استاذ عصام على المداخلة .
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: تولوس)
|
| Quote: انت المتهم وعليك ان تثبت برائتك من دم يوسف |
الأخ / تولوس
رمضان كريم و تحياتي ..
ياخي كلامك دا ما معقول ..
أبسط قواعد الإثبات تقول ( البينة على من أدعى ) ..
و كأني بك تقول ( المتهم مدان حتى تثبت براءته ) ..
السادة ـ بعض ـ بورداب الرياض عليهم أولاً أن يثبتوا أن غريبة أنتحل صفتهم ..
و طالما أنهم عجزوا عن ذلك .. فإن أتهامهم لغريبة يعتبر باطل ..
و الأبطل منه هذا اللت و العجن ..
تحياتي تاني ..
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: عصام دهب)
|
عصام تصوم وتفطر علي خير
والله كلامك معقول وعين العقل لذلك سوف اعكس كلامي واحوله علي حسب اصول القاعدة القانونية ... علي اصحاب الادعاء ان ياتو بالوثيقة مكان النزاع وبما انهم ايمانهم ضعيف والعهدة علي دكين (ايمانهم ضعيف دي يعني ليس مؤتمر وطني اي غير واصلين)
لن يستطيعوا ان يتحصلو علي هذه الوثيقة لو كسروا رقابهم فعلي الاخ غريبة او كل من هو مؤتمر وطني ان يمكنهم من الاطلاع عليها وتصويرها وتقديمها الي قاضي البورد... حتي يحسم هذا النزاع
| |
|
|
|
|
|
|
|
|
|
Re: الاخ عقيد جماعتك ما جابو الدليل بتاع ادانتي حتى الآن وما اعتذروا لي اعمل ليهم شنو (Re: ghariba)
|
غريبة
كتبت
Quote: انا لم اذكر بورداب الرياض في المذكرة التي رفعتها من اجل التوقيع
شخصيا لم اوقع في اي محفل عن سودانيز اون لاين بورداب الرياض او مؤتمر وطني او خلافه .
ماذكره محمد حسن وغيره عبارة عن مناقشات جانبية تمت ورسالة اعلنت بواسطة المايكرفون ولكن اثناء التوقيع على الوثيقة لم يتم ادراج سودانيز اون لاين . |
طيب دا شنو الكتبتو هنا
Quote: بصراحة :
لم اذكر اسم بورداب الرياض في التوقيع
والذي ذكر هو اعضاء المؤتمر الوطني في منتدى سودانيز اون لاين
وهو جسم شأنه شأن اي جسم آخر ( بورداب الرياض مثلا )
ولا يعني اعضائه من هم داخل مدينة الرياض فهو يشمل كل الاعضاء في كل انحاء العالم
هل تودون الحجر عليه كذلك ( يا بورداب الرياض |
)
هل من تفسير
دون هروب .. او لف ودوران
| |
|
|
|
|
|
|
| |
ghariba
عاصم ابوبكر حامد
wesamm
ahmed haneen
Al-Shaygi
معتصم دفع الله
Ahmed Abdallah
عصام دهب
bayan
nile1
إسماعيل وراق
تولوس
seham_musa
فيس بوك
تويتر
انستقرام
يوتيوب
بنتيريست