|
|
|
 Re: عساكم من عوادة .. "بوست مستلب جدا "! (Re: محمد عبد الماجد الصايم)
|
في أول أيامي بشرطة أبوظبي جاتني مراة كبيرة في المكتب ولده عسكري ومحبوس في تحقيق اداري ، اهتميت بيها واحترمتها على الاخر
وشابكه ليك (ياخالة) مافي مشكلة وانشاء الله (ياخالة) بنفكو قريب وانت (ياخالة) امشي البيت واطمني. غايتو اتوكلت على الله ومشت
اتلفته لي المصري المعاي في المكتب لقيت وشو زي الطماطم قال لي يخرب بيتك ده شنو القلتو للولية دي ؟ قلت ليهو يازول انت مجنون
والا شنو طيبت خاطره واحترمتها جداً وقلت ليها ياخالة ..... قال لي ماهي دي المصيبة انت عارفه خالة يعني شنو ؟ قلت ليهو ايوه
وكمان بتقول ايوه ؟ يازول المشكلة شنو في خالة دي ؟ وفهمت منو بعد داك يعني شنو (خالة) في لغة أهل الامارات.
| |
 
|
|
|
|
|
|
|
|
Re: عساكم من عوادة .. "بوست مستلب جدا "! (Re: عصام علي أحمد)
|
يا هلا يا هلا بسميتي ...
والله هاذي الساعه المباركه ,, حياج حياج يا بعد عمري ...
اشلونج شخبارج عساس طيبه ؟؟؟
كل عاو وانتي بخير وعيدج مبارك يا عيوني ...
تراني دورت رقمج فوق حدر , ابي ادق عليج يا الغاليه ترى جذي ما يصير ....
كل سنه طيبه يا دلويه ...
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: omer osman)
|
الاستاذة داليا
سلامات والعيد مبارك عليكم
حقيقة دة بوست علمى .. واتمنى ان يشارك فيهو الجميع .. كل عضو يورينا اللغة والكلمات المستخدمة فى المكان الهو فيهو ونكون نشرنا وعرفنا مع بعض ثقافات الشعوب الاخرى ..
واقل ما فيهو انه نكون عرفنا لغات الاخرين لنأمن شرهم ..
بالنسبة لى انا موجود فى الخليج والبوست بدا بيهم .. ننتظر مشاركة الاعضاء فى المناطق والبلاد الاخرى ..
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: ALZOLZATOO)
|
داليا .. كيفنك
يا اختي كل سنة وانتى طيبة ..
والقابله ذي ما عايزه ..
وربنا يحقق أمانيك ..
-------------------------
وحات الله يا داليا أضاني اتغدت عديل كدي من الكلام ده ..
والغيظه كاتلاني ... بس نسوي شنو ..
مبارج عيدج ..
وشو اخبار السيايير ..
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: احمد التجانى احمد)
|
Quote: لهجة بوستك دة اقرب
لناس البحرين - الكويت والنواحى دى
غايتو لو شفنا بالغلط مسلسل خليجى
بجينا وجع اضنين |
احمد تجاني جبببببب 
ايش دعوي تبقي تقط و تلعوس هاي الحكي..
..........
وماشاء الله يا احمد الاولاد كبرت ياخي وبقت تنور البروفايلات وجاهة
وكل الود وسلام يا داليا
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: عبدالكريم الامين احمد)
|
Quote: وماشاء الله يا احمد الاولاد كبرت ياخي وبقت تنور البروفايلات وجاهة
|
الله يخليك يا كيكى ويرزقك بالذرية الصالحة
تعرف والله كلمة
عاجبانى جدا
ومعاها كمان مبطى (متاخر)
ومطوف يعنى تجاوز المدة المحددة
مثلا نقول كيكى مطوف فى الكلية
دلالة على انه تجاوز مدة الخمس سنوات حقتها بكم سنة كدة
وهكذا
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: احمد التجانى احمد)
|
تعرف يا احمد جملة فلان مطوف دي في بداية جيتنا البلد دي كان عندي معاها حساسية عالية خلاااص..
لانك بتسال ليك عن زول وناوي تشوف اخبارو يقولو ليك الزول ده كويس لكن مطوف..
وبتحس فعلا ان الزول ده في امر ضيق..!!!
وطبعا كل الموجود في المخيلة بتاعتنا هو (المطوف بتاع الحج داك)..
واحتجت لفترة طويلة عشان اتصالح مع المعني الحقيقي ليهاواشيل صورة المطوف بتاع الحج واخت في محلها مطوق الاقامة...
.............................
معانا موظف قطري لذيذ جدا علمتو كلمة (جايط) وفي النهاية القصة بقت لي في رقبتي
وكل ما الم فيهو في ركن من المكاتب يشبكني ليك
كريم جااااااايط...
تخيل عجبتو الكلمة شديد وبقيت في البحلني منو
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: ياسر بيناوي)
|
داليا سلام عليج
وعساج من عواده
تدرين يا الزينة
يوم العيد رحنا حق عيال عمنا
وماشاء الله السييايير مغسلة ونظيفة
والبزران لابسين اثوابهم اليديدة
وبعدين رحنا حق مجمع الطببة الي عند
شارات دوار مجنون
رحنا حق زيارات بس مو لشي ثاني
تدرين قسم الحريم ممنوع ندخله
والعصر بعد الغداء
الغداء برياني لحم طبعا
رحنا صوب سباق الهجن
وما شاء الله البعارين كلها من السودان الشقيق
وفي الطريج حصلنا وانيب مقلوب
بس الحمد لله ما حدا تعور كلهم طيبين
أقولج .. تعبت والله بعوّد عليج بعدين
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: قلقو)
|
Quote: R:عساكم من عوادة
الأخت داليا
انتى لمن تقولى لينا المعايدة اعلاه نحن مفروض نرد ليكى نقول شنو ؟
يعنى ممكن نرد نقول عساكى انتى دى ؟ ولانقول كل عوادة وانتى بخير؟ ولاكيف بالظبط؟ |
قلقو عشان تكون في ال safe side
اعمل فيها ما سامع! او عالجها بابتسامة مغتضبة.
داليا اللذيذة: شو مسويه مع الدوام الحينه؟ الجو واااايد حر.
| |
|
|
|
|
|
|
|
|
|
Re: عساكم من عوادة .. "بوست مستلب جدا "! (Re: قلقو)
|
Quote: الأخ ناصر..
انت لخبطت على الموضوع زيادة بى كلامك التحتانى
|
الاخ قلقو
يا خي ما تقلق
الموضوع بسيط
عساكم من عواده
تشريح:
عساكم: اي عسي و لعلكم
من: حرف جر
عواده: يعني من العايدين
و في الحالة دي ممكن الرد يكون: اعاده الله علينا و عليكم باليمن و الخير والبركات
و في حالة الاختصار: الله يعاديكم!!
و للضمان و المخارجة: ابتسامة خفيفة و همهمة
واضح
| Quote: والله انا متشوق اسمع رد الأخت داليا عليك. |
و انا زاتي متشوق، لانو داليا دي بنعتبرها (شيخة) عدييييل كدا
| |
|
|
|
|
|
|
| |
داليا حافظ
Dalal Ezzaldin
almogira alemam
نجوان
انعام حيمورة
طارق جبريل
محمد عبد الماجد الصايم
مزمل خيرى
omer osman
عصام علي أحمد
سيف بخيت موسي
داليا الكباشى
محي الدين جبريل
محمد الشيخ أرباب
ALZOLZATOO
عفاف الصادق بابكر
محمد البشرى الخضر
احمد التجانى احمد
عبدالكريم الامين احمد
عماد الشبلي
ياسر بيناوي
رغيم عثمان رغيم الحسن
معتز القريش
محمد سنى دفع الله
قلقو
ناصر احمد الامين
Abdlaziz Eisa
فيس بوك
تويتر
انستقرام
يوتيوب
بنتيريست