|
|
 احزان ×احزان ---ومات عثمان نقد
|
يجمعنا حي واحد --بيت المال
انا اسكن شمال الي وهو في وسطه (حلة الطاهر )
كل اجازاتي اقضيها بالقرب من جدي فقير الله يرحمه
كان جدي يحب طقطقة الاصابع وعمل مساج للرجلين (التعصير)
وكنت اجيد هذه الفنون بالرغم من صغر سني والتصقت بجدي وبحلة الطاهر لعبت في ازقتها وصادقت من كانو في عمري من البنات --كثيرا ما يرسلني جدي لشراء التمباك من دكان ابراهيم الذي كان قريبا من بيت ناس نقد --كثيرا ما ياخذ الحقه من يدي ويجري اجري وراءه واشتكيه لبت عثمان والدته تزجره وتعطيني الحقه بعد ان توصيني بان لا اخبر جدي كي لا يزعل من عثمان --
وهناك شئ اخر استرعي انتباهي هو تهامس بعض النسوه بان فلان اعتقلوه او علان في السجن --لانهم شيوعيين --لم يستوعب عقلي الصغير الكلمه معناها ولماذا يطاردهم البوليس --سالت جارتنا فقالت البوليس بيطاردهم لانهم بيعرسوا اخواتهم وامهاتهم --الكلام افزعني فسالت والدتي فقالت يا بتي الكلام كثير لكن في الحقيقه الشيوعيين ديل ما شفنا منهم حاجه كعبه
ناس نقد اكثر ناس محترمين في الحله
ناس طويل برضو
وياهو دا شيخ الطيب بابكر من اميز الناس في الحله
وظل السؤال معلقا في ذهني
اتت ثورة اكتوبر وفتح الحزب الشيوعي داره في بيت المال وذهبنا الي هناك واستمعنا الي عبد الخالق --نقد والتيجاني --واتي الخريف واتي عثمان وبعض اعضاء اتحاد الشباب لتقديم الخدمات من فتح الجداول وتسليك السباليق للحي
كنت اراه دائما مبتسما هاشا باشا
كثير السخريه وودودا وبالو طويل خاصة مع الخالات --
وبعد سنوات اتت بعثات الاتحاد النسائي ووافق ابي علي سفري ويرجع الفضل للاخ الاكبر صديق نقد
اتت بت عثمان لتطمين الوالده
اخوها عثمان هناك ما تخافي
كما اتت الحاجه امينه والدة شوقي بدري لذات الغرض (التطمين )
عاصرته في براغ وفي كورس اللغه وكان كما عهدته دائما متفائلا ودودا
وكثيرا ما يقول (الدنيا كذبه )
تدهورت صحته في الفتره الاخيره واصابه الفشل الكلوي ولزم العنايه المركزه لايام --لا يتحرك --الشخص الملئ بالحيويه كان بلا حراك
مات عثمان نقد وخلف لنا حسره والما
له الرحمه ولكل الزملا في بيت المال وكل الدنيا العزا
وان لله وانا اليه راجعون
|
|
 
|
|
|
|
|
|
|
 Re: احزان ×احزان ---ومات عثمان نقد (Re: ihsan fagiri)
|
لا حول ولاقوة...
قبله رحل معاذ ثم صديقه الروحى جعفر العطا..زرته وسألته:كيف حالك?فقالهابأسى :أهو ...بقينا جنائز ماشه,مستنين يوم نرقد..الرك عليكم إنتوا يامحمد..واصلوا النضال..
ياحليلك ياعثمان..شفيف الروح ,حاضر البديهه,وأخو الأخوان وقبلة الرفاق..
بم نبيك ياعثمان?
بالدم..?
بالدمع..?
سنبكيك بالعرق والجهد..
وسنواصل حتما مابدأته...
نم هنيئا يا رفيق..
التعزية موصولة لك يا د.إحسان وكل ناس بيت المال وأخص أشرف وأيمن وسونا وأميره وعموم آل نقد.
محمد مكى
| |
|
|
|
|
|
|
|
|
|
Re: احزان ×احزان ---ومات عثمان نقد (Re: محمد مكى محمد)
|
محمد المكي
كلما اتي للسودان وفي معظم الاجازات --اذهب لزيارته ونتذكر ايام كورس اللغه وبراغ
في هذه المره لم يكن كما عهدته --كان يائسا
مالك يا عثمان ؟
مش قلتو كل اول ليهو اخر
اها الاخر جه ما تتجرسو
رحم الله الاخ والصديق العزيز عثمان
| |
|
|
|
|
|
|
|
|
|
Re: احزان ×احزان ---ومات عثمان نقد (Re: طيفور)
|
له الرحمـــة والمغفـــرة
هى صفحـــات أحــزاننا التى ما فتئت
تحمل صباح كل يوم فقــد عزيز .. ندخـــره لغد قريب
له الرحمة والمغفرة ولأســرته الصبر الجميل
ولرفاق الدرب واجب العزاء
| |
|
|
|
|
|
|
|
|
|
Re: احزان ×احزان ---ومات عثمان نقد (Re: طه كروم)
|
قلبي معكم يا إحسان
حزني عميق ومكثف ولم أفق بعد من صدمة سمية وطه البصير وسيد طه ومحجوب الزبير.
عرفت الفقيد خلال الديمقراطية الثالثة وأثناء التحضير للإنتخابات.
كان عثمان هو صاحب إقتراح إنشاء التحالف الديمقراطي
ومن بعده إنطلقت التحالفات في الأحياء.
لآل نقد ولأصدقاء عثمان وللشيوعيين والديمقراطيين ببيت المال عزاءي الحار
| |
|
|
|
|
|
|
|
|
|
Re: احزان ×احزان ---ومات عثمان نقد (Re: مصطفى كدفور)
|
عثمان مات يا احسان؟؟؟؟
بضو؟؟؟؟
لااله الا الله
ما لهذه الاحزان ابت ان تنفك منا
كل يوم نصبح في حزن ونفد من نعز
هي ارادة الله نعم
ولكن تبقى العبرة والدمعة التي ادمت مآقينا
حزني عليك يا عثمان لا اعرف مداه
يا بشوش الطلة
يااااا رفيق الهم الكبير
عزائي لكل المعارف واحباب
لحق عثمان بتلك الكوكبة من ابناء بيت المال الذين سبقوه
ميرغني المحسي- جعفر العطا- وهم كثر
انا لله وانا اليه راجعون
| |
|
|
|
|
|
|
|
|
|
Re: احزان ×احزان ---ومات عثمان نقد (Re: أم سهى)
|
لا حولا ولا قوة إلا بالله
وها هو طير اَخر يرحل
واي طير
لك مرقد النور ياعثمان
ولنا المواساة ياإحسان
البركة فيكن/م
فينا
والعزاء لجميع ال نقد واهالي بيت المال واصدقائة ..
فقد واحد لكنه جلل ..
(وانا لله وانا اليه راجعون)
| |
|
|
|
|
|
|
|
|
|
Re: احزان ×احزان ---ومات عثمان نقد (Re: abubakr)
|
لا حول ولا قوة إلا بالله العلي العظيم
كبارنا يرحلون الواحد تلو الاخر دون إنذار
له الرحمة و المغفرة و العزاء موصول لكل الاسرة
في بيت المال الاعمام علي و عمر و الاخوان أشرف
و ايمن و الاخوات اميرة و فدوي و كل من خانتني الذاكرة
في إيراد اسمائهم .
قبل فترة وحيزة برضو انتقل الي رحمة الله العم عثمان حسين
الجار المقابل لناس عم عثمان نقد و كان فقده اليم جدا" و هزً
كل المنطقة ، حيث كان الدبلوماسي المرحوم عثمان حسين شخصا"
بشوشا" و ودودا" مع الصغير قبل الكبير .
يا ربي ترحم موتانا و تغفر ليهم و تجعلهم من اصحاب اليمين و يارب
تصبرنا علي فقد أحبائنا و كبارنا في غربتنا القاسية دي .
البركة فيكم يا استاذة احسان و ربنا يجعلها أخر الاحزان يااااا رب
| |
|
|
|
|
|
|
|
|
|
Re: احزان ×احزان ---ومات عثمان نقد (Re: ihsan fagiri)
|
إحسان فقيرى
تحياتى
علمت من فحوى البوست أن المرحوم عثمان هو شقيق
الأستاذ صديق (بابكر) نقد وعم أبنائه الأصدقاء
أشرف وأيمن .. أستاذ صديق نقد أول عميد لكلية أبى حراز
الزراعية .. أمدرمانى مملوء بخلق أهل أمدرمان الطيبين..
عاش وسط أهلى سنوات صار فيها واحدا" منهم إندغم فى نسيجهم وتماهى
فيهم تماما" ... أشرف وأيمن رفاقى فى الدراسة لسنوات بأبى حراز
وحنتوب الثانوية وداخلية جمّاع .. سنوات طويلة لم التقيهم ...
لعمهم الرحمة ولهم الصبر وحسن العزاء...
ولك الشكر من قبل ومن بعد
عبد الرحمن حمد النيل قوى
| |
|
|
|
|
|
|
|
|
|
Re: احزان ×احزان ---ومات عثمان نقد (Re: عبدالله الشقليني)
|
وتتقاطر دموع نزف جراح الحزن الاليم..
وحليل الراح..
كنازملاء دراسه فى صبا الايام...
المرحوم عثمان.نقد والدرديرى نقد.ومامون عبد العزيز نقد..
وعمر عبد العزيز نقد ووفاء بشير الشفيع.وكاهل صباحى...فى المرحله الوسطى..
وفرقتنا الايام.على مدى دورانها..وتجمعنا بعد سنوات .فى ليالى امدر..
مع صديق نقد..وصلاح مازرى .وكمال مازرى..ونسمات مساء بيت المال العريق..
ظللنا نلتقى بين الحين والحين..وكان عثمان كما هو وبذات اللطف والرقه..
وذلك المستوى الراقى من التعامل.ومن رقة الاحساس..
وافترقنا ثانية فى مشارق الارض ومغاربها. فى غربة لا لقاء بعدها.ولكن لم تبرح الذاكره صور تلك الايامالجميله..وزخم إنعتاقها..وبراءة تشكيلها..وإبقاع خطواتها..وتفاصيلها..
النديه..ظلت تطوف على الخاطر وتعيد رسم تلك اللوحه وتعيد تمديد حسر تلك المعارف الثره..
ليرحمك الله يا عثمان.فقد كنت حقيقة مضيئه فى زمان قاسى وجبار..\
وكنت ذلك الانسان بكل قياسات تلك المعانى ..
وكنت شعلة توهجت ثم إنطفات بلا إنذار..
نسال لك الرحمه والمغفره.ولجميع من عرفك وتعامل معك الصبر والسلوان..
| |
|
|
|
|
|
|
|
|
|
Re: احزان ×احزان ---ومات عثمان نقد (Re: ihsan fagiri)
|
.. يا إحسان :
حزين انا على عثمان
هو خال والدتي .. هذه واحدة
وهو صديقى و ذو مكانة خاصة عندي
فقد عدت في اولى إجازاتي السنوية وانا طالب جامعي
احمل في وجداني وذهني مشروعا يساريا - ماركسيا في عمومياته
فأخذني عثمان إلي واقع الماركسية كما هي حالة سودانية
حار عزائي لبيت المال من سبيل خلف الله الي مزرعة صلاح مرحوم و مهدي ود بابو في البحر تحت
حار عزائي لصديق، و عمر و علي
لأم سلمة، و صفية، و بت وهب .. و لكل الاهل بحوش محمد احمد نقد
| |
|
|
|
|
|
|
|
|
|
Re: احزان ×احزان ---ومات عثمان نقد (Re: أحمد طراوه)
|
سلسله من الاحزان في بيت المال -
طه البصير
سيد طه
واخرها كان عثمان نقد
بكينا وتالمنا وتذكرنا
وما زال الحزن مستقرا في دواخلنا
وعثمان كان صديق طفولتي ودرسنا في براغ
يحلو لي الحديث معه
له الرحمه
| |
|
|
|
|
|
|
| |
محمد مكى محمد
طيفور
Sidgi Kaballo
Dr Salah Al Bander
مصطفى كدفور
أم سهى
محمد الجزولي
abubakr
ABU QUSAI
Giwey
انعام حيمورة
شوقى حمزة
محمد عبد الماجد الصايم
Yousif A Abusinina
كمال علي الزين
Abdelgadir Galal Ahmed
عبدالله الشقليني
كمال ادريس
عاطف مكاوى
رأفت ميلاد
Kostawi
أحمد طراوه
Aymen Tabir
Badreldin Ahmed Musa
فيس بوك
تويتر
انستقرام
يوتيوب
بنتيريست