|
Re: يا عمار تذكَر لما وعدتونا تدقوا شيوعيين معهد الموسيقى والمسرح حكاية مخستقة من عام 1982-198 (Re: Abuelgassim Gor)
|
بدأت الحكاية عام 1982 م ...بعدين قمت عملت لى نشاط اسمو ( صالون الفن) ..
أخونا الاسلاميين طبعا ما كان عندهم كوادر فى معهد الموسيقى ...
كان فى السر السيد ...وحكايتو خستق ..يعنى ضرب ...
بعدين أنا حسيت زى ما قلت ليكم فى مذكراتى ( من التور الى الكمبيوتوتر) أنو الشيوعيين فى معهد
الموسيقى والمسرح ، لا شيوعيين ولا حاجة ...ناس عاديين ...ناكل معاهم ، ونشرب معاهم ( الموية والحاجة
البارده فقط) ...يعنى أقو ليكم والله ناس ممتازين خلاص وفنانين ..بعدين ما عندهم كبير غرض بالسياسة ..
لو ابعدنا اسامه سالم ، وخالد عبد الله ، وعبد الجبار عبددالله ....يعنى هم فنانين أحرار ..فنانين
ديمقراطيين..بس حكاية شيوعيين دى ساى خامينهم بيها ..بعدين عندهم جريده ( فلق ألصباح ) كنا
بنشاركهم فى كتابة الخطوط أنا وشمس الدين يونس ...
| |
|
|
|
|
|
|
Re: يا عمار تذكَر لما وعدتونا تدقوا شيوعيين معهد الموسيقى والمسرح حكاية مخستقة من عام 1982-198 (Re: عمار محمد ادم)
|
يا عمار
سلام عليك ..اها بعضمة لسانك
Quote: ناس قور ديل كانوا كيزان اشكالهم عجيبة لابسين بناطلين جنز وسخانة زى الشيوعيين وراميين سنط فى ظهورهم لا بنشوفهم معانا فى حلقة تلاوة ولا فى صلا ة جماعة ولا فى صيام اتنين وخميس يجوا المجمع يقابلوا محمد عطا مدير الجهاز الحالى يقعد يوسوس معاهم ويوسوسوا معاه. |
يعنى أنا تانى أقدل ساى
أهاQuote: محمد عطا مدير الجهاز الحالى |
طلع صاحبى ....والله العظيم وهذه هى شهادتى لهذا الرجل قبل أن يذهب الى الامن
كان مهموم بالسلام ...كان يعمل فى مستشارية السلام قبل الاتفاقية برجليه وكرعيه من أجل السلام
وبعد ذلك أذكر أنا مشيت نيروبى عام 2003 م فى ورشة خاصة ببناء السلم تابعه لمهد راهر الالمانى
وجدته مدير مكتب السلام فى السفارة السودانية بنيروبى
يعنى مكتبوا كان مفتوح للحركة والمعارضه ...
وفوق ذلك أنا أعلم انو متقشف وما عندو لف ودوران وبعدين كريم ..ومتواضع ..
هذه هى شهادتى ....
أما أخى عمار دا ساى الناس ماخده عليهو
هو أصلا فنان ..وقلبو أبيض ...
وماعندو شيئ داسيه كلامو كلو فى لسانو
| |
|
|
|
|
|
|
Re: يا عمار تذكَر لما وعدتونا تدقوا شيوعيين معهد الموسيقى والمسرح حكاية مخستقة من عام 1982-198 (Re: Abuelgassim Gor)
|
فى عام 1982 م كان نظام نميرى فار ضرعاتو
يوم أتذكر بعد النساط (صالون الفن) ..قبضونى ، ,اخت علقه تمام..
الغريبة كان فى مجموعة من التقدميين والشيوعيين حضروا النشاط ...
مافى زول قال عينك فى راسك ..بعد داك أخدونى الجهاز يعنى أدونى قرصة فى الاضان وكده
أها مشيت شفت أكتر ناس يمكن يحاموا لى ضد نظام نميرى..
مافى غير الاسلاميين ...لأن الشيوعيين كانوا راقدين سلطه عديل ...
نظام مايو فار ضرعاتوا ....والله مايو كان نظام بخوف ليك الناس جنس تخويف ...
لما جيت الصباح طوالى قلت للسر السيد دلنى على الاسلاميين والله أنا بقارى دقتى أصلو حا أخليها ..
السر السيد قال لى : لو عاوز الحركة الاسلامية أمش لمسجد الجامعه ....
هناك لقيت المروه ..الناس الوقفوا معاى جد جد ..مش زى الشيوعيين لما ناس أمن نميرى قبضونى قاموا زاغوا
| |
|
|
|
|
|
|
Re: يا عمار تذكَر لما وعدتونا تدقوا شيوعيين معهد الموسيقى والمسرح حكاية مخستقة من عام 1982-198 (Re: Adil Hamza)
|
يا أخونا قور
يا اخي دخلنا بوستك لم نجد الحكاية لكننا وجدنا الخستكة
بالمناسبة خستكة بالكاف وليس بالقاف قالت العرب خستك يخستك فهو مخستك
Quote: كل ما يكتب فى هذا البوست
زكريات الهدف منها الترويح |
يا دكتور بالغت ذكريات يالزال اخشى ما اخشى ان تكون حصلت على الدكتوراة بعد ثورة التعليم العالي(جداً)
Quote: أنو الشيوعيين فى معهد
الموسيقى والمسرح ، لا شيوعيين ولا حاجة ...ناس عاديين ...ناكل معاهم ، ونشرب معاهم ( الموية والحاجة
البارده فقط) ...يعنى أقو ليكم والله ناس ممتازين خلاص وفنانين |
طيب التانين كيف الما بتشرب معاهم الموية كانو شيوعيين كيف؟ ... يا رجل احكي كويس انت خريج مسرح ونقد وحاجات سمحة
Quote: ....والله العظيم وهذه هى شهادتى لهذا الرجل قبل أن يذهب الى الامن
كان مهموم بالسلام . |
طيب اها وبعد ما مشا الامن بقي مهموم بشنو؟ يا اخي احكي كويس
ما تزعل قلت اخستك معاك قبل الفطور الى اللقاء في خستكة جاية
| |
|
|
|
|
|
|
Re: يا عمار تذكَر لما وعدتونا تدقوا شيوعيين معهد الموسيقى والمسرح حكاية مخستقة من عام 1982-198 (Re: عبدالعزيز حسن على)
|
أخونا عبد العزيز
Quote: يا أخونا قور
يا اخي دخلنا بوستك لم نجد الحكاية لكننا وجدنا الخستكة
بالمناسبة خستكة بالكاف وليس بالقاف قالت العرب خستك يخستك فهو مخستك |
لا أبدا الخستكة بالكاف دى حقتك انت لكن خستقتى بالقاف وهى اختصار ل (خرطوم ساى تفوت كوجنكا)
Quote: دكتور بالغت ذكريات يالزال اخشى ما اخشى ان تكون حصلت على الدكتوراة بعد ثورة التعليم العالي(جداً) |
يعنى شنو أها على هذه يتم ألقياس ...طبعا القياس اجتهاد !!
Quote: اخشى ان تكون حصلت على الدكتوراة بعد ثورة التعليم العالي(جداً) |
ات يا زول قايل دكترتى فى شنو...ماها دكترة فلفسة ساى
بمناسبة فلفسة هذه : مره عندنا عما لينا سالنى : ات يا ول قوردكترتك دى حقت بقر ولا ناس (يعنى طبيب بشرى ولا طبيب بطرى ) ..قلت ليهو دكتوراة فلسفة فى الفلسفة .قال: ياولد المهدىىىىى ألفلفسة كمان دايره ليها دكترة ..ما هى ألزول بالفلفس كىىىىى لغاية ما يكتبوا فلوسى ....
Quote: يا رجل احكي كويس انت خريج مسرح ونقد وحاجات سمحة |
يا زول ات بصحك (مسرح ونقدوفلسفه) يا لمهدىىىىى دا يعنى أنا طلعت بايظ خالص أوع عمنا يسمعك
Quote: طيب التانين كيف الما بتشرب معاهم الموية كانو شيوعيين كيف؟ |
دى قوية ...دى حلوه دى ...
| |
|
|
|
|
|
|
|