|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
جميل ان نرى الاقلام..المنكس حلمها تعود للكتابة ونحن فى شوق
وياريت يعود حوووصة ويخرج من صومعته,,,
ويواصل عموده كمد المديدة
قديما قد قال شيخ العارفين,,تاج السر الهلالى
الفلوس لا تصنع فريقا,,امنت بنظريه هذا الرجل كل ما ابصر الاحلام الصغيرة لا تتحقق لاخوتنا الحمر
معقولة زول ينظم دوره بقروشو ويطلع وصيف هاك الكاس الهاتريك دا,,صرت لا يراودنى ادنى شك لو شارك المريخ فى دورة ام صفقا عراض ,,برضو بطلع وصيف اليك هذه الابتسامة,,الخجولة,,
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: haleem)
|
Quote: كواريزما قيت بدأت تفوح رائحتها النتة |
... والله يا خال يا حليلكم .. يمسكوكم من ريحة سادومبا والقورو بتاع نيجيريا.. تمسكو في كواريزما.. يرشوكم ناس كانو بالتلاتة .. بدل ما تشوفو ليكم دباره .. جاريين جري وطيران لي الهلال سجل النقر تاني .. وامولادي كراعو اليمين صناعية .. يحليلكم يا النايمين حيلكم .. لو اترشيتو في مقبل الايام انا بقترح .. تشوفو لينا حكاية الشوارع الجمب استاد الهلال دي لييه جابوها جمب استاد الهلال . مفترض يشيلو الشوارع دي ويودوها (الخرطوم اتنين ).. بس ما تجي تشبكني ناس الخرطوم تلاتة كانو فاتحين للهلال ..
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: abuguta)
|
الوصافة هي إنجاز الهلال الأكبر وياريت تنشوفو غيرها!
بدأت سيكافا وبدأتم في الحديث عن جمال الوالي الذي سعى لتنظيم بطولة تنسب له!
ولما تبين أن المريخ أشرف من أن يمارس ما تعودتم عليه إنقلب حالكم وها أنت مثال أتى بقدمية ليثبت مدى محدودية وسطحية بعض مشجعي الهلال!
تخيل لو كان المنظم فريق أخر لم يشتهر بكأس ولا إنجاز مثل الهلال..هل كان سيقبل بطبيعة الاشياء وأن الكرة نصر وهزيمة!
نحب الزعيم لاننا أولو عزم وأصحاب مبادئ إن حاد عنها كبارنا ولجأوا للفبركة والتزيف لفظناهم فوراً!
لكن بعضكم يعجبه التزوير والتحوير ويهلل له ويمتدح فاعله بل يطلق عليه لقب الشفت!
هذا هو الفرق بيننا وبينكم ولأجل هذا نشجع المريخ!
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
قاليك الراجل اتشاكل مع مرتو قام خصى نفسو..
انتو مسعولين من الخير..اللغة و الطعام و الحر الشديد و الغبار الصحراوي ..وعدم الشوك والسكاكين
والمرة مغطية من راسها لكرعينها ...الكلام دة عند الهلال بس؟؟؟؟
طبعا ناس موسى الزومة ديل السفرة عندهم..
-سكين الأكل إلى اليمين الصحن وسلاحها للداخل. -ملعقة الشوربة إلى يمين السكين متجهة إلى أعلى. -الشوك إلى يسار الصحن. • إذا كانت أصناف المقدمة لا تحتاج لسكين فعندئذ توضع شوكة الأكل محل السكين. • عند تقديم السمك كطبق أساسي يجب وضع شوكة وسكين السمك بدلاً من العادية (وما تنسى في هذه الحالة يكون الواين أبيض). • توضع أدوات الحلو أعلى الصحن بحيث تكون الملعقة ثم السكين ويليها الشوكة ,وتكون يد الملعقة والسكين إلى اليمين أما يد الشوكة فتكون جهة اليسار. • أدوات الغرف الخاصة بكل صنف توضع إلى جانب الصحن الخاص حسب طريقة التقديم المستعملة ,وتستعمل شوكة كبيرة وملعقة لغرف السلطة والخضروات واللحوم المقطعة. • يوضع فوق كل صحن منديل مطوي طياً مرتباً وفي داخلها قطعة من الخبز ظاهر جزء منها.
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
Quote: يقول دي سوزا متحسراً على قراره الخاطئ باللعب في أكبر بلدان أفريقيا : "أكل الدجاج و البطاطس المحمرة لمدة ستة أشهر كان أفضل من أكل الفاصوليا (نوع من البقوليات يؤكل بالرغيف) ...في السودان لا توجد أدوات مائدة مثل السكاكين و الأشواك و نوعية الطعام سيئة ".. |
من يدل طريق الشوكة والسكين في المائدة السودانية يورينا ليها .. عشان ما تبقى فلهمة ساي ..
Quote: رغم أن سوء الطعام ساعد دي سوزا في توفير أمواله إلا أن المهاجم ذا ال27 ربيعاً يقول و هو واضع يديه على رأسه: " كنت أفضل أن أكون على بينة من أمري قبل الذهاب و تمنيت لو أن أحداً قبلي ذهب إلى السودان و أخبرني بالوضع هناك ، لهذا لا أريد العودة مجدداً إلى هناك أو إل أي بلد عربي آخر " |
كل الحوارات التي أجريت مع دي سوزا كان إندهاشه من المعاملة الكريمة التي وجدها من شعب الهلال ولا أتصور شخص يحضر زوجته للعيش معه في بلد يقول مثل هذا الكلام ..
Quote: و يستطرد دي سوزا و هو مغلق العينين و يغطي وجهه بيده : "عامل اللغة كان حاجزاً كبيراً و التعامل عبر مترجم غير مريح إطلاقاً .. كما انني وجدت صعوبة في فهم المرأة هناك ، فهي مغطاة من الرأس حتى أصابع القدم .. يا للعجب !! لا يمكنك ان تعرف ما إذا كانت جميلة أم لا " |
كلام فطير ولا يرقى لمستوى اللغة ولا إحترام الناس ..
Quote: يقول دي سوزا :" إن الطقس هو الذي قادني لأسأل رئيس النادي (هادريس سالي) أو أياً كان اسمه -فأنا لا أستطيع أن أنطقه- أن أرجع لبلادي باقي الموسم ، فدرجة الحرارة هناك مرتفعة جداً و تكاد تفوق بثلاثة أضعاف درجة الحرارة في سانتا كروز .. حتى الحشرات لا تستطيع تحمل الحرارة .. لقد كنت أقضي يومي كله داخل الفندق و تحت المروحة فدرجة الحرارة لا تشجعك لعمل أي شئ " |
مقارنة شعب السودان مع الحشرات ألا يسئ إليك يا سامي وكل المريخاب .. ياخي لو الإساءة دي موجهة للهلال فقد أصابت أهل البلد أجمعين ..
Quote: على كل إنصرافي ومسطح التركيز على أصل الموضوع!! |
إنصرافية شنو البتتكلم عنها .. ياخي نحن كلنا طلعنا زينا وزي الحشرات وجايي تتكلم عن الإنصرافية .. وعن رؤساء الهلال الأجانب فريقكم كان إسمه ( نجمة فكتوريا ) ولا نسيت .. للأسف كثير من الهتيفة والمشجعين لا يعرفون أنهم يسيؤن لأنفسهم ولوطنهم ..
تحيا الإنصرافية ..
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: haleem)
|
ودي مالك ما أقتبستها؟؟
رصيد الإقتباسات كمل ولا شنو!!
Quote: يمتد عقد دي سوزا مع الهلال حتى عام 2012 و لكن لا ينوي الرجوع إلى هناك ..و شهادة إنتقاله الدولية تم إرسالها لنيجيريا دون إذنه ..و يقول في ذلك : "الأمور تمت بصورة مريبة و غير مفهومة ..لا أدري لماذا أذهب لنيجيريا ؟؟ .. أنا أشعر بحال سيئ لأنني أريد اللعب و إلى الأن لم أتحصل على أوراقي " |
فعلاً الكلام في غاية السوء يا معتصم وكوارزما اساء للسودان بأجمعه!!
لكن لو ولدك حتى ولو كنت (المتبنيه ولا المربيه) طلع جاب ليك الكلام ولناس البيت ولناس الحلة كلها حاتلوم منو؟؟
الجيران ولا شنو؟؟؟؟؟؟؟؟؟؟؟؟
اي زول عاوز يجي بالله يركز لينا على الاقتباس دا شديد!!
حكاية شوكة وسكين وحشرة دي أنسوها ونحن مضطرين نحمل الإهانات القالها كوارزما معاكم نسوي شنو مجبورين ما دام بتجيبو لينا جنس دا وتخارجوه بالتزوير!
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: haleem)
|
ابوالنسب تمبس مسكاقمي يا ابوالنسب حسع انا قلت شئ كواريزما لاعبكم الفذ هو البيقول هو انتو اعيرتوه لي فين لانه هو عامل اللقاء دا من بوليفيا وحسع يا ولدي نحن لمن نقرأ كلام كواريزما اللاعب الفلتة ونعلق عليه تقوم تقول لينا رشوكم بالتلاتة وكانو وكوالمبور وابيي وهمشكوريب ونيبال والله يا ولدي التلاتة حارة ما اكذب عليك ولكن حنستحملها ذي ما استحملتو حقت الفريق الاسمو ذي يوم الماهية داك الاول من اغسطس فاكرها ولا لا ... اهو منكم نتعلم برضوا ونستفيد يعني عايزنا نضيع الخبرة العندكم ساااي . الشوارع الجنب زريبة العيش دي فعلاً ما يستاهلها وذي ما قلت خليهم ويودوهم الخرطوم اتنين ... ودا طبعاً اقتراحك عشان ما تجي تقول ليه وليه ذي ما حصل في لقاء كواريزما الصحفي هو يقول وتجوا تشبكونا انتو رشوكم ومسحوا بيكم الواطة وزورتوا والزول بدل ما يمشي نيجيريا مشى بوليفيا هي بوليفيا دي جنب نيجيريا ولا شنو ياولدي كدي فتش معاي الزول دا ضل الطريق ليه حووووصه ويا حليل موسى
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: عمر الفاروق)
|
Quote: لا نشجع الهلال لممارساته القبيحة ولسوء فعال من تولو إدارة أمره..لا نشجعه لأننا لم نجد من يقنعنا بأن 2=12 ولم نشجعه لأسباب أخرى كثيرة نعف عن ذكرها..
لا نشجعه لأنه فريق قام وبني على الزيف وعلى حماية الحاكم العام وحكام الكرة ورضع من ثدي الإتحادات المتعاقبة بطولات وهمية على قلتها!
لا نشجعه ونشجع الزعيم لأنه الأًصل ومنه حدث التمرد وكان تيم الاسبتالية الذي صار بعدها (هلال) (حبشي) كان أم سوداني لا يهم!
لا نشجعه لأنه نبت حيث نبت!!!!!!!! |
وبعد كل هذا تجي تطالب بالإلتزام بأصل البوست....
إن كنت سليم الفطرة أين كانت فطرتك هذه حين بصمة علاء الدين .. أم كانت فطرتك في إجازة....
وأعلم يا هذا أن الرياضة مرتبطة مع بقية نشاطات المجتمع من سياسة وفن وخلافه وكلها تشهد حالة من التردي ... نعم هناك تجاوزات للقانون ولكنها تشمل كل مناحي الحياة بما في ذلك الرياضة وبما في ذلك المريخ قبل الهلال ولن ينصلح الحال إلا حين تستطيع فطرتكم التي تدعوا سلامتها هذه أن تدين كل تجاوز للقانون سواء إستفاد منه الهلال أو المريخ.....
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: وليد محمد المبارك)
|
سامي الخصال:
Quote: يمتد عقد دي سوزا مع الهلال حتى عام 2012 و لكن لا ينوي الرجوع إلى هناك ..و شهادة إنتقاله الدولية تم إرسالها لنيجيريا دون إذنه ..و يقول في ذلك : "الأمور تمت بصورة مريبة و غير مفهومة ..لا أدري لماذا أذهب لنيجيريا ؟؟ .. أنا أشعر بحال سيئ لأنني أريد اللعب و إلى الأن لم أتحصل على أوراقي " |
شايفك مركز على الكووت ده شديييييييييد وكأني بك بتحاول ترمي ليك طعم ويجوك الهلالاب الشليقين من شالكة عمر الفاروق ويطوولوا لسانهم وبعدها تطلق المفاجأة الداوية وتفضح كل كلامنا بالوثائق !!!!! لأنو المدقق في كلامك الفوق ده من الوهلة الأولى بيلقاهو كلام عااادي ما فيهو اييييي شي بس لمن يلاقي كلمات زي مريبة وغير مفهومة ونيجيريا بيعرف انو تحت الرماد وميض نااار (ولللللد ده اتطورت مش؟ ) عارف يا سامي وبما انك المريخابي الوحيد في البوست ده البفهم كورة حا اضطر اتونس معاك :) اول حاجة بي مناسبة دون إذنه قبل كم يوم كان في لاعب بيلعب في برشلونة أظن إنو إسمو صامويل إيتو اها اللاعب ده صحى الصباح مشى لي وسائل الاعلام وصرح ليهم بي إنو حزييين لإعارته لي إنتر ميلان دون إذنه ..حزييين ساااااااااااي كده يا حليلو مسكيييين ما بي يدو شي غير يحزن .. قال ليهم والله يا جماعة المزعلني ومحزني في الدنيا دي إنو ناس برشلونة ديل ما ناغموني (يعني ماحدثوني) وانا والله كلام الاعارة ده سمعتو منكم انتو يا اصدقائي اصدقاء اشرطة يا ايها الصحفيين .. يعني لا قالوا ليهو يا صامويل ياخ معليش عايزينك في موضوع كده بس خجلانين منك ..لا قالوا ليو يا ايتو لابورتا ده عندو ليك كلام بس ما قادر يقولوا ..لا رسلو ليهو بيول قال ليهو عن إذنك يا إيتو ممكن نعيرك ؟؟ ايتو زااااتو قال زيييي كلام كواريزما ده : لماذا أذهب إلى ايطاليا ؟؟؟ انا عايز امشي العب في جزر الهاواي ؟؟ لماذا لماذا لماذا ؟؟ قالها وهو يبكي على الحائط ويردد: كللل منك يا باربوتا (اياً كان اسم الرئيس ) ..
بالمناسبة وطالما القصة بقت شكاوي واتحاد فزي عندكم لاعب برازيلي شاكيكم في الفيفا .. ولو كمان القصة مكاواة وحندكة فموضوع وارقو زتصريحاتو ونفسياتو وعدم تأقلمو ده ما بي سببنا .. بالمناسبة هو واااااااااارغو من النيييجيييريا (عنصري اااايي عنصري) قال ما تأقلم وما قدر يأكل فما بالك بي الزول الشعرو مترين لي تحت ولونو لونو المنقة يقدر يتأقلم .. الغريبة بيييي عدم تأقلمو ده جاب ليهو خمسة اقوان ومعاها مرتو بالله مرا زي الورد ..إنتو يا كافي البلا وارغو ده عقد سااااي ما عاقد ؟؟
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
Quote: يمتد عقد دي سوزا مع الهلال حتى عام 2012 و لكن لا ينوي الرجوع إلى هناك ..و شهادة إنتقاله الدولية تم إرسالها لنيجيريا دون إذنه ..و يقول في ذلك : "الأمور تمت بصورة مريبة و غير مفهومة ..لا أدري لماذا أذهب لنيجيريا ؟؟ .. أنا أشعر بحال سيئ لأنني أريد اللعب و إلى الأن لم أتحصل على أوراقي "
|
ياخ دي كميه من السزاجه ما عاديه ..
طيب الهلال اصلا داير يتخلص من اللاعب ..واللاعب (علي حسب الحوار)ماداير يلعب في السودان ..الجابر الهلال يزور شنو !!!!!!!!!!!!!!!!!!!!!!!!!!!! قال هو داير يلعب معناها عندو نادي بديل طيب ما كان افضل للهلال توفير الاموال وفسخ العقد بصوره مرضيه (بعد انتهاء فتره الاعاره الاجباريه من شداد ودي ممكن يحلها مع وكيلو)..
انتو ناس الصدي ديل مفتكرين الناس سزج للدرجه دي !!! كوراريزما دا قدام الصحافه ومع المترجم ووكيل اللاعبين ما مضي غقد الاعاره !! كيف يكون ما عارف !! جابوها مخدر زي زولكم البيخدر دا !!
بالمناسبه دي المريخ استأنف الشكوي ولا لسه !!
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: Maawya Hussein)
|
دا العنوان
اللغة ، والغذاء ، والحرارة الخانقة وغبار الصحراء أدى إلى البرازيل ، ام الى السلطة ________ الجزء الاول كلو بيتكلم عن الطقس والعذاء في افريقا وصعوبه التعامل مع مترجم ..نشوف جزءالهلال
Quote: وبهذه الطريقة لا أريد العودة ، لا توجد أي دولة عربية على الإطلاق "، ويقول دي سوزا ، مع الاخذ في رأسه بكلتا يديه. اللغة حاجزا. التواصل مع مترجم "انه امر غير مريح ، وأنا لا اعتدنا على ذلك". ناهيك عن انه في كل مرة كان يزيد من صعوبة حل لغز اكتشاف المرأة السودانية كل ما كانت مغطاة من الرأس حتى القدمين. ! هوي! ، فعلت خطأ ، لا يعرف ما اذا كنت جميلة ام لا "وتقول نشرة البرازيلي الذي يغلق عينيه وغطوا وجهه ويداه |
هنا بتكلم عن لغز المراه السودانيه !!وانها محجبه !!
Quote: ولعل المشكلة التي أدت إلى دي سوزا على قرار يطلب من رئيس نادي "Hadris البيع ، بشكل أو بآخر هو اسمه. لا استطيع حتى لفظ "يقول دي سوزا ، بوليفاريو العودة الى كرة القدم للفترة المتبقية من هذه السنة هو الطقس. البرازيل تقول ان ذلك هو درجة الحرارة الخانقة التي تتجاوز ثلاث مرات الحرارة التي تجعل من سانتا كروز |
وهنا بيعترف انو معار لي نادي هارديس النيجيري ..وسبب العوده الي البرازيل الطقس
ونواصل
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: Maawya Hussein)
|
Quote: واضاف "حتى الحشرات وبالتالي حرارة لا تحتمل ، وكان طوال الوقت مع المشجعين ، ودرجة الحرارة التي ليست هذه دعوة إلى أي شيء. كل يوم في فندق "تذكر اللاعب عقدا مع صورة السودان حتى عام 2012 وليس لديها نية للعودة الى افريقيا. دون إذن منك يا سجل نشاط نقل الى نيجيريا لكرة القدم. "هناك أشياء ينبغي التعامل معها بكثير من فضة. ولا أعرف لماذا ذهبت الى هناك وأنا من الصعب ، لانه يريد ان يلعب ولم احصل على ورقة ".. |
طيب هنا حسب الترجمه ..وحسب الفهم بيقول ان عندو عقد مع الهلال حتي 2012 والسبب الوداوهو نيجيريا انو داير يلعب بس كوره ..لانو بيحب الكوره قبل انو يمشي نيجيريا
واواصل
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: Maawya Hussein)
|
باقي الكلام تعليقات من القراء
Quote: السلطة : "إن رئيس النادي سلطات أكبر من رئيس الجمهورية ، والقيادة وكلها تجتمع" ريجيس دي سوزا عجلة.
إقبال : ريجيس اليوم أنه ليس لديها جديد لمقاضاة ملفه ناديه لنحو 200 ألف دولار أمريكي لثلاث سنوات ونصف العقد.
راتب : لكل تعليقات المقود البرازيلي ، الذي يعمل في لاباز أف سي ، وكان راتبه في السودان نحو 5500 دولار أمريكي شهريا.
السودان : افريقيا وتقع الى الشمال الشرقي من القارة. الخرطوم هي عاصمة لها ، ويتحدث الانجليزية والعربية. نحو 41 مليون دولار.
فإن Frase |
يا سيد سامي لمتين بتعاملو الناس انهم سزج واغبياء !!!
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: Maawya Hussein)
|
ياعمر الفاروق
فكرة البوست انصرافية,,,انصراف جمهور الهلال من تعبئة التيم لحصد الستة نقاط المضمونة فى مقبرة الخصم,,الى جدل هامشى
بوستات المريخاب,,تسبق كل مباراة للهلال,,بالضبط زى تفاوض الوالى مع لعيبة الخصم فى الموسم السابق وفى نهايتو كان واغو ,,,,بقرة ود العباس,,
قبل الابطال كان حووصة,,,فخذله الهلال بعده جاء بوست طلال حلفا فخذله الهلال
الان ظهر سامى ,,,وعمنا حسين وممكن يجى طلحة جرجرة لكن نجيكم من الاخر كدا
الهلال دا ما بقيف الا فى العشرة نقاط بعدها ببداء فى الهزائم يعنى المبارتان القادمتان فى مقبرة الخصم
يعنى رصيدنا عشرة نقاط,,كاول مجموعة او تانى مجموعة صاعدين حالو اخروا كانو دا فاضوا فيكتور ,اشتروا منه ما تبقى من نقاط اكيد بطلع اخرص من سيكافا
يا سامى ابداء فى تحليل فريقكم,,لماذا تووالت عليه الهزائم
,
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: Maawya Hussein)
|
قارنو يا شباب
Quote: واضاف "حتى الحشرات وبالتالي حرارة لا تحتمل ، وكان طوال الوقت مع المشجعين ، ودرجة الحرارة التي ليست هذه دعوة إلى أي شيء. كل يوم في فندق "تذكر اللاعب عقدا مع صورة السودان حتى عام 2012 وليس لديها نية للعودة الى افريقيا. دون إذن منك يا سجل نشاط نقل الى نيجيريا لكرة القدم. "هناك أشياء ينبغي التعامل معها بكثير من فضة. ولا أعرف لماذا ذهبت الى هناك وأنا من الصعب ، لانه يريد ان يلعب ولم احصل على ورقة "..
|
Quote: يمتد عقد دي سوزا مع الهلال حتى عام 2012 و لكن لا ينوي الرجوع إلى هناك ..و شهادة إنتقاله الدولية تم إرسالها لنيجيريا دون إذنه ..و يقول في ذلك : "الأمور تمت بصورة مريبة و غير مفهومة ..لا أدري لماذا أذهب لنيجيريا ؟؟ .. أنا أشعر بحال سيئ لأنني أريد اللعب و إلى الأن لم أتحصل على أوراقي " |
والامور تمت بصوره مريبه وغير مفهومه !!! للضمان كدا حا اشوف مترجم تاني افضل من قوقل اشوف مريبه وغير مفهومه دي جات من وين
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: MOHAMED EL-BEELI)
|
7- كيف تم تسجيل اللاعب سعيد مصطفي (السعودي) بشهاده ميلاد سودانيه (مولود في حي المورده) وههو يحمل شهاده ميلاد سعوديه (مولود في جده) 8-من اي نادي قام المريخ باعاره اللاعب الدافيء 9-هل قام نادي المريخ باستئناف الشكوي المرفوضه ضد الهلال للاتحاد الافريقي في عدم قانونيه اشراك لاعبيه سادومبا وكابوندي في مباراه المريخ الافريقيه 10-هل قام الاتحاد النيجيري بتقديم شكوي للاتحاد الافريقي ضد نظيره السوداني بوجود تزوير في اوراق لاعبين تمت اعارتهم لنيجيريا
معلومه اضافيه
وافق الاتحاد النيجيري امس علي اللعب في دوره سيكافا للناشئين المقامه في السودان بتنظيم من الاتحاد السوداني لكره القدم باسم دوره البشير ..كيف خاطب الاتحاد النيجيري الاتحاد السوداني بالموافقه !!عن طريق الايميل الممسوح ام عن طريق dhl !! وكيف يثق الاتحاد النيجيري في اتحاد مشكوك في زمته !!
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
Quote: و يقول أنه الآن يقاضي الهلال حول بقية مستحقات عقده البالغة 200 ألف دولار ..و قد كان راتبه في الهلال حوالي 5500 دولار ..
|
نحسبها كده براحة
5500 في الشهر
يعني 66000 في السنة
يعني 198000 في ثلاث شنوات
يعني كواريزما ده طيلة فترته في السودان
كان عايش بالمجان
هو وزوجنه
ولم يستلم أي راتب على الإطلاق
وقام سافر كده ساكت
دون أن يتحصل على حقوقه
وودع الناس بمشاكل كبيرة عن مستحقاته
زي ما قال كواريزما الحشرات لا تستطيع تحمل درحة الحرارة في السودان
برضو الحشرات لا تستطيع تصديق كلام البطيخاب عن الهلال في السودان
وبالفعل
الــبــطــيــخــاب عــالــم جـــــمـــــيــــــل
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
Quote: السؤال الأهم!
لماذا غادر الريح مصطفى (الهلال)؟؟ |
Quote: يعني خلاص نفط صفحه الترجمه والتزوير ونبدا في مواضيع جديده !! الغرض وصل كدا خلاص !! الجريده حققت ارباح كويسه الليله !! |
دا مناسبته بوست اتكتب امبارح عن طريق مذيع قالو ربنا سختو وبقى مراسل قال الناس بتشجع المريخ ليه!
فقلنا نقول ليه ما بنشع الهلال ليه لانه دا برضو سؤال!!
المسكين ما عارف المريخ يشجعه الصفوة
لأنه الاقدم وهو الأصل ومنه خرج التمرد! ولانه صاحب المتواليات الثماني ولأنه الحائز على الكوؤس بدون هزيمة وبتعادل.. ولأنه الفريق السوداني(الوحيد) الجاب كأس من خارج البلد و(قاري)
إذا دي ما كانت كافيه ما أظن يكون في سبب كافي!
وخلوها مستورة!
واصلو نجر لحدي ما نجيكم بكرة!
بس أوعى واحد يجي يزور لي في البوست دا!
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: سامى عبد الوهاب مكى)
|
Quote: دا مناسبته بوست اتكتب امبارح عن طريق مذيع قالو ربنا سختو وبقى مراسل قال الناس بتشجع المريخ ليه! فقلنا نقول ليه ما بنشع الهلال ليه لانه دا برضو سؤال!! المسكين ما عارف المريخ يشجعه الصفوة |
فعلاً مساكين .. بالله دا المزعلكم وخلاكم تمرقوا ( عفنا ) كله .. واحد مرق لي عند بوليفيا عشان يجي يقول لينا الشعب السوداني زي الحشرات .. والتاني قال محضر لينا فضائح ح تهز الدنيا كلها .. عاش مزمل أبوالقاسم ملك الصحافة الصفراء السودانية .. إنت قايل يا سامي لو جبتوا فضائح الدنيا دي كلها ح تخلونا ندسى في بيوتنا .. ياخي نحن بنحب الهلال وبنموت فيه وح ندافع عنه بما ملكت أيماننا .. ولكم الحق مثله في حب فريقكم .. لكن لا تفرغوا الرياضة من معناها السمح .. الرياضة محبة وسلام وسفارة بين الشعوب .. والله لم يهمني في كلامك دا كلوا إلا كلمة الحشرات البقينا زيها دي .. يا سامي نحن هنا نكتب عن الهلال والمريخ في حدود المناكفة ولا ندخل في باب المحظور .. وحكاية شطب كاريكا من الهلال دي ح تفتح ليها بيبان لا نريد الدخول فيها وأنت أدرى بالوسط الرياضي .. وعن الفترة المتبقية لدي سيوزا لم يتبقى منها إلا القليل وسوف يسفخ النادي عقده زي الما حصل حاجة ويذهب غير مأسوف عليه ولك أن تنظر كم لاعب آخر جاء وذهب كحال الدنيا .. أرجع لتاريخ المنبر كله قبل سنوات مضت شوف الكتابة عن الكورة وشوف العلاقة بين الناس هنا .. عارف يا سامي الاعلام الرياضي إن جاز لنا أن نطلق عليه هذه الكلمة هو سبب الدمار الحاصل دا كله .. صحفيون لا هم لهم غير إرضاء زيد من الناس متناسين الأخلاق والقيم .. صحافة همها الأول بيع الإثارة لجمهور يحب كرة القدم .. أسألك بالله ماذا تقول لمن حولك من الهلالاب القريبين ليك وأنت تنقل مثل هذا الكلام أو غيره يمسهم .. ياخي أتكلموا عن الصفراب عن البطيخاب عن الحمام الميت عن زريبة العيش لكن أبعدوا عن الإسفاف .. دا ليهو ناسه ويتكسبون من وراه الله لا كسبهم ..
ويبقى الود ..
| |
|
|
|
|
|
|
Re: لأجل هذا لا يشجع أصحاب الفطرة السليمة الهلال (كوارزما) يحكي قصته في السودان و يقاضي الهلال! (Re: جمال السنوسي)
|
Quote: والله يا خال يا حليلكم .. يمسكوكم من ريحة سادومبا والقورو بتاع نيجيريا.. تمسكو في كواريزما.. يرشوكم ناس كانو بالتلاتة .. بدل ما تشوفو ليكم دباره .. جاريين جري وطيران لي الهلال سجل النقر تاني .. وامولادي كراعو اليمين صناعية .. يحليلكم يا النايمين حيلكم .. لو اترشيتو في مقبل الايام انا بقترح .. تشوفو لينا حكاية الشوارع الجمب استاد الهلال دي لييه جابوها جمب استاد الهلال . مفترض يشيلو الشوارع دي ويودوها (الخرطوم اتنين ).. بس ما تجي تشبكني ناس الخرطوم تلاتة كانو فاتحين للهلال .. |
مووووووبالغه
| |
|
|
|
|
|
|
|