|
اصدق التبريكات وباسورد لدومة
|
جانا الخير شايلو النسيم سوزانا ابنة دومة قبلوها في كلية الطب..
ميلون مبروك لسوزانا و لدومة وزوجها وامنياتي لها بالتوفيق
كما نطالب بكري بارسال باسورد لدومة..
مع فائض المحبة...
|
|
|
|
|
|
|
|
Re: اصدق التبريكات وباسورد لدومة (Re: doma)
|
ولاده بس رن التلفون اليوم خمسه صباحا بتوقيت بكين نهزتنا من احلي نومه عشان تقول لينا وصلها الاكسبتنس . انا واحده من الناس الطب دا لو ادوني شهادتو صدقه رسول الله ما بقبل عليها البت قدر ما حاولت اقنعها بانها تقرا شئ ظريف وموضه علوم سياسيه اقتصاد وفي مجالات جديده كدا متل Umweltwissenschaft اصلوا دا الموضه الزمن دا وشغله مضمون ميه الميه وبالعدم عريس جيبه تقيل حلفت بالتقطعها الا طب مخيره انا حذرتها الطب قرايه طويله ومسيخه وشغله تعب شديد.
| |
|
|
|
|
|
|
Re: اصدق التبريكات وباسورد لدومة (Re: doma)
|
الأخت العزيزة دومة رمضان كريم وكل سنة وانت والأسرة بخير. ألف مبروك لسوزانا مع أطيب الأمنيات بدوام التوفيق والنجاح وتمام الصحة والعافية.
الأخت العزيزة د. نجاة رمضان كريم وكل سنة وانت والأسرة بخير وعافية وشكرا جزيلا لنقل هذا الخبر السار.
تحياتي وفائق احترامي
| |
|
|
|
|
|
|
Re: اصدق التبريكات وباسورد لدومة (Re: doma)
|
يا حبان يعلم الله مشتاقه ليكم وللونسه معاكم الا قلبي حزين واحد من ابنائي الاحباء فقد شقيقته وفقده دا دخل علي شديد برضو صديق اخر فقد شقيقه والاتنيين مسني فقدهم لو بديت لكم علي غير عادتي اعذروني لما الحزن ينزاح شويه عن نفسي.
| |
|
|
|
|
|
|
Re: اصدق التبريكات وباسورد لدومة (Re: Zakaria Joseph)
|
الأخت الكريمة / د. نجاة محمود رمضان كريم تصومى وتفطرى على خير
الف الف مبروك وعقبال للماجستير والدكتوراة أفراحكم هى فرحتنا الكبرى تقبلى تحيات وتبريكات الحبيب / عبدالرازق الطالب وكل عام وانتم بخير ..
| |
|
|
|
|
|
|
Re: اصدق التبريكات وباسورد لدومة (Re: أمين محمد سليمان)
|
أمي دومــة,, مبروك لسوزانا..وعقبال التخرج يارب.. و رمضان كريــم.. حاولت الإتصال بيك مرتين..مافي رد.. و حاولت الإتصال بسوزانا قبل فترة قلتا اشوف اخبارا بعد سفرك..برضو ما في رد.. مشتاقين كتيــر,, عندي مؤنة عام من الونســ :-) .. غايتو ** الأخت نجاة,, رمضان كريم.
| |
|
|
|
|
|
|
Re: اصدق التبريكات وباسورد لدومة (Re: ثروت همت)
|
الأخوات دومة و د. بيان رمضان كريم و تصوموا و تفطروا على خير أنتم و أسركم. و مبروك لسوزانا يا دومة و ربنا إن شاء الله يوفقها و يقر بيها عينكم و عقبال كمان تتزوج و تبقيكي حبوبة جد جد.
| |
|
|
|
|
|
|
Re: اصدق التبريكات وباسورد لدومة (Re: abubakr)
|
Quote: هي دومة كمان كانت ممتحنة ؟؟ اها ليها كام شهر غايبة قلنا يمكن بتذاكر |
اخي الحبيب ابو بكر حبابك يا زول يا سمح والله ليتهم لو امتحنوني انا بدلا عنها انا ذقت الويل وسهر الليل مع سوزانا وصلت مرحله كنت بقول ليها ما تمتحني انا عايزاك بس تقعدي معاي كدي بلا قرايه بلا لخمه. بعد احرزت الشهاده وكانت نتيجه مشرفه لكين الاتجاه كان ادبي اها يوم حفل التخريج الراجل البسلمهم بسال كل زول من انه عايز يدرس شنو لما بتي قالت طب انا الارض مادت بي . literally , I was dumbstruck يا بتي انت رميتي الكيمياء من اول سنه والفيزياء من اول سنه والرياضيات ما عندك بيها شغله بس ياها الاحياء وباقي شهادتك دي لغات وفلسفه وتاريخ وعلوم انسانيه بحته ما فيها علوم طبيعيه ما ممكن تدرسي طب. الابو قال لي انت شن عرفك؟؟ بعد الزول يجيب الابتور Abiturدي اي شئ ممكن يدرسه . اها قلت ليها يا بتي اسمعيني كويس ابوك دي خرف لو قبلوك في اي جامعه طب من اول سنه انت ح تسقطي او ترفدي ما عندك حل غير تعملي Access course بعد نقه شديده قبلت انها تعمل الكورسات عشان تلحق الفايتها فدخلت معهد خاص بيدرس preparatory courses for medicine students والحق يقال she exerted herself and achieved excellent results in all subjects. البت راسها حجر لو صممت علي شئ ما في طريقه تقنعها بغيره وحياتك قبل تستلم الاكسبتسن مشت المستشفي اشتغلت شهر كفولنتير تغادر البيت خمسه صباحا سيرا علي الاقدام والمستشفي في جبل كدا انا لو ادوني عليها مليون ما امرق ليها في الساعه ديك. اها غايتوا دي اول سنه والغريق لقدام . اخوها ممتحن بعد تلاته سنوات قلت ليهو اسمعني جاي من اسه حدد انت عايز شنو اوعك تشيل علوم انسانيه وتجي تقول عايز تقرا مجال علمي بعد الشهاده. انا الوقت داك بكون مت هما وغما
| |
|
|
|
|
|
|
Re: اصدق التبريكات وباسورد لدومة (Re: doma)
|
Quote: البت راسها حجر لو صممت علي شئ ما في طريقه تقنعها بغيره وحياتك قبل تستلم الاكسبتسن مشت المستشفي اشتغلت شهر كفولنتير تغادر البيت خمسه صباحا سيرا علي الاقدام والمستشفي في جبل كدا انا لو ادوني عليها مليون ما امرق ليها في الساعه ديك. |
العزيزة دوما ... مميزات شباب هذا الزمن او الاجيال الصغيرة ان معينات تكويين رائها وشخصيتها متعددة وليست محدودة كما كانت لدي اجيالنا والالتقاط يبدء عندها منذ اعمار صغيرة ومن خلال ما تراه وهو متعدد وليس محدد ومحصور كما كان لدينا وتتراكم المعرفة عندها وهي صغيرة فكم المعرفة المتوفر حولها عظيم ومقدرتنا نحن علي جمع كل ذلك اضعف منهم لاسباب تتعلق بالعمر والمشغوليات وكوننا قد تجاوزنا مراحل الالتقاط الاولي فلذا هم اكثر معرفة بتحديد مسارات اكاديمية تناسبهم ...صدقيني سوزانا واعية تماما لمتطلبات قرارها ولا تري في تلك المتطلبات مصاعب كما تراها انتي .. ادعي لها بالتوفيق وواصلي عطاء الحب ..
مودتي
| |
|
|
|
|
|
|
Re: اصدق التبريكات وباسورد لدومة (Re: Kabar)
|
الابن الجميل كبر والله صحي التلفون ليهو رافع تصدق من قبل ما اغادر بكين كتبت نمرتك ضمن اللسته العايزه اتصل عليها من المانيا بس اقول شنو غير منعني عنك الشديد القوي ومشاغل الحياه التافهه. وبعتذر ليك شديد برضو من الناس الكتبتهم ووفشلت اني اتصل عليهم محمد نور احمد افتقده كثيرا الزول دا سناء خالد اتصلت مره واحده عليها وكان مفروض ارجع اسال عن صحتها تلفوناتها ما بترد كل البسمعه ورجغه بالياباني. امنياتي ليكم ان تكونوا بخير وعافيه دوما.
| |
|
|
|
|
|
|
Re: اصدق التبريكات وباسورد لدومة (Re: doma)
|
ماما دوما, بركه الجيتي و الله مشتاقين ليكي
والله كلما اقول اضرب لمحمد نور اشيل تلفونك انشغل
محمد في شهر العسل يا ماما قبل اسبوع كان في مصر, بعد ده خلاص راجع امريكا
| |
|
|
|
|
|
|
Re: اصدق التبريكات وباسورد لدومة (Re: Abdelmuhsin Said)
|
Quote: دا يوم اسود اللقيتى فيه الباسويرد لكن مافى مشكله قوعادك هنا ذى عدمو |
لوووووووول اب سنينه بضحك علي اب سنينتين احسن تتخارج من البوست دا سريع قبل ان استنفر الاحتياطي المركزي وش مكشر عن انيابه واذا رايت دومه مكشره فلا تظنن ان دومه تبتسم نغيب تكوركوا لينا وتطقوا الجرسه نجي تطردونا. اسمع عازماك فطور رمضان
| |
|
|
|
|
|
|
Re: اصدق التبريكات وباسورد لدومة (Re: doma)
|
Quote: أمي دومــة,, مبروك لسوزانا..وعقبال التخرج يارب.. و رمضان كريــم.. حاولت الإتصال بيك مرتين..مافي رد.. و حاولت الإتصال بسوزانا قبل فترة قلتا اشوف اخبارا بعد سفرك..برضو ما في رد.. مشتاقين كتيــر,, عندي مؤنة عام من الونســ :-) .. غايتو **
|
بتي الجميله ثروت شكرا علي الطله الحلوه والشوق بحر والله لكين تلفوني شغال وسوزانه ضربت فيه رد وناس من امريكا برضو رديت عليهم و بالنهار لو اديتيني الف يوان ما بمرق وبالليل بكون صاحيه لي الساعه 3 ظهرا بوقتك كدي جربي تضربي عشره صباحا بوقتك لكين لو قلتي تضربي لي بعد فطور رمضان عندك ما بنتلاقي لاني بكون نايمه فرق الزمن بينا كبير سوزانه غير موجوده كانت لانها سافرت معنا يوم سفرنا لفرانكفورت ومن هناك ما رجعت البيت كانت في زياره لهولندا . ابقي اضربي في انتظار الونسات
| |
|
|
|
|
|
|
Re: اصدق التبريكات وباسورد لدومة (Re: Munir)
|
يا دومة اختى البنية شاطرة وسمحة يلزمها عربية كوبى فيرارى او كوبى بى ام دبليو كلها بي 350 الف دولار امريكى يعنى شنو كتيرة عليها! اها بالعدم اعملوا ليها باربكيو واستيك أسد أو نمر كمبودى! جنى
| |
|
|
|
|
|
|
Re: اصدق التبريكات وباسورد لدومة (Re: jini)
|
ابو الجنون تتبارك ما تتشارك خدرت لينا البوست بالله شوف سماحه الشدر دا اريتو في حلتنا الا العربيه ام قدوم دي يا النبي منها وجبت لي العظمه كمان زينه ساكت . والله ما تقول امتحنت اسه في مشيتنا دي الرخصه ونجحت اها الله يجيب لينا عريس هايش وكباب درايش يجيب لينا العظمه دي
| |
|
|
|
|
|
|
Re: اصدق التبريكات وباسورد لدومة (Re: DKEEN)
|
Quote: كنت دايما اخشى اني اتزوج لي دكتورة
يلا اهو مقدر ومكتوب |
دكيييييييييييييين سيد الناس وصل اهلا اهلا سيد شباب الدوحه والدول المجاوره غالي انت والطلب رخيص .انا من زمان قلت ليك اخير احجز ليك بتي الا انت مكاجر ابيت اخير ارجع لحبايبك الحلوين يا زول انت زول طاعم وتملا العين قيافه وفايت الناس مسافه بس تهدي لام العروس العربيه ام قدوم الجابها جني دي وليك علي من اليوم ح اجتهد اعمل رخصه قياده وكان غلبني بستاجر سواق
| |
|
|
|
|
|
|
Re: اصدق التبريكات وباسورد لدومة (Re: doma)
|
اهلنا الحلوين نبارك ليكم السمح وربنا يحفظكم ويحفظ اولادكم جميعا ويفرحكم بيهم..ز
__________________________________ دكين تطنشنيي وتقولي اضربي لي؟ انت عندك تلفون وانا لا..البدورك بكوسك
| |
|
|
|
|
|
|
Re: اصدق التبريكات وباسورد لدومة (Re: Munir)
|
Quote: ويادومة إنتي أتاريك كنتي مقفولة برة ولا حياة لمن تنادي؟؟ .. ونحن نقول يمكن زهجة ساي ـ تتفشي وترجع؟ ..
|
اهلا منير اسعدتني طلتك تصدق القفلتني الاجازه من مشيت ما شفت انترنت لا بورد كل زول من جماعتي لامي لاب توبه عليه امانه ما فسلين القشيرات ديل لا الابو لا ولدو ما عشموني , وبتي لاب توبها خسران. اها بعد رجعنا قواعدنا لقيت الدسك توب حقي خسران والباص ويرادات كلها فيه اها طبعا بعد روقت شويه وفتشت الورق حتي لميت فيهن.
| |
|
|
|
|
|
|
|