|
دعواتكم لزميلنا المفكر د.الباقر العفيف بالشفاء العاجل
|
|
 Re: سرحت مايكل جاكسون.. و رقصت ليك بريك!!! (Re: Tagelsir Elmelik)
|
Quote: و قد كنت قد استمعت قبل يومين، و لأول مرة في حياتي لأغنية، يقول مطلعها، ( سرحت مايكل جاكسون، و رقصت ليك بريك)، صدفة محضة ساقتني وقذفت بشريط ( التي دي كي) ابوفصدة في طريقي، شيء مثل ( الديجا فو)، خاصة وان مايكل مايكسون يملا برحيله الدنيا و الكواكب السيارة، و قد اعجبتني الأغنية لبساطتها و تواضعها، و تمنيت في قرارة نفسي لو ان السيد ( جاكسون) استمع اليها قبل رحيله المبكر، فلربما انشرح قلبه الطفل، و لعلم ساعة لا مندم، ان من بين البني كجة من يعرفه و يحبه، اثارت الأغنية في نفسي عواصفا من المشاعر المختلطة، فقد هيأ لى عقلي المستريح الى خواطر الحزن و الأسى، أن الأغنية رغما عن بساطتها، تشف بصورة ما ، عن وفاء و عرفان عظيمين لأنسان عظيم، نذر كل حياته لأمتاع الناس ، متجاوزا حدود أعمارهم، الوانهم، أعراقهم و جنادرهم، فاصبح طيفا اليفا يصحبهم في سني عمرهم، حتى فوجئوا بنفاذ عمره، فصعب عليهم التصديق.
|
ليته إستمع إليها!!
| |
 
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: سيف النصر محي الدين محمد أحمد)
|
سلام أ. تاج السر ..
و د. سيف
| Quote: الغنية دي سمعتها زمان..بس ما متذكر اسم الفنانة. : |
بالغت يا دكتور !!
يظهر ( الكبر ) دخل عليك .. مالك الحاصل شنو نحنا ما دفعة ياخي !!
ما متذكر ( آمال و منال ) ..
طبعاً أنا بتذكرهم زي ( الملوحة ) الماشي أتغدى بيها هسع دي .. تخيل !!
آمال و منال و شقيقتهم ( المرحومة ) الما بعرف إسمها كان إسمهم ( بلابل كردفان ) و هم أصلاً من الأبيض ..
و ظهروا بعد الإنتفاضة كدة تقريباً ..
و كانوا بيغنوا بإيقاع سريع جداً لحدي ما يتخيلك أنهم جارين و الأوركسترا جارية و راهم و هم بيغنوا ..
و الأغنية دي ( تقريبا ) كان بتقول ..
سرحت مايكل .. مايكل ..
سرحت مايكل جااااكسون و رقصت ليك بريك ..
حبيبي أنا أمورتك ..
أنا .. أنا .. عصفورتك
منك بطير و بجيييييييي ..
ـ
تعرف الأغنية دي أنا متذكرها لأنها أصلاً بتذكرني بحاجات لذيذة خلاس ..
يا حليلنا .. يا سيف ، و يا شماتة عبد الدائم النضيف فينا ..
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: عصام دهب)
|
| Quote: آمال و منال و شقيقتهم ( المرحومة ) الما بعرف إسمها كان إسمهم ( بلابل كردفان ) و هم أصلاً من الأبيض .. |
يا عصام
سلام
عماد عبد الله قال انهم عملوا اعلان ( لبان سندباد)
و مقيمين الآن في استراليا
اصواتهم جميلة جمال ما عادي
شكرا على تنبيه دكتور سيف بالخرف المبكر
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: سيف النصر محي الدين محمد أحمد)
|
يا دكتور سيف و يا عصام
خلوني النمشي على المعز ده نشوف قصة الحفا دي و ارجع معاكم للبلابل الكردفانية
تعرف يا معز لمن خبر الوفاة دا اتأكد
اول زول جا في خاطري اخوك أحمد
ده طبعا كان مجنون جن بى الجاكسون فايف هسة بكون فارش
بعدين يا جبان نحنا كنا بنساسق للأضواء في عمارة مرهج
نشتري من هاشم قسم السيد الشرائط و بسجلا رحمة الله ( أبيض)
اعظم ديسك جوكي في تاريخ السودان، انت بالذات كنت بتاع ( كليف ريتشارد) و ( الديب بيربل)
و حاجات مخستكة، ما كنت ( سول بروذر ) أصلي، مرة وااااحدة سجلت لى (get it together)
بمسجلك الزى الشنطة السامسونايت داك، و كنا بنجيب ليك من بحري ( ايدي كندركس) و ( كيرتس ميفيلد)
اها وتاني منو ( روبيرتا فلاك) ، و تسجيلك كان كعب اديتو لى ( منير مصطفى حميدة)، نحنا كنا قيادة خطيرة
في الرزم اند بلوز، نجيكم في الخرطوم شرق، نمرقكم من وسط التمر هندي داك الى عالم موتاون، غايتو سندوتشاتكم
كانت سمحة، و حوشكم الورا داك و العربية الزفير، يكون صاني لمن نجيكم، عبد الرحمن قصر و السنجك نحركو ليكم شوية
الغلاف بتاع روزمين؟؟
شكرا ليك لمن برضو بتكون منحاز لى عشان جمعية العلوم
تحياتي للأولاد
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: انعام عبد الحفيظ)
|
انعام يا انعام
الأغنية لذيذة شديد
لو ترجموها للأنجليزي بتكون الذ
من الأشياء الغريبة انو فرقة عظيمة زى ال(O'Jays) اشارت الى عبقرية جاكسون في واحدة
من اغانيهم فى التسعينات، وده اعتراف صريح من فرقة مكونة من نخبة من اساطين المغنيين
المخضرمين بقيمة هذا الرجل.
اشارت التعليقات الى ان شهرة مايكل قبل مسبوقة ولا يتوقع أحد أن يحققها اي انسان ( مغني)
فالظروف التي خلقت اسطورته، من الصعب ان تجتمع لأحد، بجانب الموهبة فمايكل عمل مع افضل
الموسقيين في عصرنا..هال ديفيس، سموكي روبنسون، هولاند- دوزييه - هولاند، ويتفيلد، موتاون، ايبيك
ساوند اوف فيلاديلفيا و كثيرون غيرهم.و قد صاحب ظهوره الثورة التي حدثت في مجال الأتصالات المرئية
و يعزي البعض نجاح ديزني الى جاكسون، تولى اخراج افلامه الغنائية القصيرة عمالقة مثل( ستانلي كوبريك)
و ( سبلبيرغ) و البريطاني التاني داك نسيت اسم.
سلام
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: Tagelsir Elmelik)
|
تصدق يا تاج السر
عندما صدمنى الخبر ولم استطع تجاوزه عزيت نفسى بغناء سرحت مايكل جاكسون
فهى اغنية فعلا بسيطة ولذيذة استعمت لها فى كاسيت بسيارة صديقى المحامى جمال بروتين فى 1987 تقريبا
امتزجت عندى لذة الاغنية و ايقاعها السريع مع حبى لجاكسون فشكلت مسرى عجائبيا داخل ملجأ الذكريات الجميلة
مسرى من ضمن تلك التى تفتح طاقة نحو احساس يصعب على تعريفه فهو خليط من الحنين الجارف لشئ ما و المتعة التى لها صلة قوية بالأزلية.
" اينت نو سن سن شاين"
المون ووك
وداعا مايكل
شكرا تاج السر
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: Dr. Moiz Bakhiet)
|
يا ابو السره ويا دكتور
انتو جيلى , قبل القبح فى بلدى
وبعدها لا ذكريات لنا
الا الذى يرفع صوت غناءنا بشفافية
اعنى سودان يحتفى بالانسان كاحتفائه بل يفوق بمريم
بنت الحاج ماكبا
وهل راى الحب سكارى
مثلنا وثومه بت ابراهيم
غنى لى الحبوب يوما
اغنيه وقال لى
(غنينا يوم مسكنا كوتينيب )
شعرت انو السودان غير شك بلد واحد اثنين تلاته
علا البقنع الديك منو انو البلد واحد؟
المهم النضال مستمر ولو كره الكافرون
تحياتى وعاش نضال كل الناس
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: هشام المجمر)
|
هشام المجمر الصديق
aint no sunshine
ياخي انت كان كده صاحبي عديل
بالله في الدنيا دي ممكن يكون في زول صوتو زى ده؟؟
الحزن اصاب الناس كلهم يا صديقي من مجرد وجود فكرة
العالم بدون جاكسون، ما في سنة مرت و جاكسون ما كان
في الهيدلاينز، ده زول ما عندو ولا اغنية بايخة واحدة
تحياتي
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: Tagelsir Elmelik)
|
| Quote: شعرت انو السودان غير شك بلد واحد اثنين تلاته |
Dear Khalid
Lets just do what we can to stop the war in Sudan
lets stick to the social justice values, and live in peace, it is a big country
it will take us all in, or else , someone will take it.
Thank you for stopping by
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: سيف النصر محي الدين محمد أحمد)
|
سلامات يا تاج السر
كان ذلك بعد الانتفاضة ،
ظنت الشعوب المسالمة من ساكني المليون ميل مغبر أن أسوأ ايامها قد ولت وأن أسوأ كوابيسها قد ذهبت لا محالة ،
فانطلقوا في الغناء الجميل ،
انتشرت وقتها تلك الاغنية وظلت الصبيات يكررن ويمددن حرف الياء في رقصت ليك بريييييييك ما وسعهن الانجذاب والطرب ،
انه ذات الوقت الذي غني فيه محمد عثمان وردي يا شعبا تسامي وحنبنيهو البنحلم بيهو يوماتي ،
وغني ود اللمين الالف اللام السين ... الخ مما تمني الحالمون ،
-----------------------------
أقول لك شيئا عجيبا يا تاج السر فيما خص هذه الأغنية :
قرأت مرة لسعد الدين ابراهيم كتابة يقول فيها انه هو من ألف هذه الأغنية ذلك الوقت ، فسررت أيما سرور .
مودتي .
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: ابراهيم عدلان)
|
الله يسألني ياتاج السر لو ماقريت كلامك دا ليوم الليلة انا قايلا ابلو ري
الفنان دا جيلنا بتذكرو كويس ( جيمس براون ) وكان التلفزيون عندو حوالي اغنيتين او تلاتة في مكتبته لكن الاعنية دي كانت الاشهر ... واذكر تحلقنا حول ذلك التلفزيون الابيض واسود ( الروسي ) والوحيد في الحي كانوا بيفتحوه في العصر وبيشتغل قريب اذان العشاء ( دا كلو تسخين ) قبل ظهور الترانسيستور والتقنية الحديثة .... ولا زلت اذكر اعجابنا بغناء جيمس ( اسمح لي اقول جيمس حاف كدا ) وما كنا فاهمين منو اي حاجة لكن كنا بنردد الاغنية دي كالاتي :
أه أه أبلو ري ون تايد ... أه أه أبلو ري ون تايد وهكذا  وأذكر ايضا الطريقة التي يغني بها وفي الاغنية دي بالذات يسقط على الارض فور الفراغ من غنائها ويقوم بعض مساعديه بتغطيته بجاكت او عباءة ( بترقش كدا ) او نحو ذلك ....
شكرا تاج السر على الكتابة السمحة دي رجعتني لزمن جميل او احسبه كذلك ...
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: الفاتح ميرغني)
|
| Quote: نوال ومنال وأمال، كان لي شرف العزف معهن في فرقة فنون كردفان ثم فرقة الشباب. |
تصور يا اخي الفاتح
لو كان البوست ده انجز غرض ‘ فهو ان نلتقي بواحد من الموسيقيين الشاركو
فعليا في تنفيذ الأغنية‘ شفت الدنيا دي ضيقة كيف‘ انا اسمع اغنية في آخر الدنيا
القى زول اشترك فيها في نفس البورد معانا‘ و اشكرك على مزيد المعلومات التي
اسهمت بها‘ و بذكر ابراهيم موسى ابا‘ فذلك موسيقار شامخ‘ اتمنى ان يجد ما يليق
به من تكريم و اشادة.
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: عبدالوهاب علي الحاج)
|
| Quote: الله يسألني ياتاج السر لو ماقريت كلامك دا ليوم الليلة انا قايلا ابلو ري |
عبد الوهاب الحاج هههه
بالله انتو كنتو برضو بتبلو راي و عليها ون تايد؟؟؟
بعدين كان في كلمة ( بييبييييييييي)، كمال كيلا كان بلصقا في اى أغنية
و برضو كنا قايلين الصريخ بتاع جيمس براون كلمات انجليزية رهيبة
بعدين قام جاب ( ساكس ماشين) و دي طوالي عرفناها ب ( سيكس ماشين)، تسمع صايد
و تقلب تتمها بهناك ( اسطوانة خدرا ملطشة بألوان اصفر و احمر)، بعدين تلفزيونكم كان ( زينيت)؟؟
نحنا كنا ( سانيو) بالأقساط النوع اب لمبة ( تقيل جنس تقلة)، مغطي بى ملاية في ركن البرنده
اول ما نرش الحوش في المغرب، تلقى الحوش اتملا، ناس ما بنعرفن زاتن، الصاحب و صاحب الصاحب لى سابع جار
سهرة ( اسفاى) ديك جونا ناس من كوستي عديل.
تحياتي
الملك
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: Rawia)
|
راوية العباسي
اكواد بكري اظنها ما شغالة، ممكن ارسل التسجيل لأى زول
حريف ينزلا
| Quote: مشتاقييين شديد وياحليل البلد |
بالكراتين يا راوية
بقيتي زى حبوبتب ( حليمة بت الشيخ) ، يوم في اب حراز و يوم في ( عترة)
و تالت يوم في ( القريقريب).
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: الوليد محمد الامين)
|
Quote: قرأت مرة لسعد الدين ابراهيم كتابة يقول فيها انه هو من ألف هذه الأغنية ذلك الوقت ، فسررت أيما سرور .
|
اصلو ما ممكن
و الله يا الوليد دي حقيقة معلومة عجيبة
شكرا لك على كل ما اوردته من معلومات
باخي الأنتفاضة دي مرقت ( عقد الجلاد) و ( حنان النيل) و حبينا نحنا من اول جديد
و ( ابراهيم محمد الحسن) و كثيرين غيرهم
شكرا للمرة الثانية
الملك
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: Tagelsir Elmelik)
|
استاذنا الكاتب والفنان الكبير جداً تاج السر
بعد القراءة ومحاولة التقريب لهذه الاحداث وهذه الثقافة بين جيلي وجيلكم "ابت كلو كلو"
فلقد ورثنا منكم كل الأغاني التي سمعتوها و"الشرايط" وتفرجنا على صوركم وأنتم تلبسون "الشارلستون"
والقميص الضيق ذو "اللياقة" العريضة ومنه ذلك الشهير "تحرمني منكـ" و"الشبشب" الدبابة
والتسريحة "الخنفس" ، ورأينا أثاثكم ومنها "الحمار" الذي يوضع فيه ماذكر أعلاه من ملابس
نحن جيل الثمانينيات..حين كنا اطفالاً كباراً..نسمع بوب مارلي مع الجميع ، ونرقص مع تينا تشارلز معهم ولكن بدايتنا كانت مع "thriller"
نحن الجيل البائس الذي كان ينام من الساعة التاسعة ولكننا شهدنا برنامج اسمه "جريدة المساء"
جريدة المساء هي مواعيد حل الواجبات وشرب اللبن ، وكانت فيه فقرة تقدم فيها فرقة "abba" صاحبة مقدمة سينما سينما "fly fly eagle" وكليبات "مايكل" وأغاني الـ Boney M وموسيقى "james last"
ثم أتت "وي ار ذا ورلد" التي كانت أغنية الجميع..فمرة تقدم كما هي مع كيني روجرز وديانا روس وراي تشارلز والبقية.. ومرة تقدم مع صورة تلك الاثيوبية التي تبحث في بيت النمل عن فتات العيش.
ياخي انتو اجيال قديمة خلاص
أما مايكل.. أعجبتني كتابتك وأنت تحلل هذا الفنان الذي لن يوجد له مثيل..حينما قلت أنه طفل عاش في جسد شاخ..كبنجامين بوتن, وأنه أبدع وهو طفل في غناء تفوق كلماته مرحلته مثل أغنية I'll be there
طبت استاذنا
| |
|
|
|
|
|
|
|
|
|
Re: سرحت مايكل جاكسون.. و رقصت ليك بريك!!! (Re: محمد يوسف الزين)
|
| Quote: نحن جيل الثمانينيات |
و الله البسمع كلامك ده يا محمد يوسف يقول لسة بتحبا هههه
( ابا) بتاعينك ديل في ملجأ العجزة كان ما ماتو
Quote: فلقد ورثنا منكم كل الأغاني التي سمعتوها و"الشرايط" وتفرجنا على صوركم وأنتم تلبسون "الشارلستون"
والقميص الضيق ذو "اللياقة" العريضة ومنه ذلك الشهير "تحرمني منكـ" و"الشبشب" الدبابة
والتسريحة "الخنفس" ، ورأينا أثاثكم ومنها "الحمار" الذي يوضع فيه ماذكر أعلاه من ملابس |
يا زول نحنا لسنا حيين و دايرين ندبل العرسة، جابت ليها ورثة
| Quote: مواعيد حل الواجبات وشرب اللبن |
ونحنا كنا بنشرب عرديب؟؟
انت عارف في التمانينات دي انا كنت بلف مع ناس الجعيلي و مجدي سعد درياس
نأجر الديسكو للناس، وانت في شراب لبنك ده و حل الواجبات و ادمون منير
العجيبة انو اى زول بيدعي انو من جيل مايكل جاكسون و دي شهادة عظيمة للزول ده
ياخي ولدى الكبير ناس التسعينات بيقول انو مايكل فنان جيلهم شفت القصة دي كيف
تحياتي يا اديب يا اريب
الملك
| |
|
|
|
|
|
|
| |
Tagelsir Elmelik
انعام عبد الحفيظ
حيدر حسن ميرغني
عبدالمحمود محمد عبدالرحمن
عصام دهب
هشام المجمر
Dr. Moiz Bakhiet
Rawia
ابراهيم عدلان
عبدالوهاب علي الحاج
Faisal Elrasheed
الفاتح ميرغني
محمد يوسف الزين
خدر
فيس بوك
تويتر
انستقرام
يوتيوب
بنتيريست