|
اها يا عمر الفاروق ..اححححححححححححح ولا ما احححححححححح
|
قبيل في البوست داك انا الما بعرف كورة قلت ليك انو ايمبيلي ماسورة
وقلت ليك لو نجم الهلال اسامه التعاون ولو بتعرف كورة كان اشرت ليه في مبارة المريخ وقلت ليك انو هو المكسب في الهلال .. واحد نجومه لسنوات قادمات
هسع دي رايك شنو ؟
|
|
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: وليد محمد المبارك)
|
Quote: ولو انت بتعرف كورة صاح نجم المبارة دي الباشا واسامه التعاون لكن انت الظاهر عليك كورتك حقت دافوري .. ناس حاورني وجرني
الطرفين اليمين في الفريقين هم الكانو شايلين المباراة هجوما ودفاعا |
Quote: احسن زول في فريقك لو بتفهم كورة ياعمر رغما عن طياشتو هو اسامه التعاون حبرتجي وحافظ خانتو وهو الكان شايل سامي الفرحانين بيه ده لو ما اسامه التعاون سامي ده كان اتبشتن |
Quote: يا زول اسامه التعاون ما عكس ولا كورة كي الضربوه جمب التمنتاشر وهو في شبه انفراد داك كان تنقا والكلام ده في اخر دقايق الوحيد الكان بصل 18 اكتر من مهاجمنك وتقول لي ما عس
يعكس كيف عاد وكت نصك قاعد في السهلة وما مرر ولا باص الشوط التاني كله |
Re: قولوا اححححححححححححححححححح يا هلالاب .. امنتوا ولا لسع
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: وليد محمد المبارك)
|
يا وليد معليش والله بعيد عن موضوع البوست .. من قبيل عاوز اسأل انا تابعت المبارة وكان اداء الهلال حقيقة متوسط ورغم انتصارو لكن عاوز تربيط شوية .. سؤالي - عشان تعرفو انا بعيد كيف ؟- المبارة كانت وين في ام درمان والا برة البلد ..! ياخي تابعت التعليق وماجاب المعلق سيرة ابدااااا كمان الاستاد العمم فيهو متيرة لكن الشكل ماهو استاد الهلال ..
ـــــــ
رد لي بدون ما تقول ياحليلك هههههههههههه
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: وليد محمد المبارك)
|
يا شفت
Quote: بالعكس يا عمر ده متطلبات خانتو حسب الموقف البكون فيه
الولد لعاب جدا
لعبوه ارتكاز في هلال مريخ اول ما سجلوه ظبط نص الهلال |
وجهة نظر برضو .. لكن بلداً فيها علاء الدين يوسف و عمر بخيت ... أسامة دا مااا بقدل فيها.
بعدين إنت يا خوي جيت بدريييييييييييي كدة إظنك كنت حاري ليك درون وناوي (تشوتنا) بي بوست النوع الحا أملاك بيهو بكرة داك.
هسة نحنا مرقنا إنتو بكرة كييييييييييييييييييييييف
بعدين ياخ مسئول من الخير..الشكوي خبرا شنو؟
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: omer ibrahim)
|
Quote: لكن بلداً فيها علاء الدين يوسف و عمر بخيت ... أسامة دا مااا بقدل فيها. |
والله قدل فيها اسامه التعاون جنس قدلة في الكورة الجاب كلتشي فيها قون ديك ولو ما هو كلتشي لي هسع كان بجيب فيكم اقوان
مرقتوا ؟؟؟؟؟؟؟؟؟؟؟؟؟ه هسع انت معتبر روحكم مرقتو ؟
Quote: بعدين ياخ مسئول من الخير..الشكوي خبرا شنو؟ |
الشكوى راحت في خبر كان وشكله الموضوع حسموه من فوق
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: وليد محمد المبارك)
|
والله يا وليد حيرتني!!!! خلينا نتفق على حاجة عشان ما تجي تقولني كلام ما قلتو .. انا ما قلت ليك اسامة التعاون كعب ولا ما بيعرف كورة صاح ؟؟ لكن اختلافنا في انو امبيلي ماسورة دي!!!! ولا انا غلطان ؟؟؟ اها انا لسة عند رايي وامبيلي هو افضل المحترفين الحاليين في الساحة السودانية .. ما حا ادخل ليك في حجج لاعبي الوسط وقصة الدعم والمساندة والمهاجم التاني وكاريكا وما ادراك ما احمد عادل وصانعي اللعب .. يا وليد اللاعب في الدنيا دي بتعرفو من لمستو للكورة .. بالنسبة لي اسامة التعاون انا ما عارف انت حكمك عليهو من ناحية شنو ؟؟؟ عشان جاب القون ؟؟؟ راجع شرط الكورة تاني ولاحظ الفريق الزامبي بيلعب اكتر من ياتو جهة وكل هجماته كانت مركزة وين وعاين اسامة التعاون اندفاعو خلاهو ينضرب بي كم كورة !!!! عايز تتكلم عن اسامة التعاون براهو ولا عايز تتكلم عن الناس الكانت فاهمة شغلها اكتر ؟؟ لانو سامي عبد الله وديمبا كانوا اكتر اتنين عارفين روحهمبيسوو في شنو .. بالنسبة لي اححح ولا ما اححححح يا وليد الهلال اسة اسة اسة في الصداااااااارة ... عندو 4 نقاط من كورتين والحمد لله ما استقبلت شباكه اي هدف .. الهلال طييييلة ال90 لم يتعرض مرماه لي هجمة خطرة ولااا تسديدة داخل الخشبات التلاتة وبالمقابل لم يضيع الهلال اي فرصة حقيقية اللهم الا لعبة احمد عادل اللي جلاها ... وضع الهلال الحااالي اثبت إنو كلللكم ما بتعرفو كورة لسبب واحد إنو كلل الناس كانت بتتكلم عن ضعف دفاع الهلال بينما غزارة في واكتمال في خطي الوسط والهجوم وكللل المباريات الفاتت اكدت العكس تمااااااااااااااما.. وليد اسامة التعاون لاعب صاحب امكانيات عادية ما بتشبه الهلال لاعب موجود منو كتييير ..لاعب احسب عدد المخالفات اللي عملها حا تعرف الاندفاع والتهور الانا بتكلم عنو ولو الحكم ما كان عايز يطلع المباراة نضيفة كان ممكن في كورتين يطلع ليهو بطاقتين صفر وكان ممكن نفقدو ..
عندو لعبتين خطرات داخل ال18 اي واحدة منهم كان ممكن تكلفنا ضربة جزاء.. وليد خلاصة الكلام امبيلي ما ماسورة وده اختلافنا... اسامة التعاون لاعب مجتهد بس ما لعاب مندفع حماسي
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: عمر الفاروق)
|
كدي يا شفت ويا فاروق وقت اتلميتوا هنا عندي سؤال في التغييرات الحصلت ليه علاء بديل لكاريكا وليه الكوتش بعد قدّم مهند اقل من عشرة دقايق ولاّّ ربع ساعة طلّعو ومساوي ليه ما يمرق و هو ظهر عليه التعب وعدم التركيز و حتى الإصابة في اليد ما دايرين نستعجل بالحكم على كامبوس لانو واضح انو عندو فهم بسوي فيه لكن الله يستر من تغييراتو
يا شفت امبيلي مافيه كلام لكن كان ما اخاف الكضب في كورة كدة كان فاتح صاح وماخد خانة وراجي الباص هيثم عمل فيها ما شايفو
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: محمد البشرى الخضر)
|
ود البشرى :
Quote: يا شفت امبيلي مافيه كلام لكن كان ما اخاف الكضب في كورة كدة كان فاتح صاح وماخد خانة وراجي الباص هيثم عمل فيها ما شايفو |
انت مشاهد بدرجة ممتااااز .. وملاحظتك دي لو وليد ركز فيها ممكن يعرف ليي امبيلي كان برة الشبكة .. بالنسبة للتغيرات والله يا ود البشرى انا عرفت تمااااما انو كامبوس حا يعمل كده والله لمممن اتهجمت من روحي وان كنت قاعد احضر في الكورة مع زول ما عندو كبير غرض فيها بس قلت ليهو التغييراات دي بي حذافيرا .. ممكن التغيريين كانوا يتموا بصورة مباشرة خروج كاريكا دخول احمد عادل ثم خروج مهند دخول علاء الدين.. بس في لحظة المدرب كان عايز يسيطر على منطقة الوسط واللعب بي مهاجم وحيد عشان يفك الضغطك اللي حصل من لاعبين زيسكو لانو وسط الهلال في لحظة سرح .. دخول علاء انعش الوسط وان كان علاء مستعجل في تقديم روحو بعد الانقطاع والدخول بفهم انو ممكن يغير مجرى المباراة ويجيب قون .. في لحظة شعر المدرب انو امبيلي مجهد وفي نفس الوقت ما بيقدر يسحب مهاجم ويدخل مهاجم حا يكون ما عمل شي .. وجود مساوي مهم لانة احسن زول بيعرف يبووظ الكورة ويجووطا حتى لو كان كعب..
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: عمر الفاروق)
|
وليد الشفت و عمر الفاروق وبقية المتداخلين ... مساء الخير
امبيلى ممتاز .... بس بميل احيانا لامتاع نفسه و الجمهور باللعب الفردى وهنا لابد من تدخل الجهاز الفنى بشكل قوى اسامه التعاون يسير فى الطريق الصحيح
هنالك فجوه بين المهاجمين و خط الوسط المهاجم و سببها عدم اللعب الممرحل و الاعتماد على الكرات الطويله ( لعب انجليزى ) وده بيتطلب تمارين مكثفه ولعب كتير حتى تظبط الشغلانيه ( تغيير فى شكل و خطط اللعب ) ... بس الوقت ما فى الصالح نرجو حسم هذه النقطه ... اما الرجوع للشكل الذى تعود عليه الهلال او تكثيف فى المباريات الوديه و التمارين لهضم هذه الخطط من قبل اللاعبين
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: صلاح ليون)
|
Quote: هسع انت معتبر روحكم مرقتو ؟ |
يا جماعة الكلام الفوق دا النجيضة .. أخوكم وليد كان عايز الدرون .. اها لمان قام ما لقى الدرون وموضوع الشكوى استحمى .. قال اخير (يفطس) أمبيلي (ويطلع) بالواحد. يا جماعة وليد دا زولي وأنا بعرفو.. يا وليد .. امشي نوم يابــا .. مدنك راحة لليوم السبت .. احتمال بعدين النوم زاتو ما يجيك .. اقعد ساكك لي في سادومبا ماسورة .. وامبيلي ماسورة .. واسامة التعاون فنان لحدت ما المطرة تصب .. وبعدما المطرة تصب .. بعداك ليبيا بتفتح ..
حظك اليوم.. يمر الفاصل المداري اليوم بالعرضة جنوب ، زوابع رعدية .. وهطول امطار خفيفه متفرقة مع احتمال توزيع حبوب نوم من الساعة خمسة بالعصر .. اوعك تحضر الاذاعة .. وحاول مع وجبة الفطور اكل الغداء والعشاء جمع تقديم .. رقم الحظ .. ( 3 ) راسه عديل ..
قرقرقر .. قال شنو ..؟ معتبرين روحكم مرقتو ؟؟ أحي أنا حسع دي ما مرقتو ..؟
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: الحاج حمد الحاج)
|
Quote: اسامة التعاون لاعب صاحب امكانيات عادية ما بتشبه الهلال لاعب موجود منو كتييير ..لاعب احسب عدد المخالفات اللي عملها حا تعرف الاندفاع والتهور الانا بتكلم عنو ولو الحكم ما كان عايز يطلع المباراة نضيفة كان ممكن في كورتين يطلع ليهو بطاقتين صفر وكان ممكن نفقدو .. |
عمر الفاروق ..
غايتو دا اغرب راى اسمعو فى الزول دا ..كان من ناس بفهمو كورة ولاكان عنقالة زينا كدا ...شكلك عايز تعاكس وليد فى رايو ..امبارح كان ما التعاون كان (قطرنا صفر) اخطر مهاجمى زيسكو كان فى الجهة الشمال ..ومع التعاون (راحت ليهو) ..دافع بقوة وصنع لعب ..واحرز هدف .. مافى المبارة دى على فكرة ...فى اكثر من مباراة التعاون كان مفتاح نجاة بالنسبة للهلال .. لعبوه ليبرو ولعبوه طرف ولعبوه ارتكاز ..وفى ظنى لو لعبوه صانع لعب بنجح ..
| |
|
|
|
|
|
|
Re: اها يا عمر الفاروق ..اححححححححححححح ولا ما احححححححححح (Re: محمد عبدالرحمن)
|
يا سلام يا فاروق ياخ كمبوس مدرب كبير واسبدالاته الغير مباشرة كانت لهدف اعادة السيطرة على خط الوسط وهو ما نجح فيه علاء الدين عند دخوله باليسار وعند تحولة لمؤازرة اسامة التعاون باليمين عند تركيز الخصم عليه، ومن ثم العودة لاستبدال آخر لدعم الهجوم ودخول حموة كلها لغراض تكتيكية واضحة
Quote: بس في لحظة المدرب كان عايز يسيطر على منطقة الوسط واللعب بي مهاجم وحيد عشان يفك الضغطك اللي حصل من لاعبين زيسكو لانو وسط الهلال في لحظة سرح .. دخول علاء انعش الوسط وان كان علاء مستعجل في تقديم روحو بعد الانقطاع والدخول بفهم انو ممكن يغير مجرى المباراة ويجيب قون .. في لحظة شعر المدرب انو امبيلي مجهد وفي نفس الوقت ما بيقدر يسحب مهاجم ويدخل مهاجم حا يكون ما عمل شي .. وجود مساوي مهم لانة احسن زول بيعرف يبووظ الكورة ويجووطا حتى لو كان كعب.. |
أمبيلي خطير ومزعج ولن يتسطيع الوصيفاب احباطه أو تغيير رأي جمهور الهلال فيه ويا وليد سادومبا جاييكم وبالمناسبة انت شفتو وين؟؟ أوعى يكون في الصدى..
| |
|
|
|
|
|
|
|