|
Re: اقلاع و هبوط : بانكوك بوكيت - صور (Re: بشير حسـن بشـير)
|
ألأخ/هشام المجمر.......السلام عليم..صور جميلة...
بانكوك..واجهتها جميلة...مطارها عماراتها..ولكن تعال لداخل محل الزحمة..والتكدسات وألأماكن التجاريه
أجمل مافى تايلاند تطلع بره منها..زى بوكيت دى قالو خياليه..كانت من ضمن البرنامج لكن الله ماأراد..إستبدلناها انا والعائلة ..ببتايه...برضو جميلة وحلوه وهادئة...
هذه بلاد متعها الله بخضرة تشبع..وجمال لايوصف.......إسماعيل محمد احمد عباس....
| |
|
|
|
|
|
|
Re: اقلاع و هبوط : بانكوك بوكيت - صور (Re: ismeil abbas)
|
الأخ هشام
سلامات
زرت تايلند في أول مرة في 1994م ثم تعددت زياراتي لها من وقت لآخر, من حدودها مع ماليزيا في الجنوب حتى مدينة جينغ مايي الجبلية في أقصى شمالها.. بلاد متنوعة الأقاليم وبها شعب طيب.. يعرف بشعب الإبتسامة.. وهي لا تفارقه أبدا.. شعب خدوم... شواطؤها الجميلة على بحر الصين الجنوبي شرقا والمحيط الهندي غربا منحتها طبيعة ساحرة وخلقت منها وجهة رئيسية للسياحة في جنوب شرق آسيا حيث لا تضاهيها جمالا أي منطقة أخرى في الإقليم خاصة بوكيت وسونغلا في الجنوب.. وبما أنك نزلت في بوكيت فنتوقع صور رهيبة تحكي أكثر مما ذكرته هنا..
تحياتي عبدالعزيز..
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
أخوي هشام ســـــــــلامات
صورة رائعه وخضرة ممتده ، ويا خوي نحنا موية نيلنا بتمشي ويـــــــــن حتى شواطئنا قاحلة وجافة - أين النفرة الخضراء ؟. تمنيت لو أن بلادي بها نفس الخضرة والجمال.
وتقبلوا تحياتي بني وطني
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
زرتها سنة 2006 وكسرت ركبة فى بانكوك 5 يوم
فى منطقة العرب جنب فندق نانا وفندق قريس الشهير
لكن الشفتو هناك ما بتوصف
انا قلت الشفتو ما قلت الضقتو ...
عشان ما يجى واحد ناطى يقوللى الوداك الجيهة دى بالذات شنوا
الفندق بتاعنا كان قريب منها
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
Quote: انا زرتها مرتين و فى المرتين لم اشبع من حمالها و لطافة شعبها
صور بوكيت جاية اصبر و خليك معانا |
هشام
سلامات
مرتان فقط.. أنت لسه في الأول.. تصور من يناير 1994م حتى الآن انا زرت تايلند أكثر من عشر مرات..
يا سيدي مازلنا ننتظر الصور..
تحياتي
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
ياباشمهندس طبعا الدرب ده بديناهو بدري 87 -88 لكن أظرف قصة حصلت أنه ذاك الزمان كنت في زيارة وأشتريت عصاية سنوكر بشنطة كده ومجيهة والسودان كان غرقان في سيول وأمطار وفيضانات وحاجة عجيبة ،لم يكن هناك موبيل ولا أتصالات مثل الآن لتعلم ما يجري في السودان ... أتيت ترانزيت في مطار دبي بالKLM وصعدت ليك السودانية وفور وصولنا للمطار اللي ناسو صارين وشهم ديك ،،
أنبرى لي أحد الصارين وشهم قائلا دي شنو اللي في يدك دي فأجبت ببراءة(حلوة مش كده) عصاية سنوكر فقال لي دي ل....... جديدة ولا شنو ؟؟
لم أملك ألا الضحك لكن بعد أن أستدرك أنه ممكن تحصل مشكلة استحى وأعتذر قائلا ياأخي الواحد زهجان وأعصابنا بايظة مع الطين والأمطار دي وكده ...طبعا ذاك زمان عبث الصادق المهدي كمان فما بالك بعهد ناس حاج نور ديل كمان
الصور المسنسرة دي بالله مهمة
| |
|
|
|
|
|
|
Re: اقلاع و هبوط : بانكوك بوكيت - صور (Re: abubakr)
|
Quote: معليش الليلة نوم نومك
اصلى خليت الصور منزلة فى كمبيوتر المكتب
وكمان مصغرة وجاهزة للبوست
اعذرنى ما بقدر اعيد الشغل ده تانى
لكن صباحات الله بخيرها
وحتشوف وتفرح |
يا هشام
سلام
صلينا الظهر ولم تظهر الصور..
بوكيت تبعد مني ساعتين.. خلاص ان رايح بدل انتظرك كدا..
تحياتي
| |
|
|
|
|
|
|
Re: اقلاع و هبوط : بانكوك بوكيت - صور (Re: Faisal Al Zubeir)
|
هشام ياطير ياطاير ياخي يادوب انجمينا من مشاهد اوساكا تقوم تسرح بينا في مملكة "سيام"* الجميلة ان شاء الله بس تكون مشيت في شوارعها الشهيرة شارع "كاروسان" و"شكمفيت" وسفسفت في مطاعمها العربية بتايا ، بوكيت ، بانكوك .. لايعرف اهلها النوم عموما رحلة سعيدة يامان وان شاء الله نشوفك قريب
* الاسم القديم لمملكة لتايلاند
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
شكرا آدم عمر
ارجو أن تكون قد استمتعت بمنظر الهبوط وجمال مطار بوكيت الذى ينتهى فيه المدرج عند البحر فبعكس لوحة غاية فى الجمال
Quote: بس أنقل لينا شوية من اللمســـــــــات الجميلة دى لى مطارنا الجديد |
مطارنا الجديد اختير له تصميم غاية فى القبح ولا ادرى من الذى شارك فى هذا التعدى على الجمال وانا ادرى أن فى السودان معماريين جيدين
نصيحة يا آدم لاتقارن بين هذه البلدان وبلدانا ابدا
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
انا اوريك تعمل الوش كيف واجرنا على الله
في مكان اضافة الردود تحت في مجموعة وشوش
تضغك كلك يمين على واحد من الوشوش العاوزه انت وتختار بروبرتس
تنسخ اللنك المظللو ليك ده
بعد داك تمشي اضف صورة وتعمل ليه بست
تضهر ليك كده
| |
|
|
|
|
|
|
Re: اقلاع و هبوط : بانكوك بوكيت - صور (Re: وليد محمد المبارك)
|
عمو هشام .... (في داعي أقول ليك عمو قدام الناس دي ..) :)
أها المرة الجاية تقوم تجي علينا بي جاي في ماليزيا ....
ذكرتني بي زيارتي لي بوكيت في صيف 2004 انا و الاسرة الكريمة و الرحلة كانت بقيادة صحبك جوزيف ... طبعا هو عشان بيمشي طوالي عمل لينا فيها senior اتذكر كان نزلنا في impiana phuket cabana في patong beach و بالمناسبة كلمة phuket معناها هضبة .... (دي نظام تحشيشة و كدا )و هنا في ماليزيا برضو الحتة العالية بيقولو عليها بوكيت و بيكتبوها Bukit
و لي عودة بخصوص الموتر ....
تحياتي للمدام و المليشيا .....
| |
|
|
|
|
|
|
Re: اقلاع و هبوط : بانكوك بوكيت - صور (Re: وليد محمد المبارك)
|
كمال كرار
سلام يا ود بحرى
كلما ادور ادخل بوستيكم القى القطر فاتنى كتير
اها لازما اجيكم واتحكر عندكم
Quote: كنا في ماليزيا,,, ونصحونا أن نعمل تش داون معاكم...
عيَينا (بالخليجي) |
تعرف يا كمال التذكرة من بوكيت لى عند لينكافى بما يوازى 100 ريال بس
يعنى الحوامة فى المناطق ديك ما بتكلف كتير بس ما تكونو كتار
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
Quote: بس هناك فى تايلند مافى اعمام واخوال الناس ملهم قدر بعض
|
أها قمنا على الخرخرة؟؟
بالمناسبة الجمال المثل بيقول "الجمال في عين حامله"Beauty is in the eyes of the beholder فما عليك الناس متابعة البوست على أمتداد الدولة،، أب صلعة شاف الكاميرة بالله الميل عندك خلى الحسادة
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
ســـا وادي كأأأ يابشمهندس هشام
يا خي تايلندا دي جنة الله في الارض ... و تستمتع اكثر لو كان معاك ابوبكر المنتشي ( ابوبكر اوساكا) بس ما تركب معاه تاكسي في تايلندا بيضيعك طواااالي .
ان شاء الله بنرجع ليك بصور
| |
|
|
|
|
|
|
Re: اقلاع و هبوط : بانكوك بوكيت - صور (Re: سيف اليزل جعفر عبد الرحمن)
|
سلام
اوووه يا هشام
موتر سمح زي ده تخلي يلحسنو!!
في عدد من المتطوعين بالحراسة!!
وبمناسبة لحس دي.... شاطئ باتونغ ده ليهو ذكريات أليمة مع التسونامي.. ولم أحظ بزيارة لتايلند من قبيل الكارثة
من الصور يبدو أن المكان رجع أروع مما كان
Quote: ادفعوا يا بتاعين شرق اسياء |
عزيزي وليد
سندفع ليك دبل, انت جهز نفسك وتعال..
تحياتي
| |
|
|
|
|
|
|
Re: اقلاع و هبوط : بانكوك بوكيت - صور (Re: الصادق ضرار)
|
سيف اليزل
سلام
Quote: ســـا وادي كأأأ يابشمهندس هشام |
انت الظاهر عليك كنت بتسلم على الجكس بس
ساوداى كااا بتمديد الالف الشديد هى صيغة السلام لى المرأة
اما ساودى كا بدون تمديد الالف فهى للرجال
شفت كشفتك
منتظرين الصور
| |
|
|
|
|
|
|
Re: اقلاع و هبوط : بانكوك بوكيت - صور (Re: هشام المجمر)
|
ساودى كا يا باشمهندس هشام ...
Quote: انت الظاهر عليك كنت بتسلم على الجكس بس
ساوداى كااا بتمديد الالف الشديد هى صيغة السلام لى المرأة
اما ساودى كا بدون تمديد الالف فهى للرجال |
وحاتك انا زول بتاع سلاااااااااام ساكت بس لكن انته طلعت زول خطير شديد في اللغة .. طلعت بتعرف بيقولو للجكس شنو و للرجال شنو
بوستيك كشف سرنا مع الاعتذار لصاحب اغنية ( الكشافه كشفت سرنا)
بس النرجع البيت ان شاء الله نرفع ليك كمية صور
| |
|
|
|
|
|
|
|