الي من يهمه الأمر .. مع التحية ( يوجد قسم واعترافات )

Quote: أهو دي جنس الحاجات البتكره الواحد رقبتو مش سودانيزاونلاين ! ياخي ما ممكن الزول يكون قاعد في صمه خشمو عشان إختلف ليه مع زول في رأي ، يطلعك حرامي و ‎كضاب و مرتشي !!! أخونا مهدي : عندك دليل علي اتهاماتك لطلحه ده تجيبها، ما عندك إنت يا طلحه بدربك تمشي تشتكيهو . أي كلام تاني و شكل و شتائم ما بيودي لقدام ! و هسي يا مهدي اتهاماتك لطلحه دي لو صاح ما تقدر تثبتها ، و أنا مستعد أحلف إنو طلحه ده لا سرق منك مقال ، لا شال رشوه من زول ، طلحه ده ساكيك بالموضوع ده ليهو زمن و إنت غير ما بتشتم فيهو ما بتعمل في حاجه !! بقي في ناس في المنبر ده غير استرخاص أعراض الناس ما عندهم شغله ! تختلف مع زول في رأي في كوره في سياسه أول حاجه يعملها إنو يشتمك في عرضك يا حرامي يا مرتشي . الكلام ده كان ما ناس المنبر كلهم وقفو فيهو بيبقي مافي فايده في أي حاجه تانيه ، المنبر ده بيقروهو الاف الناس كل يوم ، ما ممكن كل زول يختلف مع زول يكتب فيه زي كلام مهدي ده بلا دليل و لا بينه ، فش غباين ساي ! و الله الواحد كره السودان ذاتو بسبب المنبر ده !!!

Quote: طلحة! رمضانّك كريم يا صهيوني يا خرخار.. قرأت مساككت ليهو، والزول ده ماعندو كتابة بتتسرِق... ___ كامل دعمي وتضامني معك، بالرغم من خرخرتك البائنة..

Quote: يا مهيدي يا مسكين شفقة عليك انا بديك نصيحة ليك ولي زمانك حيشان المنابر دي ما قهاوي واللا جلسات تحت نيمة تقعد فيها عشان تبهت وتفتري وتهتك في اعراض الناس وتشكك في عفتم زي ما عايز وتقوم تنجر اخر شىء تقطع ليك كوز موية بارد وتتوحوح وترقد تشخر لامن سمع ولامن دري. لا يا مهدي هنا اذا بهت ليك زول واللا اتهمتو اقل شىء ولو ما نزل لمستواك وردمك بالفيك والمافيك ح يطالبك بالاثبات او الاعتذار ، وثق تماما انك ح تلقي نفسك مرمي براك في زقاق الزرزرة دي لانو وطالما انت ما عندك دليل مافي زول عاقل بجازف يجىء يدافع ليك او يحامي عنك .وثق برضو انو الملاوة والشتيمة والسب والهتر والخوض في مستنقع البذاءة ما بحلك لانو ابسط حاجة ممكن وسخك دا الزول يخمو ويقلبو ليك فوق رويسك دا . عشان كدا ياخي بطل الكلام الفارغ دا واقعد بادبك اذا ما عندك حاجة مفيدة تضيفا وعندك انا مثلا ما عندي حاجة اضيفا لكن ماسك ادبي علي لا بهت زول ولا دخلت نفسي في حتة ضيقة زي حضرتك كدا ( عشان ما تجىء تقول لي انت اضفت شنو ) . لانو عارف لو جيت اتشالقت زي شلاقتك دي ببلعوني ليها زي ما هسع انت قاعد تبلع فيها دراب دراب .

Quote: انت ذاتك يا طلحة اكبر غلط ارتكبتو في حياتك انك تكون مريخابي عشان كدا حقو تعيد التفكير في المسألة دي .

Quote: والله من غير حليفة يا طلحة نصدقك وانت لست بجديد علي الصحافة كتباتك تدافع عنك والله ماكنت اتابع كتباتك الا لانك لا تجامل ابدا ولا ترهن قلمك لكائن من كان واضم صوتي للاخ صديق باعضاء الاخ مهدي فرصة في شهرنا الكريم تسلم يا عزيز

Quote: خليك من الزول ده وما تقعد تسب وتصغر فيه وتخصم من صيامك قول معاي رمضان كريم

Quote: ده كلام سليم يا عباس ، مافي سبب لإنو الواحد يبوظ صيامو . لكن طلحه لازم يشتكي الزول ده في محكمه : ياخي ما ممكن الناس دي تسترخص أعراض الناس كده لمجرد إختلاف في وجهات النظر ، و دي ما أول و لا أخر مره في بورد الجن ده . الحاجه البتخلي المسأله دي تستمر إنو الناس ما بتاخد موقف جماعي في الموضوع ، كل زول في رقبتو دي طالما هو ولا هي ما إنهبشو في عضمتم ، لكن لمن تحصل ليك حاجه زي دي و يجيك زول يتهمك إتهامات زي دي و يسردب بعداك ، ما عندك سكه إلا تقول أكلت يوم أكل الثور الأبيض

Quote: نتضامن واي حاجة زاتو

Quote: خليك من الزول ده وما تقعد تسب وتصغر فيه وتخصم من صيامك قول معاي رمضان كريم