|
|
 سجم السفاحين لو كانو زي هاني سلامة
|
يقول ولدنا احمد التجاني
عن مظاهرات في مدني ايام نميري
قام البوليس بالقاء القبض علي بعض الطلاب المتظاهرين
وفي التحقيق سال الضابط الطلاب عن اسمائهم
واحد طلع اسمو هيثم والتاني امجد والتالت وائل
الضابط قال ليهم عليكم الله امشو
مظاهرات شنو البعملوها ناس هيثم وامجد
|
|
 
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
سلام ياخلي
خلاص كملت النقة في المريخ وبقيت لي في الجماعةالطيبين ديل
كان بريدو اشيل العيش فوق راسي من القضارف لي ساو ليل
وبعدين صنقيرك ده مش تشيل بيهو من القضارف ....من هبيلا ,عيش وسمسم
قال شنو قال كيكي يبقي دراكولا...
آدم العشا
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
| Quote: كان بريدو اشيل العيش فوق راسي من القضارف لي ساو ليل |
خليل ساو ليل,,دى ياها القرية التى تقع غرب الصمرقع
ياخى قول لناس المسطبة الحمراء دى ما تدسو الكور
ما نزيدكم على الواحد بس استمتعو بلعب بالبرشا
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
تعرف يا خلي في نهاية التزعينات كدا (اذكر ايامها مسلسل الضو الشارد فيهو ممدوح عبد العليم ويوسف شاهين ومحمد رياض ومني زكي بينهم قصة حب تاريخية) اخوانك اللهم انحنا كنا متعطلين في بيت صاحبنا فيصل انحنا والشلة كلنا متخرجين جداد وما لاقين شغل فكانت ( الوست) هي ضالتنا ,
التسمية قامت مني باص , الشمالي سماها مربوطة زميلي (محمد) مررها دخل الاخير علي مربوطة زميله , الاتو تقريبا اتحت زي صفق الشجر من ايدينا , صحبي محمد سارح , قلت ليهو يا ابو حميد ركز معانا مالك سارح : قال لي ياخي (######) الاسمه محمد رياض دا قفلها معانا ؟ كلنا انتبهنا ليهو محمد رياض منو ؟؟ اجاب ياخي الممثل المصري دا!! كلنا : وقفلها معاك كيف؟ قال : ياخي لامي الحناين كلها مني زكي وحنان ترك وما خلي ليهو ممثلة ما مكسرة فيهو واضاف ياخي الزول دا مكجنه لله كدا, انفجرنا بالضحك كلنا واستغلت الموقف ودكيت الورق الماشي علي السيك .
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: اساسي)
|
اساسي يا حبيبو
تعرف كمان محمد رياض سقيل سقالة ودمو (مارقوتي)
وكمان نسيب السقيل الكبير محمود يس
طبعا مسلسل الضوء الشارد اعتقد اول ظهور لمني زكي
وكانت بت زي الرتينة
لكن رايك شنو في حجاب حنان ترك مش يحرق الفشفاش
تحياتي
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
سلام خليل ..
تامر حسني مكروه لدي غالبية الجمهور المصري ..
شهدت بنفسي مقدار هذا الكره عند حضوري لحفل للفنان محمد منير بالمسرح المكشوف بالاوبرا حينما أحضر معه تامر حسني ليؤدي إحدى الأغنيات معه ورأيت كيف أن الجمهور إستاء من حضور تامر حسني وكال له السباب بإجماع غير سكوتي .. وربما يعزى هذا للجريمة التي أدين بسببها تامر وقضى فترة من حياته بالسجن وهي جريمة التهرب من الخدمة العسكرية في مصر ..
صنفرة :
غايتو تامر دا اوجه منو محمد المهدي الفادني !!
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
خليل
الصورة التي وضعتها د/ بيان على ما اعتقد لريتشارد جير الزوج السابق لسيندي كراوفورد، غايتو لو ما بتعرف سيندي مشكلتك مشكلة.
Quote: ود اختي
والعجب خالد ابو النجا
كان بريدو اشيل العيش فوق راسي من القضارف لي ساو ليل |
اعتقد انه ابو النجا دا عنده باقي اهل في السودان فما تعملونا لينا مشاكل معاهم.
بحسب طبيعة عملي فقد قابلت كثير من الفنانين منهم تامر حسني واحمد رزق وسليمان عيد وسعد الصغير
سعد الصغير : متواضع جداً وبسيط وطيب
احمد رزق صراحة سلمت عليه بس وكان لابس احرام فما اتكلمت معاه وتاني ما فضيت له.
تامر حسني: البعرفه انه جاء الفندق على حساب والده وكانت معاه اسرته كلها امه وابوه واخوه واخته (بالمناسبة اخته كوبي بيست منه) ووالده رجل اعمال وعرفت انه هو الدافع قروش العمرة لانه البعض افتي تامر انه قروش الغناء ما بيعملوا بيهن عمرة. المهم البشهد بيه انه تامر ما فوت صلاة صبح في الحرم في ايام وجوده.
سليمان عيد، والله الزول دا من شدة ما طيب يسلم عليك برا شغلة (الزول امه سودانية) الطيبة دي مننا.
ملحوظة:
والله يا جماعة شغل المكياج دا يحير لانه الناس ديل على الطبيعة ما عندهم علاقة بشكلهم في التلفزيون.
اما اداء هاني سلامة لدور لسفاح والله مفروض يسموه سفاح جاردن سيتي المنشية سفاح (عفراء) ولا (سفاح لذيذ) ممكن تنبلع لكن سفاح زيه زي المليجي وفريد شوقي دي كتيرة شوية.
خليل خليك مع العصر دا سفاح اخر زمن.
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
يشهد الله يا خليل مصطفى قمر دا لما اشوفه ساهي بقرب اطرش والعلاقة بيني وبينه هي المسافة الفاصلة بين شوفتي ليه في الشاشة وضغطتي على الريموت.
دم ده من شدة ما تقيل لو كبوا فيه موية المحيط الهادي كلها بتنقلب حمراء.
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
فورت دمنا الله لا يفور دمك.
ياسمين عبد العزيز مثلت فيلم مع سامو زين فيه العجائب والغريبة ان منتج الفيلم زوجها محمد حلاوة - رجل الاعمال بعد ما شاف مقاطع من الفيلم لما الشريط وحجب الفيلم( انا عافي منه الضكر الغيور).
ياسمين ليست حصراً على مصطفى فهي (ملك لعامة الشعب) مش هي ثروة؟
| |
|
|
|
|
|
|
|
|
 Re: سجم السفاحين لو كانو زي هاني سلامة (Re: محمد عمر الفكي)
|
Quote: يشهد الله يا خليل مصطفى قمر دا لما اشوفه ساهي بقرب اطرش والعلاقة بيني وبينه هي المسافة الفاصلة بين شوفتي ليه في الشاشة وضغطتي على الريموت.
دم ده من شدة ما تقيل لو كبوا فيه موية المحيط الهادي كلها بتنقلب حمراء. |
أول مرة اتفق مع محمد عمر الفكي في حاجة .
وعشان أبوظ الإتفاق في نفس المداخلة أقول :
لبيك يانصر الله لبيك يانصر الله
:)
.
.
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
خليل
معلوماتك قديمة يا فردة
ياسمين عبد العزيز مثلت مع سامو زين مشاهد اسخن من البوس اضطرت زوجها لوقف الفيلم، منى زكي اخر افلامها (احكى يا شهرزاد) مش فيه بوس بس فيه غمت في السراير مع واحد من نوعية ناس هاني دا والاشاعات تقول انه الفيلم عمل لها مشاكل مع زوجها (احمد حلمي) لدرجة الطلاق كما تقول الاشاعات.
الازهري،
والله شكلها معجزة اتفاقنا دا ، على العموم سامحناك لكن تاني ما تكررها.
| |
|
|
|
|
|
|
|
|
|
Re: سجم السفاحين لو كانو زي هاني سلامة (Re: khaleel)
|
سلام ياخلى
أنا والله أولاد الزمن ده متابعم .. وما بتلفق معاى كموديتم لامن سفاحينم .. عن جماعتك ديل Quote: عليك الله ما شفت عمك توفيق الدقن
وللا خالك فريد شوقي
سفاحين بالجد |
توفيق الدقن كان بتقن دور الخبيث أو الحشاش أكتر من السفاح .. وفريد شوقى كان هراش ساكت .. بونيتو زى الهنود .. الكان سفاح محمود المليجى ..
ما تسمعنا منى عمر الشريف ظهر على أكتاف فاتن حمامة .. ما عرف يمثل إلا عند الخواجات ..
ياخ أنا بطلت أتابع أولاد بمبة ديل من زمن هانى شاكر .. تجى تقول لى هانى سلامة السفاح .. ده زى فرق الكراع من الرجل ..
| |
|
|
|
|
|
|
| |
khaleel
Amin Mohamed Suliman
خالد عبد الله محمود
Muna Khugali
عبدالكريم الامين احمد
Adam D.El-Asha
abuguta
ALazhary2
اساسي
ناذر محمد الخليفة
حبيب نورة
مزمل خيرى
محمد خليل ساني
محمد المرتضى حامد
محمد عمر الفكي
ممدوح أبارو
رأفت ميلاد
عبدالله كع
فيس بوك
تويتر
انستقرام
يوتيوب
بنتيريست