|
|
 ارفعوا اقلامكم عن دكين
|
الزول ده شايف الدوحة و عامل السن شذبوا قلمو شوية
خلوهو في حالو فأني أخاف عليكم ان يبلغ السيل فيه الزُبي
_____
قطع شكـ لن أخفي سعادتي لو فعلها السيل 
|
|
 
|
|
|
|
|
|
|
|
Re: ارفعوا اقلامكم عن دكين (Re: خدر)
|
يا ود التوم ..
الذي في الدوحة ده ما دكين .. ( يكون صلاح غريبة ؟ ) .
أظن صاحبنا إنثبأ فبثأ و افشخل، و تخاهع فبشّق ، و تكرجبط عليه الهباكيع فتأبطظ و بثا .
.....
كلما اقرا الهبوب الأخيرة حقتو .. ارجع للمكتبة الدكينية و اقرا و ادي ربي العجب :
الظعن ظعن البلقاء .. لكن الطعن كلو كلو ما طعن ابي محجن .
| |
|
|
|
|
|
|
|
|
|
Re: ارفعوا اقلامكم عن دكين (Re: على محمد على بشير)
|
لم أقرأ كل ما كتبه دكين في هذا المنبر..
لكني لم أشهد له كبوة ولا لقلمه نبوة ..
فلكم أطربني هذا الفتى..
نعم يا خدر فليرفعوا أقلامهم عنه ..
فان رايانه لن تنتكس.
شكرا ياأبا لقاء . .. والى اللقاء.
| |
|
|
|
|
|
|
|
|
|
Re: ارفعوا اقلامكم عن دكين (Re: Emad Abdulla)
|
ود التوم
صاحبنا ده قبل يومين دخلت ليهو بوست لقيتو كاتب لي زميل (شكراَ جزيلاَ )
فإنفقعت من الضِحكـ و إنفنقلت علي قفاي
تفتكر يا حكمدار القصة دي عندها علاقة بي (الحج) العملو السنة الفاتت ؟
| |
|
|
|
|
|
|
|
|
|
Re: ارفعوا اقلامكم عن دكين (Re: خدر)
|
دكين ده يا خدر
هو "عروة بن الورد"
مع إختلاف شوية فى التفاصيل الوردية
لازم يكون فى شى "ما ياهو" هبش الزول ده
دكين نار
ممكن يدفيك ويحرر ليك موية الشاى وحلة العشا
وتولع سجارتك من طرف جمره
لكين لو ختيت ايدك فيهو
بحرقك
مع إنه ناره دى وقودها الحرف والكتابة
أعدت للسمحين
| |
|
|
|
|
|
|
|
|
|
Re: ارفعوا اقلامكم عن دكين (Re: ريهان الريح الشاذلي)
|
خدر.....سلام..
اتوقعتك تفتح بوست باسم الوغد فى الكترابة القايمة دى
تعرف دا البوست الوحيد عن دكين الممكن الزول ياخدفيهو راحتو
اما ناس الغباين وتصفية الحسابات ابعد منهم قدر ما تقدر
كان تتكلم بيدينك وكرعينك بفهمو الدايرين يفهمو بس ...
فى ناس برة الشبكة كانو دخلو البوست دا اقنع منو
هنا لسة نحن بنتعامل بفهم المامعانا.. ضدنا ..
يعنى اشمعنا دكين قندولو مفنقل الريكة ياقول حبوبة
دكين ما زول عادى زيو وزى خلق الله البكتبو فى البورد ديل
اها ابقى طيب وبركة الجيت ياخدر
| |
|
|
|
|
|
|
|
|
|
Re: ارفعوا اقلامكم عن دكين (Re: محمد عبد الماجد الصايم)
|
Quote: إذا لبسنا ليكم أي طاقية من طواقي أميرة الفوق دي
عماد عبد الله دا .. حتلبسوهو يا تو طاقية! |
عماد عبدالله ......دا خليهو ماعندك بيهو شغلة
بنلبسو اى واحدة وبكون رااضى.. لانو حسن النية عندو متوفر
زى صاحبو خدر ...
انت زاتك طاقيتك عندى ياود الصايم(البتقع من السماء تحملها الواطة )
خلونا نشوف طواقى سمحة ومريحة ونلبسها لبعض بدل الضيق النحن فيهو
| |
|
|
|
|
|
|
|
|
|
Re: ارفعوا اقلامكم عن دكين (Re: ممدوح أبارو)
|
Quote: فى ناس برة الشبكة كانو دخلو البوست دا اقنع منو
هنا لسة نحن بنتعامل بفهم المامعانا.. ضدنا .. |
لحنيها ليهو يا اميرة ..
و شوفي ليك كم كمان كدا .. و اعملي ليهو سيرة بالكلام دا لحدي الكوشة ..
..
..
الزول دا محتاج نفخ اكتر .. همتكم معانا ..
| |
|
|
|
|
|
|
|
|
|
Re: ارفعوا اقلامكم عن دكين (Re: humida)
|
| Quote: هو الراس عمل كم الأيام دي ؟؟؟ |
حدد يوم الشراء
في نص الاسبوع رخيص
وفي الــ weekend غالي شويه
ولما يكون الجو مطر غالي شديد
ولما الجو يكون مطر و كمان weekend بيكون معدوم خااااااااالص
هاك نفس
| |
|
|
|
|
|
|
|
|
|
Re: ارفعوا اقلامكم عن دكين (Re: سيف اليزل جعفر عبد الرحمن)
|
| Quote: قطع شكـ لن أخفي سعادتي لو فعلها السيل |
ولن أخفي سعادتي لو فعلها الزبي (وما عض طرف العراقي وقال يا فكيك) ...
يا خدر دكين ده زول واحد كان لاقيتو في البورد ولا برة البورد ... يا تقبلو زي ما هو كدة يا تخليهو مرة واحدة وبتكون ريحته راحة شديدة اصلاً الايام دي كايس ليهو سبب عشان ينزل باقي الناس الفي الفيس يوك ... وما اظنيتو باقي ليهو كتيرين ...
الاقلام دي خليها براها بتترفع ...
وتجف الصحف حتي لو صار الحبر كوكا كولا
سلامات كتيرة ليك ووللأولاد
(المقصود الزوجة والأولاد)
| |
|
|
|
|
|
|
|
|
|
Re: ارفعوا اقلامكم عن دكين (Re: Gafar Bashir)
|
| Quote: ارفعوا اقلامكم عن دكين |
خدر سلام
يا خدر دكين فتح بوست و تم نقله لمكتبته يعني بكري إتخلص منو و قام دكين فتح بوست تاني
يعني دكين لو ما فتح البوستات أكيد ما في زول حا إمشي عليه
و تأكد لو البوست دا إتشال دكين حا إفتح بوست تالت و رابع
| |
|
|
|
|
|
|
|
|
|
Re: ارفعوا اقلامكم عن دكين (Re: ABUHUSSEIN)
|
علي محمد علي - فيصل خليل - اسامة الفنان - ابوذر - ريهان - اميرة - ودالصائم
- حاتم الياس - مزمل خيري - ممدوح - جميدة - سيف - جعفر - ابوالشوش
لقد فعلها السيل يا اصدقاء
Quote: بس والله انا ماسعيد بي البسويهو معاك ده..
ولكني اطلب الحق في قول احسبني منه براء..ولو لم اكن منه كذلك فماعايز غير اني ازح بي عفني ده من ناسك ديل..
لكي لا يتضررو( ويهلو) عليك وعلى غيرك بالمهاتفات واللمز غير الكريم.. |
| |
|
|
|
|
|
|
|
|
|
Re: ارفعوا اقلامكم عن دكين (Re: خدر)
|
Quote: يعني معقول انا بعد هذا العمر
وانتا بعد هذا العمر
والدنيا بعد ماوصلت اليه من الحريات
والبني ادم بعد ماوصل اليه حاله من تطور واصبح قادرا على الاختيار الحر نجي بعد ده كلو تلقى ناس عندها راي في زول ويغلبا تقولو قداما وتقعد تمارس اشغال المشاط ويغلبا تقول لي الشينة منكورة؟؟ |
| |
|
|
|
|
|
|
|
|
|
Re: ارفعوا اقلامكم عن دكين (Re: خدر)
|
خدر
إزيك ومساء النور والمطر
قصة البوستات "الواسعة المُدورة" دى
ذكرتنى ,,,حكاية لطيفة
وأنا فى سنة أولى إنترنت كان فى بوست فى سودانييز اونلاين عن "البالتوكــ"
والناس كلها كانت بتتكلم عن البالتوكــ...
أنا طبعاً إفتكرتها "حكاية مقصورة على كِبار السن من البورداب"
إلى أن هدانى الله "إليه"
المهم
دخلت شمال فى اول قروب سودانى
ولقيت ليك الخلق دى
تنضم
وتنبذ
ومشاحنات من طرف
وغايتو
بقيت بحاجز
يا عمكـ,,
"عمك دى كانت مافى غايتو ,,,للضمان كدا" الوكت دا
يا جماعة
كدى روقو المنقا
المهم ساهرت ليك لى الفجر بكوركـــ
والجماعة مرقو وفضلت انا وزولة كدا
كانت ناسية البالتوك فاتح دى قصة تانية
,,,
,,,
أتـــــــــاري يا خدر انا ما كان "المايكــ" معاى واظن إنو مافى زول سمع كورايكى,,,ونضمى النضمتو كلو كلو
ـــــــــ
اسى يا خدر بوستكــ دا بشبهنى زمان
| |
|
|
|
|
|
|
|
|
|
Re: ارفعوا اقلامكم عن دكين (Re: Amira Elsheikh)
|
..
.
| Quote: غلطان ياتبلدينا وستين غلطان ... |
أنا شخصياً ما شايف كدا...
_________
وبرضو ممكن يكون صحيح ما برضو زول عادى
ممكن اغلط زى وزى باقى خلق الله وافنقل ريكتى
بدون قندول ..
اشوف غيرك ما فهمتها
لذا اتجاوزها لحين ..
تايم اذ اوفر .. :)
| |
|
|
|
|
|
|
|
|
|
Re: ارفعوا اقلامكم عن دكين (Re: Tabaldina)
|
Quote: أتـــــــــاري يا خدر انا ما كان "المايكــ" معاى واظن إنو مافى زول سمع كورايكى,,,ونضمى النضمتو كلو كلو
|
لا بكونو سمعوك يا ملك لكن تقول شنو
بس تكون ما معاهم ....المعنى ضدهم ..
عماد عبدالله عندى ليك طاقية .... تنفع؟؟؟
| |
|
|
|
|
|
|
|
|
|
Re: ارفعوا اقلامكم عن دكين (Re: DKEEN)
|
(*)
تعرف يادكين .. الدرش الحاصل ده كلو رشاشو المفترض ..
وكمية التنابذ بينك وبين (وهبة) التي أمتدت لحلقات ..
أظنها جميعها تكال بمكيال من هاتفه ليغتابك ..
يعني الزول أو الناس الهاتفوه ديل من حقهم يبدو راي فيك ..
قدامك .. وراك .. في الحمام ..
مع أن الأولى أبرك (سنتجاوز الأخيرتين) ..
لكن ألم (تحرقهم روحهم من ما جرى) ؟
ألم يؤرقهم فعلهم ؟
تعرف إتوقعت في الزمن االردئ ده إنو يجوا بكل شجاعة عشان يفضوا الإشتباك ده
ويقولوا ديل نحن يا (دكين .. في عينك أها داير شنو )؟
لبه ؟
أوريك ليه ..
لأنو إنتا من جيت المخروبة دي وبقيت زول دوحة , ..
لبست طاقية (زول بيت) ودخلت بيوت الناس وعاشرتهم وصاحبتهم ,وأكلت عيش وملح
مع أغلبهم ..
أنا أتخيل لي شربت معاك شاي
):
لا لا والله إتغديت معاك في بيت صلاح عبدالله ..
ذات مرة ..
أها أسي إنتا كنتا قربت تناسب ناس الدوحة عديل كده ..
وكمان بقيت (مدافع شرس عن أهلها) ..
ومشكلتك مع (وهبة ده زاتو بدت بسبب دفاعك عن طارق الدوحة )دي
):
أها أسي قلبك أبيض وأخو أخوان و ومارضيت في زول من ناس الدوحة وجيت
داوست تلتمية شنب وتسعمية طرحة عشانو (ودي محمدة ورجالة تب )
أها من حقك على الزول الإغتابك ده إنو يريحك من هم التفكير في هل ياترى مين
ومن صديقي ومن عدوي ..
هو شتمك يعني مادارك طيب ياخي ماطالبين منو يجي يكتبا هنا عشان برستيجو ,البورد
ده أمار بالسوء والزول بخاف على صورتو فيهو أكتر من خوف اللبوة على جناها ..
يريحك من شكوك قد تسوءك في من حولك ويتصل عليك :
يقول ليك ها أنذا وبكرهك وأنا ماني زولك ..إنتهى ..
وتمشي تمسحو من الفيس بوك ..
والتلفون ..
وتابى ملحو ..
وتختا دربو ..
ياخي ده زول مابختشي وماعندو ريحة الكرامة ..
تشتمو في بعض بسببو وتشتمو فيهو هو زاتو ..
ومتفرج ..عادي ..
عارف الله يستر مايكون إتداخل أو إتداخلوا ..
وعلى رؤوسهم طاقية الأجاويد وزينو بوستاتك دي بتوقيع محبين ..
أها كده (وهبة) ده على الأقل بما إنو (الوحيد العارفهم مفروض هو زاتو يسقطوا من نظروا) ..
ويعرف إنو إنتا أشرف منهم مليون وتلتمية سنة ضؤئية ..
____
ودعتكم لي الله
| |
|
|
|
|
|
|
|
|
|
Re: ارفعوا اقلامكم عن دكين (Re: كمال علي الزين)
|
Quote: لأنو إنتا من جيت المخروبة دي وبقيت زول دوحة , ..
لبست طاقية (زول بيت) ودخلت بيوت الناس وعاشرتهم وصاحبتهم ,وأكلت عيش وملح
مع أغلبهم ..
أنا أتخيل لي شربت معاك شاي
):
لا لا والله إتغديت معاك في بيت صلاح عبدالله .. |
!!!!!!!!!!!!!!!!!!
ياكمال سالم ......
عليك الله فك لجامك ده من خشمي....!!!!!
--------
ياخدر
الف تحية وسلام
اعذرني اخي
| |
|
|
|
|
|
|
|
|
|
Re: ارفعوا اقلامكم عن دكين (Re: نادر)
|
Quote: لأنو إنتا من جيت المخروبة دي وبقيت زول دوحة , ..
لبست طاقية (زول بيت) ودخلت بيوت الناس وعاشرتهم وصاحبتهم ,وأكلت عيش وملح
مع أغلبهم ..
أنا أتخيل لي شربت معاك شاي
):
لا لا والله إتغديت معاك في بيت صلاح عبدالله .. |
؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: ارفعوا اقلامكم عن دكين (Re: Salah Abdulla)
|
(*)
عذراً أخي / صلاح عبدالله
أرجو أن لايسوءك إستشهادي بك هنا عرضاً ..
خاصة أنني أعرف أنك تحترم ذاتك إلى درجة الترفع عن الخوض في مثل هذا ..
حتى ولو على السبيل الآنف ..
لك العتبى ..
__________________________
| |
|
|
|
|
|
|
|
|
|
Re: ارفعوا اقلامكم عن دكين (Re: صديق الموج)
|
ود الموج يا حبيب
داير بيهو شنو تلفون دكين
موش قتا دكين اتغير ..
اهو ده انا في تغيري..احب نفسي وما وصلت اليه..
في معرض حاجتي الى البيان .اصعب شي انك تلقى محبينك بكرسو لي فهم العولاق..
معزتي ياموج تغشك وتغشى ايامنا السمحة
ــــــــــــــ
تلفوني قفلتو لانو الخلق طلعت ديني تلفونات..
| |
|
|
|
|
|
|
|
|
|
Re: ارفعوا اقلامكم عن دكين (Re: DKEEN)
|
سلامات يا شباب
ناجي الملكـ
يا اخوي شكلك لسه انت بتفتش للمايك , انا مايكي عندي قااااعد (راجع البوست التاني)
محمد عثمان سلامات ياسيدي
شفت البوستات دي لذيذه كيف
صالح تبلدينا
خلي الرواشة و ركز شوية شوف الاقتباسات ماشة علي ويين
الصلح ما بنابا لكن الموضوع اكبر من اصلاح ذات البين
لو خليت اميرة في حالها صدقني خا تتفق معاي
بت الشيخ
نومي قفا يا بتنا ماعندي بوست بستلمو مني زول تاني إلا تحت توقيعي و موافقتي
لكن ممكن ابيع البوست و ابيعك انت و دكين و ابوساندرا فوق البيعة لو لقيت سعر كويس
هارون يا ملك
اخد راحتكـ يا فنان , البوست بوستكـ
ودالصائم
بعد شنو ؟ بعد ما إتفشيت ؟
حيدرنا
كااااااااااااااااااااكـ
| |
|
|
|
|
|
|
|
|
|
Re: ارفعوا اقلامكم عن دكين (Re: خدر)
|
Quote: إن كان ثم من يكتب فيطرب القارئيه ، و يكتب فيدخل اللغة في كُستبانة ، و يكتب لتأخذك النشوة النشوة ، و يكتب فتحسده على تمكنه من الإمساك بمفاتيح قيادك و رسن المواضيع ، و من يكتب فيفاجئك في العبارة التالية بما لم تكن تتوقع .. و يكتب فتحمد الله أن قيض للكتابة من يرفعها شأوا فارعاً عليا .
إن كان ثم من يفعل ذلك هنا في هذا الحيز السايبري .. فهو دكين دونما منازع . |
احبتي خدر وصحبه
تحياتي لكم و للحضور الكريم
وشكرا لاخي الاستاذ عماد لكلماته الطيبة
ويا مولانا خدر يجب ان نقيم علي المدعو الوغد دكين حد الغياب وهو ان يمتنع عن الكتابة والحديث عن الطيبات والفواكه وما استدار منها... لمدة تلاتة شهور
| |
|
|
|
|
|
|
|
|
|
Re: ارفعوا اقلامكم عن دكين (Re: خدر)
|
Quote: بت الشيخ
نومي قفا يا بتنا ماعندي بوست بستلمو مني زول تاني إلا تحت توقيعي و موافقتي
لكن ممكن ابيع البوست و ابيعك انت و دكين و ابوساندرا فوق البيعة لو لقيت سعر كويس |
غايتو يا خدر ما عندك أمان أصلو
| |
|
|
|
|
|
|
|
|
|
Re: ارفعوا اقلامكم عن دكين (Re: كمال علي الزين)
|
برضو يوقع ..
مش في الدوحة ؟
الخواجة المعاك يوقع يا كيمو و يبصم .
........
يا أميرة : الخواجات بصمتهم ناعمة شوية و ما بتظهر بأخوي و اخوك ..
كلآتي : تكنكشي في اليد و تدوسيها دوس غتاتة .. الخواجة ح يقول ليك : أو مااااي .. أعملي مجنونة و ما تشتغلي بيهو ، انفخي الورقة بعد داك نفخ بذمة و اخلاص ..
بعدين قولي ليهو : صانكيو بري مطش خواجه .
الدنيا ما معروفة .
| |
|
|
|
|
|
|
|
|
|
Re: ارفعوا اقلامكم عن دكين (Re: Emad Abdulla)
|
..
.
..
.
Quote: فأميرة الشيخ وآخرين قد كفياك شر البحث عن براءة الآخرين
وقامت بعمل لائحة وأتصلت بي للتوقيع وأنا جاهز للتوقيع والبصمة والفيش |
___________
انتو جاديين !!؟ والله ما قادر اصدق
يا اميرة انت فى محل كدا مش قلت ما ممكن تسيبى شغلك
وتتعابي القوالات .. بالله اتلموا فى الويكند وشوفوا ليكم
مخرج من الهليمانه دى ..
| |
|
|
|
|
|
|
|
|
|
Re: ارفعوا اقلامكم عن دكين (Re: Tabaldina)
|
فعلآ الدنيا اتغيرت و القيامة قربت
بقت تتكتب بوستات لرفع الاقلام عن دكين !!!!
هم منو ديل الساكين دكين عاوزين يشلخوهو ?
اللهم نسألك حسن الخاتمة و ما تورينا يوم يكتب لرفع الاقلام عنا
و الاسد لما يعجز ... الى آخره الى آخره الى آخره
| |
|
|
|
|
|
|
|
|
|
Re: ارفعوا اقلامكم عن دكين (Re: Yassir Tayfour)
|
| Quote: يا اميرة انت فى محل كدا مش قلت ما ممكن تسيبى شغلك |
تبلدينا.. سلاااام...
محل قلت دا تسالنى هناك شان ارد ليك.....
وفعلا ماعندى وقت كتير فاااضى شان اسك البوستات دى
وكل شئ يترد عليهو فى محلو شان الكلام مايطلع من الصياغ بتاعو
وبجيك راجعة لباقى كلامك الهنا..
ابقى طيب ..
| |
|
|
|
|
|
|
|
|
|
Re: ارفعوا اقلامكم عن دكين (Re: Amira Elsheikh)
|
..
.
| Quote: محل قلت دا تسالنى هناك شان ارد ليك..... |
أميرة سلااام
والله تصدقى انا نا عارف ياتو بوست ..
ما متفقه معاى انو الابوستات تشابهت وكذلك المداخلات ..!!؟؟
بعدين انا شايف الخلط دا ما واقع فيهو برااى ..
بشوية ملاحظة بتتاكدى من كلامى
___________
بعدين ما قصدى سك البوستات
تيك يور تايم؛
| |
|
|
|
|
|
|
|
|
|
Re: ارفعوا اقلامكم عن دكين (Re: Tabaldina)
|
Quote: برضو يوقع ..
مش في الدوحة ؟
الخواجة المعاك يوقع يا كيمو و يبصم |
ههههههههههههههههههيكة
حلوة ياوغد
انا قررتا اني لا اكتفى بتواقيع البني ادمين فقط..
كل البط في مزارع الدوحة حتتوزع ليهم لست للتوقيع..
واشوف من اي اسر البط انتمي..
ومن ثم اقبل على محلات الاحذية..
واشوف موطي نفسي من من اقدام الاخرين..
وهل فعلا اعمل جزال لي وجع الضهر زي ماقال اخوي حمد ولا اكتفى بالوورنيش ؟؟
المحريني القى الصمرقع ده وين ؟؟
القاهو على اي حال ذاتو..
صاحي ولا نايم..
وهل هو عجالي ام بقري ام من نوع وقافي وقعادي ؟!!
| |
|
|
|
|
|
|
|
|
|
Re: ارفعوا اقلامكم عن دكين (Re: Tabaldina)
|
Quote: وعدد من البوستات للفريق الاخر ومجموعة من حمله الدفوف صعب الامر عليهما
فلم يستطيع صاحبك هذا ان يتنازل ولم يقدر صاحبنا ذاك ان يتساهل ..
وصرنا فى حيرة من امرنا ..
|
طيب ياتبلدينا....
يبدو انك متفق معاى فى كلامى حول المطبلاتية وناس الغباين
الخلانا فى حيرة امرنا هنا فى الدوحة اكتر منكم وخاصة اننا بقدر
قادر كلنا بقينا متهمين فى نظر الكل...
| |
|
|
|
|
|
|
|
|
|
Re: ارفعوا اقلامكم عن دكين (Re: Amira Elsheikh)
|
نادر
ابو محمود
زي ماشايف صعب جدا اني ارد على هذا وذاك ..
واباري اللستة..
ولكن صدقني
معزتك عندي دوما ظلت كما كانت ولم تتغير وشاكر لك فضل اتحافي بالحاجات السمحة دي ..
دمتا رايق مشمول بما عهدتك من صدام..
| |
|
|
|
|
|
|
|
|
|
Re: ارفعوا اقلامكم عن دكين (Re: DKEEN)
|
Quote: يا أميرة : الخواجات بصمتهم ناعمة شوية و ما بتظهر بأخوي و اخوك ..
كلآتي : تكنكشي في اليد و تدوسيها دوس غتاتة .. الخواجة ح يقول ليك : أو مااااي .. أعملي مجنونة و ما تشتغلي بيهو ، انفخي الورقة بعد داك نفخ بذمة و اخلاص ..
بعدين قولي ليهو : صانكيو بري مطش خواجه .
الدنيا ما معروفة .
|
thak youu very much Emad
اها ياعماد انت لو كنت فى الدوحة دحين حتوقع ولا نبقى
على وقيع الخواجة....
_____________________________________________________________
اها النحدثك والله وماطالبنى حليفة الخواجة ال مع كيمو قال لى ببصم..
رايك شنو?
| |
|
|
|
|
|
|
|
|
|
Re: ارفعوا اقلامكم عن دكين (Re: Amira Elsheikh)
|
Quote: لكن ممكن ابيع البوست و ابيعك انت و دكين و
ابوساندرا فوق البيعة لو لقيت سعر كويس |
بتخسر ، بتخسر كتير
يا وغد يا شرير
أها ، شمت فينا أبلة ظاظا
عاجبك كده ؟
في شأن الأقلام التي شحذت لنحر الود دكين
فما تشيل هم ، هو واثق من سماكة رقبته
و واثق أكثر من موقفه
وبصراحة ، انا رغم وقوفي متفرجآ
أو على حافة المنبر
ظللت أتكلم مع دكين كلما سنحت لي فرصة
بأن يستعيد قلمه الرشيق وموضوعاته الجاذبة
ولا أخفي عليكم انه لم يكن يعير قولي وطلبي التفاتآ
كنت أحاوله وانا على علم بسلامة موقفه
الذي نلخصه في نقطتين :
1- من حق أي شخص أن يدقق في إختيار اصدقائه
وإذا ما تسلل له أحدهم بأي وسيلة كانت
مشروعة أو غير مشروعة ، برغم تدقيقه ذاك
فله الحق أيضآ في أن يغلق تلك الثغرة التي
تسللت منها الصداقة غير المقبولة
هذا الموقف سليم وينبغي الا يثير حفيظة أحد
2- ومن حق أي شخص نمت إلى علمه غيبة أن يلاحق
المصدر حتى يعرف من أين أتته الطعنة
هذا حق مشروع لكل مغتاب
و أيضآ ينبغي أن لايثير البحث والتقصي
للوصول للفاعل حفيظة أي أحد ، اللهم إلا الفاعل
| |
|
|
|
|
|
|
|
|
|
Re: ارفعوا اقلامكم عن دكين (Re: أبو ساندرا)
|
Quote:
2- ومن حق أي شخص نمت إلى علمه غيبة أن يلاحق
المصدر حتى يعرف من أين أتته الطعنة
هذا حق مشروع لكل مغتاب
و أيضآ ينبغي أن لايثير البحث والتقصي
للوصول للفاعل حفيظة أي أحد ، اللهم إلا الفاعل |
شكراً على وضوحك يا(أبوساندرا)
وبصمتك وتوقيعك مطلوبين عشان تكون قدوة للآخرين...
وكمان بضيف علي كلامك نقطة تالتة ...
إنو نحنا متهمين برضو... ومن حقنا نبرئ نفسنا...
ومن حق دكين كمان عليناكصديق إنو نبرئ نفسناقدامو ...
ولا شنو؟
| |
|
|
|
|
|
|
|
|
|
Re: ارفعوا اقلامكم عن دكين (Re: Amira Elsheikh)
|
(جرس)
- الو ؟؟
- السلام عليكم .. كفيك ياخينا..
- وعليكم السلام مرحب..منو معاي ؟؟
- دكين معاك؟؟
- دكين ؟؟دكين بتاع قصيدة عبد الرحمن الريح؟؟انتا حي؟؟
- الريح؟؟هو بلاي كان عبد الرحمن الريح؟؟ ياخي ماعلينا..انا بس..
- لا معليش انتاعايز تغالطني ..تضرب لي وتغالطني..دي موش الفيهاالبيت البقول (كعب نوم النهار أمس العصير كنت نايمه
رأيت قدام الفريقنا أشوف صقوراً حايمه)
- ياخي حرم ماعارف فيها ولا مافيها انا الناس القتهم ديل ذاتو ماسمعتا بيهم ..بس انتا متاكد انها كانت (صقور) ما (بط)؟؟
ياخي انا دكين ..انتا مابتعرفني بس انا دكين بتاع سودانيزاون لاين ..
- سودانير اون لاين؟؟ انتو عملتو موقع الكتروني زي بقية خطوط طيران العالم مبروك..اها رقمي ده فاز بي تذكرة ولا دي حركات منكم ..كمهاالجايزة بتاعتي؟؟
- ياخينا بطل استهبال وحركات الزول الماعارف دي ..انا دكين ..دكين الذي اتاكل لحمة حيا وماكرهتموه..انتا حتعمل لي رايح ولا شنو؟؟
- ايواااااا.. ده شغل مجانين معناتا..خير يا اخ دكين في حاجة ..
- لا بس قتا اضرب اسالك انتا (الهليت ) على وهبة بتلفونات اعتقد وهبة على اثرها انو (الجزمة ذاتو ظلما)؟؟
- وهبة ..تلفونات..هليت؟؟جزمة؟؟ ياخينا انتا عارف انتا ضارب لي منو ..شكلو كده ضارب غلط ياحبيب..
- لا ياخي ماغلط ولا اي شي انتا موش دي نمرتك(**********) ؟؟
- ايوه نمرتي ..بس من بتين الواحد بضرب لي زول بي نمرتو ..لحدي قبل انوم امس الناس كانت بتضرب لي بعض بالاسماء والعرفة؟!!
- معليش ياخي ده ظرف طاري فرضتو ظروف تغير احوال الرجال في هذا الزمن الــواطي..
- واطي؟؟ ياخي ممكن تتخير الفاظك لو سمحتا..
- اسف بس دي الفاظي كده عجبتك عجبتك ماعجبتك خلينا في موضوعنا..
- انتا حيوان؟؟
- لا انا قتا ليك انا اسمي دكين ..
- انتا يازول الله ماليك..عايز شنو بالضبط؟؟
- ياخي انتا شكلك مابتسمع كويس ...الانا عايزوقتو ليك وموجود في السطر الرابع من هذه المكالمة التلفونية..ارجع ليهو انا بكرر كلامي بي مزاجي بس ..موش وفقا لما يطلبه المستعمون..
- لا لا لا ..انتا الظاهر عليك داير شبك ومشاكل..وشكلك مجنون..
- ياخينا والله لو استهديت بالله وكنتا خليت بالك لي كلامي ده حتلقى انو انا اصلا ماقليت ادبي معاك..بس دي تنشنة منك ساي وضيف افق..انا حاريها في السودانة لذلك لسع مواصل معاك طلبي..
- ياخي كرهتني انا عايز مني شنو بالضبط ؟؟انا لا بعرفك ولا شفتك ولا عايز ذاتو...ولو سمحتا تاني ماتضرب لي هنا..
- خلاص كده وصلنا لي نتيجة ممتازة ..ممكن بس توصف لي بيتكم وين عشان اجيك وتوقع لي على حتة (انك مابتعرفني دي) القتها دي لاني محتاج ليها..
- (كلك)..
| |
|
|
|
|
|
|
|
|
|
Re: ارفعوا اقلامكم عن دكين (Re: DKEEN)
|
سلام يا أبو لقاء
لو رفعت كلّ الأقلام عن هذا الوغد و ظل هناك قلم يلفظ آخر روح حبر فيه .. فاعرف أنه قلمى ..
الزول دا لو كنت رئيسة المباشر .. لفرغته عن العمل لمدة قرن .. براتب كامل لا ينقص ريالا .. بعلاواته و بدلاته .. و لتخيّّرت له قصرا منيفا فى الرصافة .. جهّـز بأفضل ما يليق بالقصور .. و ملأت كل ردهات القصر بالأقلام و الأوراق و اللابتوبات و قلت له
يازول هذا قدرك فاكتب
أعرف أن رأسه أحيانا قوى و ناشف
و سيقول ما أنا بكاتب
سأقول أكتب
فيقول ما أنا بكاتب
و حين يرددها ثلاثا
سانهره .. ّ يا أيها الوغد .. "الأحوال" و "المراسيم" و "الأوراد" هل كانت شيٌ من العفن أم طرف من خبر الاخرة
| |
|
|
|
|
|
|
|
|
|
Re: ارفعوا اقلامكم عن دكين (Re: Ali Alhalawi)
|
| Quote: ومن حق دكين كمان عليناكصديق إنو نبرئ نفسناقدامو ... |
شكرا اميرة على هذا الاختصار الواضح لهذا الجانب..
اها انا الحق ده ذاتو ما ساكيهو عنوة واقتدارا لانو ليس من لي انا افعل ذلك..فهو خاص بكم كما اسلفتي..
وانتو الذين تملكون منحه او عدم منحه..
فمن منحه باختياره فقد ابرني ..
ومن تحفظ فهو من حقه ولا الومه على التحفظ..
وكلا المتحفظ والمانح عندي في تمام الاحترام وحسن ظني كما اكدت مرارا..
انا ليس لي حق في ان احمل الناس على تبرئة انفسهم من اتهام القوالة الساقه وهبة..
والقوالة دي ذاتا خشوم بيوت..
فمن نقل الى من يحسبه صديقا عزيزا كلاما وصله عن اخر ..فهو في عرف بعض الناس غير قوال وليس متهما بالضرورة..
وما سعيي الى فعائلي هذه سوى ان ارى اين ظلمت هذا الناقل(إن وجد اصلا وكان وهبة محقا واحسبه من الكاذبين)
لكي ارى افي اهله ام بدنة ام عافيته قد ظلمته..
لن اعتذر عنما فعلته اليه في غالب الاحوال..
فهو لايستحق الاعتذار عن فعل اتيه انا فشكاه الى غيري..
فلينصفه هذا الغير ان استطاع..
ولكني ساكفيه ظلمي واجعل بيني وبينه سدا فلا يصله السوء مني مادامت الديمومة
اها الجانب التاني
هي مسالة هذه الصفات التي الصقها وهبة جزمة وبطة وظربان معفن وماهو منصوص على ملا الناس هنا وليس في مكان اخر..
وهذه مسالة انا بحلها مع وهبة..
تدخل الناس فيها غير محمود..اما وقد فعلو فليس في مقدوري ان امنع رايا يراه كاتب بالغ مبلغ ومختار
اعلاني في هذا المنبر مبني على عدة امور
اولهم انو وهبة ده انا عرفتو هنا وليس في مكان اخر
تانيا المشتركين الاعزاء الذين خاطبتهم وجزء كبير منهم برضو من هنا
وتالتا انو انا عايز احس باني بقدر افعل(من تفعيل) اختياراتي دي في الدنيا دي ولو على هذا العالم السايبر..
يشكو الناس من القمع كثيرا.. فاحبتت ان افيض..
احساسي بالغبن وكتموتو الاراء جواي فاض فبلغ الذبى في عالم البشرية هذا..
اقلاه ياخي امرقو انشالله هنا..
او في عشاء قريب اوفي لستة عليها تواقيع..
| |
|
|
|
|
|
|
|
|
|
Re: ارفعوا اقلامكم عن دكين (Re: DKEEN)
|
يا عز ..
أعملوها " كِرتِلّه " !!
كيف معاكم ؟
بدل لستة و توقيع و بصمة تجيب الريبة و الزعل .. أقلبوها كرتلة ياخ .
كرتلة كبيرة كده و مدغلبة .. و أي زول " يقطع " .
.....
ياخي كيتو تيق هي بتان ..
إكّي جبراييل , ِتِر مصيباً سوكي جُم ..
كِتو تيق أوووو أزيز .
| |
|
|
|
|
|
|
|
|
|
Re: ارفعوا اقلامكم عن دكين (Re: Emad Abdulla)
|
عمدة امبس
ياخي اللستة دي تاني مافي منها رجعة
اميرة مصرة تحددها ..لانو قالت الكلام المغتغت القالو وهبة ده بمسها كونها جزء من الدوحاباب..
وقات لي ماعندك شغلة بي ..دي مشكلتنا نحنا في الدوحة دي..
الزول ده قال ليك جزمة
وعملنا قوالين
انتا شوف مشكلتك وين وشوف ليك ورنيش وخلي لي قصة القوالة دي..
ــــــــــــــ
teron fatisanki
i bketmo
الترجمة بي عربي دنقلا
ترون فطيسنكي اي تكي بموقمو.
الترجمة بعربي عموم السودان
حدو يقول لي انا كضاب او يقول لي ديل ناس فلان..
الترجمة بي لغتي الخاصة:
يا اخسر باص ويردي ده ماسوف عليه ..
يا اخسر صديق
يا يقول انا كضاب محل ماقال قوالتو هنا في بورد بكري ده..
| |
|
|
|
|
|
|
|
|
|
Re: ارفعوا اقلامكم عن دكين (Re: DKEEN)
|
واحدة من بركات دين انو ظهر الفنان علي الحلاوي من جديد , يازول بتقتس وين انت ؟
مشتاقين شديد والله و الامانة في الذُمة اوعكـ ترفع منو قلم ولا طبنجة , والرد بالسد 
يا شباب و شابات اولا اعتذر إعتذار كبير علي عدم المتابعة , الجري وراء المعايش كتير لكن قطع شكـ
الويكـ اند ده حا نقضيهو مع بعض , و أ‘تذار تاني لكل زول ما رديت عليهو إندفدولي بسبب طبيعة البوست( بوست مفتوح)
فشكرا لتكبدكم المشاق و البوست بوستكم إتفضلو .
اميرة الشيخ
سلامات يا بتنا , حقو قصة التوقيعات دي ترخوها شوية لانو وفقاَ لثقتي في فطنة القارئ المتابع القضية اصبحت واضحة
اسه و القارئ فهم الحقيقة ويين . من حقكم صاح انو تّبرئوا انفسكم لكن كمان تّبرئوها من شنو ؟
هل معقول نخلي الخوف من القوالات يا اميرة هو البحدد حركة حياتنا او مواقفنا؟ امال رقيب و عتيد ديل دورهم شنو ؟
دعي ما لرقيب لرقيب و ما لعتيد لعتيد و كله في اللوح المحفوظ + ارشيف بكري.
دكين عمل العليهو هنا بي بوستاتو و انتو اكبر من قصة التشكيكـ في نزاهتكم (اعني كل بورداب الدوحة).
ويا ناس الدوحة اصالة عن نفسي و نيابة عن عماد عبدالله الشهير بودالتوم , لم يحدث قط ان ساورنا مجرد احساس ان اهل
الدوحة الذين خبرناهم لسنوات طوال هنا يمكن ان يخوضوا في اوحال كهذه , عهدناكم سودانيين اصيلين لا تغتابون اخوانكم
و بورداب شجعان تقولونها في عين التخين او الضعيف , تعرفون قدر الناس و قدر انفسكم.
| |
|
|
|
|
|
|
|
|
|
Re: ارفعوا اقلامكم عن دكين (Re: mohamed osman bakry)
|
Quote: ويا ناس الدوحة اصالة عن نفسي و نيابة عن عماد عبدالله الشهير بودالتوم , لم يحدث قط ان ساورنا مجرد احساس ان اهل
الدوحة الذين خبرناهم لسنوات طوال هنا يمكن ان يخوضوا في اوحال كهذه , عهدناكم سودانيين اصيلين لا تغتابون اخوانكم
و بورداب شجعان تقولونها في عين التخين او الضعيف , تعرفون قدر الناس و قدر انفسكم. |
ابو لقاء ...
مافى زول قال زى كلامك دا...
لانو الناس دى جزء كبير منها ساورهم شك نحن قوالين
وفى ناس مشو ابعد من كدا وقالو دى عادة ناس الدوحة
البوستات دى كلها شفت ليك زول جا وقال الكلام دا غلط فى حق ناس الدوحة
حاجة مهمة ياخدر...
كلام الليلة دا كلو شان بكرة تانى مايجى زول يفتح خشمو ويقول كلام فارغ
انا شخصيا اى زول يجى يقول ناس الدوحة قوالين بقيف ليهو فى حلقو
شكرا ياطارق....
| |
|
|
|
|
|
|
|
|
|
Re: ارفعوا اقلامكم عن دكين (Re: Amira Elsheikh)
|
الاخ محمد عثمان بكري
المثل ده حسب علمي اللدني فان الطائر الذي كان يشغل فيه حيزا هو الوز..
فهل لتغير نوعية الطائر والاستعاضة عنه بالبط اي علاقة بي مايدور هذه الايام عن البط؟؟
وسلامي واعتذاري يغشى البط والوز وكل الطيور التي ظلت مؤخراتها نهبًا لامثال الانسان..
| |
|
|
|
|
|
|
|
|
|
Re: ارفعوا اقلامكم عن دكين (Re: Tabaldina)
|
سلام ابو لقاء
سلام دكين
بعد الغياب الطويل ابحث
فى مقعد بينكم
فهل من مقعد شاغر او حتى بنبر يا تبلدينا
ومحتاجين لمديح اولاد حاج الماحى
لكنى ما عارف ياتو مدحة
سلام
| |
|
|
|
|
|
|
|
|
|
Re: ارفعوا اقلامكم عن دكين (Re: Tabaldina)
|
Quote: أبو لقاء
ما ممكن تكون انت زول فنان ومرهف الاحساس وبطيبتك المعهودة
وبخلفية اننى لم يحدث ان اسئت اليك او اسئت الىً تأتى وبلامقدمات
تصفنى وكأننى درويش او اروش يعبر هنا .. بل يمكن ان يكون
معدل تركيزه اقل ..
تعال واسألنى ما الذى لم يعجبك يا تبلدينا فى الإقتباسات ؟؟
ودعنا نتفق فى هذا او ذاك ونتناقش بيننا وقد نختلف تماما ولا غضاضة
وقد نصل الى اتفاق ولكن مسالة تجى بكل عدم ذوق وتقول لى بطل رواشه
تترك الفكرة التى طرحتها انا بأن هذه الاقتباسات وان السيل بلغ الزبًي
غير مريحه .. وتتجه مباشرة لشخصى لتصفنى بالرواشه فهذا لا اقبله منك ..
وهذا للعلم ولزم توضيحه .. |
صالح سلامات
ابشر بالخير يا فنان , صاقرني زي ما عاوز و اسف علي تأخير الرد اولا
تانيا اعتذر عن اي أحساس بالتقليل ليكـ وصلكـ مني يا سيدي
| Quote: تعال واسألنى ما الذى لم يعجبك يا تبلدينا فى الإقتباسات ؟؟ |
بالنسبة للكوت و سؤالكـ فيهو يا صالح لو ركزت شوية حا تنتبه لي انو انت اصلا سألت و جاوبت
في اول تعليق ليكـ في البوست ده , انت قلت Quote:
..
.
حسي الاقتباسات دى عاجباك؟؟
عجباً
بالله قولوا خير لاصلاح ذات البين
او لتصمتوا...
___________
حميده شوف لاميرة دى دلوكة؛ |
يعني يا صالح مافي لا طريقة لا وكت اسألكـ بيها خاصة بعد كلامكـ لي حميدة
مداخلتكـ يا صالح في مجموعها فيها حمولات ما لطيفة ضدي و ضد اميرة
و سميتها عديل انو انا يا اقول لاصلاح البين او اصمت و كأنما انا بولع في نيران
بين دكين و وهبة . و صورت اميرة كحاملة دلوكة تحرر بها إوار المعركة
يا صالح انت زعلت و انا اعتذرت ليكـ اسه احتراما لعلاقتي معاكـ و ليكـ
لكن انت راجع مُداخلتكـ العدائية الاولي و راجع كلامي ده و قول لي اخف (رواشة) القلتها انا
ولا الاوصاف الدمغتنا بيها انا و اميرة في مداخلتكـ الصغيرونه الفوق دي ؟
اكرر إعتذاري ليكـ تاني
اعدل يا صالح قبل ان تغضب لنفسكـ
الموده يا فنان
| |
|
|
|
|
|
|
| |
خدر
Emad Abdulla
على محمد على بشير
فيصل محمد خليل
أسامة عبد الجليل
أبوذر بابكر
ريهان الريح الشاذلي
محمد عبد الماجد الصايم
حاتم الياس
مزمل خيرى
ممدوح أبارو
humida
سيف اليزل جعفر عبد الرحمن
ABUHUSSEIN
الملك
كمال علي الزين
haroon diyab
حيدر حسن ميرغني
صديق الموج
تولوس
انعام عبد الحفيظ
Yassir Tayfour
أبو ساندرا
عصام عبد الحفيظ
فيس بوك
تويتر
انستقرام
يوتيوب
بنتيريست