|
Re: عزومة مراكبية يا مني خوجلي (Re: Muna Khugali)
|
Quote: أها.. جاي لندن نحضر التورته والشموع والبالونات ولا كيف؟؟ |
وتيب
ماهدي عزومة المراكبية ذاتها
السنة دي الظاهر انشغلت بالاولاد
الله لينا اناو اية
مايهمك يا اية
كل سنة البوستات قبل شهر تتطاقش
كل سنةوانتي طيبة ليك علي عزومةمدنكلة
| |
|
|
|
|
|
|
Re: عزومة مراكبية يا مني خوجلي (Re: yasir Abdelgadir)
|
Quote: وتيب
ماهدي عزومة المراكبية ذاتها
السنة دي الظاهر انشغلت بالاولاد
الله لينا اناو اية
مايهمك يا اية
كل سنة البوستات قبل شهر تتطاقش
كل سنةوانتي طيبة ليك علي عزومةمدنكلة |
شوفت حبوبة مني بقت كيف؟؟ عيد ميلاد بتها الوحيده ما احتفلت بيه.. قمت بس الصباح بوستها وقلت ليها كل سنة وانت كيبة.. وبعدين استهبلت شويه وقلت ليها عازماك بره.. واخترت مطعم للعزومه وانا اعلم علم اليقين انها ما هاتقدر تمشي..
تمشي كيف ويوسف عمره 3 شهور ومعتبرها بقرته التي ترضعه طوال اليوم؟؟ حبيبتي حننتني والله..
قالت لي بأدبها ورقتها ومسكنتها ديك.. شكرا ياماما علي العزومه..لكن ما بقدر علشان يوسف بيرضع.. وذاتو لازم أخلص كتابة الاساينمنت بتاعتي!
يا حليل العيد ميلادات والاحتفالات! انا قبل عيد ميلادي بتلاته شهور بيجيني اكتئاب.. بس بمثل علي نفسي.. في الاعياد وفي عيد ميلادي بكتب كروت لنفسي وارسلها علي عنواني تصلني يوم العيد.. اها..بخت الكرت قدامي واصله آيه بتكون محضرة ليها كيك وخلاص..
لكن آيه مرات بتخرب لي مزاجي دون ما تقصد.. بعد الاحتفال البسيط تسألني..
أها مشاريعك شنو للمستقبل؟؟
مستقبل شنو ومستقبل منو؟!!!! تعال يا ياسين ولدي أدني موية من الزير!
عامل عزومتك المدنكلة المستهبله دي.. أسه ليك اربع سنين عازمني!
| |
|
|
|
|
|
|
Re: عزومة مراكبية يا مني خوجلي (Re: Muna Khugali)
|
Quote: في الاعياد وفي عيد ميلادي بكتب كروت لنفسي وارسلها علي عنواني تصلني يوم العيد.. |
أها ....يعني السنة دي نكتب خطاباتنا برانا....زول بهببو لينا مافي
كنت بمني نفسي بي سلطةأسود كاربة...جهزت ليها تذكرة فيرجن أتلانتك واشنطون لندن دايركت
أما عن اية: ولا يهمك....حأرسل ليها من هنا كاسة ايسكريم خطيرة تجيك بي فيدكس دايركت
| |
|
|
|
|
|
|
Re: عزومة مراكبية يا مني خوجلي (Re: yasir Abdelgadir)
|
Quote: أها ....يعني السنة دي نكتب خطاباتنا برانا....زول بهببو لينا مافي |
يازول اكتب جواباتك من بدري.. ووبعدين احسن رسلهم بالبريد المسجل علشان تضمن وصولهم.. والله بوستة لندن بقت غريبة! كل يوم يرموا جوابات الجيران عندي..اقوم انا اعمل فيها ساعي بريد وارميها ليهم في عنوانهم!
المهم نصيحة لما يجيك الخطاب المسجل لازم تندهش وترسم علي نفسك شعور المفاجأه.. وأول ما تفتح الجواب ما تقرا التوقيع..ولا أقول ليك.. أساسا ما توقعه! وبس اقراه واعمل بيه برنامج.. زي برنامج البوست ده..
Quote: كنت بمني نفسي بي سلطةأسود كاربة...جهزت ليها تذكرة فيرجن أتلانتك واشنطون لندن دايركت |
عارف بفي كده انت كنت ناوي تنتحر عديل..يعني هي كانت ناقصة سواد؟؟ عيد ميلاد وسلطة أسود؟؟ قدر ده انت زعلان من الدنيا؟؟ الحمدلله ربنا ستر يا ياسر!
Quote: أما عن اية: ولا يهمك....حأرسل ليها من هنا كاسة ايسكريم خطيرة تجيك بي فيدكس دايركت |
وآيه منتظراك..زي ما انا منتظرة العزومه لي اربعه سنين..
المهم بعد ده كله..احتفلت كيف؟؟
| |
|
|
|
|
|
|
Re: عزومة مراكبية يا مني خوجلي (Re: Muna Khugali)
|
Quote: والله بوستة لندن بقت غريبة! |
جاتها إنفلونزا خنازير ولا شنو؟؟؟
خسارة...كل أبحاثي كنت أرسلهابالبوستة,,,وكانت البوستة زي قطر عطبرة بالدقيقة والثانية
Quote: عارف بفي كده انت كنت ناوي تنتحر عديل..يعني هي كانت ناقصة سواد؟؟ |
أنا عارفو يوم أسود ومنيل من أوله
Quote: منتظرة العزومه لي اربعه سنين.. |
أربعة سنين..........
Quote: المهم بعد ده كله..احتفلت كيف؟؟ |
مش لما يجي الاول
| |
|
|
|
|
|
|
Re: عزومة مراكبية يا مني خوجلي (Re: yasir Abdelgadir)
|
الله؟ ما أكيد جه السنه الفاتت.. أمال انت عايش كيف؟؟
والله لندن من ساعة ما ملينها احنا الغربا وحالها اتلخبط! يالله..هم عايزين يعيشوا متحسنين طول عمرهم؟
عارف ماما جاره ليها كم سنة كده مطنشة من عيد ميلادي؟؟ يعني كل سنة وانت طيبة ساكت ما بتفولها..وبعدين انا بكون متغاظة ولابده.. اصله عيد الام بعد عيد ميلادي باسبوع! في بداية شهر مارس قلت المح ليها علشان ما تنسي.. ختيت كباية القهوه جنبي وقعدت في الكرسي القداما وانا راسمة تعبير زول بيسترجع في ذكريات حلوه..
ياسلام يا ماما ..شوفي الايام بتجري كيف.. مارس جه! وبعدين زدت في الكلام بصوت متحمس واعلي..
شوفي فيهو عيد ميلاد منال..بعده باسبوع عيد ميلادي..
ثم نهيت عبارتي بتنهيده قلت بعدها.. وبعده باسبوع عيد الام!
ردت .. كويس يعني الهدايا الجاياني قربت!
قلت فرصة واضحة الواحد يعبر عن غيظه القديم.. طيب مش تتذكري يا ماما اولا تقولي لينا كل سنة وانتو طيبين وخاصه انه عيد ميلاداتنا قبالك؟؟
شوفت ماما ردت شنو؟؟
انا اتذكر مين ولا مين؟؟
انتو 7 وأنا واحدة!
لولا انها أمي وما ممكن تسحر عيالها كنت خفت!
| |
|
|
|
|
|
|
|