وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 10:11 AM الصفحة الرئيسية

مكتبة تاج السر حسن محمد الملك (Tagelsir Elmelik)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

شغال في مجالو

04-30-2011, 00:49 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
شغال في مجالو

    شغال في مجالو

    التقيت أول مرة بمصطلح ( شغال في مجالو)، في مدينة ( نيويورك)، و كنت أعمل حينها في شارع منتزع من أعرق أحياء جهنم، أسمه ( أمستردام) أفنيو، كنت مثلي مثل غيري من أفراد فصائل ( البني كجة)، حريصاً على حياتي، حرصي على لقاء (الراجياني)، منتظراً في هذه المسافة اي سحابة تلاقي سحابة، مستتراً طوال ساعات دوامي، خلف لوح الزجاج ( الاكريليك) مانع الرصاص و القنابل اليدوية، سماكة عشرة بوصات، أقابل من خلفه الزبائن الأعداء بابتسامة وفائض ادرينالين، نتعامل تجارياً في أدنى الحدود الأنسانية الممكنة، استمع الى طلبات المستمعين عبر ميكرفون مثبت بالسلاسل، أردد السعر المطلوب مرتين، و عبر شباك يكفي بالكاد لمرور اطراف اصابع يد الزبون الصهيوني، تمتد اليد الغاضبة تدفع السعر المعين للغرض المعين، و تنتهي المبادلة التجارية الأنتحارية هنا و على الفور، لا سلام منك و ما منك تحية، الا أن الغالبية يتفضلون عليك قبل الأنصراف، بجملة واجبة، تبدأ بحرف ( الأف)، و تنتهي بماما.
    و كان أن زارني في هذا الخندق الدكاكيني اليماني المفخخ، بعد أن سمع بوصولي الى بلاد العم سام، صديق من أيام الدراسة الخوالي، دعنا نطلق عليه أسم ( عزو)، فاجأني بزيارته و أنا ارفل في سياق شخصيتي التنكرية، البيسبول كاب، و الجاكيت ابو هود، و كل خيرات حرامية نيويورك، البوم بوكس ( ابو اتنين كابينة)، واحدة للكاشف و التانية لوردي، و كروت التلفونات المسروقة وارد ( الفورتي سكند)، و التي تمكنك بزمن مبذول، من رفع الفاتحة مع ( ناس الحلة) فردا فردا دون فرز، و في يدي كوب القهوة الورقي الشهير – آى-رسم قلب-ان واي، كنت بأختصار جريمة في شكل انسان، سبحان من صور.
    أدخلت ( عزو) عبر باب سري، خاص بى و بالسيد عم أحمد، متربس حتي اليانق يانق، و في منطقة السلامة، وراء حاجز موت الغفلة، تعانقنا كصديقين عزيزين، شربنا نخب اللحظة من كل نوع من أنواع الصودا، كدي ضوق دي، و ابعدنا منها بكثير من التقوى و التقزز، كل نوع حوى مادة ( اف دي سي يلو نمبر فايف)، و التي سمعنا بأنها من مستخرجات دهن الخنزير، فقلنا مالنا و مال الحرام، و تذاكرنا قول بائعات الخمر في العيلفون ( يا شيخ ادريس، راجل الفدة و المدة، تلحقنا و تفزعنا و تبيع لى مريستي)، و تحاورنا بني كجياً ( سمنت مالك، ضعفت مالك، صلعت مالك) و اتينا على سيرة هنادي و شزا و اميرة، حتي حان الوقت لسؤاله عن الدكان الذي يعمل فيه، غير أنه نظرني يازدراء شديد و هو يجيبني:
    ( دكان شنو، و يماني شنو، أنا شغال في مجالي!!!!)
    بيد أنني و لعبط متأصل فيني، أعتقدت بأنه يعني توزيع مجلة ( المجال) الأمريكية الذائعة الصيت، و التي تنشر بكل اللغات الهامشية، و لكني علمت منه و كله فخر، أنه يعمل في مجال هندسة شئ لا أذكره، و أنه يهندس مع الأمريكان كتفا لكتف، و كدت أسأله بسبب من عادة استوائية سودانية أصيلة
    (جماعتكم ديل ما دايرين ناس؟؟)
    ناسياُ تماماً أنني لم أدرس اي نوع من أنواع الهندسة، في حياتي، و لكنها خصلة ( البغارة) التي تسبق تلاشتها العقل الى اللسان.
    و حين عودتي الي البيت في المساء، تباهيت بصديقي ( عزو)، أمام جمع بني كجة، المنهكين بسبب من مداورتهم لمهددات الحياة في الكوكب الأمريكي
    ( صاحبي طلع شغال في مجالو)
    فما أعاروني أهتماماً و هم يتابعون في لهف مواقعات السيدة ( فانيسا ديل ريو) المتعددة، على شاشة التلفزيون، فشريط الفيديو، يجب أن يعود الى قواعده في نيوجيرسي صباح الغد.
    سهرت تلك الليلة، أناقش بحثاً عقلياً باطنياً، تمحور حول اصول هذه الجملة ( في مجالو)، فلم أجد أقرب اليها منها غير جملة مصرية شهيرة، متدوالة بين المهاجرين المصريين، حين يقولون ( حمادة خد وضعو)، و التي تعني ببساطة، أن ( حمادة) وصل، و الوصول هو انسياب المال و الراحة التي تعقب ذلك، يليها فصل أما بنعمة ربك فحدث، فيظهر ( سنسال) الذهب، المتأرجح فوق الفنيلة ( اللاكوست)، مكتوب عليه اسم الجلالة، او اسم ( سحر)، و في حالات نادرة ( سناء) بهمزة مقدرة. وقد شاءت لى الأقدار، أن اشهد فصل تحولات السيد (سي مخلي) وهو يأخذ وضعه في اليونان، فقد تحول بقدرة قادر و في خلال سنة واحدة من العمل في البحر، من دمياطي زري الهيئة، الى راقص ديسكو معتبرفي ميدان ( بلاكا)، بل وأنه تحدث لغة يونانية، أعجب ما فيها، أنه كان يطلب حليباً، فيؤتى له بسمك.
    صحوت باكراً في اليوم الذي تلى يوم ( المجالو)، و كلي أمل في أن يمن الله على بمجال من عنده، و طفقت أراجع شهادات كل اصدقائي قاطني مانهاتن، و بروكلين و البرونكس، كوني ايلاند و استاتن ايلاند، فلم أجد فيهم من يعمل( في مجالو)، فشعرت بالرضا عن نفسي، عدا أن معظم الذين استقصيت سيرتهم، كانوا عدا عدد قليل، طلاب طيران في فترة ما من حياتهم، ما أن يلتقون في السهرات العامرة، الا و حلقنا معهم دون رغبة منا ( كروس كنتري)، و هاك يا ( ارتيفيشال هورايزون)، حتي يصيبنا الدوار من ( لاندينق) عوض. و لا ازال اذكر ولع البني كجة في الثمانينات بفكرة الطيران، حتى اصبحت الكلمة صنواً للعطالة، و رمزاً للرجل لا يزال مجداً في البحث عن وظيفة، ازداد شغف الشباب بالكبتنة، فسافروا في البحث عنها الى كينيا و و انجلترا و اليونان و دول البلقان و البلطيق، و عاد معظمهم برخصة لقيادة طائرة المحرك ( السنقل)، و ناموا يحلمون بقيادة ( الجمبو) الى هذه الساعة.
    وقد كانت امتع اللحظات عندي في حضرة الكباتن المرتقبين، جلوسي معهم نرقب السماء طوال ساعات الليل و النهار، و ما أن تظهر طائرة من طائرات ( سودانير)، في السماء، حتى يحتدم النزاع
    دي سايقا زمراوي
    لا ده كابتن سمير
    كنت امتلئ أعجاباً بهذه الدقة في معرفة قائد الطائرة، و هي تحلق على ارتفاع عشرين الف قدم فوق سطح البحر، و لكنني لم أترك للحزن و الاسف فرصة يأكلان فيها قلبي، فهذا المجال ليس مجالي، فأنا امرء لا اقدر على تحديد سائق بص الحلفاية، علي خدرا رحمه الله كان، أم طيفور قباض التماسيح.
    تغيرت ديموغرافيا المكان، و اطل الصباح الذي أتانا فيه مهاجراً، أول طبيب سوداني، دعنا نسميه ( عزو) أيضاً، أضافت رفقته ألقاً من نوع خاص، صباح الخير يا دكتور، مساء الخير يادكتور، أضاف بعداً جديد، توارت وراءه أقاصيص رجال أمن النميري السابقين خجلاً، كان حيياُ، مهذباً، نظيفاً، يحييك بابتسامة، حريص على ( الفلوسينق) قبل النوم و بعد النوم، قضى معنا قرابة الشهر، و مع ذلك لم يجرؤ أحد على نصحه بالعمل في دكان اليماني، حياءً و احتراماً، و ظل بعضنا يتبعه بالشكوى مثل ظله، الم في الحتة دي و الحتة ديك، ده من شنو يكون يا دوك؟؟؟؟ و ظل هو باريحيته التي لا ينضب لها معين، يجيب بمعرفة و دراية نادرين، لا تنقصهما الا قدرته على صرف الروشتة، و ما أكثر الذين يتوقون الى حبيبات (التتراسايكلين)، ففيها شفاء للناس، من المرض الدساس، في الجهاز الحساس، الذي يجئ من رفقة الوسواس الخناس، يا أعز الناس، صبراً و تعزية عن فراق أخلاص و ايناس.
    طال عهد البطالة بدكتور (عزو)، و هو ينتظر يائساً المعادلة و أذن العمل، واوراق و تحقيقات للبت في أمر العمل في مجالو، تناقصت الدريهمات، و خف حماس البني كجة في شأنه، فصاروا يحيونه باقتضاب خال من لقب الدكتور (كيفك يا عزو)، و تفاقم الامرحتى تاكد سوء المآل بظهور تحايا من نوع (وين مختفي اليومين دي ياحبة)، و الكل يعلم بأنه جالس آناء الليل و أطراف النهار في مقابلة التلفزيون، من ( بارني لبارني)، و حينما أدركه اليوم الذي توهم فيه أن ( بارني) التفت اليه محيياً
    (كيفك يا دكتور، رايك شنو في الحلقة دي)
    جاءنا يركض لاهثاً من الرعب صائحاً:
    يا جماعة الحقوني بدكان يماني...أنا خلااااااااااس.
    أنعقد مجلس كبار البني كجة، في تلك الأمسية، في جلسة طارئة، و تقرر أرسال الدكتورالى غرفة عمليات (تمنية و تسعين مع برودواي)، الساعة الثامنة صباحاً، تلاتة و عشرين بتوقيت الجيش.
    ازدحمت جماهير الكجة في الصباح المشهود، و أتى له البعض بالزوادة ( قدامك يوم طويل، تقل معدتك بالشباعة دي)، و الشباعة في تسميه الأمريكان هي ( المافين)، و جاء البعض يدفعهم الفضول، ليشهدوا بانفسهم ( معظمهم من خريجي المساق الأدبي)، ما آل اليه أمر الدكتور ( عزو)، و تفاكر البعض فيما بينهم و بالصوت العالي (ياخي هسة الزول ده كان قعد في السودان ما كان أخير، لو قعد في الميز عاطل، برضو الجكس بجوهو)، و قالوا أشياء حكيمة و أخرى أقل حكمة، و عزو يتصبب عرقاً و هو منكب على ( تعبية التلاجات)، و ( جاب الدرب) أناس من كل الأصقاع و حتي حدود كوستي، و تدخل علماء ( الموب) في توجيهه للطريقة الصحيحة لمسك عصا مسح البلاط، و أخيراً و صل صديقي عزو مجالو، فاختتم المهرجان بقوله:
    و الله ما في احسن من انو الزول يشتغل في مجالو، فاجبناه مجتمعين و بالصوت الواحد:
    ( داااااا).
    و قد عن لى خاطر اقرب الى التساؤل منه الى الخاطرة، متى كنا نعمل نحن في مجالنا؟؟ و لماذا نعمل في مجالنا اصلاً طالما أن الرزق يجئ من جهة معاكسة معظم الأحيان، لا علاقة لها بما تعلمناه في المدارس و الجامعات؟؟ فالذين اغتنوا من فتل العملة الصعبة و فتل الأقتصاد السوداني، و تسببوا في هجرتنا، لم يتخرجوا كخبراء أقتصاديين، و لا علاقة لهم من بعيد أو قريب به، و فكرة المجال في اصلها فكرة تقوم على اساس من حكمة تقول، بأن الأرزاق في السودان لا تجري على الحجا، و أن البهائم في امان من الهلاك، أما أعظم النصح الذي أتانا، فمفاده
    (أعمل ما بدا لك لكسب العيش الشريف، لكن ما تخلي البني كجة يشوفوك)، و في التراث عبرأزلية لمن يعتبر، فالذي شافوه، غنت له البنات
    ( حبيبي فانتاستيك، بيضرب في البوماستيك).
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:14 AM

Maysoon Nigoumi

تاريخ التسجيل: 03-04-2004
مجموع المشاركات: 492

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    يعني يا "تا" الواحد يقول شنو؟

    LOVED IT

    لكن إنت أولريدي عارف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:32 AM

ابراهيم عدلان
<aابراهيم عدلان
تاريخ التسجيل: 01-04-2007
مجموع المشاركات: 3417

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Maysoon Nigoumi)

    تي ام

    الدسكاونات و التاكسي شكلت مجالا مغنطيسا لبني كجة الاول ( الريكانيصاص )اما لوتراب ما بعد

    التسعينات فلقوها بارده

    البيتزاب و السيفن اليفناب لم تغمض لهم عين الا عندما تسلموا الكرت الاول


    والله عندنا كترة عزو


    رائع كالعادة يا تي ام رائع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:17 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: ابراهيم عدلان)

    ابراهيم عدلان أخي و صديقي النيويوركي العريق
    و الله في نص كتابة المقال اتزكرتك
    اتلفت لقيتك جيت هههههههه
    الطثير كان يمكن سرده الا أن مواهين الحبر الاسفيري شحيحة
    الباقي بنتم في الكتاب
    لك السلامالملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:22 AM

Maysoon Nigoumi

تاريخ التسجيل: 03-04-2004
مجموع المشاركات: 492

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    Quote: سهرت تلك الليلة، أناقش بحثاً عقلياً باطنياً، تمحور حول اصول هذه الجملة ( في مجالو)، فلم أجد أقرب اليها منها غير جملة مصرية شهيرة، متدوالة بين المهاجرين المصريين، حين يقولون ( حمادة خد وضعو)، و التي تعني ببساطة، أن ( حمادة) وصل، و الوصول هو انسياب المال و الراحة التي تعقب ذلك، يليها فصل أما بنعمة ربك فحدث، فيظهر ( سنسال) الذهب، المتأرجح فوق الفنيلة ( اللاكوست)، مكتوب عليه اسم الجلالة، او اسم ( سحر)، و في حالات نادرة ( سناء) بهمزة مقدرة.


    لوووول

    Quote: و طفقت أراجع شهادات كل اصدقائي قاطني مانهاتن، و بروكلين و البرونكس، كوني ايلاند و استاتن ايلاند، فلم أجد فيهم من يعمل( في مجالو)، فشعرت بالرضا عن نفسي،


    i see this is as common as the flu...lol

    ما عاوزين "نكوت" كل الكلام...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:44 AM

د.نجاة محمود


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Maysoon Nigoumi)

    في السلك يا الملك

    تعرف قصة مجالو دي اصلا جات من نظرتنا للعمل نحن ما بننظر لعمل كقيمة ابدا...

    بنظر ليه كنوع من التباهي او كجزء من تباهي الشخصية....

    وبننظر لاي عمل يدوي او عمل بسيط بعددم احترام
    قبل فترة في متجر هنا تقدم شاب يعمل بائع لتحيتي وجهه يبدوامالوفا ولكن نسيت عرفته
    وين.. قال لي اني درسته وسالته هل تخرجت قال نعم وهو الان في انتظار التعيين
    وللك شغال بارتايم هنا..
    تذكرت جيوش العطالة في السودان من كل تخصص ينتظرون المجال يجلسون في اللساتك وينامون النهار
    حياة خاوية جد..

    فقط لو بدأنا نحي قيمة العمل كعمل هل سيتغير الاتتيود تجاه الشغل والعمل في السودان..


    طالما العمل شريف فهو عمل له قيمة عالية...

    مع التحية لك ولميسون المفخرة

    (عدل بواسطة د.نجاة محمود on 04-30-2011, 01:59 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:39 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: د.نجاة محمود)

    أختي العزيزة نجاة

    Quote: طالما العمل شريف فهو عمل له قيمة عالية...

    الافادة في الايجاز
    و الله يا نجاة ما ضرنا الا اننا نعيب انواعا عديدة من العمل الشريف
    و انتهز السانحة لأحي جموع الشباب المهاجرين في كل العالم على
    صبرهم ومثابرتهم و جهادهم و صبرهم علةى المكاره في سبيل توفير
    لقمة العيش الشريفة لاهلهم

    لك محبتي العامرة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 02:57 AM

انس التوم احمد
<aانس التوم احمد
تاريخ التسجيل: 10-25-2007
مجموع المشاركات: 319

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    Quote: و انتهز السانحة لأحي جموع الشباب المهاجرين في كل العالم على
    صبرهم ومثابرتهم و جهادهم و صبرهم علةى المكاره في سبيل توفير
    لقمة العيش الشريفة لاهلهم


    والله يا تاج السر

    ما مقعدنا الا الكلام ده

    اشكرك اخي العزيز

    لك مني وافر الشكر والتقدير
    seoul - south korea
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:02 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: انس التوم احمد)

    أنس التوم

    بالتوفيق بأذن الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:53 AM

خالد
<aخالد
تاريخ التسجيل: 02-02-2003
مجموع المشاركات: 856

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Maysoon Nigoumi)

    عندنا صاحبنا يا التاج (عزو) الظاهر زمان في السودان كان بتاع امن لمن جا هنا بس وقع في السيكيورتي صحبي بقول ليو والله ده السوداني الوحيد الشغال في مجالو!!
    بعد التحية طبعا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 06:01 AM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: خالد)

    والله ( بحليفتها) إنت زول كتاااب عديل كده

    ممتعه ياخ

    و عميقه

    وأهم من هذا و ذاك

    الإبتسامات التي ترتكبها عمداً/ عفواً / سهواً بين السطور ....


    شكراً شكراً

    _________________

    ملحوظة في مجالو : مهما إمتد خيال القارئ الذي لم يسكن (نيويورك ستي) ما حيقدر يوصل لتصور لدكان اليماني هناك فهو لا يشبه في شئ دكان اليماني (اللِيلنا) ولا يستطيع إليه سبيلا..

    دكان اليماني بروكلين او البرونكس - مش حتقدر تغمض عينيك..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 06:55 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: توما)



    الاخ التاج

    سلام

    عند امتحان الشهادة السودانية تجد الاسرة والاقارب كلهم يتكالبوا على الطالب/ة لتحديد وجهة الطالب المستقبلية في نوع الكلية المفترض التقديم والالتحاق بها, والقليل منهم من يعير صاحب الشأن برأيه عن مستقبله وماذا يتمنى أن يكون.. فيجد الطالب نفسه متخرجا بمؤهل خبره أكاديميا لكن وقت النزول به لمعترك العمل والحياة يلاقي صعوبات لا يمكن التكيف معها ولا يجد فرصة الابداع في تخطي مصاعب الحياة العملية.. فمنهم من يستطيع تمشية الامور وكثير من الناس لو عاد بهم الزمن للبداية لاختاروا طريقا مغايرا.. وكان من درسونا سابقا يستشهدون بالنابغة الراحل/ محمدأحمد محجوب.. رجل درس القانون, ثم درس الادب, وكان من أميز رجال الدبلوماسية السودانية والعربية..
    من أسعد الاحوال أن يلاقي الشخص مجالو ولكن التعامل مع الواقع هو الاهم حيث ارتياد غير المجال والمثابرة للنجاح فيه..

    كتّرت المحلبية في "عزو" الكلمة التي تحلو في فم الحبوبة عليها رحمة الله.. لكنها ما زالت عزو تتواصل معي عند اصحابي والمناداة بها حتى الآن..
    ما احلاه سرد وحكي ...

    تحياتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 07:22 AM

khatab
<akhatab
تاريخ التسجيل: 09-28-2007
مجموع المشاركات: 3433

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Abdlaziz Eisa)

    Quote:

    دي سايقا زمراوي
    لا ده كابتن سمير




    والله يا ابو السُره .. حسيت بالورطه والمتعه .. متباريات
    يعنى انت .. ك تارقِت .. ما تقدر تفرفر ولا تنحاز لي فريق
    كابتن زمراوى .. لا فريق كابتن سمير
    هسى الواحد اعمل شنو !!
    .
    .

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:38 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: khatab)

    خطاب العزيز
    عليك الله في قعدتك في الخرطوم دي اتحقق لينا من الكان سايق منو
    لك تحياتي و ياريتك معانا في حفل عصام الليلة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 07:24 AM

الوليد عمر
<aالوليد عمر
تاريخ التسجيل: 01-07-2010
مجموع المشاركات: 323

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Abdlaziz Eisa)

    .....






    ممتع دوما ، كعادتك
    تأخذنا لعوالم جميلة و مفعمة بالحياة

    أحب مطالعتك كيفما إتفق
    ولا أكتفى أبدن.






    البنى كجة .. مصطلح يشمل منو .. و مِنُن؟


    لك التحية.






    .....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:41 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: الوليد عمر)

    الوليد الصديق

    ربنا يزيد الالهام

    البني كجة مصطلح قديم سمعته من أخي الأكبر خالد
    يحس و لا يشرح
    لك تحيتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:36 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Abdlaziz Eisa)

    عبد العزيز الشهير بعزو

    سلام
    Quote: عند امتحان الشهادة السودانية تجد الاسرة والاقارب كلهم يتكالبوا على الطالب/ة لتحديد وجهة الطالب المستقبلية في نوع الكلية المفترض التقديم والالتحاق بها, والقليل منهم من يعير صاحب الشأن برأيه عن مستقبله وماذا يتمنى أن يكون.. فيجد الطالب نفسه متخرجا بمؤهل خبره أكاديميا لكن وقت النزول به لمعترك العمل والحياة يلاقي صعوبات لا يمكن التكيف معها ولا يجد فرصة الابداع في تخطي مصاعب الحياة العملية.. فمنهم من يستطيع تمشية الامور وكثير من الناس لو عاد بهم الزمن للبداية لاختاروا طريقا مغايرا.. وكان من درسونا سابقا يستشهدون بالنابغة الراحل/ محمدأحمد محجوب.. رجل درس القانون, ثم درس الادب, وكان من أميز رجال الدبلوماسية السودانية والعربية..

    أصبت أهدافا كثيرة قصدتها من المقال
    أهم من كل ذلك أنني أفخر بالأنتماء لجمهور المهاجرين الذين تخلوا عن اي كبرياء زائفة
    and did what the gotta do
    سلامي و الاسم سالم
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 07:13 AM

Abureesh
<aAbureesh
تاريخ التسجيل: 09-22-2003
مجموع المشاركات: 17557

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: توما)

    سـرد ممتع جدا يا التاج شكراً

    Quote: أخيراً و صل صديقي عزو مجالو، فاختتم المهرجان بقوله:
    و الله ما في احسن من انو الزول يشتغل في مجالو، فاجبناه مجتمعين و بالصوت الواحد:
    ( داااااا).

    دا اسمه عودة الوعى..

    الذكريات كتيرة ومحتاجة لوقت لترتيب الافكار واستدعاء الاحداث والشخوص..
    إنتو ناس البرانكس.. نحن ناس إيست نيويورك!! (كلكى لابس ملكى)
    امانة ما حاربنا دفاعـا عن (أمجاد الشعب السودانى وعزته وكرامته..)!
    وفى بروكلين سبنسـر بليس مع فولتون.. معلمة منطقة حمراء بواسطة الشرطة
    ما تلقى بوليس ماشى برجلينو هناك.. والبراظرس ما يدوك الدرب (سلاماليكم)
    (ولايكم وسلام) وهم كانوا يمثلوا بعبع دائم لعصابات المخدرات وينشرون جوا
    من الامن والطمانينة فى المنطقـة..امن مدعوم بالرشاشات التى يخفونها فى قفاطينهم.
    سبل كسب العيش هناك كانت فى العمل مع اليهود.. وكان اخف وطأة من شغل
    ابواليمن.. (علا الشغالين مع اليمانية كانوا مستفيدين).. تلقى الواحد معلق فى السلم
    يراقب 11 ساعة فى اليوم.. ما ينزل لأرض الناس إلا للغدا اقل من ساعـة.

    واصل يا التاج واصل.. قلنا نديها دفرة شويـة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:45 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Abureesh)

    أخي ابو الريش
    Quote: دا اسمه عودة الوعى..


    دي الكي ويرد فتح الله عليك.
    ايست نيويوركي؟؟؟ قطع شك اتلاقينا، كنت بمشي نواحي لينكس افنيو مش دي هي؟؟
    انا كنت في هارلم و بعدين نورث برونكس، لكن الحوامة ودتنا بعيد
    شكرا لك على السرد و الدفرة.
    يا ريت تزورنا في فيرجينيا
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 08:11 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: توما)

    الملك يا متعة .. يمين جنّنت الكتابة جن!!






    _
    Quote: عندنا صاحبنا يا التاج (عزو) الظاهر زمان في السودان كان
    بتاع امن لمن جا هنا بس وقع في السيكيورتي صحبي بقول ليو والله ده
    السوداني الوحيد الشغال في مجالو!!
    بعد التحية طبعا


    خالد .. دا شنو يا زول!!



    _
    في عصر من العصور الغابرة لما مشيت (DCـيكم) .. دي أول سؤال يجيكـ:
    * (البني كجة): أها .. ح تستقر في ياتو ولاية؟
    ـ أنا: لا والله .. أنا راجع السعودية بس جيت أشوفكم على الطبيعة!
    * (البني كجة): يا زول إت جنّيت؟ في زول بطلع من هناك وبرجع؟
    ـ أنا: إنتو ما عندكم موضوع ولّ شنو؟ هسي في زول فيكم شغال (في مجالو)؟


    الحمد لله الواحد لسع شغال (في مجالو) .. بينما الجماعة مازالوا (يتسكرتون ويتبّتزون)!

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:16 PM

سناء الصباغ
<aسناء الصباغ
تاريخ التسجيل: 06-06-2008
مجموع المشاركات: 474

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد عبد الماجد الصايم)

    شيخي الباتع كيفنك

    والله صنعت يومي زي ما بيقول الخواجة

    بما اني أمر هذه الأيام بحالة عزوية جدا ( لا أدري ما هو مؤنث عزو لكن قطعا هو ليس عزة ولا أظنه عزيزة)

    الحالة تتلخص في محاولة يائسة للاستعداد لامتحان لغة اجتيازه شرط لجلوس امتحان اخر يمكنني من العمل في (مجالو)
    يعني الحالة العزوية دي ملازمة للبني كجة اينما حلوا بس المشكلة هنا ما عندنا دكاكين يمانية كان الواحد غير مجالو.

    يازول انت اسحن زول قرانا وكتبنا كبني كجة

    بعدين سناء البالهمزة المقدرة دي كيفتني كيف أول حاجة بتقلل الدهب تانيا الانجليزي ما فيهو همزة.

    (عدل بواسطة سناء الصباغ on 04-30-2011, 02:09 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:50 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: سناء الصباغ)

    سناء بالهمزة البائنة على السطر
    الفكي اونلاين
    Quote: شيخي الباتع كيفنك

    والله صنعت يومي زي ما بيقول الخواجة

    بما اني أمر هذه الأيام بحالة عزوية جدا ( لا أدري ما هو مؤنث عزو لكن قطعا هو ليس عزة ولا أظنه عزيزة)

    الحالة تتلخص في محاولة يائسة للاستعداد لامتحان لغة اجتيازه شرط لجلوس امتحان اخر يمكنني من العمل في (مجالو)
    يعني الحالة العزوية دي ملازمة للبني كجة اينما حلوا بس المشكلة هنا ما عندنا دكاكين يمانية كان الواحد غير مجالو.

    يازول انت اسحن زول قرانا وكتبنا كبني كجة

    بعدين سناء البالهمزة المقدرة دي كيفتني كيف أول حاجة بتقلل الدهب تانيا الانجليزي ما فيهو همزة.


    ربنا ينجحك في امتحانك ، تدقي انقليزي زى الحلاوة يا عزيزة
    ههه
    لك مودتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:47 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد عبد الماجد الصايم)

    ود الصايم الحبيب

    Quote:
    الحمد لله الواحد لسع شغال (في مجالو) .. بينما الجماعة مازالوا (يتسكرتون ويتبّتزون)!


    الله قال بقولك لو جيت تاني
    بكسروك البني كجة ههههههههههههه
    و الله بالجد لازم الاقيك اعمل ليك صورة
    وعد
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2011, 02:54 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد عبد الماجد الصايم)

    ود الصايم

    Quote:
    الحمد لله الواحد لسع شغال (في مجالو) .. بينما الجماعة مازالوا (يتسكرتون ويتبّتزون)!


    ليك يوم يا ظالم
    هههه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:54 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: توما)

    توما
    من اريحيتك و فضلك
    ووالله اصبتي قي قولك، مافي زول ممكن يتخيل الدكيكين ده
    انشا الله نفرد ليه مقال كامل
    طبعا الاوضاع اتغيرت هسة و الناس بقت عندها اوراق رسمية و ازونات عمي
    وانتهى عهد الاستغلال
    لك الشكر
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:46 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: خالد)

    Quote:
    عندنا صاحبنا يا التاج (عزو) الظاهر زمان في السودان كان بتاع امن لمن جا هنا بس وقع في السيكيورتي صحبي بقول ليو والله ده السوداني الوحيد الشغال في مجالو!!
    بعد التحية طبعا




    ههههههههههه
    صدق و الله يا خالد
    تحياتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:11 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Maysoon Nigoumi)

    ميسون نجومي
    الصديقة العزيزة الما بتسأل عن ظروفنا ههههه
    و الله آخر مرة اتلاقينا كان في ( وأنا اقفز في ماء النهر) و أنا أبحث عن رفقة في الزمن الصعب
    بركة في الفيس، و ساعي البريد، متابعين بلوقك بكل تفاصيلو

    تزهري و تثمري تزدهي و تملي العش عصافير
    دي دعوة صالحة
    قولي امين
    تحياتي الاولريدي مرقت
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 12:40 PM

مهيرة
<aمهيرة
تاريخ التسجيل: 04-28-2002
مجموع المشاركات: 708

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    برى برى كان كدة من اللوترى!

    مابنقدر على الجهجهة دى ...خاصة بعد راحات الخليج!


    كتابة ممتعة وجميلة

    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:12 PM

Nazik Eltayeb
<aNazik Eltayeb
تاريخ التسجيل: 11-27-2007
مجموع المشاركات: 2357

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: مهيرة)

    ادمناك
    .........
    وكفى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 01:52 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 12058

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Nazik Eltayeb)


    يا ملك .....

    إستمتعت بالسطور المجنونة (كالعادة) .... لحدي ما جيت لي دي:
    Quote: ( حبيبي فانتاستيك، بيضرب في البوماستيك).

    فتأكدّت من كلامك ذات مرة، لما قلت إنك (دفعة) من مدرسة الخرطوم القديمة ... ده كلام ما بيقولوا إلاّ زول حضر أيام (جرجس محارب) و(مصطفى بوستي).

    الله يديك الفي مرادك.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 02:25 PM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد أبوالعزائم أبوالريش)

    Quote:
    الا أن الغالبية يتفضلون عليك قبل الأنصراف، بجملة واجبة، تبدأ بحرف ( الأف)، و تنتهي بماما.


    لوووووول

    حدثني من لا اشك في صدق حديثه، ان زميلو اليمني كل ما عصلج معاو كمبيوترو نهرو ليك بعدد واحد من الـ"اف ويرد" لمن تكون متبوعة بضمير المخاطب، زي السم! ..
    فلما كترا صراحة - و الغضبة لصديقي و ليس لقيقاراوي دخل فيها، سو فار
    فساله صاحبي : انت يا زول عارف الكلام دا معناو شنو؟
    فرد اليمنقليشي القح دا و بدون تردد : اي.
    سالو صاحبي رافع اربعة حواجب للدهشة( اتنين تخص الراوي): طيب ما عيب عليك ياخ! .. ما تتلفظياخ!
    فرد محتجاً ( بعربية عربية راسا عديييل ) : ليش!؟ .. اش قلت انا؟ .. " تباً لك " ايش فيها!؟

    طلع معتمد ترجمة انيس عبيد و اس اي مصرية ميديا ساي زولنا دا

    (عدل بواسطة قيقراوي on 04-30-2011, 02:28 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 04:04 PM

Isa

تاريخ التسجيل: 11-29-2004
مجموع المشاركات: 1321

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: قيقراوي)

    تاج يا تاج..سلامات.. قال الحكّاي: شغال في مجالو وزايد في دلالو..و(صارف) عني مالو.. وقال المثل المعروف: الشغال في مجالو ربّى عيالو..
    شكرا كتير على الإمتاع.. وزي ما تفضلت فقصص الشغالين في مجالهم لا تنتهي ولا بتتنسي لكن زي ما بقولوا: العبرة بالخواتيم؛ وكتير ما نتونس مع الأصحاب عن (فلهمتنا) داخل البلد وإنو ما ممكن أنا الخريج بالشهادة الكبيرة من الجامعة الكبيرة اشتغل في غير مجالي لكن برة، خاصة في الغرب ممكن اشتغل أي حاجة؛ أفتكر في حاجة مهمة بتفرق هي الدخل المادي؛ يعني في السودان ومهما كانت وظيفتي كبيرة من حيث الاسم لكن ما هو عائدها المادي مقارنة بما يحصل عليه الواحد هناك ؛ الناس في أوربا وأمريكا ومن الأعمال الما في مجالهم قدروا يعولوا اسرهم ويساعدوا أهلهم ويبنوا بيوت ويأسسوا لأعمال أخرى الخ..
    من قصصنا صاحبنا كان في السودان شغال في مطبعة وهنا اشتغل في توزيع الجرايد، واحد من أهلو في السودان سألوا من شغلو قاليه شغال في جريدة، فرد عليهو بكل براءة: كويس والله، لقيت ليك شغلة في مجالك!..
    هناك قصة أحكيها كتير عند الحديث عن طريقة اختيارنا أو أهلنا (للمجال)؛ أو: الطب والهندسة والمحاماة دون مراعاة ليست للرغبة الشخصية ، ولكن والأهم دون إعتبار لما يتطلبه سوق العمل من حيث سهولة الحصول على مهنة بسرعة وبدخل جيد، وهي ليست خطأ في طريقة تفكير الأسر بل في السياسة التعليمية ككل.. القصة هي، وقبل سنتين في هولندة حصل طالب في إمتحانات الدخول للتعليم العالي على الدرجة الكاملة في تسعة مواد، وعلى تسعة من عشرة في الأربعة أو الخمسة مواد الأخرى، ولأنها كانت تنيجة مميزة سألوهو في التلفزيون: عايز تدرس شنو.. تصوروا قال عايز يبقى سواق بص.. لكن المشكلة أو (تخصص) سواق البص لا يسمح فيه بطلبة اقل من عمر واحد وعشرين سنة، وهو عمرة 17 عشان كدة ح يمشي يقرا فيزيا في الأربعة سنين الجاية لغاية ما يتم ال21 ويعمل دراسة سائق بص..
    الأزمات الإقتصادية التي تجتاح العالم (المنظم) مثلما هو حاصل من قبل سنتين ومثلما ما حدث قبل حوالي عشرة سنوات خلتنا نعرف أنو حتى أهل البلد: الشُقُر وابّان عيوناً خُدُر برضو ممكن يشتغلوا في غير مجالهم.. قابلت زملاء من لديه خبرة عشرة سنوات في الكمبيوتر واشتغل في سوبرماركت لامن فقد وظيفتو والتي عاد لها بعد تحسن سوق العمل، زميلة كانت خريجة جديدة قالت أحبت العمل في النظافة أكتر من شغل البرودكشن... وحتى لا ننس أنفسنا.. وسبحان الله ولأن الزراعة هي مهنة أبائي وأجدادي فلم أجد عملاً (ولا في مجالي حتى) أمتع من العمل في المزارع.. وأتمنى من كل قلبي أن أعمل مزارعاً محترفا في يوم قريب،، ولكن في وسط بلاد البني كجة أم خيرا برة!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 05:25 PM

salah ismail
<asalah ismail
تاريخ التسجيل: 04-27-2009
مجموع المشاركات: 1246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Isa)

    ود الملك

    ابداع ...معالجة رائعة
    كل الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 11:12 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: salah ismail)

    صلاح اسماعيل
    أخي وصديقي
    مثال السوداني الذي نحتفي و نقتفي و نتشرف بك في كل العالم
    بعض من ابداعك ، و عظم نفسك و سمو خلقك
    لك مودتي الدائمة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 05:35 PM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Isa)

    Quote: و جاء البعض يدفعهم الفضول، ليشهدوا بانفسهم ( معظمهم من خريجي المساق الأدبي)، ما آل اليه أمر الدكتور ( عزو)

    هههههههههههههههههههههههههههههههه
    الله لا كسبك يا جانكوف, كتلتني بالضحك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 05:43 PM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: خدر)

    بالبلدي كدا يا ملك
    الواحد يتمنى كل ما يصبح الصباح
    يستفتح بي نفحة من نفحاتك

    فشنو
    ما تطول بالله عليك
    كتِر لينا
    وما يهمك
    إن شاء الله نفطس من الجمال


    أكيد محبتي وعرفاني واحترامي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 05:58 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10099

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: بله محمد الفاضل)

    الأجمل أن تستفز كاتباً بعبارة ما تحس بيها وتمشي
    ويقعد هو بعد داكـ يسوي سواتكـ الما خمج دي ...

    _____
    كوت وردة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 06:51 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15081

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: عمران حسن صالح)

    ياسلام يا تاجو

    ـــــــــ
    أخص بالشكر هنا السيد ملاسي كونه نبهني لهذا البوست
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 07:03 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: خضر حسين خليل)

    البني كجة دي شنو؟ ما تحرقو روحنا ساكت...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 08:01 PM

Red Sea
<aRed Sea
تاريخ التسجيل: 04-03-2009
مجموع المشاركات: 330

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: nazar hussien)

    أبو السرة, دايماً مبدع الله يديك العافية
    غايتو مجالو دى بالغتا فيها عديل الليلة
    بعد الإنتهاء من السطر الأخير فى مجالو
    تذكرت أيام الدرش الصاح لكن أخير منك شوية
    مافى نيويورك, فى ريشموند
    أخوك فى أسبوع واحد بقى أحرف من بابا جونس زاتو فى الكلوسنق
    والديليفرى بجميع أنواعو شى بيتزا وشى زهور وشى مابعرف شنو
    أجمل حاجة فى أمريكاإنو تغيير المجال فيها زى تغيير القميص (عادى جدا)
    والأجمل من ده كلو إنو الواحد فى النهاية جلا من مجالو وإشتغل مع كمال طيفور وجاورك

    كل الود

    فضلى البكرى

    (عدل بواسطة Red Sea on 04-30-2011, 08:03 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 03:12 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Red Sea)

    فضلي البكري أخي الولدتنا امهات مختلفات و متفقات

    انتو ناس ساوث، ثاوس على قول الكجة ، و نحنا ناس نورث لمن لمتنا فيرجينيا في الوسط
    و الله الشوق اطنان، ليك و للاسرة الكريمة، تركتو وراكم فراغ اشبه بالفراغ الخلفو بوب مارلي في الريقي، قصرت معاك؟؟
    قضينا في الجيرة ستة سنوات من اجمل الايام التي قضيتها في امريكا، و لكن دوام الحال من المحال
    سلامي لسمعة و ام سمعة و بنياتي الصغار
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 07:21 PM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 4938

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: عمران حسن صالح)

    عزيزى .. تاج سر بنى كجة
    تحياتى

    متعة والله ..
    التصوير بالكلمات فن راقى لمن يجيده مثلك ، يستمتع به المتلقى
    مجال ياهو مجالك!

    الهنود أو الباكستان ياتى لأمريكا ويسأل الماشى شنو، يفك ليك (مجالو) عكس الهواء،
    ويدرس من جد يد فى مجال البجيب الدولارات . كما يقول المصاروة الرزق يحب الخفية!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:49 PM

جدو
<aجدو
تاريخ التسجيل: 03-19-2003
مجموع المشاركات: 731

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: نادر الفضلى)

    ممتع جداً


    شكراً يا تاج
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 11:10 PM

سيف النصر محي الدين
<aسيف النصر محي الدين
تاريخ التسجيل: 04-12-2011
مجموع المشاركات: 7150

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: جدو)

    سلامات يا تاج
    اولا انا آسف انو الوكت ما سمح لي بمهاتفتك او زيارتك لما
    كنت جايي من شارلوت لواشنطن-لو تتذكر- حيث اني كنت متوجه
    للمطار لاحق السعودية عشان اشتغل في مجالي ههههه.
    ياخي حقو تكتب عن ناس امريكا ديل بتوسع و تفكر جادي في أنو
    المشروع ده يكون مشروع كتاب، لأنك راصدهم بدقة و مجننهم جن.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 03:33 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: سيف النصر محي الدين)

    الجايات اكتر من الرايحات يا سيف

    بعدين انا اولريدي نشرت كتاب في الحتة دي
    و التاني في الطريق
    تصل بالسلامة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 03:18 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: جدو)

    و الشكر ليك اضعاف يا جدو
    سليمان؟؟؟؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2011, 07:34 AM

جدو
<aجدو
تاريخ التسجيل: 03-19-2003
مجموع المشاركات: 731

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    Quote: و الشكر ليك اضعاف يا جدو
    سليمان؟؟؟؟؟؟


    الملك الكتَاب

    فهمت من الاستفهام أعلاه هل أنا سليمان؟؟
    لا أدري من هو سليمان ولكنني لست سليمان
    ولا اعتقد اننا تقابلنا من قبل

    والحقيقة انني لم اكتب في البورد من سنين ولكن كتابتك الإبداعية انتزعتني من
    جمودي فوجدت أصابعي تجري على الكيبورد لأسجل هذا الرد المقتضب لبيان الحضور وتأكيد المتابعة

    تقبل محبتي الصادقة وإعجابي الأكيد

    جدو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-07-2011, 11:32 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: جدو)

    أخي العزيز جدو


    Quote: فهمت من الاستفهام أعلاه هل أنا سليمان؟؟
    لا أدري من هو سليمان ولكنني لست سليمان
    ولا اعتقد اننا تقابلنا من قبل


    لي صديق عزيز اسمه سليمان جدو لم أحظ برؤيته لزمن طويل
    أعتقدت لسبب ما أنك هو أو أنه أنت، و لكنني و كما يبدو
    قد التقيت بصديق جديد، و اصبح لى جدان، أن صح النحو
    سعيد بمعرفتك و أتقبل منك محبتك، متمنيا أن تتقبل تقديري و مودتي
    وشكري لك على الدخول للتعقيب
    و اتمنى أن أكون عند حسن ظنك دائماً
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 03:17 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: نادر الفضلى)

    نادر الفضلي ناس القديمة الما بيخلص ودهم
    الجماعة الزكرتهم ديل بجو مدعومين بشهادات في مختلف المجالات
    ممضية و موثقة هههههههههه
    الى ان نلتقي يا صديقي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 03:37 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: عمران حسن صالح)

    عمران ود حسن ود صالح

    كوت الوردة ده الا ستفزاز زااااااتو
    لك محبتي يا ابن عمي
    المك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 00:52 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: بله محمد الفاضل)

    أخي العزيز بله الفاضل
    من هنا و لقدام تطويل مافي

    نيران صديقة شديد
    لك شكري و تقديري
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 11:14 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: خدر)

    خدر الفنان

    انت بتموت؟؟؟ هههههه
    مبروك الوافد الجديد ابن خالة وليداتك

    مختفي!!!!!
    سعيد بشوفتك في المجال
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 11:09 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Isa)

    عيسى اخي العزيز

    Quote: وإنو ما ممكن أنا الخريج بالشهادة الكبيرة من الجامعة الكبيرة اشتغل في غير مجالي لكن برة، خاصة في الغرب ممكن اشتغل أي حاجة؛ أفتكر في حاجة مهمة بتفرق هي الدخل المادي؛ يعني في السودان ومهما كانت وظيفتي كبيرة من حيث الاسم لكن ما هو عائدها المادي مقارنة بما يحصل عليه الواحد هناك ؛ الناس في أوربا وأمريكا ومن الأعمال الما في مجالهم قدروا يعولوا اسرهم ويساعدوا أهلهم ويبنوا بيوت ويأسسوا لأعمال أخرى الخ..


    بيت القصيد

    العيش في هذه الدنيا يستوجب المصاريف، ز طرق المصاريف صنعت عبقرية ستيف جوبس عبقري ( ابل)
    الذي لم يكمل الثانوية، و بيل قيتس الذي لم يكمل هارفارد بل تركها متعمدا و بكامل وعيه، ليصنعوا لنا معجزة كل القرون
    كل ما يهمني في الأمر، النظر الى العمل الشريف كقيمة عليا، والا فالناس سيجبرون على هكذا فهم

    لك التحبة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 11:01 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: قيقراوي)

    القيقا راااوي العباسي ( حلوة دي) مش؟؟

    Quote:
    حدثني من لا اشك في صدق حديثه، ان زميلو اليمني كل ما عصلج معاو كمبيوترو نهرو ليك بعدد واحد من الـ"اف ويرد" لمن تكون متبوعة بضمير المخاطب، زي السم! ..
    فلما كترا صراحة - و الغضبة لصديقي و ليس لقيقاراوي دخل فيها، سو فار
    فساله صاحبي : انت يا زول عارف الكلام دا معناو شنو؟
    فرد اليمنقليشي القح دا و بدون تردد : اي.
    سالو صاحبي رافع اربعة حواجب للدهشة( اتنين تخص الراوي): طيب ما عيب عليك ياخ! .. ما تتلفظياخ!
    فرد محتجاً ( بعربية عربية راسا عديييل ) : ليش!؟ .. اش قلت انا؟ .. " تباً لك " ايش فيها!؟

    طلع معتمد ترجمة انيس عبيد و اس اي مصرية ميديا ساي زولنا دا


    ابراهيم عدلان الحي و موجود ده شال عكاز و سكا بيو زول داير يكسرو
    تقولي يماني؟؟؟
    عارف العراقيين لمن يقولو كلمتهم الكعبة ديك بيعتبروها قمة الدعابة و بيستغربو الزول بيزعل ليه؟؟
    تحياتي للبنيات و امهن
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:58 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد أبوالعزائم أبوالريش)

    محمد ابو العزائم الدفعة

    أها ثبت شرعاً ولا لا؟؟

    Quote: ده كلام ما بيقولوا إلاّ زول حضر أيام (جرجس محارب) و(مصطفى بوستي).

    و حسن عبيد الشايقي عليه رحمة الله و عبد الرحمن دياب و الزهران و سفيان الرفاعي و اسكتش......
    كم احن الى تلك الايام


    لك مودتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:54 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Nazik Eltayeb)

    Quote: ادمناك


    من قلوبنا و اخترناك

    تسلمي يا نازك
    لم مودتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-30-2011, 10:52 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: مهيرة)

    مهيرة
    Quote: برى برى كان كدة من اللوترى!

    مابنقدر على الجهجهة دى ...خاصة بعد راحات الخليج!



    لكن و الله فايتك جنس ديسكو
    القصص دي بقت اساطير الاولين، الناس هسة في مجالات عجيبة.
    تحيتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 01:21 AM

فضل الصادق
<aفضل الصادق
تاريخ التسجيل: 09-26-2009
مجموع المشاركات: 871

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    ملك الكتابة المتوج لا تعليق يليق كل ما اري بوستا معلق وتستلفتني لغته اعلم انه لك يا اخ ربنا يحفظك وثمة طلب ارجوك وثق لنا ما تكتب واهدينا اياه . لك كل التقدير وعظيم الاحترام.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 04:37 AM

ايمن التاج
<aايمن التاج
تاريخ التسجيل: 01-07-2010
مجموع المشاركات: 429

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: فضل الصادق)

    سلامات يا ملك
    مر زمان طويل لم تجذبني اي كتابه ..
    شكرا "يو ميد ماي داي "
    واقعية التصاوير مفتاح حنكة الراوي ..
    لك الود
    هامش :
    بما اني اني من الحلفايا رن هاتف الذكريات بما تناولت من صوره اعلاه فجلت بالعديد من بصات الحلفايا وشخوصها الاسطوريه العتيقه من بص "وديابا" الى بصات "الكرراب"
    ــــــــــــــــــــــــــ
    ايمن تابر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 04:58 AM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 6840

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: ايمن التاج)

    ِAs usual:Fit for a King
    كتابة واخده وضعها آوي.
    إلهي يفتحها في وشك يا كنج.

    محبتي المعروفة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:20 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: الفاتح ميرغني)

    الفاتح ميرغني الصديق العزيز
    و الله دعواتك دي براها بالدنيا
    لك مودتي العامرة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 11:45 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: ايمن التاج)

    ايمن سلام

    Quote: فجلت بالعديد من بصات الحلفايا وشخوصها الاسطوريه العتيقه من بص "وديابا" الى بصات "الكرراب"


    يا سلااااااام ياخي
    النقوم اقالدك
    مدينتان لهما في قلبي ما اتسع من الود و ما يقدر على حمله من الحب
    مدني
    و الحلفايا
    أجمل سنوات عمري، و أعظم الأصدقاء و أحب الأهل، تعلمت منهما و فيهما كلما علمته في حياتي
    و كلما صنع تاج السر الذي هو انا الآن، خيراً كنت أم شراً.
    لك ودي
    تاج السر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 04:43 AM

Abureesh
<aAbureesh
تاريخ التسجيل: 09-22-2003
مجموع المشاركات: 17557

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: فضل الصادق)

    Quote: ود الملك

    ابداع ...معالجة رائعة
    كل الود


    سلام يا صلاح خليفـة..

    تذكر يا صلاح لما انت زاتك كنت شغال فى مجالك فى البرانكس؟ سنة تسعين وواحد وتسعين.. فى كشك
    سندوتشـات فطور التلاميذ الكنت تعبيها بالليل.. والله جهاد عظيم وفى الويك اند ترص كتب الصيدلة وتقعد
    كسـر للصباح.. توج الجهاد بنجاح وترخيص ولاية نيويورك ثم صيدلية خاصة فى شـارع 116 إيست.. معلش
    سامحنا ففى ذكر مثل هـذا دفع لهمم الشباب والجيل الصاعـد ليحذوا حذو النجاح ومتطلباته من تلقى
    الصعوبات..

    مشاهيـر على مستوى الوطن كانوا شغالين فى مجالاتهم..





    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 11:38 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: فضل الصادق)

    Quote:
    ملك الكتابة المتوج لا تعليق يليق كل ما اري بوستا معلق وتستلفتني لغته اعلم انه لك يا اخ ربنا يحفظك وثمة طلب ارجوك وثق لنا ما تكتب واهدينا اياه . لك كل التقدير وعظيم الاحترام.


    الصادق أخوي العزيز
    لك شكري و تقديري و محبتي
    تواضعي يخجل أمام كلماتك كل مرة أقرأ لك فيها تعليقا على نصوصي
    هذا البورد من صنيع بني كجة أمريكا و على رأسهم الكجة الأصيل بكري أبوبكر
    صنعته المرارات و سنوات الجهاد الصعب و خطر الموت المحدق
    التحية لك و لكل شرفاء السودان في كل انحاء العالم
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 04:40 AM

حسن حماد محمد
<aحسن حماد محمد
تاريخ التسجيل: 08-08-2009
مجموع المشاركات: 2920

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    Quote: و أنا ارفل في سياق شخصيتي التنكرية، البيسبول كاب، و الجاكيت ابو هود، و كل خيرات حرامية نيويورك، البوم بوكس ( ابو اتنين كابينة)، واحدة للكاشف و التانية لوردي، و كروت التلفونات المسروقة وارد ( الفورتي سكند)


    لله درك يا ملك _ ملك ملوك عموم البنى كجة

    اعدتنا للفورتى سكند عندما كانت الدقيقة للسودان من AT&T بثلاثة دولارات

    ومحاولات فتح الخط أحياناً تأخد ساعات وساعات

    وتمر المكالمة عن طريق اليونان قبل أن تصل الخرطوم حيث تكون الحاجة منتظره لأكثر من يومين لسماع صوت ابنها المغترب المكلوم

    وتزرف الدموع ويتم السؤال عن كل ناس الفريق والشوق بحر ما ليهو حد

    هذا الكلام طبعاً قبل اللوتراب واللاسايلاب ومن أتى بعدهم حتى صارت الآن الدقيقة بأقل من عشرة سنتات

    وصارت المسكولات تصلك من ابودليق وودحسونه والعسيلات وعلى راس كل ساعة

    وأمى زاتها بقت ترسل ليك مستش عادى وتقوليك اتصل بعد ساعة من الآن وبعد الفطور

    وأنا منتظراك جنب الوسترن يونين بى نمرة الحوالة دحين يا وليدى ما تتأخر

    شكراً ياملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 05:29 AM

yasir Abdelgadir

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: حسن حماد محمد)

    يا سلام عليك يا تاج.....والله إنت راجل كتاب...ودا وعكس لواقع حقيقي بمنظور فكاهي منمق

    إنتبهت لبوستيك هذا بعد أن وجدت من هم أقل قامة ينتقدون كتاباتك



    أغرب حاجة حسادك أجاويدك



    تحياتي وواصل ياحبيب.....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 06:23 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: yasir Abdelgadir)

    بمناسبة يا ملكـ .. كل سنة وإنت طيب
    (قبل الزحمة وكـدا .. إنت عارف البني كجة وطباعم الشينة)!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 08:30 AM

قيقراوي
<aقيقراوي
تاريخ التسجيل: 02-22-2008
مجموع المشاركات: 10279

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد عبد الماجد الصايم)

    يا ملك

    Quote:
    القيقا راااوي العباسي ( حلوة دي) مش؟؟


    اهو دا التهجم .. و الشغل برّة المجال ذاتو

    قيقا راوي = 1024×2 راوية
    شرعاً الكلام دا طبعاً

    ما بتدي حريف ... نحن اهل الشئ زااااتا ما متهجمين ساي.

    بس نردد نداء الباعة في الملجات :

    الشغلة ما شغلتنا .. لكن الظروف جبرتنا!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 09:59 AM

محمد زكريا
<aمحمد زكريا
تاريخ التسجيل: 09-01-2009
مجموع المشاركات: 4884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: قيقراوي)

    Quote: و جاء البعض يدفعهم الفضول، ليشهدوا بانفسهم ( معظمهم من خريجي المساق الأدبي)


    شنو يعنى ياخ.......ما عصرت علينا وقصدتنا عدييييييييييل كده
    يعنى ناس تالته على* ديل ما يشوفوا ناس تالته ابوبكر** لامن عم بابكر*** يدرشهم
    وبراك عارف انه دى من الاشياء النادره انه ناس ابوبكر يدرشوهم

    ======
    *فصل المساق الادبى فى الطابق التانى الجانب الغربى
    **فصل العلمى الاديشنال فى الطابق الارضى اخر فصل فى الجانب الغربى
    ***عم بابكر صول الكديد فى الخرطوم القديمه


    =====
    لكن صحيح بكرى ليهو حق يعلق بوستاتك فوق فى المنبر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 11:51 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد زكريا)

    .
    رائع ...ممتع..و أنا عاااافي منك و من ملاسي اللي "لفت نظرنا" للبوست الجميل و الزول الأجمل

    محسوبك "زميل" سابق في دكان زلمة لمدة أسبوع و سيكيوريتي بوليص لسنة كاملة و تكاسي حافظ شوارع ميلواكي لسنة أيضآ و بتاع آييسكريم صيفين كاملينو أعرف كيف أصطاد الزبائن في عز الثلج..قبل أن يمن الله علي بمجالي ..لوول..
    أنا فرحان بكتابتك دي و هسع ح أفتش باقي الكتابات القالها ملاسي دي..

    تقديري..


    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 05:42 PM

محمد بدوي مصطفى
<aمحمد بدوي مصطفى
تاريخ التسجيل: 08-12-2009
مجموع المشاركات: 442

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: الطيب بشير)

    العزيز تاج السر، يا "ملك"! (ورش - أو يا "مالك" – القلم؛ حسب رواية حفص)

    عمل شيق ويراع متفرد، تجلى في لوحات انسيابية ومناظر درامية، ثم ماذا ... تفرد فيه إبداعوية الفنان التشكيلي وتجسموية المصور الرائع.

    قرأت المقالات كلها ورقص قلبي طربا حينئذ، لكن لم يسعفن الوقت بأن أضع من الرد أجزله، ليكون نعم الجزاء الوفاق، ذلك أنني شغلت بأمور الدنيا ومناقشات بيزنطية، عزفت عنها الآن لأسباب عدة.

    لقد وقفت على بعض أعمالك وكم تحسرت على أننا لم نحتس بعض من الصودا سويا، تلك التي عشقها عزو؛ آتية بكل لون بهيج.



    (أنت تعال: عزو ده من أعضاء نادي البلح الرياضي؟)



    لك مودتي ودمت لنا يراعا مصوِّرا ومدادا مشكِّلا...



    أخوكم محمد بدوي



    وعدتني بالكتاب – ووعد الحرّ دين عليه!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 06:41 PM

بله محمد الفاضل
<aبله محمد الفاضل
تاريخ التسجيل: 11-27-2007
مجموع المشاركات: 7984

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد بدوي مصطفى)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 07:34 PM

محمد بدوي مصطفى
<aمحمد بدوي مصطفى
تاريخ التسجيل: 08-12-2009
مجموع المشاركات: 442

للتواصل معنا

FaceBook
تويتر Twitter
YouTube

كيف احذف مداخلة من بوستى
شئ بديع في الكون... (Re: بله محمد الفاضل)

    شكرا يا صديقي، عمل غير عادي،

    أبداع، يا أيها "اللعين"!

    ختيتك على الله يا تاج !

    مودتي

    أخوكم

    م.ب.م
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 08:26 PM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: محمد بدوي مصطفى)

    الاخ تاج

    موضوع شيق وعميق

    كنت متابع برامج تلفزيوني اسمو اي شئ من اجل المال ( اني ثنغ فور موني ) اها مقدم البرامج بعض مرات بيسال الشخص عن شغلو ومؤهلاتو فكان من بينهم سيدتين وحده عندها ماجستير كيمياء وشغالة بتلم في الزبالة والتانية عندها ماجستير في الكهرباء على ما اعتقد وشغالة سائقة شاحنة وكانت ضمن اجاباتهم انهم يحبون عملهم اكتر من مجالهم مع انهم امريكيون الاصل

    مديرنا امريكي سي اف او زنجي يحب السودانيون اها قال لي مدير قسم عربي نجيب معاك واحد في المكتب وازيد ليك راتبك رفض مدير القسم وقال عايز مكتب منفصل بدون زيادة

    فقام قال لي جادا ومازحا انو قال لي امو ماشي يشتغل مدير مالي في الخليج قالت ليهو (لت ذم كول يو اني ثنغ جست تيك ذا موني اند كم باك هوم )


    تحياتي

    زاتوووو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 10:30 PM

ابراهيم محمد موسي
<aابراهيم محمد موسي
تاريخ التسجيل: 10-25-2008
مجموع المشاركات: 1089

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: ALZOLZATOO)

    عيني باردة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 11:17 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15380

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: ابراهيم محمد موسي)

    Quote: الحمد لله الواحد لسع شغال (في مجالو) .. بينما الجماعة مازالوا (يتسكرتون ويتبّتزون)!


    تاج السر الملك يا ملك، يا رائع يا مبدع.
    أها، بعد دا نصيحتك شنو للناس القدو
    لوتري العام دا ما عامناول؟؟؟

    تحياتي ليك في نيويورك، ولود
    الصائم في مجالو...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:24 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: معاوية المدير)

    معاوية المدير العزيز

    و الله نصيحتي الصبر و المثابرة، الريسيشن ضرب الدكاكين على كل
    وقو ليهم يخلو بالن من الصورة، تلتماية في تلتماية، و يا ريت يرسلوها
    لينا في الاستديو عشان ينفعونا و ننفعهم شفت النظرة الانتهازية دي ههههه

    لك تحيتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:21 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: ابراهيم محمد موسي)

    تسلم عينك يا ابراهيم موسى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 02:59 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: ALZOLZATOO)

    سلامات يا زااااتو

    ضربت المسمار بالشاكوش
    شعارنا ( لو في فلة الشغل ما عيب)و كالما ان الرجل لا يتكفف الناس فراسه مرفوعة
    الامريكان لا يسألون عن نوع العمل و لكن السؤال دائما يأتي في شكل ( عندك و ظيفة؟؟؟)
    أن أجبت بنعم فأنت محترم بغض النظر عن نوع الوظيفة




    تحياتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-09-2011, 03:51 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شئ بديع في الكون... (Re: محمد بدوي مصطفى)

    Quote: أبداع، يا أيها "اللعين"!

    ختيتك على الله يا تاج !

    هههههههههه
    الدعوات عندك يا دكتور
    شكرا ليك و بعض من ابداعك
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 00:41 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد بدوي مصطفى)

    ود البدوي الصديق

    Quote: العزيز تاج السر، يا "ملك"! (ورش - أو يا "مالك" – القلم؛ حسب رواية حفص)

    عمل شيق ويراع متفرد، تجلى في لوحات انسيابية ومناظر درامية، ثم ماذا ... تفرد فيه إبداعوية الفنان التشكيلي وتجسموية المصور الرائع.

    قرأت المقالات كلها ورقص قلبي طربا حينئذ، لكن لم يسعفن الوقت بأن أضع من الرد أجزله، ليكون نعم الجزاء الوفاق، ذلك أنني شغلت بأمور الدنيا ومناقشات بيزنطية، عزفت عنها الآن لأسباب عدة.

    لقد وقفت على بعض أعمالك وكم تحسرت على أننا لم نحتس بعض من الصودا سويا، تلك التي عشقها عزو؛ آتية بكل لون بهيج.



    (أنت تعال: عزو ده من أعضاء نادي البلح الرياضي؟)



    لك مودتي ودمت لنا يراعا مصوِّرا ومدادا مشكِّلا...



    أخوكم محمد بدوي



    وعدتني بالكتاب – ووعد الحرّ دين عليه!


    اشكر للزمن و لأخي صديقي أن تشرفت بمعرفتك و لقاء شخصكم الكريم
    عزو ده بس اسكت ساي بوريك قصتو قريب
    أما عن الكتاب فانشا الله مع صديق بدوي بيصلك باسرع فرصة
    لك مودتي و انت ترفل في الديوان الشرغربي
    و لا انسي شكرك على الديوانين و السي دي و سوف اكتب عن كا ذلك قريباً

    السلام
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 00:31 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: الطيب بشير)

    الطيب بشير الزميل الدكاكيني العريق
    أولا امسك عندك اقرا الحكايا السابقات


    http://tajsudan.maktoobblog.com/


    هههههههههه
    ريزمي اخت الموت لاكين ههههههههههههه

    الله يديك العافية و الله من قلبي ما اكلشيه ساكت
    ويقدرك
    الملك

    (عدل بواسطة Tagelsir Elmelik on 05-02-2011, 00:33 AM)
    (عدل بواسطة Tagelsir Elmelik on 05-02-2011, 03:48 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 00:26 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد زكريا)

    Quote: *فصل المساق الادبى فى الطابق التانى الجانب الغربى
    **فصل العلمى الاديشنال فى الطابق الارضى اخر فصل فى الجانب الغربى
    ***عم بابكر صول الكديد فى الخرطوم القديمه



    محمد ود زكريا

    لا حولتن بالله، متذكر ده كلو؟؟؟؟
    ناس ابوبكر زارنا منهم منتصر القدال قبل فترة و لا كان في عمر؟؟؟
    لكن شفنا ناس (علي) في الزحمة اليوم داك و بعض من ناس (عثمان) و كان ما اخاف الكضب الشفيع أحمد الطيب
    و جمال عبد الرحيم و محمد الأمين الخليفة علي مالك من علي
    بكري قصر و الله هههههه

    لك ودي و دامت القديمة منارأ يهدنا الى المحبة
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:50 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: محمد عبد الماجد الصايم)

    ونت طيب يا صايم
    ما تسمع كلام امير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 11:56 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: yasir Abdelgadir)

    أخي العزيز ياسر عبد القادر
    و الله سعيد بوصولك للبوست وانك وجدت فيه المتعة، فالفن الخالي من المتعة فن ساقط
    أنا ما من جماعة الفن للفن و الحاجات الصفوية ديك، نحنا غبش و بنظل غبش
    كان ما ضحكنا من الكريهة، المغسة بتشرطنا
    لك محبتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-01-2011, 11:51 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: حسن حماد محمد)

    Quote:
    لله درك يا ملك _ ملك ملوك عموم البنى كجة

    اعدتنا للفورتى سكند عندما كانت الدقيقة للسودان من AT&T بثلاثة دولارات

    ومحاولات فتح الخط أحياناً تأخد ساعات وساعات

    وتمر المكالمة عن طريق اليونان قبل أن تصل الخرطوم حيث تكون الحاجة منتظره لأكثر من يومين لسماع صوت ابنها المغترب المكلوم

    وتزرف الدموع ويتم السؤال عن كل ناس الفريق والشوق بحر ما ليهو حد

    هذا الكلام طبعاً قبل اللوتراب واللاسايلاب ومن أتى بعدهم حتى صارت الآن الدقيقة بأقل من عشرة سنتات

    وصارت المسكولات تصلك من ابودليق وودحسونه والعسيلات وعلى راس كل ساعة

    وأمى زاتها بقت ترسل ليك مستش عادى وتقوليك اتصل بعد ساعة من الآن وبعد الفطور

    وأنا منتظراك جنب الوسترن يونين بى نمرة الحوالة دحين يا وليدى ما تتأخر


    فعلا يا حسن ده كان في زمن جماعة ورق المزارع
    نحنا كنا بنشتري النمر المضروبة ( ما يكون في بوليس بعاين) ، بدوك النمرة في ورفة ######اااانة
    بخمسة دولار، تقوم تمشي اقرب تلفون عمومي، و تضرب السودان، أنت و حظك، او اشتغلت، ممكن
    يرسلو لخالك يجي من الحصاحيصا يتكلم معاك، بعد شوية شركة التلفونات تبلغ البوليس، تشوفو من بعييييييد
    بفتش للتلفون، تتوكل على الله و تفك البيرق هههههه


    يا زول هسة ابو الاسكايب حارق تش، عينك للحاجة تلايق في الخدرا

    لك الود
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 01:47 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 12-03-2006
مجموع المشاركات: 13872

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    Quote: يا زول هسة ابو الاسكايب حارق تش، عينك للحاجة تلايق في الخدرا


    اسكايبك البزازى اليوم كلو دا؟ لا عرفناك داخل لا عرفناك مارق؟

    دا الحاجة بتلم فيهو كيف؟

    (انا طبعاً لو قلت ليك انا فهمت شنو لمن قريت "شغال فى مجالو" - بالنسبة للمجال الجوى وكدا - برفدونى من البورض)






    ... المهم ....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 02:04 AM

د.نجاة محمود


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: تبارك شيخ الدين جبريل)

    من الحاجات اللذيذة برضو في ناس امريكا من كل الانواع
    موضوع القراية

    اذكر مرة رجعنا السودان واحد ادانا قروش لاهله
    جات امه واخته ومعاهم واحدة يشيلوها

    اها الام والاخت دي تخت ودي تشيل قالو الولد بقرأ هندسة فضاء
    ولا يقولوليك بيدرس هندسة جينات
    حاجات غميسة ورنانة شديد
    والغريبة الى الان الحاجة دي مدورة بشدة

    طبعا برضو المشو كلهم واولادهم كبرو بقوليك اولادنا بيقرو طب
    برضو دي يا الملك عايزة ليها بوست

    الناس البدو معلومات غلط عن مهنهم ويعرسوا بنات والبنات يجو يعملو غاغات شديدة
    واحدة قالت لي من حيث المبدا لو قال شغال في طلمية مافيها حاجة
    لكن يقولو شغال في مجالو مهندس دا كذب

    مع التحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:28 AM

Ammir Mohamed

تاريخ التسجيل: 02-14-2007
مجموع المشاركات: 494

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: د.نجاة محمود)

    التاج مشتاقين والله
    والله كتابة سلسة وممتعة

    كدي خليك من مجالو شوف لينا دكان يماني ولا مطيعم إنشاء الله أصلو غسيل العدة محمدنا محمدنا الواحد كان اتحرفن في البيت بزوق من العدة دي يومين في الاسبوع!!


    Quote: و الله بالجد لازم الاقيك اعمل ليك صورة
    وعد
    الملك



    ود الصايم التاج ده بتكلم في مجالو لكن تعرف حاجة، ماسورة من أمها !!! أنا عندي صورتين عنده ما عارف ما عايز يرسلهم ليه يكون هسع بقشر بيهم هناك.. بس تصدق الزول ده مجضم (مجالو)

    لك الود ود الملك ونتلاقى إنشاء الله

    أمير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 07:38 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 34989

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Ammir Mohamed)

    Quote: ود الصايم التاج ده بتكلم في مجالو لكن تعرف حاجة، ماسورة من أمها !!!



    أمير يا عمكـ .. شنو النفسيات دي ياخ!
    خلينا نقشر بالوعد دا شوية وبعدين نشوف الفعل!
    ما ياهو الحكومة بتوعد فينا كم وعشرين سنة وتخلف .. بقت على الملكـ!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:36 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Ammir Mohamed)

    يا امير سلام

    صورك مكبرة و معلقة في الحيطة، و الباقي معروف، صفوف تقيلة ههههههه
    ود الصايم زول مملكة قلنا نطلع بى ريال ريالين وعد مدفوع الأجر

    تحياتي لك
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:33 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: د.نجاة محمود)

    يا دكتورة نجاة


    ناس امريكا ناس سمحين و الله و انا اعني ما اقول
    و مشكلة اسماء العلوم البدرسوها ما منهم من الأمريكان، الأمريكان هم المولعين بالأسماء الرنانة

    بعدين راس السوط لمسني في قصة الطب دي
    أشرف ولدي بيدرس طب، و الله دي ما مكنة، ناس فيرجينيا الفي البورد عارفين، أسألي الجزلوت
    كان دايرين صور بنزل هههه و هسة في فيرجينيا تيك، ما شاء الله حفلة تخريجو من الأعدادي بعد اسبوعين
    الحتة بتاعة الكضب في الوظيفة ما اظنها متداولة بين ناس امريكا، فاغنية البوماستيك كان موقعها مطار جدة القديم
    و الله أعلم

    لك محبتي
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:26 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: تبارك شيخ الدين جبريل)

    يا تبارك

    اسكايبي من النوع الهزاز فليكري شديد، بجيب الخدرا

    اضرب لى كلمني فهمت شنو من المجالو؟؟؟
    سلام
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 03:51 PM

طلحة عبدالله

تاريخ التسجيل: 09-14-2007
مجموع المشاركات: 14075

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    تعرف يا تاج السر أنا متابعك من زمان وعندي إعتقاد شخصي أنو الرد على كتاباتك بإبداء الاعجاب
    وأخوانه ممكن يزاحم قناعتي الراسخة جواي بأنك زول مبدع وممتع حقيقي عشان كدا قاعد اكتفي
    بالتهام ما تكتبه وأنا في كامل شهيتي ..
    هازول الله يديك العافية.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 04:42 PM

طلحة عبدالله

تاريخ التسجيل: 09-14-2007
مجموع المشاركات: 14075

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: طلحة عبدالله)

    نسيت يا تاج أن أسألك من سر حبك لإسم ( عزو) هنا وفي راجل المراه ؟
    وتاني حاجة يا ريت تهتم أكتر بالأخطاء المطبعية فهي على قلتها لكن بالتأكيد لها تأثيرها ..
    وتالت حاجة ليك كميات مهولة من التقدير يا زول نجيض .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-02-2011, 10:57 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: طلحة عبدالله)

    سلام يا طلحة

    Quote: تعرف يا تاج السر أنا متابعك من زمان وعندي إعتقاد شخصي أنو الرد على كتاباتك بإبداء الاعجاب
    وأخوانه ممكن يزاحم قناعتي الراسخة جواي بأنك زول مبدع وممتع حقيقي عشان كدا قاعد اكتفي
    بالتهام ما تكتبه وأنا في كامل شهيتي ..
    هازول الله يديك العافية.

    ها زول
    أنا كمان غلبني ارد
    اكتفي بالدعاء لك بالعافية

    الملك

    (عزو) ده زي ابحث عن فضولي زمان، مصدرو اخ عزيز اسايلابي توفاه الله في حادث حركة، أخي و صديقي ( محمود عثمان)
    و الذي ستظل ذكراه عطرة الى ابد الآبدين، كان يستخدم الاسم مراراً تفاديا للدخول في تفاصيل الأسماء، و يمثل الأسم بالنسبة لى
    رمزاً اشتراكي النزعة، فكلنا سودانيون متساوون في كل شئ، و كلنا عزو.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2011, 08:58 AM

imad hassan
<aimad hassan
تاريخ التسجيل: 08-04-2008
مجموع المشاركات: 131

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    عندي صاحبي في فرجينيا قال لي امو سالتو شغال وين في امريكا يا ولدي؟ قال ليها شغال في مجال البترول.قال لي هسه دي مش الحقيقة؟ هو شغال في طرمبة طبعا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2011, 02:55 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: imad hassan)

    خضر حسين سلام
    شكرا ليك على الطله و المقدر لابد يكون
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-03-2011, 11:38 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 3895

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: imad hassan)

    عماد حسن سلام
    Quote: عندي صاحبي في فرجينيا قال لي امو سالتو شغال وين في امريكا يا ولدي؟ قال ليها شغال في مجال البترول.قال لي هسه دي مش الحقيقة؟ هو شغال في طرمبة طبعا.


    موزعي الجرايد صحفيين
    بتاعين الامن سيكيوريتي
    الخ

    لهم جميعا التجلة، العيب في الرجل العاطل.
    وشكرا لك
    الملك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

05-04-2011, 00:53 AM

د.محمد حسن
<aد.محمد حسن
تاريخ التسجيل: 09-05-2006
مجموع المشاركات: 14217

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: شغال في مجالو (Re: Tagelsir Elmelik)

    تاج السر

    بصراحة انت زول حقار
    شكلك قاصد المتعافي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 2:   <<  1 2  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de